المساعد الشخصي الرقمي

مشاهدة النسخة كاملة : محمد بن منديل ال هذال .. حكمه و عزه


عويد بدر الهذال
30-01-2010, 11:37 PM
قصيده ثانية للشيخ الفارس محمد بن منديل آل هذال .. الملقب بمحمد الشجاع .. تأكيداً للأولى في قصتة مع

العزة والشهامه و الرجوله .. مسنده الى أخيه زيد بن منديل ..



يقول ابن منديل الشجـاع محمـد=أبات بقلبي علتـي مـن لهودهـا
متولفة والبـال مـا هـو بسامـح=والكبد عافت شربها من احشودها
فكـرت بالدنيـا كفـى الله شرهـا=ولا شفت فرحتها تكافـي نكودهـا
اقولهـا والعمـر قفّـت ظعايـنـه=العمـر يفنـا والليالـي بزودهـا
يا زيد أبي أوصيك منـي وصيـه=ترى الليالي ما كشفنـا سدودهـا
أوصيك يا زيد بن منديل بالهـدى=ترى الهدى للدين مركز عمودهـا
أوصيك بقرى الضيف كانه لفا لك=بالليل والمخلوق بأحـلا رقودهـا
قم له إلنه نام غيرك عـن القـرى=ولا تحسب بنقص الليالي وزودهـا
قله هلا يـا ضيفنـا مرحبـا بـك=الجواد تقري ضيوفها من وجودها
فلا بد ما يقفـون بكـوار ضمّـر=ويعدون ما شافوا بهونها وكودهـا
يعدون صدق القول باللي جرالهـم=الأجواد يبدون الثناء في ردودهـا
لولا الثناء ما صار للجـود باعـث=ولا للمراجـل طـاري بمعدودهـا
دع بالك الجارات يا زيـد وأبعـد=عن الجارة أحذر لا تقرب حدودها
ترى شيمة جدودك بنا ما تغيـرت=والكايده يا زيـد نرقـا سنودهـا
ولي من قديم العمر يا زيد شيمـه=عن جارتي ما يوم سيرت ارودهـا
ماني بمـن يفـرح بتقريبهـا لـه=ولا باغي ذودي يبـاري لذودهـا
ولاني بلـدادٍ إلـى بيـت جارتـي=ألا ولا روعتهـا فـي رقـودهـا
ولا ساري جنح الدجا عقب هجعـه=أدور غرات العرب فـي هجودهـا
ولا طالعت عينـي لشـق بثوبهـا=ولا همني يا زيد حمـرة خدودهـا
ولاني بمطفاق إلى شفـت زولهـا=ولا بحر لو هي بحرت لي بسودها
جاراتنا يـا زيـد مثـل أمهاتنـا=الوالدات اللـي رضعنـا ديودهـا
ترانا ذرى الجارات يا كاسب الثنـا=والأجواد ما تجعل ذراها وقودهـا
لي نفس حرٍ ما تبي مدنق الـردى=عن الشين لي نفس كثير شرودها
يا زيد تكفيني من البيـض عـذرا=لا عفت هذي جبت هذي سدودها
أنا ستر بتلا شوق وضحى محمـد=ولا اقول قول الا عليها شهودهـا
أنا أبـن منديـل الـذي تعرفونـه=دياري عدوي ما يقـرب حدودهـا
ماني مثل مداح نفسه على الفلـس=ولا ني بصبار إلى شفـت كودهـا
ولاني بهذار إلـى جيـت مجلـس=وأن وردت الهرجة أميّز ورودها
يا حيف مناعير النشاما ما عقبـوا=المانعيه ما لقـت مـن يقودهـا
موت الفتى موتين موت من الفنـا=وموت من خلاف الذراري جدودها
من مات ما عقب على الدار مثلـه=كالنار عقب الضو يسمد وقودهـا
وخلاف ذا يا راكب فـوق ضامـر=تطوي الفيافي بعدها مـا يكودهـا
تلفي على الهذال ربعـي ولابتـي=نقوة حرار ومن نـوادر فهودهـا
تلفي لشيخ مشبع الضيف بالقـرا=لا جو من المسرا تلهف اكبودهـا
هو مقدم الغارات فـي كـل هيـه=يثني على خيل المعادي ردودهـا
جديع اخو بتلا عضيدي ومحزمـي=شيخ المشايخ من نوادر افهودهـا
سلم على من يكرم الضيف بالعشا=مدباس غاره والمعـادي يذودهـا
وختام ما قلته صلاتي على النبـي=اعداد ما هل المطر من ارعودهـا

