شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   أشعار ومشاعر... الفارس الأول (حمود العبيد) (https://mdyf.net/vb/showthread.php?t=35608)

الاطرق بن بدر الهذال 28-08-2011 06:37 AM

أشعار ومشاعر... الفارس الأول (حمود العبيد)
 





السلام عليكم ورحمة الله وبركاته

اعضاء مضايفنا وزوارها الكرام

يسعدني ان اضع بين ايديكم ديوان شاعرنا القدير / حمود العبيد
((( الفارس الأول )))



متمنياً لكم الأستمتاع بقصائده الرائعه في متصفح واحد

وأتمنى من الأخ ابو طارق ان يضيف قصائده كلما سنحت له الفرصه

وقت ممتع مع الفارس الأول ( حمود العبيد )

دمتم بحفظ الرحمن





الاطرق بن بدر الهذال 28-08-2011 06:50 AM

حنا على العهد
 








حنا على العهــــد التوحيـــد والملّـه=وحنا لملكنا ذخــر لاصــاح برجـــاله
قــاد المسيــرة حبيب الشعــب عبدالله=واستبشــرت مملكتنــا والسعـــد فـاله
يا خـــادم البيت يا عــز الوطــن كلـه=يا فرحـة الشعـب يا محـقق له آمـــاله
حلحيــل حل الصعـــايب دقّـــه وجلّه=كل العـــرب تستظـل اليوم بظــــلاله
قلوبنــــــا سيــــدي لك بالوفــــــا دله=اشرب غلا من قلوب الشعب وزلاله
وحنــا لولـي العهـــد سيــفٍ ليـا سلـه=ناطـى دروب الخطـر رجلي وخيـاله
سلطــان درع الوطـن للمعتـــدي عله=وللشعب مثل المطــر لاطــاح همـاله
ما مثل سلطـــان وحجـاجــه ليـا فلــه=تعطــي يمينه ولا تدري بهـا شمـــاله
وحنــا فـدى للوطـن مـا نقـبــل الـزله=منهـو بغـى بالوطـن نقطّـع أوصــاله
ما نرخص الديـن وتراب الوطــن لله=بالمـوت يا مرحبـا وان طوّق حبــاله



الاطرق بن بدر الهذال 28-08-2011 07:02 AM

الفقيدة بنت سلطان المعظم والمهيب
 


كان لوقع وفاة صاحبة السموالملكي الأميرة منيرة بنت سلطان بن عبدالعزيز
والدة صاحب السمو الملكي الأمير نواف بن فيصل الرئيس العام لرعاية الشباب
الأثر الكبير في نفسي .. خصوصاً بعد ما رأيت تأثر سموه بفقدها
فكانت هذه الأبيات المتواضعة

وإذ أننا وعبر مضايف عنزة
باسم قبيلة عنزة وباسم المضايف وكافة أعضائها من إدارة وإشراف وأعضاء
نرفع لسموه الكريم أحر التعازي لوفاة والدته سمو الأميرة منيرة
والعزاء موصول لصاحب السمو الملكي شقيقه الأمير خالد بن فيصل بن فهد
ولشقيقاته صاحبات السمو الملكي الأميرات هيفاء وشاهيناز ونسرين

تغمد الله الفقيدة بواسع رحمته وأسكنها فسيح جناته
وإنا لله وإنا إليه راجعون
باســم الولي أبتـدي والقــاف مهموم وحزين =أسمـــع نحيبــه وقلبــي جـاوبــــه بالنحيـــب
القــاف نفســه كسيـــره والخبـــر والله شيـن=الله يجــازيـــك يالإعـــلام وش علمٍ تجيـــب
الأميــــره منيــــــره ودعــــت يـا مسلميـــن=الله يجبــــر عــــزا منهـــو عرفـهـــا قريــب
لا تلومــون القوافـــي لو بكت دمـــعٍ سميــن=الفقيــــده بنت سلطـــــان المعظّـــــم والمهيب
الأميـــــــرة نجمــــــةٍ فـــوق الثريّــــا تبيـــن=طيب فعل وطيب منشى والقدر حكمه يصيب
إيه يا نـواف بن فيصـل عســى ربــك يعيـــن=عظــــم الله أجــــــرك يالأميـــــر النجيــــــب
يجبر الله في مصـابك .. بشــــر الصـــابريــن=من يلومـك لو ذرفت الدمــع لفــراق الحبيـــب
أمك اللي قــدْرها فـي نـون عينــــك والجبيـــن=والوفــا ياسيــــدي منــك الدعـــا والله مجيــب
والعــزا موصـول لك ياشبـل فيصـل والعرين=أنت ياخــالـد سنــد نـواف بالـوقت العصيـــب
وللأميــرات الكريمــات كفـكفـن دمعـات عين=الصبـر ثم الصبـر والحــوقـلة فيـهــا الطـبيب
الله الدايـــــم وحـنــــا كـلنــــا لـه راجـعـيــــن=سنّـة الله في عبـاده والأجــل في علـم غيـــب
سقت أنا صـدق المشاعــر رددوا ياسامعيــن=ياعسـى روح الأميــرة عنـد باريهــا تطيــب
وكْـملت ماباقــي إلا ذكـــر رجــــالٍ فطيـــن=فيصل اللي في سجل المجد له وافي النصيب
من تربّـى بعـــز فيصــل نالهـا دنيـــا وديــن=طيــب فعله خابرينه وامتــداد الطيـب طيــب
ومسكها صلوا على المعصوم سيد المرسلين=الشفيـــع اللي بيمينه يفتـح البــاب الرحيـــب


