شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   ديــــــوان الشاعره / جـــاذبــيـــه (https://mdyf.net/vb/showthread.php?t=11296)

جــاذبــيــه 05-06-2010 04:14 PM

ديــــــوان الشاعره / جـــاذبــيـــه
 
بسم الله الرحمن الرحيم

اخواني ... اخواتي في مضايف عنزه

اتشرف في وضع ديواني بين ايديكم وانا كلي امل ان يروق لكم ماتجدوه هنا ...

..


..


..


..





(الاطـــــــــرق الهــــــــــذال )


شي ٍ بديهي لادخلـت المضايـف = احني لابو سلطان جزل القصايـد
ياشيخ والعسرات بيدي عسايـف = روضتهن من دون حرب وشدايد
بهديك منهن نادرات الوصايـف = بيوت ٍ بمدحك وافيـات ٍ فرايـد
للاطرق الهذال ماهـن حسايـف = شيخٍ خضع لرضاه ماكان كايـد
سيف تحدر من صقيل الرهايـف = قوم لهم بالعـز شـان وعوايـد
حر ِ مقـره عاليـات النوايـف = ياجعل شعر ٍ ماانحنى لـه بدايـد
من بعدها لاهل القلوب النضايف = اعيال عمـي مقربيـن البعايـد
سلام مع تقديـر فـرد وردايـف = على النقاء مافيـه شـك ونقايـد
ياعزوتي والوقت صار امتهايـف = ماعاد اميز بيـن فـرح ونكايـد
مليت انا والشعر فل الصحايـف = ولاعاد لي في طرق الاشعار فايد
اعيش مع وقتي صراع الطوايف = واسترعيوبه ميـر مامـن فوايـد
بضم انا الجمره وابااقول طايـف = جوي وصدري بالهمـوم يتزايـد
وقبل الختام وقبل وقت النكايـف= عندي سؤال ٍ فوق حـر الوقايـد
(هل لي مكان بينكم بالمضايف؟؟؟ = ولا اكبر للقصيـد الوسايـد؟؟؟)

الاطرق بن بدر الهذال 05-06-2010 11:19 PM

صح لسانك اخي جاذبيه ولا هان منطوقك

الف مبروك افتتاح الديوان الذي حتماً سيكون رائع

تم تركيب البنر الخاص بديوانك

دمتي بخير

ناصر الحجوري 06-06-2010 12:42 AM

شاعرتنا القديرة جاذبيه
لاهان منطوقك
جئت ابارك لك الديوان
لك كل التهاني

تركي عبدالله العنزي 06-06-2010 09:31 PM

شاعرتنا جاذبيه

الف الف مبروك الديوان

وصح الساااااااااانك

شاعره جزله نتشوق دائما لقرائة قصائدها بدون مجامله

دهش العواجي 07-06-2010 10:07 PM

http://mdyf.net/vb/showthread.php?p=190545#post190545

عبدالعزيز الوادي 08-06-2010 12:39 AM

جآبيه آسم برز هنآ وله مكآنته بين الشعراء والشاعرات

حضورك لا يشبه اي حضور شعرياً وثقآفياً وفكرياً



/



ثقي تمام الثقه ان لك بصمه هنآ مغآيره عن الكل



/




آحترآمي ومتآبعتي يا / فآضله


/

جــاذبــيــه 08-06-2010 04:15 PM

الاطرق الهذال
نديم القوافي
تركي العنزي
دهش العواجي
عبدالعزيز الوادي


... من القلب ممتنه لتواجدكم وتشجيعكم الكريم

جــاذبــيــه 08-06-2010 04:24 PM

http://gharalrand.tripod.com/brrosebar1.gif


في حادثـــه غطت على كل معقول ...!!!





