شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   ديوان الشاعر القدير / خلف الشلهوب (https://mdyf.net/vb/showthread.php?t=13994)

الاطرق بن بدر الهذال 01-08-2010 03:36 AM

ديوان الشاعر القدير / خلف الشلهوب
 






الاخوه أعضاء / زوار شبكة مضايف قبيلة عنزة



!!!!!!!!!!!!!!!!!!!!!!!!!!!!!!!!!!!
مسائكم/ صباحكم/ معطر بذكر الرحمن
يسعدني ان اضع بين ايديكم ديوان الشاعر القدير
خلف الشلهوب
.............................




وين انت يامن أتصل فيه مارد=قل لي عسى ماشر ياأغلى الوفيين
الفكر له حول اربع أيام شارد=من يوم ماكلمتني لين ذا الحين
ارسلت لك ردٍ على منك وارد=بآخر ثلاثة عام عشرة وألفين
والجو لادافي ولا كان بارد=يعني طبيعي معتدل جونا زين
فيه الشعر قامت جنونه توارد=واصبح خيالي حاكمينه مجانين
تسيدو مابين جني ومارد=صاروعلى حس المشاعر سلاطين
قرط الاذان وجيههم به مسارد=مرط الرموش اصباعهم وقم شبرين
اصغرهم اللي بالملاقا يطارد=واكبرهم اللي فوق ريس شياطين
حملتها شوقي وجتك اتطارد=جيش الجنون اللي تجاوز ثمانين
ان كنت بالمريخ والا عطارد=والا معي بالقاع مي فارقه شين
اجيك انا وياحبني للمطارد=بس انت حدد موقعك بالزمن وين؟؟؟


2-((فرعون ))
فرعون هذا كيـف تتصـور يكـون=انسـان عـادي مثـل كـل الأوادم
لكن خطا مايغتفـر ذنـب فرعـون=اكبـر مـن انـه ينعثـر بالمقـادم
وابليس يبقى ليـن يفنـون ملعـون=كلـه سبايـب فتنتـه لابــن آدم
ماهي غريبه بالزمن لـو تشوفـون=بالأمس سيد واصبـح اليـوم خـادم
واخدم يخادم والبخت للـي يخدمـون=هـذا زمـان اليـوم مابـه مقـادم
هذا الزمن يفتـر فـي دورة الكـون=واللي يجـي بكـره يقولـون قـادم
يجون ناس وبعـد فتـره يروحـون=والرابـح اللـي مايخونـه مـنـادم
والذنب يغفر للبشـر لـو يتوبـون=ويصبح على ماكـان بالفعـل نـادم
احيان عاقل واغلب الوقت مجنـون=واحيان بين اثنيـن حالـة تصـادم
تدرون.. لو درتو بهالكون تدرون؟؟=يامـا لــقيتـم نـاس ..مــاهـــم أوادم



3-( حبيبتي ليلى وأنا بحبها قيس )

الشعر مالي فيه لكن احاسيس=تجيبني له نوب غصبٍ عليه
وان صار به صوله وجوله وفريس=فارس واقدِر مركبي للمطيه
من روس قوم ماتهاب المتاريس=الضيف مايلقا عليهم رديه
اشفق على كسب الثناء والنواميس=واحرص على جمع القلوب الوفيه
بديت اعبر فوق بيض القراطيس=سج القلم والمد نبع ابجديه
لبت لأجل خاطر عيونه قواميس=بكل اللغات الدارجه العالميه
يكتب لها عما يثير الاحاسيس=ويهدي لها من بوح نفسٍ رضيه
لافاح زاكي عطرها بالنسانيس=ثارت احاسيس الوله عاطفيه
ان اقبلت تطرد جميع الوساويس=وبشوفها الضيقات تصبح فضيه
الى حضرت تلغي انوار الفوانيس=يقلب ظلام الليل شمس ضحويه
لها غلا فايق جميع المقاييس=في نسبته من فوق ميه بميه
ماظن خطر مثله على بال قسيس=يوم الأحد صلى لدمح الخطيه
ولايجي في قلب من يرجم ابليس=مصباح جمعة عيد حج الضحيه
حبيبتي ليلى وانا بحبها قيس=ابن الملوح في هوى العامريه



4-( في الذكرى الخامسة للبيعه )