فــرج الـبـلاز 28-08-2011 07:52 AM

الشاعر القدير حمود العبيد

صح لسانك وبيض الله وجهك .. نبارك لك افتتاح هذا الديوان

بانتظار ما يفيض به قلمك واتمنى لك التوفيق في مسيرتك الشعريه والادبيه

حمود العبيـــــد 01-09-2011 01:13 AM

الشيخ والأخ العزيز/ الأطرق الهذال

تفاجأت بهذه البادرة الطيبة والمُـلْزِمة حقيقة بهذا المتصفح الذي
سيحتوي كل ما خطه قلمي وهاجسي من أشعار ومشاعر

بادرتك طيبه وغير مستغربه من شخص مثلك

عظيم شكري وامتناني لسمو روحك

ويسرني أن تكون هذه الأبيات المتواضعه بداية المشوار
والتي كتبتها عندما تشرفت بانضمامي لمضايفكم العامرة
تلبيةً لدعوتكم في ذلك الوقت







جتنـي رسالة عريب السـاس=دعــوة ويطــرب لهــــا بالي


حـط المضـــايف لنا نبـراس=بالكيــف للضيــف مدهـــالي


ياحـــامس البن بالمحمـــاس=صلّــح لنا الكيــف بــدْلالــي


شفت الربع كلهم جـلاس=ودي بهـــم أول وتــالـــــي


وياكاسب الطيب والنوماس=عن دعوتــك ماني بســـالي


واليوم جيتك وكلي إحساس=البيـــــت بيتـــي ومنـــزالي


لك إحترامي بدون قيــــاس=وتحيتـــي يابن هـــــذالـــي


وإني أتمنى أن يرتقي ما سأطرحه هنا لسمو ذوق المتلقي

تحياتي لقلوبكم

حمود العبيـــــد 01-09-2011 11:39 PM

على الشدة صبور
 
.. .. ..
.. ..
..



ما شكى الحب رجالٍ على الشــدة صبـــور=يبتســم لو جروحــه خضــر والحال انبرى
لو غـــلا اللــي تحبــه بالحنــــايا قصــــور=دامـــه أقفــــــى عليــــــك الله تــدوّر ذرى
والســراب اللــي تشوفـه ما يبــل النحــــور=البـــــلا اللــي يقـــولــه يحســب انه ثـــرى
ما ذبحنــي غير ظبيٍ جانــي يختــال بغرور=استحـــل الحنـــايا ولاعــرفت اللي جــــرى
آه يا قلبــي علامــك خابـرك ماانت غيـــور=عادتــــك ما تصيـــــد إلا جفــــول مذيّــــرا
ليه هذا الظبي صـــادك وانت صيــادٍ جسور=جرجرك يا قلب وانت ماانت ناقص جرجرا
لعنبــوا جـدّه ذبحنـــي ما يجيـــد إلا النفــــور=لا حضــرت ابتســم لي وإلا عنـــي ما درى
لفّنــي حسنـه وزينـه غصـت في غبـة بحـور=موجــةٍ تدنينــي منـه وموجـة ترجع بي ورا
ضحكتـه بلسـم جروحــي والمشــاعر له تثور=مكسبـــي منه الخيـــال اللــي بليلـي ســــرى
سقت له بيض النوايا جيته بصـدق الشعـــور=" بدويٍ قضبــوه العلــم " والعلــم أقشــــــرا
يدري إني في وصـــاله ما أهـــاب العقــــور=أطــرق البــاب بيمينــي ما أجــي له من ورا
يشتكــي قاســي ظروفه وأشتكــي حظٍ عثــور=كل ما مديت كفــي قفّــــى يمشـــــي بختــــرا
إيه ياقلبي تصبّـــــــر يمكــن الدنيـــــــا تدور=بيــن عـلّ وعســـى وإلا رجـــــاوي هل تـرى
هل ترى إن المشـــاعـــر بيننــا مدت جســـور=يعنــي لا زان ظرفـــك لك بقلبــــــي معبــــرا
ولاشكــى الحب رجــالٍ على الشــدة صبـــور=الله أعلـــم وش يصيب القلب لامنــــه طــــرى





