شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   ديوان الشامخه / شموخ بنت خالد رحمها الله (https://mdyf.net/vb/showthread.php?t=13284)

فــرج الـبـلاز 15-07-2010 10:29 AM

ديوان الشامخه / شموخ بنت خالد رحمها الله
 

حصرياً : قصيده تنشر لأول مره قالتها قبل وفاتها بشهرين بوالدتها

ياألله يـاللـي رحـمتـك مـستـديـمـه =
=بيديك ياربي عـلـى الـوضـع تـدبار
شكيت لك والحـال صارت عـديمه =
=من ضيقـتي كني على واهـج النار
خمسة مصايب من زماني عظيمه =
=وأحـمدك يالمعـبود يـاوال الأقـدار
صبرت انا والصبر اجـر وغـنيمه =
=وحمدت انا ربي عـلى كل ماصار
مـتى تعـود اللي عـليـنا رحـيـمـه =
=امي عساها من طويلين الأعـمار
يتيمة (ن) مـن دون امـي يتيمـه =
=بفـراقها شـربت انا كاس الأمرار
فــرقــاك يايـمـه عــلـيّـه ألـيـمــه =
=ضاقت بي الدنيا بدونك والأقطـار
ودموع عيني فـوق خـدي مقيمه =
=تأثـرت مـنهـا عـيوني والأنـظـار
يـارب رجــع والـدتـنـا سـلـيـمـه =
=متعـافـيه ماتشكي بجسمها أضرار
مـن دون امي مابقـابي عـزيمـه =
=يارب هـونهـا عـلى قـلب صـبار
يابوي خذني شوف حالي سقيمه=
=خذني معك لأمي ترى الحال منهار
دعـواتكم ياأهل القلوب الرحيمه=
=ياألله عساكم ماتعيشـون بأخطار

أقــبــلوهــا بشمــوخــها

شـمـوخ راسـي بـالـسمـا معـتلي فـوق=
=لاأنــت ولا مـثـلـك يـجـيـبـون راسـي
ربـانـي الـوالــد عــلى طـبـع مـوثــوق=
=ومـن مـسـنـي آطـى عـلـيـه بـمـداسـي
لـي هــامـةٍ مـاطــالـهــا أي مـخــلــوق=
=وبـنـت الأســد ماتـلـتـفــت لـلـبسـاسـي
ان كـنت مطفـوقٍ معـي الـف مطفوق=
=يـملـون حـلـقـك بـالـوحـل والخـياسـي
مـانـي مـثـل بعـض الهـذاليف بالسوق=
=الـلـي بـغـاهــن بالــردى كـل خــاســي
كـرامـتـي والـديـن والأصــل والــذوق=
=مع الشـرف لـبسي وصـارن مـقـاسي
انـا شـمـوخ ولايـق الـمجـد لـي لــوق=
=ومن عزوتي الويلان مجدي وساسي
عـوقٍ على مثلك وشرواك هم عـوق=
=ابعـد قـبـل تـكـثـر عـلـيـك الـمــأآآسـي..




فــرج الـبـلاز 15-07-2010 10:32 AM

إلى شمس الحياة التى تضيئ حياتي

إلى الرحمه المهداه من الله

إلى مصدر الحنان

إليــكِ هذا النـــداء

امي تعـالي يابعــد عــمــري اغـليك=
=يا ام الحنان اشتقـت لك يا عـيوني
أفـرح لـيا شفـتك ولوحـيت طـاريك=
=يا اللـي حـضنتيني بصـدرً حـنـوني
يا ما حملتيني عـلى كـفـوف أياديك=
=وأنـتي تضـمـيني بعــطــفً جـنوني
لا غبتي لحظـه دمعـة العين تبكـيك=
=ولـو يحضرون الكـل مايعـوضـوني
أطـلب ولي العـرش عـينه تراعـيك=
=يا اللي صرختي بالعرب لا يجـوني
أفـز,اهـلّـي, وادعـي الـرب يحـميك=
=واجـيـك كـلّي شـوق لـو يـمنعـوني
اجــيك وايديني تضـمـك وأناجــيـك=
=وكـل هـم لاشفـتك بعـيني يهـونـي
أبي ارتوي مـن نهـر حـبك واداريك=
=وأبقـى بقـربـك لـين هـم يدفـنـونـي
نذرً لحطـّك وسـط عـيني واغـطـّيك=
=واضفي عليك رموشهـا والجفـوني
مشاعـري لك صادقـه لـيت توفـيك=
=وانتي مـقامـك فـوق راسـي يكوني
يا الغــالـيه يا جـعــل ربـي يخـلـيك=
=لــيّه ولأخـواني وأبـوي الحــنونـي
امي تعـالي يابعــد عــمــري اغـليك=
=يا ام الحـنان اشتقت لك يا عـيوني