سلام الله .. سلام الله .. مليك العرب عبدالله = هني اللي يصافحكم يابو متعب هنياله
ترى ياسيدي والله قليله بحقكم والله = لو ان الشعب يتنافس لأجل يفديك بعياله
لأن الظل من ظلك يضيع ويختفي ظله = وظلك سيدي ظلٍ يظل الشعب بظلاله
حفظك الله ياليثٍ على ذاك الأسد كله = في وسمه وفي رسمه وفي الأقوال وافعاله
رعاك الله ياسيفٍ رقى للمجد من سله = يماريبه ويفخر به أمام الكون من شاله
تجود وسيدي جودك نهر يمناك نبعٍ له = يفيض ولا نقص مده عدد بالناس من جاله
وفي مجلسك عبدالله يدار الكيف بالدله = لياما ترتوي ضيوفك وكلٍ هز فنجاله
يابوي أنت وأبو متعب وأبو شعب الوطن كله = رسيت ليا ثقل حمل المشيل وطاح شياله
تكيت وشامخ القامه شموخ باهي الطله = ويتعب كل من ينشد شموخٍ سيدي ناله
ياعبد الله يابومتعب يابو متعب ياعبد الله = يراسٍ يسنده راسين من عمه ومن خاله
لفينا للعهد نثبت وكلٍ شال روحٍ له = على كفه حملها لك يقدمها وبلحاله
وحنا كالجسد شعبك وأنت الشعب راسٍ له = معك نمشي .. يابو متعب على من يدعي القاله
ندين ونشجب الفعل الخبيث بكل وجهٍ له = تصك جيوشنا خلفك وكل الشعب خياله
نقدي خطوة العايل ليا من تاه دربٍ له = نقضبه الطريق اللي غداه وتاه دلاله
ومن سالم نسالم له على ماجا بشرع الله = كلٍ نال ماقدم على كيله بمكياله
عهد بالله يابو متعب .. وحق الله وأمان الله = أبونا قايدٍ شعبه وحنا شعبه عياله






!!!!!!!!!!!!!!!!!!!!!!!!!!!!!!!!!!!!!!!!!!








الاطرق بن بدر الهذال 02-08-2010 05:34 PM

اسعد الله جميع اوقاتكم

أحبتي في مضايف عنزة
يسعدني ويشرفني أن ألبي دعوة الغالي ابو فارس
وان شاءالله نكون عند حسن الظن


غزو الفضاء

عصر التطور شاملٍ في مغازيه= وده من الماضي يرد اعتباره
حشد بقواته وأعلن تحديه = بدى على الافكار بالراس غاره
بقصفٍ مكثف لين ذكراه يمحيه= ثمٍ يفكر في اعادة اعماره
اعلن سبب حربه على الجهل ينهيه= ويبني اجيالٍ صاعده في اثاره
اصبح يسوقها بشاعه وتشويه = بان التناقض في صريح العباره
حنا نصفق له وغصبٍ نجاريه = من قوته بالحرب صعب انكساره
واليعربي مسكين تاهت خطاويه=تجرع من المر كاس المراره
ضيع الشيمة والعتب والمشاريه=اصبح يخاطبه الزمن بالحضارة
انتشرت الوفضى بشاسع اراضيه=وصل الفساد لكل حي بداره
وليانتشر ماله علاجٍ يداويه = أقل مابه لو تسمم افكاره
يخلي الواحد صديقه معاديه= نارٍ وشبت واحرقت من شراره
حتى لو انه من سنينٍ مخاويه= معقول ماهي كافيه لأختباره
على الاقل يكون حدد مماشيه= خبيث والا يتسم بالطهاره
كم مرنا من درس مانعتبر فيه= اليوم مفهومٍ برمز الاشاره
الجرح لاجاء من عزيزٍ وتغليه = كسرة زجاجٍ ماتفيده جباره
اكبر غلط ان الذي مات نبكيه= مفروض نبكي من حياته خساره



بدر ابن فريج 02-08-2010 07:06 PM

خلف الشلهوب

الشاعر العذب
شاعر المعنى
شاعر الابداع


من لاملك بالارض جزءٍ من الميل
وشلون يشغل في فضا الكون حيز

دورة فلك منها نشوف التهاويل
مايستطيع الشخص فيها يميز....


هذا هو خلف الشلهوب
هذا هو المبدع


ابو سلطان الف شكر لك
وصح لسان الغالي خلف

خلف الشلهوب 04-08-2010 01:39 AM

الغالي / ابو سلطان


بيض الله وجهك وجزاك الله خير على هذه الهدية التي شرفتني بها ايها النقي
احس كلمات الشكر كلها لو جمعتها ماتوفيك حقك ياتاج راسي .
شكراً من الاعماق ايها النبيل


احترامي وتقديري لك

خلف الشلهوب 04-08-2010 01:42 AM

اقتباس:

المشاركة الأصلية كتبت بواسطة بدر ابن فريج (المشاركة 242187)
خلف الشلهوب

الشاعر العذب
شاعر المعنى
شاعر الابداع


من لاملك بالارض جزءٍ من الميل
وشلون يشغل في فضا الكون حيز

دورة فلك منها نشوف التهاويل
مايستطيع الشخص فيها يميز....


هذا هو خلف الشلهوب
هذا هو المبدع


ابو سلطان الف شكر لك
وصح لسان الغالي خلف




الغالي/ بدر ابن فريج


تواجدك ومتابعتك لخوك دائماً مصدر فخر واعتزاز لخوك
لاحرمني الله وجود ومتابعة امثالك
كل الشكر والتقدير لك وماتوفيك حقك ياعزوتي



احترامي وتقديري


الساعة الآن 02:06 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010