حمود العبيـــــد 01-09-2011 11:43 PM

اقتباس:

المشاركة الأصلية كتبت بواسطة فــرج الدهمشي (المشاركة 557691)
الشاعر القدير حمود العبيد


صح لسانك وبيض الله وجهك .. نبارك لك افتتاح هذا الديوان


بانتظار ما يفيض به قلمك واتمنى لك التوفيق في مسيرتك الشعريه والادبيه


الأخ الشاعر القدير/ فرج الدهمشي

حياك الله وبياك
نورت الدار

الله يبارك فيك ويسعد أيامك ولياليك

صح كلك و وجهك أبيض يالغالي

شاكر ومقدر لك هذا الحضور والتشريف

مني لشخصك أجمل تحية وجل التقدير

حمود العبيـــــد 02-09-2011 12:25 AM

على خبرك ...
 
قالت : صدقت والله في الحب ماشبرك بشبري

عجيبة هي قصتي مع هذا الخيال الجميل الذي يهاتفني كل ليلة
أعيشه بكل أحاسيسي .. أشعر بوجوده في عالمي
وعندما أمد يدي لأتحسس دفء أطرافه .. يتلاشى كالسراب
وصدى صوته يصدح في أذني .. ماشبرك بشبري

سأعود يوماً ما .. إن كنت لازلت " على خبري "


فكان هذا النص ..


على خبرك .. على خبرك=وشبـري ما هــو بشبـــرك
أنــا يا بنـــت أعطيـتــــك=وخــوذي منـــي بقـــدرك
عطيتك قلبـي واحسـاسي=وأخذت من العنا هجـرك
وعطيتـــك كل أسـراري=ولا بحتـــي لي بســــرّك
تمردتــي على عنــــادي=وذاب عنادي في سحرك
غريبــه قصتــي ويـــاك=غريب وساكن بصـدرك
ملكتــــي كل ما فينـــــي=وملكتك بس يا صبــرك
بدينـــا قصــة الذكـــرى=من أول يوم في ذكــرك
رسمتــي خطــة غيابــك=لأجل يبقى معــك عذرك
تغيبــي بالسنــة سنتيـــن=وتجينــي عارفــه قدرك
سفينــة حبنــا العـــذري=غدى مرساها في بحرك
تعبت من الظـروف اللي=تسوق خطــاك ليْ قبرك
ولامنـــي نويت أرحــل=كسرني يالغــلا جبــرك
لأنـــك توأم لروحـــــي=كسـر قلبـي ولا كسـرك
تركتيـنـي على أطـلالك=أنـوح وقلبــي ينتظــرك
عسـى الله يسمّح دروبك=وإذا جيتــي على خبرك




حمود العبيـــــد 04-09-2011 10:57 AM

غرق جده !!!
 
أحبتي الكرام
كلنا علمنا وشاهدنا ماحدث في جدة من جراء السيول .. مشاهد يتفطر لها القلب
أن يحدث مثل هذا في بلدنا
نعم .. نعلم أن أمر الله نافذ وقضاؤه وقدره لا راد له وكل نفسٍ ذائقة الموت
كارثه لم تكن بالحسبان .. وهذا يعطينا مؤشر بأن الموت لاتدري
متى وكيف يأتي
سبحان الله .. والحمدلله
مايحز بالنفس هو التقصير الحاصل بل الجرْم الذي انفضح وانكشف بهذا السيل
وهذا مالمسناه من أمر خادم الحرمين الشريفين حفظه الله ورعاه
الدوله لم تقصر وصرفت الملايين ولكن ....... !!!

