المساعد الشخصي الرقمي

مشاهدة النسخة كاملة : مساجله شعريه راقية👍👍


عبدالرحمن اليمني
10-05-2015, 04:41 AM
ياطير هاك اللي بالاضلاع لاهنت
وده وقل ياصاحبي لاتحير
قله تراني للوفا والعهد صنت
يوم ان غيري بالفراق يتطير
انا على خبرك وانا مثل ماكنت
لاتحسب اني لو تغيب اتغير
انا انا كان انت رغم الفراق انت
ياهز قلبي جوع فرقاك سير
ياصاحبن لو شانت الناس ماشنت
في ساحة الهقوات طب وتخير

الشاعر / سعود _ العزلي
-----------------------------------

ياحلم رح قل له من مفارقه شبت
قل له ترا يسعود حالي تغير
رغم الغياب اللي من شهور ماغبت
عني وانا ماكنت بعدك مسير
لا جا سواد الليل في خاطري جبت
طيفك علي يانامو الناس سير
اسوق لي عبره ورا طيفك وذبت
من كثر ماني بالفراق اتحير
ماتبت عن ذكراك ياسعود ماتبت
والادمي لاوامر الله مسير
غلاك في وسط الحشا نابتن نبت
غصب ن علي ياسعود ماني مخير
ياسعود انا اللي من فراقك تعذبت
وابقا على ذكرى العهد ماتغير

الشاعر / عبدالله _ الزومان

احمد النشار
11-05-2015, 03:00 AM
صح لسان الشعراء وعافاك على النقل

كساب الطيب
12-05-2015, 02:56 AM
يعطيك العافية على الطرح القيم والجميل
وًٍدًٍيًٍ......لًًًٍٍٍكًًًٍ......

الاطرق بن بدر الهذال
15-05-2015, 12:57 AM
صح لسان الشعراء الكرام

لاهنت اخوي عبدالرحمن على النقل


تقديري

الذيب الأمعط
16-05-2015, 12:07 AM
الله يعافيك على الطرح المميز
كل الشكر والتقدير

عاشق الورد
16-05-2015, 12:31 AM
يسلمووووووووو ع الطرح

صح لساان الشااعر

عبدالرحمن اليمني
16-05-2015, 03:22 PM
صحت ابدانكم جميع بالنيابه

أميرة الورد
21-05-2015, 12:24 AM
يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

جدعان العنزي
21-05-2015, 03:08 AM
موضوع وافي وجميل
عوافي على الطرح

بنت الكحيلا
21-05-2015, 03:45 AM
صح لسان الشعراء وتسلم اخ عبدالرحمن على النقل الجميل

لك شكري

قوي العزايم
09-06-2015, 02:20 AM
الله يبارك فيك وفي طرحك
تسلم الأيادي