شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   ديوان الشاعر/ سليمان كسار العنزي (https://mdyf.net/vb/showthread.php?t=33096)

بحر القصيد~ 30-06-2011 11:33 PM

ديوان الشاعر/ سليمان كسار العنزي
 


اعضاء وزوار شبكة مضايف عنزه




السلام عليكم ورحمة الله وبركاته




تم بحمد الله افتتاح ديوان ...




الشاعر/ سليمان كسار العنزي



نأمل ان تقضو اجمل الاوقات وتجدو مايسركم


ولكم اطيب واجمل التحايا





سليمان كسار المضياني 01-07-2011 12:34 AM


يازين ابوصف لك عن الحال توصيف=وابخبرك ياشوق قبل التجافي
واقول قافي دون زيفٍ وتحريف=وعسى يكون القيل يازين يافي
ماطيع انا هرجٍ من الناس تزييف=والا كلام الناس ياالله كافي
ولاني كثير الهرج مثل الملاقيف=وجاك الكلام اللي من القلب صافي
الحب له دوره كما دورة الصيف=وبعض الخلايق مابها شخص وافي
ومن يدعي بالحب فالحب ماشيف=وفي عصرنا بالذات صار اختلافي
عرش المحبه ينمشي به على الكيف=واللي مشى في دربها مايخافي
والمال يرفع عن كثير الصواديف=وياويل من يمشي على الشوك حافي
ومن بعدها خمسه يجني مع الطيف=جمعتها وقلبي يزيد ارتجافي
الهاء منها كيف ابـا آقول ياحيف=والفاء في وسطه احط اعترافي
حبك قديم مكتف الحال تكتيف=مادام عدتي فاالرجا لا تخافي
فاالحب له عندي مكانه وتشريف=ولا مقصدي تحقيق بعض الاهدافي
ولاني على الدنيا كثير التحاسيف=وكل البشر بيدين ربي ضعافي
وانا عليها مسيّرٍ كني الضيف=ومسيرها تذري علي السوافي

سليمان كسار العنزي

سليمان كسار المضياني 01-07-2011 12:52 AM

عيدي الذكرى




عيدي الذكرى لحبي وانصفي=واطرقي بابٍ على وقتٍ مظا
واحكمي باالعدل كانك تعرفي=والحكم باالعدل هو ساس القظا
وعلميني كيف قلبك مختفي=دام قلبي غير حبك ماحظا
مايجي لي يوم عنك مكتفي=وصورتك بأحلام طيفي تعرظا
عشت عمري ماتغير موقفي=ان حصل لي شدةٍ او في فظا
شاركيني في همومي وألطفي=في عيوني حابسٍ جمر الغظا
كان قلبك يحمل الحب الوفي=احكمي مابيننا حكم الرظا

الاطرق بن بدر الهذال 02-07-2011 09:14 AM

الف الف مبروك افتتاح الديوان اخوي سليمان

موفق خير ان شاء الله


http://mdyf.net/upload//uploads/imag...afaebb7682.gif

سليمان كسار المضياني 02-07-2011 08:41 PM

الشيخ الشاعر/ الاطرق بن بدر الهذال



الله يبارك فيك ياابوسلطان وهذا بفضل الله ثم فضلكم لاعدمناك يالبناخي



تحياتي ومودتي

فــرج الـبـلاز 03-07-2011 08:06 AM

البناخي الشاعر سليمان المضياني

ابارك لك افتتاح هذا الديوان العامر بالدرر ان شاء الله

وسجل متابعتي وبانتظار مايفيض به قلمك

صح لسانك

سليمان كسار المضياني 08-07-2011 09:14 PM

الاخ الشاعر/ فرج الدهمشي



الله يبارك فيك اخوي واتشرف بمتابعتك الله لايحرمنا منك





تحياتي ومودتي


سليمان كسار المضياني 10-07-2011 12:42 AM


الآ ياهبوبٍ قادمٍ من بلد محبوب=تجمّل وبشرني عن اخبار محبوبي
وساعد وبلغها عن الحال والمطلوب=تجمع معداتي على شف مطلوبي
اصور بلحظاتٍ من الجوهر المصبوب=وخايف على جسمٍ الآ يحرق الروبي
على فرصة الذكرى اسطر لها المكتوب=واصيح الف صيحه لاذكرته على دوبي


سليمان كسار

الرميصاء 10-07-2011 06:16 PM

موفق بإذن الله ... لك مني أجمل تحية

سليمان كسار المضياني 10-07-2011 10:46 PM

الرميصاء




شكراً لكِ والتوفيق للجميع بأذن الله سعدت وتشرفت





تحياتي ومودتي





الساعة الآن 02:19 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010