فــرج الـبـلاز 15-07-2010 10:38 AM

[center]

كنت أنا اول من يصافح هذه الرائعه التي أهدتنا أياها المرحومه



تتفجرهنا ينابيع المطر لِتنسكب منها آيات الشكر والتقدير والعرفان
فمنذوا أن أحتضنتني المجالس وأنا أُتمتم بشكري لألق جمعني بكم
بغرور / فخر أجدني في قلوبكم
حقاً لا يشبهكم أحـــد
ولِجوهركم بريق لا يشبه إلا ضوء القمر


للمدح في بعـض المخـاليق قـيمه=
=اهل الوفى وأهل الحميه مع الطيب

آل المجـالس مواقفهم عـظـيمـه=
=اخواني اللي مايجي منهم العيب

دعـواتهـم بلسـم لـروحٍ سقـيمه=
=كم خففت عـني عنا كل تعذيب

ربي استجاب وجيت كلي سليمه=
=ولقيت منهم كل فرحه وترحيب

نسيت همي وصار عندي عزيمه=
=والحمد لك ياربنا عالم الغيب

كلي فخر بأهل القلوب الرحيمه=
=اخواني اللي بادرو بالمواجيب

ومنسى خواتي والتجاهل ظليمه=
=اللي وفاهن فيه حبٍ وتوجيب

يارب تسعدهن سعاده مقيمه=
=خواتي اللي مامشن بالعذاريب

ياأهل الأيادي والنفوس الكريمه=
=دمتم ذخر وأنتم هل الجود والطيب

أنا اختكم وأبقى معاكم حشيمه=
=فيكم رفعت الراس بين الأجانيب


تحيه برائحة الود والتقدير من أختكم شموخ


فــرج الـبـلاز 15-07-2010 10:40 AM

[size=6][font=comic sans ms][color=#669966][align=center]
من السهل أن أصِيغ القصائد ,, ولكن من الصعب حياكتها إذا كانت مُـتعلقه

بأعظم وأروع أنسان ,, عندما يتعلق الامر بأغـــلى الناس

ماذا أُدون يا تُرى ؟ وماذا أقول في حق هذا الأنسان العملاق روحاً وتعامُلاَ وعطاءً

وبذلاً لا حدود لهً ..

سيدي الغالي ..

كيف أستطيع أن اصف لك شعوري وأحساسي وأعترافي بضعفي أمامك

وأمام حنانك المُـتدفق وعطائك الذي لا نهايه لهُ وتضحياتك التي لا حدود لها

آآآهـ لو تعرف كم أحس بالخجل نحوك وبالتقصير لأنني لا أستطيع أن أكتب لك

أعمق وأقوى من هذه الأبيات ,, فهذه إمكانياتي المتواضعه ,, وهذه قدراتي المحدوده

أنثرها أمام عينيك ,, وسامحني الله وحفِـظك وأسعد قلبي بِرؤيتك الأفضل والأعلى دوماً وأبداً !!




يابوي ماتحصي حروفي مزاياك=
=وين الكلام اللي يكـفـي خصـالك

لواكتب حروفي ترى الحرف مااوفاك=
=انت الفخـر والمجـد كـلـه زهالك

وصلت للعلـيا مـن افعـال يمناك=
=وحنا عرفنا الطيب منك وخلالك

يافرحـتي لامـن تبسـم محـياك=
=سعادتي في دنيتي هي وصالك

يابوي والله ما تحـمـلت فرقاك=
=وفي ذمتي فالقلب ما جا بدالك

يهتز عرش القلب فرحه للقياك=
=وتفتح لي ابواب الحياة بدلالك

ودي احطك داخل العين ترعاك=
=واصـد نكبات الـزمـن لا تنـالك

والله لو العـمـر يعـطى ويجـزاك=
=لاقـول كـل العـمـر جعـله فـدالك

اسعدت قلبي واعسى الرب يحماك=
=وليت الزمن يرسم شبيهـن مثالك

يا سـيدي ربي ينولـني رضــاك=
=ويجعلك فوق الناس لاجا مجالك

يا مسندي منهـو يسوي سواياك=
=عـز الله انك شـامخـاً فـي فـعالك

يا الله عسى ربي يحفظك ويرعاك=
=والخـير يالغالي بوجهـك وفـالك

فــرج الـبـلاز 15-07-2010 10:42 AM

http://www4.0zz0.com/2010/07/15/08/159521210.jpg



لولا التحدي والعزيمه والاصرار
محدً يحصل في حياته مرامـه

فــرج الـبـلاز 15-07-2010 10:42 AM






سلام يتهادى ربيعــه الى اعتــاق ارواحكم التي تزهــو

بأجنحة الطهـر والنقــاء ,,,




تتـأرجح في عالم الفناء

الحيــاة لا تُـريدها

والموت لا يُـريدك

لا أحــد يفهمُـك

ولا تريد التسليـم للســائد

تلٌـبست الوفااااء

وكسرت المــعهـود


في خيالك يتصارع الحلم مع الامـل

الكل يُـريد الظفر بالأرض الخضراااء

ولكن الحق ان كلاهمــا مهـزوووم !!!


