المساعد الشخصي الرقمي

مشاهدة النسخة كاملة : محاوره بين الشاعران #بدر_الحارثي📋#عبدالله_الازوري


عبدالرحمن اليمني
11-02-2017, 12:53 AM
الشـاعر بدر الحارثي

سلام الله سلام فيه مايرضي جموع الناس
لمن في قروبنا كل التحيه شرق وشمالي

بغينا ناخذ علوم الرجال الوافيه بقياس
ولانقرب خطوطٍ مالنا فيها ولا مجالي


الشـاعر :- عبدالله الازوري

هلا يا مرحبا ترحيبة دايم رفيعة راس
نيابه قلتها الك يا بدر لـ اكرام الاسبالي

تهرج دام بن السالفه و الهيل و المحماس
لها شـاعر لها ماهر لها يا صاح خيالي


الشـاعر :- بدر الحارثي

يدوم لك البقا وانته ياعبدالله عريب الساس
من رجال لهم في كل موقف قول وافعالي

انا ماجيت غير الا اتنشد ماني بجساس
ادور للعلوم الوافيه وانته لها امثالي


الشـاعر :- عبدالله الازوري

ولا الحارثي ماني بخابر ان فـيـك احساس
ولكن العلوم احيان تبغى وزن مكيالي

انا اشوفك من البارح تدور للمطر عساس
ولكن المطر بيد الولي و عظيم الاجلالي


الشـاعر:- بدر الحارثي

نبي ناخذ مع العربان قسم السيف ولا الفاس
ولاناتي الدروب اللي يجيها من دونها ضلالي

طلبنا رحمه المعبود وانت ضايق ومنحاس
وش اللي لخبطك ياصاحبي منته على بالي


الشـاعر :- عبدالله الازوري

ترا بعض المسامع ما عجبها غير صوت الياس
ولو انه ترا ماله ذكر يا طيب الفالي

ولا يا البحر الأحمر ما يكذب بحركم غطاس
سوالف من عوارف و العقد بيدين حلالي


الشـاعر :- بدر الحارثي

تجيك اخبار خلق الله واكيد العلم له نبراس
ولايجهل دروب العارفه ياكود جهالي

ولا يالبحر لو انك نشفت اكيد يبقى ساس
وساسك من حصى ياصاحبي ولامن رمالي


الشـاعر :-عبدالله الازوري

وانـا ماني وكيل ادم و حواء ، والعباد اجناس
مدام انهم ترا يا صاحبي .. ماهم من عيالي

يجف البحر لكن ما تجف الدر و الألماس
ولاني يا عميلي با الخلا ممشاي بـ الحالي


الشـاعر :- بدر الحارثي

ترا الكهرب ليامنه تحسس يجذبك للماس
وانا ماودي انك تنحرف وتروح ماتبالي

ترا دان البحر غالي ولا هو وسط سوق نحاس
يبين سوق تجار البلد وش باع من غالي


الشـاعر :- عبدالله الازوري

ترا متن المعزه ما تبي تضفي ضعيف الباس
ضعيف الباس دايم عن علوم المرجله خالي

ولا يا صاحبي ما انـت من اللي يطبخون الفاس
ولكن لا طبختوا اشربوا من كاسه الحالي


الشـاعر :- بدر الحارثي

اقول الله يكافيكم من الوسواس والخناس
ولاني جاهل احوالك ولاانته جاهل احوالي

ترانا لاوقفنا يارفيقي غيرنا جلاس
وقوفٍ شامخ يثبت على مركازٍ وعالي


الشـاعر :- عبدالله الازوري

لبوس الدين الاسلامي لبس للمؤمنين لباس
وانـا لبسي من لبوس لها با الدين مقبالي

ترا وقفة عزيز البخت تطرد من لقاها عماس
وليا مني وقفت اليوم من يقدر بفنجالي

أميرة الورد
11-02-2017, 12:57 AM
يعطيك العافيه وتسلم الايادي
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

ابو رهف
13-02-2017, 10:50 AM
عافاك الله على النقل الرائع
تسلم يمناك

الاطرق بن بدر الهذال
21-02-2017, 10:41 PM
صح لسان الشعراء الكرام

لاهنت ابو رشيد على النقل المميز


فائق التقدير