|
لاتبني أحلامك على كف خنزير
الحاجه اللي ماتجي لك على السير .......لاتبلش العالم ولاتصير مطفوق *** تقدر تقول يصيرممكن ولايصير .....وتقدر تقول أحكم العقل برفوق *** الأمر بين الخلق يمشي بتدبير ........ماهو بسواق ً على كيفك يسوق *** لوعشت مع نفسك أو تعيش للغير ....الذوق يبقى ذوق ياكامل الذوق *** لاتبني أحلامك على كف خنزير ......ولاتشعل إشموع الأمل وأنت مخنوق *** الناس مثل الناس بالشر والخير ..........حسب نظام الآدمي هيك مخلوق *** والطيريبقى طير والحظ كالطير ........متعلقين وبالسماء كلهم فوق الشاعر /سعود فهد الحريري |
لوكل مسلم حارب لعينه النوم ماشفت في غزه حريقه ودخان ........ وشلون نبغى النصر والحال مهزوم حتى صلاة الفجر تشهد إلى الآن ....... فينا نصوم أيام وأيام مانصوم وفينا حسد طاغي وبالقلب نيران ...... وفينا قطاعه لأقرب الأهل ونلوم الأهل والأحباب والكل عدوان ..... حتى وصل فينا الأمر طير ويحوم من دون نفسه صار زعلان زعلان ..... هذي فتن والحل بالدين معلوم من يهجر القرآن ماهو بكسبان ...... الله وضع بالدين جكمه وملزوم إنا نتمسك فيه والدين برهان ...... حتى يكون النصر عالي ومحسوم وترجع للأمه هيبه تعز الأوطان ..... وإن كان ضيعنا الكتاب إبتداء اللوم مافيه لانصر وبقى الحال خسران الشاعر / سعود فهد الحريريِ |
شرهة نجوم السماء من شرهة قلوب الحبايب كل مايشره عليك الليل تكفى لاتغيب ..... تدري إن الوقت والدنيا محطه للعجايب وأنت في قلب المولع أكبر عيوبك عجيب ...... كل ماقربت كنت أقرب قريب من القرايب وكل مابعدت مابعدك بعيد ولاقريب ....... ياعيون الكون خلك كون مادشه شوايب مثل من فتح عيونه عند بابك يالحبيب سعود فهد الحريري |
لحظه ترى باقي لنا داخلك شي ولحظه بقالك عندنا شي ثاني ..... لاتلفت للشمس من خدك الضي بس إلتفت صوب القمر لادعاني ...... يامتعب إضلوع الغلا كلها في وأنت التعب عندك يروح بثواني ...... خذلك من المياء ربيع الهواء المي مهما عطاك الحي مثله عطاني ...... سعود فهد الحريري |
الله من دنــــــــيا بها الناس قـــسمين قسمً كذوب وقسم ماهو صدوقي ..... أشوف بعـــــيوني وأنا أسمع بالأذنين عالم غريب ومجتمع مايــــروقي ...... لوعشت يابن آدم على العسر واللين أهم شي إنك توفي حقوقي ..... في ظل نعمه وإختلاف القــــــوانين الناس واحد لكن الـــرب فوقي ...... قبل حيـــــــــاة الناس كانت براكين بس المبادي والقيم ذوق ذوقي ..... والآن نضــحك لكن القلب ســـــكين ماعـاد نفرق قلب عند الفروقي ..... وجهة نظر والناس ماهـــم مساكين يشاهدون الشمس قبل الشروقي ... الشاعر/ سعود فهد الحريري |
من لايعدك شي عده ولاشي
