شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   ديوان الشاعر/ فرج الدهمشي (https://mdyf.net/vb/showthread.php?t=6473)

فــرج الـبـلاز 16-02-2010 08:00 PM

ديوان الشاعر/ فرج الدهمشي
 


أخواني أدارة وشعراء واعضاء وزوار شبكة مضايف عنزه الأعزاء يسعدني ويشرفني أن أضع بين أيديكم ديواني والذي سيضم مُعظَم قصائدي وكتاباتي الأدبية ..



أهلا هلا في لابة الطيب ويلان = أعداد ما هبت سحايب مطرها
يامرحبا ترحيب بدوٍ أبضيفان= أعداد ماصاد البشر من بحرها
ترحيبة ٍ من داخل القلب ولهان = عبر (المضايف) بالورود ونثرها
لحضوركم يفرح بها كل الأوطان=دوم الفرح بحضوركم ننتظرها
ترحيب مخصوص ٍ ماهو افلان لفلان=من قلب مخلص في بيوته حضرها
قبيلة فيها دواهي وشجعان =شفنا النصر لامن لاح أبظهرها
لأهل الوفاء والجود ذربين الأيمان=أمصوتين بالعشاء في دهرها
ميدانهم هي ساحة الموت ميدان =ميدان للي ماتحسب خطرها
كم طوعوا فيها زعيم ٍوطغيان = وكم فارس من فوق خيله فسرها
وفي معركة ذيقار عز ٍ وبرهان =وزانت صورة للعرب مع صورها
وبظهوره ٍ جابوا فيافي وريضان = ماهمهم صحراء الضمى من بحرها
فعل العرب من ماضي الوقت للأن =عز وفخر للي يدور فخرها
وصلاة ربي عد ماهلت أمزان =على النبي فخر الأمم هو قمرها

فــرج الـبـلاز 16-02-2010 08:03 PM

ماني بمدح الناس مجبر وملزوم = لولاه مدحٍ في ربوعي وناسي
دهامشه محزم ليا صرت مضيوم = لاضاق صدري قلت ياتاج راسي
دهامشه فيها بطولات وعزوم = أقوالهم مثل القرار الرئاسي
دهامشه للمجد عنوان ونجوم = أمجادهم فوق الجبال الرواسي
دهامشه يوم العرب غزو وهجوم = جيشٍ على صف المعادين قاسي
مادينهم هرج وسواليف وهدوم = دين ٍ على منهج وسنه وساسي
يا عنك ما عن جارهم ينقص لزوم =نبع الكرم والطيب مع كل راسي
في زينة التاريخ ماني بمليوم=الصيت شمس وبالمجاليس ماسي
كم مجلسٍ عامرٍ على دايم الدوم =عطره جديد البن طب العماسي
كلام ٍ بجزل الدلايل ومختوم = ماهو مثل هرج ٍ بليا مقاسي

فــرج الـبـلاز 16-02-2010 08:06 PM

قادة اصطبل الاصايل مهرةٍ عنقا طويله = الجموح اللي تعزوى بأول خيول الاصايل
بالسبق معها ومعها خطوت الواثق دليله = خطوت اللي ماتعوَد بالسبق غيرالاوايل
كل حملٍ في زمانك حالف اني غير اشيله = واركز برجم المشاعر بارقٍ فوق النثايل
من وفاها بالمحبه مثمر بموسم حصيله = والعواذل من حصيله كسبهم مامن صمايل
وردتني من غلاها نهر عذب وسلَسبيله = لا نثنى زهر المحبه ثم تعطر ثم تمايل
في سفوح امن المحبه لا رقينا بالطويله = عشت ذيبٍ بالطويله واسألي سبع القبايل
والله اني ما تعزوى غير بسيوفٍ صقيله = كل سيفٍ لو تعزوا عزوته بعيال وايل
قادة اصطبل الاصايل مهرةٍ عنقا طويله = الجموح اللي تعزوى بأول خيول الاصايل

فــرج الـبـلاز 16-02-2010 08:09 PM

صوت وصدى بيني وبين الشاعر القدير / عويد كسار المضياني



عينك تشوف أطباع روحك مع الناس=وكلٍ على أطباعه يشوف الخليقه
كانك صدا صديت لوبيدك ألماس=وكانك ذهب والــناس لمعة بريقه
دهامشه والنعم يامعرب الساس=من ورث أبوك وطيب جد العريقه
يزبن عليك الهم ماشاف الأتعاس=ويزبن عليك الضيق ماشاف ضيقه
يزبن عليك الفقر ماشاف الأفلاس=وأنت الطريقه بأنعدام الطريقه
وأنت الفخر فيك افتخر يرفع الراس=وفيض المشاعر بالبحور العميقه
وأنت القصيد اللي نبض كل الاحساس=وعز الصديق الياأعتزى في صديقه
مابغا أمدحك في بيت يبقى بكراس=قلبك ذهب والناس لمعة بريقه
كان الفرج بالأرض يمشي مع الناس=أنت الفرج من بعد رب الخليقه


