المساعد الشخصي الرقمي

مشاهدة النسخة كاملة : ( مجاراة بين الشاعرين سعد العازمي ومنصور الدرين الضباطي)


عبدالرحمن اليمني
25-08-2015, 12:35 PM
يالله يا معبود منشي سحابها
ياخالقن خلقه ومحصي حسابها
يا رافعن سبعن وسبعن بسطها
يا مخضرن بالارض عقب انقلابها
وتعلم ذبيب النمل من حيث ما اتجه
وبمرك شروق الشمس ويا غيابها
تفرج لمن عينه عن النوم صايمه
تسهر طوال الليل من حر ماابها
من بعد ذكر الله توكلت وابتدي
اصخر القيفان وافك بابها
سلام رديه علي طيب الاصل
من هاجسن صاغ البيوت وشقابها
مني لمنصور ابتديها واقولها
الي يحل المشكله لسعابها
منصور انا اشوف الاوادم تغيرت
ادور النمات واطق بابها
اشوفلي ناسن تردا نصيبها
تهرج اهروجن ماتحسب احسابها
تسعى ورا هرج الققا ما يهمها
حتى غدا هذا غذاها وشرابها
الله يكفينا بلاها وشرها
ويجعل نصيبي فوق عالي اهضابها
وتمت وصلو عد ماذعذع الهوا
علي رسولن سنته يقتدابها

سعد العازمي





حي البيوت وحي رجال جابها
فيها شكاويها وفيها جوابها
مثل الجواهر والدرر في وصوفها
وبذكر خلاق الخلايق بدابها
واللي مع الله ياسعد مايضرهم
لو قامت الدنيا تكشر بنابها
مالله خلقنا لاجل نلهى عن الاجل
والاخرة نامن من الله عذابها
دنياك فيها مايهولك ياسعد
مادام شيطان الاوادم مشابها
قامت على الأمة من الغرب ثورة
تلعب بها وتردها عن كتابها
لكن لايشغلك عن دينك الهوى
وتشغلك عن سكة مسيرك كلابها
العاقل ليا تاه عقله يوجهه
ومسيرته ماكل واحد رضابها
تلقى على الدنيا مظاهر من البشر
تلبس ثياب نضاف ماهي ثيابها
وليا وصلت لفكرها واعتقادها
ماهو مثل ماتظهره في خطابها
تاكل من لحوم البشر في غيابهم
ماتدري ان لحومها في ترابها
واخير منهم قدوة الخير فالبشر
تاخذ من الدنيا للاخرى زهابها



منصور الدرين الضباطي

احمد النشار
25-08-2015, 10:56 PM
تسلم يمينك

وعافاك على النقل

الاطرق بن بدر الهذال
25-08-2015, 11:06 PM
صح لسان الشعراء الكرام

لاهنت اخوي عبدالرحمن على النقل الجميل


تقديري

عاشق الورد
25-08-2015, 11:26 PM
تسلم اخي عبدالرحمن

طرح جميل وحضورك الاجمل

عوااافي

أميرة الورد
26-08-2015, 01:07 AM
أخي الكريم
يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الله
http://mdyf.net/upload//uploads/images/mdyf1b3a301a63.gif$أميرة الورد كانت هنا $http://mdyf.net/upload//uploads/images/mdyf1b3a301a63.gif

بنت الكحيلا
26-08-2015, 05:28 AM
صح لسان الشعراء

وتسلم اخ عبدالرحمن على النقل الجميل

لك شكري