شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   ديوان الشاعر / معيض بن عريفج (https://mdyf.net/vb/showthread.php?t=33359)

الاطرق بن بدر الهذال 07-07-2011 01:13 AM

ديوان الشاعر / معيض بن عريفج
 


السلام عليكم ورحمة الله وبركاته


يسعدني اعضاء مضايفنا وزوارها الكرام ان اضع بين ايديكم


ديوان شاعرنا القدير / معيض بن عريفج ( ابو وليد )

متمنياً لكم الأستمتاع بقصائده الرائعه في متصفح واحد

وكما هو معروف عن شاعرنا من خلال ماأتحفنا به في مضيف الشعر النبطي

فهو ايضاً من شعراء المحاوره المبدعين وله صولات وجولات في هذا المضمار

هنا سأضيف بعض قصائده وسيقوم شاعرنا مشكوراً بأضافة البقيه كلما سنحت له الفرصه


وقت ممتع لكم مع شاعرنا / معيض بن عريفج



جره على الربابه بصوت شاعرنا القدير لقصيدة احد الشعراء
http://www.4shared.com/video/bSLwKubc/-002.html




الاطرق بن بدر الهذال 07-07-2011 01:52 AM

ياصباح جنينة الورد
 


http://mdyf.net/vb/showthread.php?t=20745
ياصباح جنينة الورد واعذبها = من يشم انفاسها الفجرنعنشته
والنسيم غصون الازهار داعبها =يرقص الغصن وتناجيك وشوشته
مع نسيم الصبح بأعلى جبال ابها = والجبل باللون الاخضر لبس بشته
والسحابه يوم تسدل مناكبها = عقب ماهي كل ظلع(ن)مروشته
والسماء لثامه سنا الشمس حاجبها = والطبيعه من يطالع لها ادهشته
في حضور الغايبه عندغايبها = وهي غلاها بين الاضلاع ناقشته
تعزف اوتار الغلا لها ومطربها = بريشة اوتار الغلا لاتناوشته
ودي اكلها من الشوق واشربها = جاع قلبي من غلاها ومعطشته
يابسن قلبي غلا من سبايبها = يوم ادق الصدر تزعجني اقرشته
خيتي فديتهاوابي اعاتبها = وهقوتي تحتمل اخوها وقروشته
ودي اسألها وش اللي مغيبها = وهي بوسط القلب لوجت وفتشته
عسى ياسع صدرها لي و مذهبها = ولاتقول اقلق فؤادي بخربشته
وتعذرالدمعه والايتام تسكبها = وصدر اللي ضايق وعبراته اجهشته
ماهو انا قلبي هو اللي يخاطبها = من كثر شوقه لهاهي موحشته
اللهم اني بريء من عواقبها = الغلا بالقلب والبنت مبلشته
مايطيع القلب لوقلت جنبها = عاصي(ن)مهما عذلته وهاوشته
كل ماراحت وراها مراقبها = والله اعلم انها هي مدنبشته
جعل تفداها القصيده وكاتبها = والزمان اللي بقالي واللي عشته

معيض بن عريفج 07-07-2011 03:05 AM

ياطيب من يتقي شر البشر ياحسين = ولايجامل لهاذا ولايحش بهذاك
ان قال كلمه تسر اللي معه حاضرين = والا سكت لايجي دونك ولاهو وراك
تبي اتعرف انت ضمن النخبه المسلمين = الياسلم غيرك من السانك ومن يداك
انته بشر مصلح وذي سنت المؤمنين = ان ماحصل خير والا خل ماك بسماك
بعض البشر تقل في خلق الله مكلفين = لاقفيت ذا شب لك ناره والاخر شواك
لاهو تجنبك في هرجه مع المعرضين = لاهو بكفوك ولاهو واصلن مستواك
ماضايق البحر ثقل السفن طول السنين = لكن حتى الباعوضه نوب تبحث خفاك
[/quote]

معيض بن عريفج 07-07-2011 03:08 AM

ياصاحبي خل عنك اللعب بأعصابي = قبل اقفل الباب من بينك ومن بيني
ماهو خطا لاتركتك وانت الاسبابي = ترى الخطاء كان بعتك وانت شاريني
ان كان تبي المواصل افتح البابي = وان كان تبي المفارق لاتناديني
ماني غبي مير اصير احيان متغابي = واهرجك يامناة الروح بالليني
كأني ماني منتبه لوهي على حسابي = لوبعض كلماتها بالقلب تكويني
واقول بكره يصير الناتج ايجابي = وبكره تعدى ولاشفنا البراهيني
وش لون ياللعجب ياعجاب الا عجابي = امد لك ورد وانت الشوك تعطيني
افهم تري الداهيه مفتول الاشنابي = ماعاد يرضى على بعض القوانيني
وهاذي طبيعه من اطباع بالاعرابي = طبيعتن حيها وحي الشريفيني
دخيل امك وابوك تريح اعصابي = كان منت قد الهقاوي لاتهقويني
[/quote]