وهذا بعض ما جاش في النفس
أتمنى أن يجد الصدى والقبول في نفوسكم






غرق جده .. غرق ذمّـه .. غرق لصٍ كشفه السيل=ضميره مـــات بالسرقـــه وباقــي جُـرمــه بجـــده




عروسٍ مهـــرهــا منهــوب مافاد عيونهــا التكحيل=ولا زفــــه ولا كوشــــه عجـــوزٍ حييييل منْهــــدّه




ذرّوا في عيـــون النــاس شعــــاراتٍ بهـــا تجميل=بنـــار الصيــف قــالوا غير وباقــي العـــام منْلــدّه




يصــرح ذلك المسئــول بجريـــده همهـــا التطبيـل=نفــذنــــــا وسوينـــــــا وجــــده ما أحـــــد قـــــده




إلين الله ســــاق السيــــل فضحهــم بالخنــا والويل=ثمــان بشهـر ذي الحجه ربــوع أســود على جــده




ربــوع أســـود على منهـو تقلـد منصــب التقتيـــل=نعم مجـــرم وسيفه سيــل جــارف ماضـي بحـــده




مواطـــن آمـــن بـداره غشـــاه السيـــل تالــي ليـل=تباشــــر بالمطـــــر أول نهـــــاره وانقلب ضـــده




وطفلـــــه مـــدت يديــهـــا مــع الشبـــــاك للتبليــل=وإذا حســــــت بزخـــــــاتـه براءة طفلــــه تعــــدّه




وفجـــأه صــارت بغبّـــه كأنه في ظـــــلام النيـــل=تلاشـــت صرخـــة الطفلـــة والمَـــدّه هي المَــــدّه




عوايل في مراكب،هم على ظهــــره يشيله شيـــل=تداحـــم في مهب المــــوت ولا احـــدن قادر يرده





وشبـــابٍ ودّهـم فزعــة ولكن مابيـديــهـــم حيـــل=تذبـــح نظـــرة المقهـــور ودمعــه يحفـــر بخــده




جــده فــي المآســي غير كوارث والضحــايا كيل=ضحيـــــة أنتــي يا جــــده لا رخـــــا ولا شــــده




وانا والله ما صــدقت كأنــي في شهـــــر إبريـــل=بــلادي تحكـــم العــــــالم بنفـــــطٍ مالقــــى نـــده




أقـــوله والله العـــالم قريت فْ محكــم التنــزيـــل=جبـــال الأرض ماشــالت أمــانه خــــافت تهـــده




غرق جـده .. غرق قافــي بدمــعٍ أحرق المنــديل=حروفــي ذابت بنزفــي ونزفــي بـــاح في ســده











حمود العبيـــــد 04-09-2011 11:21 AM

لو أكتبك
 


لو أكتبك شعــر ومشــاعــــر تموتيـــن=خوفــي على نفســك وخوفــــي عليّـــه





أنا ان بغيـت الشعـــر فزّت شيــاطيـــن=اركب جنـــون الشعــــر لأجلك مطيّــه





ماشــي بدربــي رافــع الراس والعيــن =أناظــــــر العلْيــــــا ونفســــي زكيـــة




كلـــي شمـــوخ بعزتــــي والبراهيــــن =رجْـــع الصـــدى بطويــق سلَّم عليّـــه




حبيبتـــي جتــك القصــايد فســــاتيـــن=مْـطـــــرّزه بالشـــوق والشاعــــريـــة




زرعــت لك بيـن الحنـــــايا بساتيـــن =أقطـــف لك إحســاســـي ورودٍ نديـــه




وبنيــت لك قصــر الوله بين ضلعيــن=.فــي عرش قلبـــــي تستظلــــي بفيّــــه




صــدق المشـاعـــر لاسرت بين قلبيــن =تنبــت ورود الشـــوق غضـــــة طريــه




يا عطـــــر قلبـــــي يا ورود ورياحيـــن =مــــدي كفوفــــك قلبــي المزهــــريـــة




أنتي عنــــود الصيــــد سيـــد المزاييــن =لك بالأنوثــــــــة والحـــــلا جاذبيـــــــة




لاهب نسنـــاس الهــــوا عــــودك يليــن =ريـــم الفــــــلا بالجســـم جســم بدويـــه




والعيـــن عيــن اللي تسمـــى شيــاهيـــن =جيــش الهـــدب في لحـظ عينــــك بليّــــه




والضحكـــة اللي تسبـــق النطـق يازيـــن =بلســـم جـــروح القلب لو هــي عصيّــــه




وباقـــي وصوفــــك خلهـــا بين قوسيــن=واللي عرفتــه عنـــك يا زيـــــــن ليّــــــه




معــك حيــــــاتـــي كلهـــــا بين حـرفيــن =وإن قلت أحبـــك صـــاح قلبــــي شويّـــه




هـــذا أنا وحبــــي من العــــــام للحيـــــن=وباقــــي العمـــــر منــــي لقلبـــك هديـــه




وأبعتـــــرف لك دام إنـــك تغـــــــاريـــــن=نعـــم .. في حبــــك عزوتـــي النرجسيـــة




ولو أكتبـك شعــــر ومشــــاعــر تموتيـــن =وشلـــون لا غنيتــهــا ســـــااااااااامريــــة









الساعة الآن 01:43 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010