المساعد الشخصي الرقمي

مشاهدة النسخة كاملة : (بدع ورد) من الشعر الجزل


عبدالرحمن اليمني
05-07-2015, 10:51 PM
.
.



ياضاوي اهل الحب دايم يعيشون
في وضع يؤسفله ويرثى لحاله

بالله قلي كيف فالارض يمشون
مثل مايمشي فالبلد كل داله

وقلوبهم تضمى على مايقولون
ولا بلها فالوقت حكم العداله

على هموم الحب دايم يقومون
ودموعهم وبلٍ تراكم خياله

تدل عنهم للعرب نظرة عيون
وتفكير عقلٍ رايحٍ في مجاله

واليا ذكرت الحب واللي يحبون
مثل الذي مفجوع ف أغلى عياله

الهجر ماضوى على الناس بالعون
غير الهموم اللي تجيب الخباله

ياصاحبي ممنون ممنون ممنون
واللي بقى ياقو صدق احتماله

صاحبك للي عن هوانا يسالون
اللي سأل عنه أكرر سؤاله


#فهد_محمد




حي الكلام اللي عن النقد مصيون
من شاعرٍ لاحصّل الجزل قاله

يابو محمد راعي الحب مجنون
يعيش مع عالم وكنه لحاله !!

لو جوه .. نقااد المحبه يعذلون
محال ينسى مامضى من لياله

يعد نفسه كاسبٍ مال قارون ..
الحزن كنزه والشقى راس ماله

مع اني اقول الهوى حكم مسنون
لاصرت تعزل حرمته عن حلاله

كم عاشقٍ يبدع طواريق وفنون
لامن خلّه عنه .. قاطع وصاله

واصبح يجاري ابن زويبن وابن عون
يفتل وينقض ما احتكم من حباله

من دافع الالهام والشكل واللون
واحساسه المرهف وتأنيب باله

هذا الجواب اللي من الفكر مضمون
وكلن يشوف .. بنظرته ماطراله


#ضاوي_الشيباني

الاطرق بن بدر الهذال
05-07-2015, 10:56 PM
صح لسان الشعراء الكرام

لاهنت على النقل اخوي عبدالرحمن


تقديري

كساب الطيب
06-07-2015, 01:19 AM
تسلم على النقل الرائع
شكري وتقديري

أميرة الورد
06-07-2015, 01:24 AM
اخي الكريم
يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الله
http://mdyf.net/upload//uploads/images/mdyf1b3a301a63.gif$أميرة الورد كانت هنا $http://mdyf.net/upload//uploads/images/mdyf1b3a301a63.gif

عاشق الورد
06-07-2015, 03:25 AM
عبدالرحمن

مجهوود رااائع تستحق الشكر عليه

دمت بخير وعاافيه

سليمان العماري
06-07-2015, 05:35 AM
نقل مميز ورائع
اسعدك الله ووفقك