معيض بن عريفج 07-07-2011 03:09 AM

الله يسامحك دمي ليش نشفته = وان مابقا عقل فيني فـ - انت الاسبابي
كنت احتري منك يمي يالغلا لفته = واقفيت والقلب من سبتك منصابي
رغد الحياة البهيه عقبكم عفته = ولالي نظرفي هواء تلعات الارقابي
اقسم عن الغير قلبي لك وحلفته = كانه معاهد ومقسم فوق الاكتابي
عزلت قلبي عن ا لعالم وكتفته = متولع(ن)في غرامك وانت نصابي
لوغيري يعيرني قلبه تسلفته = من ابن حلال(ن) مايدرك من حدى اصحابي
وسلمت من لهفت العاشق وسالفته = لاكره ولاحب ولاعندي اعجابي
اغليك لو فيني الخلاق ماخفته = وانته معايه تمارس حرب الاعصابي
اللي شكالك غرامك ليه مانصفته = وجبرت في خاطره لو انت كذابي
واليا هدى وشفت قلبه خفت رجفته = امسك يده ثم قله ياغلا الاحبابي
عندي شغل مار لأجل القاك طوفته = والان ابا اروح اسمحلي على غيابي
لاتتركه للهموم اللي محاتفته = اعطه امل لاتصير بطبعك ارهابي
لودمع عيني يوم انه منحدر شفته = تؤمن بأن الهوا مجرم وغلابي
حضورك البدر مشرق كان وصفته = وغيبتك ليل نجومه والقمرغابي
بعض البشر ليتني ماعاد صادفته = ولاصار في وسط قلبي واقرب احبابي
[/quote]

معيض بن عريفج 07-07-2011 03:15 AM

نوب(ن) توديني الى كوكب زحل فوق السحااااب = ونوووووووووب تنزلني الى الأرض وتحفر القبر
ياروح روحي لاتعذبني ترا ماقوى العذااااب = والمشكله تدري وش اللي صااااااارلي عندك خبر
انجن بك واعشقك واتنفس هواك المستطاااااب = واموت بك واحياء معك وامن معك وانت الخطر
واسلا معك وابكي عليك ان كان طولت الغياب = انت الغنااااااااة لقلبي وهجرك اشد من الفقر
غيبتك ليل(ن) غااااابت نجومه وغطاها الظباب = وطلتك لافاجأتني فيها تقل طلة بدر
وان قلت لي لبيه طششششت وزال كل الاكتئاب = وكل الذنوب اللي لك اول في ثواني تنغفر
ومملوح ونادرفي صفاتك من عزيزين الجناب = تستاهل الاخلاص والتقدير يالظبي العفر
انا اشهد ان قلبي ثقيل اثقل من ثقال الهضاب = وابعد من نجوم السماء واشــد من عمق البحر
مير انت زلزلت الخفوق بدون ماتلقي خطاب = وانا اقتنعت بدون حرب انك علي المنتصر
كنت اعتقد قلبي قوي لكن على شوفتك ذاب = تخضع لك احساس وتلين لك قلوب لوهي من الحجر
والان سلمتك رقبتن مانزلت تحت الرقاب = تلعب بقلبي لعبة الارياح بغصون الشجر
مدري سحر مدري غلا مدري هواء مدري اعجاب = لكنك انت الساحر وكلك على بعضك سحر
قلبي معك مسجون فيك ودونه اقفلت الف باب = وممنوع حتى من الزيارة والتجول والسفر
وانتي بقلبي مرحبا على المعزة والرحاب = وان جيت ابي اشرد منك كيف اشرد وانا مالي مفر
حطيتني يانور عيني بين ظرس وبين ناب = وخليتني انا الضحيه بين نيبان النمر
اصبحتي فجأه انتي الرئيس ومن غير انتخاب = واصبحت انا المملوك لك ضمن الرئاسه والقصر
ابي دفا ابي ذرا اريد قوت ابي شراب = وانا دفاك ان صارت الاجواء اقل من الصفر
واصير كونن يحتويك ولك سماء وارض خصاب = واصير لك ورد ونسيم الصبح وغيوم ومطر
وان جاتك الغيره علي انا اشد من الغراب = احسد حتى كحلك وروج(ن)على شفاتك حمر
خاتمك سلسالك فساتينك عباتك والحجاب = ساعتك مكياجك عطورك ومشط تسريح الشعر
وان كنت تشكي من غرامي وانك بحبي مصاب = ترى نصيب الانثيين يصير من حظ الذكر
مير المصيبه كان صرت اطرد ورى شكل السراب = مارتحت منك ولارويت اكيد اموت من القهر
وكانك تولعني وتتركني فــ من سبع العجاب = اقول عادي صابني عدوى من جنوووون البقر
ثم التمس لي عذر لوهوكذب من ضمن الكذاب = ثم اقتنع واقول ان الحمدلله والشكر
وحنا خلقنا من التراب وثم نرجع للتراب = واخر مصير الادمي يسكن بمترين بمتر
[/quote]

