المساعد الشخصي الرقمي

مشاهدة النسخة كاملة : نبذه من قصائد الشاعر /فالح عقيل الركابي


عبدالرحمن اليمني
26-06-2015, 11:28 PM
صبحكم الله بريح الهيل والزعفران
مهيله لرجال الكفو سويتها

قندتها للعقول الراقيه باالتزان
ويوم جهزت ليمن الجلاس صبيتها

قدوعها من شماريخٍ ماتنبت طمان
من شامخات النخيل العلط جديتها

على سلوم العرب رغم اختلاف الزمان
اللي على دور جداني تحليتها

ومن بعدها ارخي الهاجوس القصيدالعنان
تجي مثل ماهي الفكره على بيتها

اطرب على شوف من يشر عليه البنان
روسٍ مع اهل المراجل ذايعٍ صيتها

ربعي بني وايل اهل المرجله والكيان
ليانزلو ديرةٍ ضاقت عفاريتها

يامحزم الكايده يامرقبين البيان
مايدحم الكايدات الا زناتيتها

من مايشوش لفعايلكم يسمى جبان
الطنخه اللي يشب الفكركبريتها

والا الضلوع المتينه ماتحب الليان
والا الضلوع الرهيفه لاحقه ميتها

ياراس مال الفعول المكرمات السمان
ياذروة المجد وقفتكم بتوقيتها

بشر غريق البحر جاك الفرج والأمان
بشر عجوزٍ نجايدها تناهيتها

من بعد عسرٍ يسر من خالق الفرقدان
ياالله تفرح عجوزٍ ضايقٍ بيتها

فالح عقيل الركابي



من كل يامي الى كل عنزي

عقب صبي دون. دار المملكه مايعتزي
مثل. محمد يوم باع الغاليه لعيونها

ولاهوغريب يروح من دون البلاداي عنزي
دامو. بني عمه ملوك الدار ياقف دونها

من عند ربي صادق الوقفات بالجنه جزي
مع الانبياء والصالحين بعيشة يرضونها

يام تقول اكبر فخر فعل الشهيد المركزي
ماهم يعزون. عنزه. لا والله. يهنونها

( الشاعرحمد بن بيرم اليامي)

حياالله اللي باالمواقف وازي الجزله وزي
عادات يام اهل الوفاء والطيبه يهدونها

جتنا البيوت النادره وقلوبنا فيها مزي
على الفقيد اللي كسروجه العداء وسنونها

لوتمضي الايام ياهل المملكه صعب نعزي
روس"على التاريخ حطة بصمة" بركونها

والتهنئه من يام ترفع قدر في راس" نزي
عاداتهم كسب الجمايل والدرر يجنونها

هذي تحيات عنزه يقولها راس عنزي
شده قصيد اهل الجنوب وصنفها ولحونها


(الشاعرفالح عقيل الركابي العنزي)


عيال وايل كاسبين الاوايل
حماية القالات باالموقف الشين
والا الدراهم كلبوها سهايل
الوايلي للوايلي ياالسلاطين
الهرج مانبغاه نبغى الفعايل
ومايثبت الاقوال غير البراهين
وانتم هل النخوات واهل الجمايل
والرابح اللي يكسب الطيب والدين
فيصل ورى القضبان جالس يخايل
يخيل غيث مرجحين الموازين
باقي على الراتب ليالي قلايل
ودع مثل كل الرجال الميامين
اللي منازلهم على راس طايل
تاريخهم مبطي قبل عام اللفين
يوم السنين المشقيات الغلايل
يوم المغازي ورمك والبعارين
يوم القناء ومقمعات الفتايل
لهم على الفزعه دروب وقوانين
واليوم محتاج اعنزه شبل وايل
ضاقت عيونه من وجيه المساجين

فالح عقيل الركابي

الاطرق بن بدر الهذال
26-06-2015, 11:59 PM
صح لسان شاعرنا الرائع فالح عقيل الركابي

لاهنت اخوي عبدالرحمن على النقل الجميل


كل التقدير

أميرة الورد
27-06-2015, 02:53 AM
اخي الكريم
يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الله
http://mdyf.net/upload//uploads/images/mdyf1b3a301a63.gif$أميرة الورد كانت هنا $http://mdyf.net/upload//uploads/images/mdyf1b3a301a63.gif

عاشق الورد
27-06-2015, 03:16 AM
عبدالرحمن

جهوودك طيبه تستحق الشكر عليهاا

لااهنت

جمال العنزي
28-06-2015, 11:57 PM
اسعدك الله على النقل الرائع
تسلم وتدوم

حمدان السبيعي
30-06-2015, 03:05 AM
يسعد أيامك
عافاك على النقل المميز
حفظك المولى وأدامك

خيّال نجد
30-06-2015, 07:00 AM
تسلم اياديك على الطرح الجميل
عافاك الله

ودي لك