هذا رأيــك ...


ولــكــــن ::



أطلـق العنـان لقلبك

دعُـه يعيـش الحبووور

إبتكر الكلمـات

لوٌن الأفـاق

ابذر الأمـل في عقم الاسمنت

أرتقب حُـسن وجمـال الربيـع

إنتظر إخضرار الارض

اغرس الورود في قلب الدهنــاء

أترك غبار الأيام

ورٌكـام السنين

قــااااوم الفنـاااااء


وسافر خارج بواباااات الحزن

واغـلقهــاااااا

فهـذا بإرادتك ,,,


ودع شمس يوم جديد يشرق بالفــرح

برغـم ما حوتـهُ سلـة ذكريااااتـك المـؤلمـه

المغمــوسه بمحور الواقع ,,

فـأنت شعلـه مُـلتهبـه

على تحمـل الهزااات الكونيــه

وطقوس الحيــاة

بأمواااجهـا المُتـلاطمـه ,,


انــت انـــت


طاقه لا يُـقاومهـا إلا روح طــاهرهـ

نقيـــه صــافيه وفيـــه

منسوجة الأجنــحه مع بقاياااا صبــر وأسمــال تجـلــد



ااااهـ ,,, رأسي يكاد ينفجر !!!

زمــام الافكار لا تُـطاق

مُـغلفـه بطاقـه من الابهــاااار

وأن هـدأت اشعلتها


ذكريااااتك

ذكريااااتك !!!




مُـلصق بريدي ,,



صــاااافح التـربـه الخصبـه

ودع إشراقاااات الحياة تأخذك

نحو املً منشـووود

وأزحف نحو دروووب العقلاء

فهـذا ما عهِــدتـهُ منك

واجعـل الأحلام الورديـه تُـدغدغك

وحـوٌلهــاااا

لـواااقع ,,


ليتسـربل اليـك

الفـــــرح

مُـنهـيً

ما خلفتـهٌ الذكرياااات

من شظاياااااا

قلبيـــه ,,,,

فــرج الـبـلاز 15-07-2010 10:45 AM

لا تشـتكـي للخلـق هـم ومصايب=ماينفعـك منهـم حـبايب ولا اقراب

شكـواك وجـهها لمنشي السحايب=الخـالق اللـي مـن ترجـاه ما خاب

فـي ركـعـتينٍ تالــي اللـيل تــايـب=تكفيك كانك من عنا الوقت منصاب

واحفظ علوم الدين لاتكون خـايب=واطلب ولي العرش من كل الابواب

يكفـيك ربك مـن هـمـوم النوايب=ويزيل همّك كان سويت الأسباب

وسـنّة نبيك حـث فــيها الركــايب=وكن للفضيله يا فتى الجود طـلاب

من قبل لا توضع عليك النصايب=والكل يبعد عنك ربعك والاحـباب

تجـلب كتابك فـي يمـينك جــلايـب=ومن يفعل الحسنى على فعله يثاب

هــذه نصيحــه للقــلوب اللـبايب=عضّوا عليها يا هل الدين بالناب


فــرج الـبـلاز 15-07-2010 10:46 AM












عـند الشروق ومـنظـر الجـو جــذاب=
=ذكـرت لي ناسً عـلى القـلب غـالين
ذكرت اخوي اللي عن البال ماغاب=
=لو ابتعــد مسكانه القـلب والعـــين
الفـارس اللي من عـريبين الانـساب=
=ما يغـيب عــنّـا لـو سـكــنا بعـيدين
مضرب مثل بين القرايب والاجناب=
=شيخً وذكــره فـي جـميع المـيادين
بحـنانه وعـطـفه ولا يوم لي عـاب=
=لا ضاق صدري مـرةً ضاق الفــين
فــتان لـقـلـوب البـشــر دوم نهــاب=
=يقـضي لزوم الغـير مايشـكي البين
يا عـل وبل الخـير لـه دوم سكـاب=
=الوايـلي شـقـران نسـل السلاطـين
يا رب يا اللي من ترجاك ما خاب=
=يارب تجـمـع شمـلنا فــيه آآآآمين