معيض بن عريفج 07-07-2011 03:19 AM

حبيبي ياذهب يالول يامرجان ياياقوت = احبك وا نت حبك فوق حب اهل الهواءسامي
دخلت القلب ماستاذنتني من قبل اقول لك فوت = واليااحتليت قلبي وش تحرا غز الاعلامي
غلاك اتنفسه واشرب منه وايضاً خيالك قوت = ابي اشرد منك في فج الخلاء والقاك قدامي
وانا اعلن لك ولائي واقتناعي بك بأعلا الصوت = وابصم لك بكل العشر ماهو بس ببهامي
احبك وانت حبك ثابتن وسط الحشاء منحوت = كما نحت ن على صم الحجربركون الاهرامي
وانا احفض المحبه يوم يهمل ركنها السربوت = وانا مجنونك اللي ماصحى من سكرت العامي
وانا اقول ان سحرك فاق تأثيره سحر هاروت = وتوزع مع شرايين الفؤاد وخش بعظامي
دخيلك لارحلتي ودعيني من قبل لاموت =ابيك اخر ماشوفه من جميع الخلق قدامي
دقايق بس اشوف الثلج والجمر الحمر والتوت = وبعدها نفذيبي من عيونك حكم الاعدامي
[/quote]

معيض بن عريفج 07-07-2011 11:04 AM

ياناعس الطرف بالله خاف من ربك = مادمت صايم لوجه الله ومصلي
تبي الحقيقة انا اللي مقدر اكبك = وتصد مدري ملل والا انت متغلي
تصد ولا تجي والله اني احبك = وقلبي عصاني وجاك وجيت لك كلي
قلبي الياصارعاصيني ومتشبك = الله وامان الله اني يمك مولي
وان شفت فيني اختلاف وصاير مسبك = تره انت سبت دمار الحال ياخلي
تبي ألأجر داو جرح القلب من طبك = والا ا نت اعجل بقتلي لاتمهلي
لاتقول لي تو باقي ماتنطحن حبك = لاوالله الاتراني منطحن كلي

معيض بن عريفج 07-07-2011 11:05 AM

البارحة مدري متى لكن بالثلث الاخير = في علم مدري حلم مدري لاهذاك ولاهذاك
صاحي مدري في سبات وفي خطر لكن بخير = شر البلية صار يضحكني وانا في ارتباك
وشفت القوارب والسفن من البحر صارت تطير = والطائره تبحر من المينا وانا بالوضع شاك
وتحلب ديود الطير واللي ينتج البيض البعير = والصقر ماله كرت والعصفور بالدنيا ملاك
والثعلب المكار شفته صار بالغابه امير = ووصلت به الحاله يقول للنمر قم وازحف وراك
وشفت الاسد يجاذب الونه وهو باسه كسير = من كثر مافي داخله من قهر واصل للهلاك
قام يتحاشا القط لاياقع بشراً مستطير = ياليت كفه يحتمي حلقه لويصير اشتباك
والناس قامت تستحي من واحدن ماله ضمير = ولايقدر صاحب الذمه اللي ان جاء كفاك
اللي بوقت الشر شر واللي بوقت الخير خير = اللي الياباعوك عشران الرخا قام وشراك
نسيوه هافين البخت ساعة لقو برد الغدير = واليوم ياهداج تيماء من روي أقفا ونساك

معيض بن عريفج 07-07-2011 11:05 AM

هلابك يانفس صبح(ن)تبسم مع صباح الخير = نسيمه ينعش الروووووح الحزينه لين يشفيها
وهلابالوافي اللي مايجي من صوبه التقصير = وهلاااااااابالشمعه اللي جعل ربي مايطفيها
وهلاباللي عجز شعري لايبلغ غاية التصوير = مزايااااااه العظيمه عجزت الاقلام تحصيها
اعزه ايه اعزه والله اعزه معزه غييييييييييير = معزه لـو توزع كـــل خـلــق الـلـه تكفـيـها
معزة قلب ماهي من لساااان مزوره تزوير = معزه ساسها على الشـــرف والصدق بانيها
ارواح مجـنـده الياقـبـلـت تـقـبـل بـلاتـبـرير = واليا قفت دون أي انذار تقفي هي وراعيـها
وقلبي طير وانفك القفص كله وتل السير = وتقفاه العجاج لديرتن من وقت ناويها
وراعي الطير واقف ينتظر عسى يعود الطير = وطيره مارجع له وارسل الوونه بتاليها
وفقدت القلب مع عقلي سوى وحريت التعبير = دواويني وشعري كلهن من اجلها وفيها
ان قالو كيف حالك قلت طيب لو ماني في خير = وازور بسمتي واضحك وألام الجرح اخفيها
قسم بالله مامرت عليه من وانا صغير = محبه مثل هاااااااااذي المحبه قل واليها
لكن مالوم روحي في محبة سيد التـقـدير = هو اولى بالبـيـوت الـلـي تنومس من يغنيها
واناحقي عليه ان مرني يـقـول صباح الخير = وهـوحـقــه عـلي افـديــه بـأولـها وتـاااليها


الساعة الآن 05:14 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010