شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   .•:*¨`*:•. ديـوان الشاعر والمنشد سلطان العـنزي .•:*¨`*:•. (https://mdyf.net/vb/showthread.php?t=42324)

سلطان حمود 04-03-2012 09:38 PM

.•:*¨`*:•. ديـوان الشاعر والمنشد سلطان العـنزي .•:*¨`*:•.
 

بسم الله الرحمن الرحيم

أخواني وأخواتي أعضاء وزوار شبكة مضايف عنزه

السلام عليكم ورحمة الله وبركاته

يسعدني ويشرفني أن أضع بين أيديكم ديواني المقروء الذي سوف أجمع به قصائدي وكتاباتي

وشيلاتي الخاصه بقصائدي ان شاء الله تعالى

أتمنى أن تجدون به مايليق بذائقتكم وحسن قبولكم


زيارتكم شرف كبير لي


لكم أطيب وأجمل تحيه

دمتم بسعاده لا تنتهي

أخوكم / سلطان العنزي

تستطيع أن ترى الصورة بحجمها الطبيعي بعد الضغط عليها

سلطان حمود 04-03-2012 09:43 PM

يالــوافــيــه
 
]




السلام عليكم ورحمة الله وبركاته

مدخل,,,
لكل زوجه وفـيّـه نصيب
من بوح ومشاعر زوجها



يالوافيه قدرك على العين والـراس
ومكانتـك مابيـن قلبـي وعينـي

أنتي بعيني غير عن كل هالنـاس
يافرحة أيامـي وغربـة سنينـي

ياأغلى من الياقوت والدر والمـاس
عهد الوفـا مابيـن قلبـك وبينـي

قربك هنا روحي وحلمي والاوناس
وبعُدك حياتـي بالشقـا ياظنينـي

ماللفرح دونك معانـي ومجـلاس
الهـم خيّـم والسهـر يحترينـي

بيت الوفا والصدق مبني على ساس
ألقى الهناء به والفـرح يحتوينـي

لك بالوفا شيمه وقيمـه ونومـاس
يانصف عمري .. ياخفايا ونينـي

ياما غمرتيني بعطفك والاحسـاس
وأحييتي شعور الوله فـي كنينـي

نهر الحنان وموطن العز والبـاس
أجزل حروفي ماتوّصـف حنينـي

ياما عطيتي بالوفـا دون مقيـاس
وفيض المشاعر بالامل يعترينـي

ياجوهره ماجابهـا كـل غطـاس
على الشرف صارت براحة يديني

أصدق معاني صاغها قلب حّساس
وأن قصّرت فيك المعاني أعذريني

أقولها صادق من الـراس للـراس
مالـك شبيـةٍ بالمـلأ صدقيـنـي


وسلامتكم

مخرج,,
الله لا يحرمني منك
يا أم زيـــاد




[

سلطان حمود 04-03-2012 09:52 PM

أجمل الحـــاني
 
]]




السلام عليكم ورحمة الله وبركاته


الشعر يا فاقـد الاحسـاس
احساس من غربة أوطانـي

لو المشاعـر قويـة بـاس
ماستوطن الحزن وجدانـي

ولـو الوفـا بيننـا بقيـاس
ماتلمـح الدمـع بأعيانـي

أحس في ضيقـة الانفـاس
من جرح الايـام وأحزانـي

دام المبادي رفيعـة سـاس
والصدق أسمـي وعنوانـي

لو عشت بين العنا واليـاس
والوقـت الأقشـر تحدانـي

أشوم عن هرجة الانجـاس
ولا همنـي كـل عدوانـي

من عادتي ماسمع البـلاس
ولا أطاوع القاصي الدانـي

الله يلعـن ردي الـسـاس
اللي على الضيـق يحدانـي

الحمدلله ماخضعت الـراس
لو كـل الايـام تعصانـي

الجـود والعـز والنومـاس
والطيب من عادة اخوانـي

الوايلـي (للوفـا) نبـراس
والمجـد تاريـخ جـدانـي

لا تجرح الخافق الحسّـاس
الجرح الأول مـع الثانـي

اللي عشقته بليـا أحسـاس
ياما علـى المـوت ودانـي

أن باعني صاحبي لا بـاس
يبقى العزى طيـب خلانـي

هذا شعوري على الكـراس
لحنتهـا بأجمـل الحـانـي

أجمل حروفي على القرطاس
مضمونها نبـض حرمانـي

أغلى من اللـؤل والالمـاس
لا صار من فايض اشجاني

ماكل شجره قواهـا فـاس
ولا كـل خطـوه تعّدانـي

البحر يحتاج لـه غطـاس
يكسب من الصيد مرجانـي

وأنا اليا ذعـذع النسنـاس
هبت مـع الريـح قيفانـي

وسلامتكم







[][

منصور الرويلي 06-03-2012 10:12 AM

سلطان العـنزي

بداية موافقة يابو زياد

كان لي شرف الحضور

تحياتي وتقديري



سلطان حمود 07-03-2012 03:14 PM

اقتباس:

المشاركة الأصلية كتبت بواسطة منصور الرويلي (المشاركة 630728)
سلطان العـنزي

بداية موافقة يابو زياد

كان لي شرف الحضور

تحياتي وتقديري


الغالي

أبو نايف

تسلم الله يرضى عليك من طيب ذاتك

الله يشرف مقدارك

وسعيد جدآ باطلالتك العزيزه

وبيض الله وجهك

دمت بسعاده لا تنتهي

تقديري

سلطان حمود 27-03-2012 12:46 AM

الشمال
 


سـلام يأهـل الطيـب يـاعـز الاصـحـاب=أعــداد مـاهــل الـمـطـر وأقـبــل الـخـيـر

لـــو المـشـاعـر لـلـغـلا تـفـتــح أبــــواب=فتـحـت قـلـبـي كـــل مـارفــرف الـطـيـر

