المساعد الشخصي الرقمي

مشاهدة النسخة كاملة : مجاراه القصيده عبدالعزيز شلاش القروعي العنزي


عبدالرحمن اليمني
23-08-2015, 10:10 PM
اباقفل الموجه وباحط تشويش
واوجه الارسال للي درابه

على النجم ماضن دلت دراويش
ولحدن نصاء بضيق بيت الزلابه

ماعاش منهو عيشته بلبخاشيش
وعلي النجس متاقع الا الذبابه

الرافضه تبكي على حسين هوليش
مافيه صلت دم ولا نسابه

الرافضه بيران وحسين بقريش
يعني كذا مافيه ايت قرابه

به ناس رجليه وناس(ن)على جيش
وناس(ن) تمطو من خيول الصحابه

متحيزمين يدينهم بنواتيش
الي رقد بليل ولي سرابه

اوعماش عيا يردف. وخيه عميش
وعميش في وقت القاء ديندعابه

عميش ماشبحه على اهل الخرابيش
وعماش شبحه ساكنين القطابه

مضمونها يهل القلوب الفوانيش
على السوال الصعب نبغا الاجابه

الشاعر: عبد العزيز شلاش العنزي
(لازيرق)
--------------------------------

جمعتها تجميع عاقل على ويش
وﻻهي عليكم يالسنافي غرابه
شاعر تنادي بالمعاني وبشويش
ﻻنك تمالكت الوفاء - والصﻻبه
قالط على الهيه ومع اول الجيش
ومثلك ينومس بالمشاعر جنابه
ذوﻻ تراهم ياﻻزيرق دراويش
ومذبهم الخايس ماحسبنا حسابه
تقيه لهم بين الخﻻيق وتدويش
اللطم عاده والسﻻسل حرابه
كل الروافض مالهم وسطنا عيش
اكﻻب مسعى صق ماهي كتابه
يافاتل المعنى ﻻتزيد الدناديش
الوضع مزري بين غابه وغابه
وصايل المعمق ماتحﻻ باكاديش
وبالحصين حصين يخشى الذيابه
وعماش له وقته يسوق البرابيش
وعميش ساكت والبﻻ في حضابه
تخالفو بالراي - مافيه تغشيش
وكل على - روياه حطت ركابه

صفوف عبد الله الرسلاني العنزي
-----------------------------

من الحفر اطرش العلم تطريش..
واوجه الارسال للي بدابه.
يم الازيرق ماعليها تغابيش ..
تاصله في حله وكلن درابه ..
ونبينا يوسف مع اخوه شاليش :.
رموه وسط البير بأرض المعابه.:
وحنا بزمن ماينوجدبه دراويش ..
وتكرم ونكرم علي طواري الزلابه ...
ومن همش الاجواد بالقول تهميش..
لا يامن المصطور وقت الحرابه ...

مجاراه بسيطه مني للشاعر الازيرق ..
عبدالله جالي الهرفيل الخمشي العزي

---------------------------------

اصل الحسن وحسين من صفوت قريش
اطهارمن نسل النبي والصحابه

الله رفعهم عن مقام القرافيش
اللي عبادتهم منابح كلابه

وحنا خلقنا لهل الكبر والطيش
يشهد لنا التاريخ يوم الحرابه

بذي قار جند الفرس صاروا خفافيش
يوم ان ابن شيبان كشر بنابه

سعد الصائل الفحمان الغضوري
-----------------------------------

ردي علي عبد الله جالي الهرفيل

بشويش يا الهرفيل طالبك بشويش
ركّز بـقول محررين الخطابه

إهد وتوقع واركد شوي لا تطيش
واعرف ترا هرج الحكيم ابذرابه

افتح عيونك لا تبلبش بلابيش
ويصير شي ن ما حسبنا حسابه

غطيتها جوخه وفرشتها خيش
كلن على اللي بالضمير يهذابه

لاصرت تلعب لاتقفل على شيش
واللي يطق الباب يلقا جوابه

عـبدالعّـزيز شـلاَش العـنزي
( الأزيــــرق )
---------------------------------

من ويش تسئل يارفيقي على ويش
مالك ومال ،،،اللي وراها طلابه،،،
افطن،وراس الظبي مابه عراميش
شطرٍ حفظته ،،،والمعاني تشابه،،
صحيت من صوت الرّحي والمهابيش
ولجّن براس طويق صوت الذيايه،
والرافضيّه والمجوس الخفافيش،
ياويلهم يوم اللقاء ،،،،من عذابه،،
الشوك واحلوله بروس المناقيش،
والكسر يجبر من شرايح خشابه،
وابي انشدك عن المزون المراهيش
صوب الشمال اللي تصلّخ سحابه،
قالو على صمّ الصّفا شيف تنقيش
وماحدّر الوادي ،،وحوشه تهابه،
وردن على عدّه قطيعٍ معاطيش،
ولالقن غير،،،، الجفاف وسرابه
ارضه دماث وعشبها مابعد نيش
وقطعانها جوعا من اللي جرابه
يبيلها اسباعن ،،،دهاةٍ مداغيش
تطحن علاجه لين يبرا صوابه

عبيد مطلق الجعفري

محاذاه لقصيدة الشاعر / الازيرق
والمعذره عن القصور

لويش تسألني على ويش ولويش
دامك تعرف ان الروافض ذنابه
حتى فريخ الصعو طالع له رويش
وينافس الوكري على سور بابه
خل نترك العماش ونخلي عميش
ونغوص ببحور الشعر والكتابه
دام اكبر هموم الفتى يبني عشيش
وصابه من الاصحاب هم وكأبه
ميه على ميه وقرش على قريش
ويبني على مهله ويكمل نصابه
نرجع على طرياخوان الدواعيش
ماعندي اي تفسير ولا اجابه
عبادة الدينار واخلاق مافيش
مذهب غريب مادري من اين جابه
والا قصيدك ياالازيرق نقاريش
تطبع على صم الصخر والصلابه
حاولت اجاريها ولا فيه تفتيش
ويعيش من حاف الشعر واعتنابه

وسلامتكم

عبدالرحمن اليمني
23-08-2015, 11:11 PM
يهل القوافي الشامخات المراهيش
اللي كما مزن ن رايح ن مع سحابه

نبي نتناوش من القوافي تناويش
تطرد هوجاس ن في ضميري لجابه

سراب يزمي والليالي مغابيش
ولا يروي العطشان لمحة سرابه

ليا جاك من وبل الثريا رشاريش
انشهد انك مرجهن بجنابه

وينسربالك مع جمال المفاريش
في خايع ن للريم محدن وطابه

وتبعد عن اهل الردى والخفافيش
طيور الظلام البايهين الخنابة

عاشق الحماد

أميرة الورد
24-08-2015, 12:23 AM
أخي الكريم
يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الله
http://mdyf.net/upload//uploads/images/mdyf1b3a301a63.gif$أميرة الورد كانت هنا $http://mdyf.net/upload//uploads/images/mdyf1b3a301a63.gif

الاطرق بن بدر الهذال
24-08-2015, 12:48 AM
صح لسان الشعراء الكرام

عافاك الله على النقل اخوي عبدالرحمن

تقديري

بنت الكحيلا
24-08-2015, 01:34 AM
صح لسان الشعراء

وتسلم اخ عبدالرحمن على النقل الجميل

لك شكري

احمد النشار
25-08-2015, 10:28 PM
تسلم يمينك

وعافاك على النقل

عاشق الورد
25-08-2015, 11:32 PM
تسلم اخي عبدالرحمن

طرح جميل وحضورك الاجمل

عوااافي