ريــمـيـــھـہ
30-01-2010, 11:44 PM
الله الله منقوووووول راائع

صح لسان الشاعر محمد بن منديل الهذال ولسانك ياعويد

اختياار رائع في النقل

لاتحرمناا من روعه جديدك

تقديري لك

شُـ م ـۈٍخ ۈٍآيليــهے
30-01-2010, 11:46 PM
.*
صح لسآإن كآتبهآإ وتسلم يدين نآقلهآإ
مشكور عوويد ع الانتقآإء الرآإئع
ودي ..~

عويد بدر الهذال
30-01-2010, 11:56 PM
الله الله منقوووووول راائع

صح لسان الشاعر محمد بن منديل الهذال ولسانك ياعويد

اختياار رائع في النقل

لاتحرمناا من روعه جديدك

تقديري لك



صح بدنك .. وعافاك ربي .. كل الشكر على مرورك اختي


تقديري

عويد بدر الهذال
30-01-2010, 11:57 PM
.*
صح لسآإن كآتبهآإ وتسلم يدين نآقلهآإ
مشكور عوويد ع الانتقآإء الرآإئع
ودي ..~

صح بدنك .. ويسلّم عمرك .. كل الشكر لك على مرورك الأنيق


تقديري

رابح الغضيان
31-01-2010, 12:02 AM
الله عليكم ياأشيوخنا الهذال

تاريخ يشرفنا ويرفع روسنا في كل زمان ومكان

صح الشان الشاعر المعروف / محمدالشجاع

وبيض اله وجهك شاعرنا القدير

عويد الهذال

على النقل لأكثر من رائع

تحياتي لك ياعزوتي

عويد بدر الهذال
31-01-2010, 12:55 AM
الله عليكم ياأشيوخنا الهذال

تاريخ يشرفنا ويرفع روسنا في كل زمان ومكان

صح الشان الشاعر المعروف / محمدالشجاع

وبيض اله وجهك شاعرنا القدير

عويد الهذال

على النقل لأكثر من رائع

تحياتي لك ياعزوتي

اخي العزيز رابح الغضيان ... ماعليك زود ونعم بحالك يالغالي ..

وصح بدنك .. وكل الشكر على مرورك العذب ,,


وياليتني شاعر ياخوي رابح .. أتذوق الشعر ولكن لا أكتبه

ومع وجود القامات الشعريه امثالكم لا نستطيع كتابة بيت واحد :)

تقديري الجمّ لهذا المرور العبق الكريم

فــرج الـبـلاز
31-01-2010, 12:58 AM
يعطيك العافيه أخوي عويد على هذه السيره التاريخيه العطره ..

قصيده رائعه من فارس يشهد له التاريخ وصح لسانك ولسان الشيخ / محمد الشجاع

وبيض الله وجهك وبأنتظار المزيد من هذه الدرر التاريخيه العريقه ..

لاهنت ..

عويد بدر الهذال
31-01-2010, 06:40 AM
يعطيك العافيه أخوي عويد على هذه السيره التاريخيه العطره ..


قصيده رائعه من فارس يشهد له التاريخ وصح لسانك ولسان الشيخ / محمد الشجاع

وبيض الله وجهك وبأنتظار المزيد من هذه الدرر التاريخيه العريقه ..


لاهنت ..


الله يعافيك وصح بدنك اخوي فرج .. ماعليك زود يالغالي .. شاكر لك روعة المرور

تقديري