في حادثه غطت على كـل معقـول = جهـز عتـاده للـفـراق وتـولـم
يقول انـا منسـاك ويقـول ويقـول = اشياء كثيـره جرحهـا بـي علـم
مرت علي والفكر شـارد ومذهـول = مابين جـد او مـزح كـان يتكلـم
وانهى كلامه ثم قفـى علـى طـول = بيـوم المـوادع مالـك الله سـلـم
واقفى وكن الوضع عـادي ومقبـول = مايـدري ان الصبـح بقفـاه ظلـم
ياليل يالليـل الرجـا فيـك مقتـول = هو به رجا والقلـب عقبـه تثلـم؟؟
ياسامعي ياانـت ياحـي هالـزول = ياللي على كـل المصاعـب تأقلـم
بهديك حرف ٍ واتحدى بـه عقـول = لامن قرت مضمون شعـري تبلـم
ماهوب صف ابيات من دون مدلول = تدري شتات القـول عنـدي تلملـم
وادري تعرف القصد لو كان مجهول = يامدرسـه بالشعـر منـك نتعـلـم
ياخوك من فارق ولاعنـه مرسـول = شي ٍ عزيـز الـروح عقبـه تألـم
(حظ ٍ )رحل ماعاد نرجي له وصول = ولا عن سبب فرقاه وضـح وعلـم
اقفت ضعونه بين رحـال ونـزول = ماغير انا اشكـي حالتـي واتظلـم
ان كان شفته بلغـه صامـل القـول = قل صاحبـك طاريـك بيديـه قلـم
ولاصار مالي منه ربـح ٍ ومأمـول = ابي احمد اللي مـن عواقبـه سلـم

جــاذبــيــه 08-06-2010 04:31 PM



دهش الـــعواجي ...


http://gharalrand.tripod.com/magno-bar.gif



عن ساحة الشعار غايب ولا غـاب = غايب حضور وحاضر فـي غيابـه
قامة شعر في طلتـه يفتـح البـاب = لموكب شعر ماشفـت مثلـه مهابـه
ياابن العواجي والشعر جاك منصاب = عجل تـرى غيبتـك زادت صوابـه
شفته بعد ماغبت شاحـب ومرتـاب = كنه عليـل ٍ مـا لقـوا لـه طبابـه
ذليل عقبك يشتكـي مـر الاتعـاب = عليـه مـن فقـدك وسـوم وكآآبـه
بشبهك مـن دون تطويـل واسهـاب = لانه كمـال الشـيء معـك يتشابـه
شفت الشريعه لابترت يد الارهـاب = كنها حضورك مـع كسـور الكتابـه
لذا تعـال وخـل الاشعـار تنسـاب = ينور بها روض المضيـف ورحابـه
ياشاعر ٍ ماينصفـك بـوح بكتـاب = خذهـا تمـرد حـرف زاد ارتيابـه
من شاف صدر الشعر عمس ولاطاب = حـاول يوصلـك بعـض ماجرابـه
فما انت برر عن غيابك والاسبـاب = ولاانعش احساس المضايف طرابـه
القاف تـوه والشعـر مابعـد شـاب = ماشـاب دامـك يالعواجـي شبابـه
ولـن الجزالـه وايليـه بالانسـاب = عندي سـؤال فيـه بعـض الرتابـه
س/الجزاله وانت مـن اي الاقـراب = ادري قرابه بـس وش هالقرابـه؟؟؟

جــاذبــيــه 08-06-2010 04:39 PM

اورنـــس الهــذال


http://gharalrand.tripod.com/brebar3.gif






اورنس قلي ويش ابـا رد واقـول = وجزل الكلام اللي عرفته نسيتـه
مدري ارتجل او انسخ الرد منقول = انسقه وان جاء اعتمـاده محيتـه
ولن الحكي لو زاد مافيـه مدلـول = بعطيك انا الزبده //مرورك رأيته
شي ٍ يشابه لمعة المـاس واللـول = لاوالله الا فـوق وصـف ٍ لقيتـه
كنـه وسـام بالبلاتيـن مشغـول = من فرحتي راس القوافـي حنيتـه
للي مروره مالـه ردود وحلـول = الجم حروفي والهـدف مارميتـه
وقفت مع رده بـلا قـوه وحـول = وعلنت له عجز الحروف وشكيته
اورنس ياصوت ٍ به الطيب مجبول = لاياسمي من ذاع علمـه وصيتـه
ودي يكون العذر مقنـع ومقبـول = حتى اكون الطيب لاهله وفيته
اورنس يكفي مابي آعيـد واقـول = لن الكلام اللـي عرفتـه نسيتـه


الساعة الآن 11:22 AM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010