المساعد الشخصي الرقمي

مشاهدة النسخة كاملة : دعم المرشح احمد عواد الفدعاني (( ركن الشعر ))


عبدالرحمن اليمني
30-11-2015, 07:53 PM
((مرشح الفدعان))
#أحمد_عواد_الفدعاني_العنزي
........... ... ....... .... ....

رشح احمد واسنده ووقف معه
عط صوتك ل ابن عمك لا تصد

صوت واحد يالسنافي ينفعه
ربعك الفدعان ما عنهم مصد

ومن بخل بالصوت لا لا تقنعه
قله ،، التاريخ يحفظ ما رصد

سعد هليل الفدعاني

............ ........ ..............

زيد طبل الحرب ياللي ترقعه
ابشر بفزعاتنا جاك المدد

ربعك الفدعان صوتك ارفعه
ليانتخو عندك ابشر بالسعد

كلنا احمد وبالوقفه معه
نفتدي برقابنا وهذا وعد

معك وقت الضيق ولا بالسعه
شف سحاب جموعنا قبل الرعد

القصيد بكل جزلً نجمعه
راضي الفزعات وبوقفة سعد

خالدذياب السفر
............ .. ......... .........

من سعد جات النخاوي مرصعه..
مآسها غالي،،ومنظرها يشد..

ربعي صقور،، وحرار مبرقعه..
صقور صيدً تنتظر وقت الهدد..

يبشر احمد كلنا رهن أصبعه..
ويبشر بعزه، ،وتبشر يا سعد..

فيني حميّه لربعي مصرقعه..
وانطنخ لاحل طاريهم بعد..

الشاعرة اتعبني زماني (فوز)

......... .......... .... ......



المثل ذكر الولي في مطلعه
عد من لبى ومن لله سجد

بعدها يالشعر بابك شرعه
وبالشوارد مدي الهاجس جدد

ودنا الحمله تكون مولعه
لين بذن ربي ايفوز الأسد

وفق الله سعينا يالاربعه
وكل داعم عن مرشحنا نشد

الشاعر ضيف الله صالح الجعفري

........... ............ ........

كل طيب منبعك من منبعه
كيف لاصرتم بروحين وجسد

نخوة الرجال جتنا مسرعه
البناخي للبناخي هو عضد

يابني وايل ترى الدنيا سعه
ومن وقف في موقفه قلنا سند

أفتحو باب النخاوي مشرعه
لأجل عين أحمد بدون أدنى حسد

الشاعر سعود فهد الحريري

........... ........... ............


نرشح احمد ولاتهم المعمعه
ننتخيله دامنا طيور السعد

رجالنا لافل البساط وشرعه
يحرم انه طفلنايوفي الوعد

دامناالويلان بالضيق وسعه
ماتطيح رجالناولاسيف ارتعد

شاعرواشوش للشاعروكلي معه
واجاوب لفوز وخالد مع سعد

وعند احمد كل شعري باجمعه
مطرفي بالفعل من شعره زهد

الشاعر/حميدالمطرفي

........ ...... ........ ........

ياسعد صوتي معك قم وأرفعه ،
وإعـتبرتي محزمٍ ن لك لـلأبـد .

انت دم القلب لأجلك ندفعه ،
كيف عاد بصوت ونكمل عدد .

كلنا لأحمد ، معه ثمٍ ن معه ،
والصقور تبين في وقت الهدد .

وكلنا لــه والقـلوب مشــرّعه ،
ربعنا الفدعان ماعنهم صدد .

ودام وآيـل لآبـته وش يمنعه ،
لآبةٍ ن منهو تحيزم به صعد .

ألفخـر والعــز حـنا منبـعه ،
وندرسه من المهد أليا اللحد .


عـادل الراضي ،،

........ ........... .......... ...... ...

حي قافن انطرب يوم اسمعه
ياسعد ابشر بعزك ياسعد

لنتخابي صاحبي كلي معه
والله اني صامل وكلي جلد

بلغ احمد الحميا مولعه
ربعه الفدعان يانعم السند

وبلغ احمد لنتيجه مطمعه
ربعه الويﻻن ماتذخر جهد

وبذن ربي غير حظه يرفعه
دام كل(ن) فز له اسمه ورد

عبدالعزيز قالط الطويلعي

عاشق الورد
30-11-2015, 09:15 PM
يعطيك العااافيه

خالد جازم الرويلي
01-12-2015, 09:04 PM
الله يوفقه

أميرة الورد
01-12-2015, 10:21 PM
بالتوفيق والله يكتب له الخير ويعينه

مهندس نار
03-12-2015, 04:09 PM
يعطيك العافية وجزاك الله خيرااا

الاطرق بن بدر الهذال
03-12-2015, 10:02 PM
صح لسان الشعراء الكرام ونتمنى التوفيق لمرشحنا

لاهنت اخوي عبدالرحمن على النقل

قوي العزايم
08-12-2015, 12:43 AM
الله يبارك فيك وفي طرحك
تسلم الأيادي

جدعان العنزي
08-12-2015, 01:59 PM
موضوع وافي وجميل
عوافي على الطرح

عفات انور
15-12-2015, 01:21 AM
عافاك الله على طرحك القيم والراقي والمفيد
اسعدك الله ووفقك لما يحب ويرضى

لك ودي