المساعد الشخصي الرقمي

مشاهدة النسخة كاملة : قصيدة الشاعر مفضي محمد الربيلي (( الملك سلمان))


عبدالرحمن اليمني
20-04-2015, 01:52 AM
ياسيد الوقفات ياطيب الفال
في عاصفة حزمك نشوف الفعايل

فعايلك يا سيدي برق وخيال
سيلً امزونه في سمانا مخايل

سلمان ابن عبدالعزيز ابن الابطال
ابن الملوك امعربين السلايل

اسمً يطول العز لكن ماينطال
ملك ولايحتاج طيبه دلايل

قال اضرب الحوثي ترا صبرنا طال
ياصقورنا هدوا على اهل الرذايل

خله يذوق الموت قصاف الآجال
من فعلنا نبرررد كبود وغلايل

اجنودنا في ساحة المجد تختال
شف فعلها مابين صايل وجايل

حنا حماة الدين كان الزمن مال
وتاريخنا وامجادنا بالاوايل

قولوا لخامنئي ترى قدمك رجال
والا انت ما نته من عيال الحمايل

ثورً امعمم حرك اعفون واذيال
ومن ضربنا شافوا امورن هوايل

حنا عيال اسود واشبالنا اشبال
في ساعة الشده نقف مانسايل

تضرب يمانينا وهي مضرب امثال
اكفوفنا تندى افعولً جزايل

احفاد ابو بكر وعمر عز الاجيال
نلطم ولكن نلطم ان عال عايل

وياسيد الوقفات ياطيب الفال
في عاصفة حزمك نشوف الفعايل
الشاعر // مفضي محمد الربيلي

نسمة شمال
20-04-2015, 03:04 AM
اختيار مميز
الف شكر لك وسلمت الأنامل

الاطرق بن بدر الهذال
21-04-2015, 12:04 AM
صح لسان شاعرنا ابو رائد مفضي الربيلي

يستاهل ملكنا الغالي اطال الله في عمره على طاعته

لاهنت اخوي عبدالرحمن

أميرة الورد
21-04-2015, 12:08 AM
الله الله ونعم والله صح لسان شاعرها
يعطيك العافيه وتسلم الايادي
طرح رائع وانتقاء اروع لاهنت
ويستاهل ابو فهد هلابيات واكثر عسى عمره طويل
والله ينصر الاسلام والمسلمين بكل مكان يارب
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

عاشق الورد
21-04-2015, 12:10 AM
صح لسااانك

قصيده جزله من راس شاااعر جزل

عواااافي

كساب الطيب
26-04-2015, 03:44 AM
يعطيك العافية على الطرح المميز
وًٍدًٍيًٍ......لًًًٍٍٍكًًًٍ......

بنت الكحيلا
26-04-2015, 05:51 AM
صح لسانك ولسان الشاعر

وتسلم عبدالرحمن على النقل الجميل

لك شكري

جدعان العنزي
01-05-2015, 02:32 AM
طرح وافي وجميل
عوافي