للـديـره الـلـي ساكـنـه وســط الاهـــداب=حـبــي لـهــا مـافـيـه عـيــب ومـحـاذيــر

أغــلى مديـنـه تمتلك سحر الاعجاب=دارً لــهــا بـالـقـلــب شـيــمــه وتـقــديــر

لا قلت (عرعـر) أعـذب الشعـر ينسـاب=هـاجـس خيـالـي بـيـن وُرد ومـصـاديـر

فـي ناظـري صـورة غلاهـا والاحبـاب=حـلــم الطـفـولـه وأحـتـفــال الاسـاطـيــر

الـلــي قـمـرهــا مــاتــوارى ولا غــــاب=بعيـونـهـا وضــــح الـنـوايــا المـغـاتـيـر

فـي حبهـا عاشـق . مـولـع .ومنـصـاب=مايوصـف أحسـاس الـغـلا كــل تعبـيـر

أسـابـق الخـطـوه مــن الـوقـت مـرتــاب=صــم التـجـارب بالـظـروف المعاسـيـر

عـن شوفـهـا تقـصـر مفاهـيـم الاسـبـاب=صـدق الـغـلا يسـبـق هـبـوب التباشـيـر

لا جابـهـا الهـاجـس مــن البـعـد مـاهـاب=من الساحـل الشرقـي طويـت المشاويـر

صـوب الشمـال وصـادق الــود غــلاب=ونبـض المحـبـه فــوق كـــل المـعـاذيـر

دار الشـمـوخ بذكـرهـا فـاحـت أطـيــاب=نفـحـة عبـيـره عانـقـت جــوي عصٌـيـر

مـديـت كـفــي وأنـفـتـح لـلامــل بـــاب ؟=وجـدي علـى الـلـي مايـهـاب المخاسـيـر

تسبقـنـي الخـطـوه بــلا قـيــد وحـســاب=ويـشـوش رأســي لا ذكــرت المناعـيـر

تاريخـهـم بالطـيـب فــي راس مـرقــاب=أهـــل الـسـيــوف الـبـاتـعـات الـبـواتـيـر

نـسـل الـحـرار الـلـي يفـكـون الانـشـاب=ســـاس الـمـكـارم والــــدلال المـبـاهـيـر

الـعـمـر رحـلــة .. والمـنـايـا لـلاسـبـاب=والـصــدق مـبــدى للـوجـيـه المـسـافـيـر

لا كـشــرت ســـود اللـيـالـي بـالانـيــاب=وكـلــن تـعــزوا بـالـرجــال المـشـاهـيـر

ذكــــرت دارً لـلـوفــا بــيــت وأطــنــاب=فـيـهـا أربـوعــي مكـرمـيـن الخـواطـيـر

أدنـاهــم الـلــي هيـبـتـه حـكـمـة عــقــاب=وأقصاهـم الـلـي سطـوتـه سـالـم الـزيـر

(ويـلان)ويـلان الفخـر عـنـد الاجـنـاب=تاريـخـهـم بالـمـجـد مــوقــف وتـفـسـيـر

صوت الشعـر مادونـه أسـوار وحجـاب=دام الــغــلا باعـمـاقـنـا والــوفــا غــيـــر

أجـزل حروفـي تمـلـك عـقـول الالـبـاب=مـن صـادق الاحسـاس أسمـى التعابـيـر

وأن جيـت أبكتـب سيـرة المجـد بكـتـاب=فـي وصفهـا تقصـر أجـزال التصـاويـر

مـن قـال أول حـب تخضـع لــه أرقــاب=الله يحـفـظـه مـــن صـــدوف الـمـقـاديـر

ولعيون (عرعر)جيت ياعز الاصحاب=أكـتـب لـهـا أحـسـاسّ يـهــز الجمـاهـيـر





الاطرق بن بدر الهذال 27-03-2012 01:47 AM

سلطان العنزي

الف مبروك افتتاح الديوان

وأن شاء الله نرى جميع انتاجك الرائع هنا

بالتوفيق

تم تركيب البنر


ازهار الصباح 03-04-2012 05:46 AM


سلطان حمود 03-04-2012 09:47 PM

اقتباس:

المشاركة الأصلية كتبت بواسطة الاطرق بن بدر الهذال (المشاركة 636498)
سلطان العنزي


الف مبروك افتتاح الديوان

وأن شاء الله نرى جميع انتاجك الرائع هنا

بالتوفيق

تم تركيب البنر




الغالي

أبو سلطان

الله يبارك فيك ويخليك يالغالي

بيض الله وجهك يالقرم

دائمآ سبّـاق للطيب يا راعي الطيب

حضورك تشريف لي ووسام على صدري

ألف شكر على جهودك الغير مستغربه

والله يجملنا مع المطاليق اللي مثلك وشرواك

تقديري

سلطان حمود 03-04-2012 09:53 PM

اقتباس:

المشاركة الأصلية كتبت بواسطة ازهار الصباح (المشاركة 639040)

عليكم السلام ورحمة الله وبركاته

ازهار الصباح

شكرآ جزيلآ لمرورك وتشريفك ديواني المتواضع

ولا خلا ولا عدم

تقديري


الساعة الآن 02:24 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010