فــرج الـبـلاز 15-07-2010 10:47 AM

همسات من قعـر الفؤاد أندفعت مكونه أبيات متواضعه ردً على كلمه سمعتها
من نبع الحنان مستفسرً عن نبرة ألم وحزن دوت إلى مسمعه حينما هاتفني
فأقبلها وأقبلـــوها ببساطتها علها تغفر لي فترة غيابي ..,

لا صحت تكفى فز لي الـف خيّـال =
=مهره وأهلـي كـل ابوهـم ذيابـه
وأخص أنا اللي للحمل دوم شيّـال =
=اخوي ابو تركـي سريـع الأجابـه
عضيدي اللي ماله اشبـاه وامثـال =
=يالله عسانـي ماأحـس بغيـابـه
صدره لهمّـي لاتضايقـت مدهـال =
=وشـيٍ يفرحنـي سعابـه وجابـه
ماسدني فـي غيبتـه كثـر الازوال =
=عضيدي الغالي فـلا لـه مشابـه
ملاذ عينـي لا دنـا كـل زلـزال =
=وان ضاق صدري شفت فيه الرحابه
انت السند وانت الغلا وانت الامـال =
=وانت الحنان اللي روانـا شرابـه
طيبك بنالك داخـل القلـب منـزال =
=تنزل ومحـدٍ قبـل زولـك مشابـه
لو بيني وبينـك يحولـن الأميـال =
=عطفك ينسيني السفـر وأغترابـه
ابشـرك مرتاحـة الفكـر والبـال =
=والضيق زايـل والألـم والكأآبـه
ولياقتي بالصبر عـالٍ علـى عـال =
=والراس شامخ للصعـود انجذابـه
وأن قلت تكفـى لا تفكـر بتنقـال =
=في غيـر شخصـك ياكثيرالمهابـه

فــرج الـبـلاز 15-07-2010 10:48 AM




حينما يكون المرء خارج وطنه ويسمع شذرات المديح عنه فإن فرحه وسعادته لا يضاهيها فرح
لما لا والمُتحدث عنه ذلك المكان الذي أحتضنه وأغدق عليه وافر من الخيرات والنعم
كألأم الرؤوم التى افترشت جناحيها لتحمي صغارها من كدمات الحياة ووفرت لهم سبل الراحه
ورغد العيش .. وبالمقابل سيثور إذا سمِع ما يغضبه عن وطنه خاصه والمتحدث من بني جلدته ..
وهذه أنا أثارتني أخت في الله سامحها الله
أجتمعنا وأياها في أحد الدول
وكان الجو ممطر وكعادتي راق لي هذا الجو ودعوت الله أن يسقي بلادي من هذا الخير
وتسيل أوديتها وشعابها .. فأطرقت قائله بلادنا بلاد حسد وحقد ولن ترى الخير كهذه البلاد
ولا أعلم ما يعجبك فيها .. فأنطلقت عليها كالبركان الثائر وألجمتها عن مواصلت حديثها
وفاضت مشاعري بهذه الأبيات المتواضعه علها تروق لكم ..,



اعشق بلادي وروحي هايمـه فيهـا =
=معشوقتي الغاليه بالمـدح تزهالـي
هي امي اللي يحب القلـب طاريهـا =
=الخير فيها يجـود بكـل الأشكالـي
الله اكبـر اليـا نــادى مناديـهـا =
=يجلي همومٍ لهـا بالجـوف زلزالـي
للطيب والديـن رب البيـت هاديهـا =
=كبار وصغار وما للشـرك مدخالـي
وشلون ابوصفك يـا دارٍ لنـا فيهـا =
=ذكرى المعزه ما بيـن الأخ والخالـي
تعجـز بيوتـي بمعانيهـا توفّيهـا =
=في عهدها السابق وفي عهدها الحالي
معشوقتي نجد يـا مطيـب أهاليهـا =
=مشهورةٍ بالكـرم والكيـف فنجالـي
تسمع لهم مرحبـا والفيـن لعانيهـا =
=وتلقى المفاطيح لضيف العز ودلالـي
من شرقها لغربها لشمالهـا اغليهـا =
=واهيم في نجدها وجنوبهـا الغالـي
يفـز قلبـي فـرح لاحـل طاريهـا =
=هي جنتـي بالحيـاه وكـل آمالـي
يا عل مزن السماء تسقي أراضيهـا =
=عشرين ليله عليهـا الخيـر همّالـي
هاذي بلادي ووالي العـرش واليهـا =
=المهره اللي لها أبن سعـود خيالـي
الله يعـز السعـوديـه ويحميـهـا =
=تبقى عزيزه ودايـم اسمهـا عالـي


الساعة الآن 03:17 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010