شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   ديوان الشاعر/ عبدالرزاق بطاح المطرفي (https://mdyf.net/vb/showthread.php?t=45093)

بحر القصيد~ 01-08-2012 03:49 AM

ديوان الشاعر/ عبدالرزاق بطاح المطرفي
 
اعضاء و زوار شبكة مضايف عنزه








السلام عليكم ورحمة الله وبركاته




تم بحمد الله افتتاح ديوان الشاعر المبدع





الشاعر القدير / عبدالرزاق بطاح المطرفي


واللذي يشمل جميع قصائد الشاعر نأمل ان تقضو هنا اجمل الاوقات


وتجدون مايسركم

ولكم اجمل واطيب التحايا







شوق الدهمشي 01-08-2012 03:53 AM

بآدره طيـب من قلب كبيـر

سنكون فالقرب بإذن الله

تحيتي لكـ ي عظيم

بحر القصيد~ 01-08-2012 03:53 AM


فتشت بالقاموس في كل الأقطار=ولقيت وايل فوق عالي قمرها
ربع(ن) لهم في هامة المجد تذكار=مكتوب من مي الذهب من سطرها
ربعي بني وايل هل المجد والكار=افعالهم بالمجد كلن ذكرها
ربعي بني وايل بعيدين الاذكار=وفعولهم لليوم محدن طمرها
واذوادهم ترعى زماليق الاقفار=تسرح ديار الخوف محدن قهرها
وافعالهم تذكر بنجد(ن) وسنجار=والفرس دكوها وداسوا خطرها
وصديقهم يلقى معزه ومقدار=وعدوهم يشرب خبايث كدرها
وبشر مع جلاس لاشبت النار=صديق عينك مايطيح بنحرها
عدوهم يشرب قراطيع الامرار=لاقام ينثر بالمعارك حمرها
من صلب وايل بالمعارك لهم كار=وافعالهم بالطيب محدن نكرها
وصلاة ربي عد مابالسما طار=على رسول الله سيد بشرها

بحر القصيد~ 01-08-2012 03:58 AM


اكبر خساره موت نايف وسلطان=عمدان نجد الشامخات الكبيره
الله يعين الشعب من كثر الأحزان=تواردن بالقلب مثل السعيره
نعزي ابو متعب ومشعل وسلمان=اسيوف نجد اللامعات الشطيره
انتم حمات الدين ذربين الايمان=وانتم ذرانا بالآمور الخطيره
يالله يارحمن ياعالي الشان=تحمي بلدنا من النفوس الحقيره

بحر القصيد~ 01-08-2012 04:01 AM


زلزال سوري هزت اركان بشار=وضاقت به الافاق عقب اتساعه
دارت على الطاغي دواليب الاقدار=نجمه طمن بالقاع عقب ارتفاعه
ماينفعك لوكان فزّعت الاشرار=واصبحت وحدك ياخبيث الصناعه
قاموا يدكونك صواريم الاحرار=وصار الاسد اليوم ضمن الضباعه
صكوبه اسباعٍ يدوسون الاخطار=شباب سوري يهتوون الشجاعه
ياالله بنصرا(ن) منك ياوال الاقدار=يظفي على روس العوالي اشراعه
وصلاة ربي عد ما بالسماء طار=على رسول الله راع الشفاعه

بحر القصيد~ 01-08-2012 04:05 AM


الشعرفن وذوق وحساس وشعور= ولاكل من قال القصيده حكرها
وبعض القصايد مالها بالشعردور= والي كتب بعض القصايد دمرها
والشعرمن بعض المخاليق مخطور= مستشعره بعض البشرمن قهرها
والي كتب له بيت والبيت مكسور= قصيدته من كل جيهه كسرها
والشعرديوان العرب شي مخبور= خلد تواريخ العرب من دررها
يامنتدى الويلان مشكورمشكور= بسم عنزه نرقى بعالي قمرها
وصلاة ربي عـد ماشعشع النور= على رسول الله سيد بشرها

بحر القصيد~ 01-08-2012 04:18 AM


لاتشتكي الهم لوكنت مقهور=ربك غفور ورحمة الله كبيره
اقنع على المقسوم واصبر على الجور=اخيرمن مد الوجيهه الحقيره
وافطن ترى دنياك دولابها يدور=يمكن يزين الوقت وتصير خيره
والمجلس اللي فيه نامس ودبور=والنمل عنده مودعله حضيره
انفض شليلك ما انت بالنمل مجبور=وانحر مجاليس الرجال السفيره
اللي مجالسهم بها الطيب مذكور=وفنجال بنن والقهوجي يديره
ولا الردي من خلقت الناس مثبور=لا نافعن نفسه ولامنه ذيره
يقول ابن حثلين والقول مخبور=والهرج يكفي صامله عن كثيره
وصلاة ربي عد ما يطلع النور=على رسولا سيرته خير سيره

بحر القصيد~ 01-08-2012 04:26 AM


تكفون يالويلان تكفون تكفون
ترى قولت تكفون تهز الجذيبه





وعادتكم عند الصعيبات ترسون
وافعالكم بالطيب ماهي غريبه




وسامح يهل الدمع بالسجن مسجون
مصيبةٍ(ن) ياكبرها من مصيبه






وامه وابوه بليلهم ماينامون
وحبيبهم بالسجن قرب مغيبه






تكفون لايغيب وانتم تشوفون
معيبتةٍ(ن) ياكبرها من معيبه







وامه اتراعيكم تبي مدت العون
من شان يرجع ابنها من مغيبه





وشيخان وايل ان دروا مايعيون
ولايلحق الويلان شك(ن) وريبه





عاداتهم في حق وايل يعيون
بالسيف ناخذ حقنا بالغصيبه



ابشرياسامح بالسعد يوم يمشون
اعيال وايل ما تحب الغليبه



من دون قاصربكل من كان ويكون
قبايل (ن ) وحقوقها ما نغديبه


عبدالرزاق بطاح المطرفي 01-08-2012 04:29 AM

اخي واستاذي الغالي عويد كسارالعنزي
بحر القصيد\

شكري وتقديري لك على ماقمت به

وبيض الله وجهك وجزاك الله خير

اخي\تقبل مني اجمل تحيه ومليون يدبل مليون شكر لك

اخوك\ابوشريف


عبدالرزاق بطاح المطرفي 05-08-2012 01:24 AM

اقتباس:

المشاركة الأصلية كتبت بواسطة شوق الدهمشي (المشاركة 681342)
بآدره طيـب من قلب كبيـر

سنكون فالقرب بإذن الله

تحيتي لكـ ي عظيم


اهلا اختي تسعدني متابعتك ومرورك الرائع


الساعة الآن 09:39 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010