من لايعدك شي عده ولاشي لو إنه أقرب واحداً من عيالك الله خلق للأرض شمس ولهاضي حتى تميز مشيتك من ضلالك والنفس لا شامت مع الوقت ياخي إكرب حبالك لاتراخت حبالك وروحك على درب الوفاء خلها في صعبه تعيش بدون روحك لحالك والمرجله عداً غويطً وبه مي مد الرشاء والدلو يروي حلالك والجمره اللي بالحشاء ترث الكي لاتعدها جمره ترى الوقت هالك راحت دول والميت يورث الحي والطيب يبقى بين عمك وخالك والناس ماتعطيك من خيرها شي الرزق لو مارحت له ماسعالك وخويك اللي باللوازم هو الري إحرص عليه وكرمه في وصالك أحيان يظهر لك رفيقك هو الخي لادارت الدنيا رحاها صفالك وجارك أمانه في إرقبتك عن الغي إحفظ حقوقه كامله لاشكالك لابد ماترحل ويرحل عن الحي ويذكر وش اللي شاف هو من خلالك والضيف ضيف الله في واجبه عي قدم له أفضل ماتحوشه بمالك وإحذر تقلط له شحم ما أستوى ني إحرص يعذربك الكريم بخصالك ومن لايعدك شي يبقى ولاشي خلك عزيز وفال الأجواد فالك الشاعر /سعود فهد الحريري |
من يمين ومن شمال النار حيه
الزمــــان بخير والعالم بشره من يمين ومن شمال النار حيه *** مادروا عن حلوها وشلون مره يحسبون ونية الشيطان نيه *** من يحكم عقله يشوف المسره ماكتبه الله من شمسً وفيه *** قبل ينفخ ربي بروحك مقره كافلً رزقك وعمرك والبقيه *** لاتخاف ولاتصيح العمر مره بس خلك صاحي لهذي وذيه *** لوجمعت المال ممكن ماتصره تجمعه ويروح للشيطان ريه *** أكثر العالم تحارب عند دره والجواهر فانيه والعمر زيه *** جيت من بطن أمك معلق بسره وترجع لوحدك عملك أكبر تحيه *** إن صلح منك العمل ربك يبره رحمته رحمه وجنته الهديه الشاعر/سعود فهد الحريري |
اسعد الله اوقاتك وعمّر حياتك بالطاعه والأيمان الف صح لسانك على القصائد المميزة وردة بنفسج لروحك الطاهرة |
الأستاذه فاطمه
هلابك لمرورك على ديواني التقدير ولتعليقك الشكر الكبير |
مرثيه في أخي الغالي عواد فهد الحريري يرحمه الله
مرثيه في أخي وحبيبي الغالي يرحمه الله الأخ الكبير /عواد فهد الحريري (((( مرحوم ياوافي مع الأخ والجار)))) مرحوم يا وافي مع الأخ والجار وربعك وصدقانك ودولتك والناس أنا أشهد إنك حر من روس الأحرار إن عودت للأب والخال والساس أكبر فخر إنك أخويه وبيطار ربيتني للطيب والجود والباس من بعد أبويه صرت أبو لي على كار حشمه وتقدير ووفاء ماله قياس ماهي غريبه وأنت دواس الأخطار يامتعب أيامك لك الطيب نبراس عواد لاعدوا رجاجيلً خيار دليلة اللي لاظلم الليل وانحاس وعواد لاجوه الخطاطير زوار واجبهم القعدان بصحون جلاس وعواد لاواجه من الناس الأشرار يدوس خصمه دوستً تطرب الراس وعواد منصى من وطت رجله النار ياما قضى لازم معقد بلولاس وعواد من ماله ستر شخص محتار وسدد لزومه ماحسب ربح وإفلاس مرحوم ياللي سيرتك كلها أثمار عند الرجال مقدرة كل نوماس ومرحوم ياراع الوفاء والوفاء صار منهج حياتك وأنت للحق مفراس يشهد لك ز ميم ومعجب بالأذكار وكل القبايل مروية كل عباس عزوني الأجواد من كل الأقطار وأنا بشر مومن مثل باق الأجناس ولو إنها بفلوس ومزاود أعمار مايندفن راسك على الأرض ياراس لكن هي الدنيا قصيره وتنهار والباقي الله والمخاليق عساس الله يحرم روح جسمك على النار وبأعلى جنان الخلد ياطيب الساس الشاعر/ سعود فهد الحريري ملاحظه المقصود هنا زميم ومعجب هما معالي الفريق الركن زميم السواط ومعالي الفريق معجب القحطاني أصدقاء عواد يرحمه الله |
| الساعة الآن 05:26 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010