ردي المتواضع




الصاحب اللي خوته ترفع الراس =مثل الذهب في معدنه في بريقه
اللي بنا بيت القصيده على ساس =مثلك حرام يشوف شي يضيقه
يا صاحبي حذراك تشكي على الناس =الله كريم ولا قطع بالخليقه
شمس القصيد وصبح غيم بالأنفاس=شاعر وضوح ومنهجه له طريقه
اللي ملا روح المشاعر بالأحساس =بحر من القيفان قاعه عميقه
ما هو بها مصنوع شاعر بكراس =لو ضاعت الشعار تسلك طريقه
نجم القصيد اللي ضوي ليل الأدماس =مثل العسل والحرف زهرة رحيقه
يا صاحبي لاهنت يا معرب الساس =عز الخوي لا قيل مثلك صديقه

فــرج الـبـلاز 16-02-2010 08:20 PM




لجل الغلا شبيت ضو الفوانيـس
يا أتعب زمن وشلون تبحث خفايا




مجبور أولع شمع ليـل النواميـس
و أجبر نجوم الليل تسهـر معايـا




أبعد و أناظر في جمال التضاريـس
حسبي على اللّي قللو من عطايـا




عيب الزمن لوجابهـا بالمقاييـس
خلا طمان القاع تقـرب سمايـا




فكر الغدر بعقول ناس ٍ مناحيس
يوم الخناجر سولفت من ورايـا




القلب غار وموحش ٍ بالدهاليس
والعشق يكتب قصتـه والروايـا




واللي رفعني مع طيور ٍ قرانيـس
عشق ٍ مع الغيمات لاعب هوايـا




ومن الغلا ولّعت ضو الفوانيـس
وانتي وانا ونجـوم ليلـي معايـا

الاطرق بن بدر الهذال 16-02-2010 10:55 PM

صح لسانك اخوي فرج

ديوان رائع وسيكون اروع بأضافة كل جديد اليه

سنعمل له بنر بأذن الله بأقرب وقت

دحام بدر الهذال 16-02-2010 10:59 PM


القدير فرج الدهمشي

شاعر نقي 00 كنقاء الماء العذب حين ينساب بين الصخور والجداول بصفائه الذي يفوق صفاء البلّور 0

شاعر يمتلك ذائقه أدبيه راقيه وخيال واسع ولغة شعرية بليغة ورصيد وافر من الثقافه والاطلاع 0

يسعى للتميّز من خلال البحث عن الافكار الجديدة والمعاني القوية 00 فيصوغها لنا بقالب شعري جميل بعيداً عن الغموض والتكلّف 0

اتمنى له التوفيق والنجاح في مسيرته الادبيه

فــرج الـبـلاز 24-02-2010 02:02 AM

الله من شمس ٍ تأخر شروقها=ونفس المحبة زود البعد شوقها
من سبّة اللي ناظرتني وسلهمت = وحالي غدا عوق المحبّه يعوقها
من أبعدت خلّت مع الروح حزنها=ذكري من الماضي لقلب معشوقها
الروح راحت من تجافيه وامحلت=وحتى القصايد مبطيه عن أطروقها
من عقب فرقاها تحريت شوفها=أرتاح بالملقى ويركد خفوقها
يابوعيون ٍ زينها يفطر الحجر = من شافها يشكي مواجع فتوقها
كم مرةٍ ناديت وأنطق بأسمها=أحلا والذ من العسل طعم ذوقها
حبيبتي دايم أفكر بطيفها=حبه بوسط الروح يسكن عروقها
هي منوتي بين المزايين كلها=هنيّ من يمسك طوارف سبوقها
ياهم قلبي من سبايب فراقها= فرقاه مثل النار وألا يفوقها
ياليت تجمعنا الليالي ونهتني=وأحطّها بالعين وحجور موقها

فــرج الـبـلاز 26-02-2010 02:07 AM

اقتباس:

المشاركة الأصلية كتبت بواسطة الاطرق بن بدر الهذال (المشاركة 105953)
صح لسانك اخوي فرج

ديوان رائع وسيكون اروع بأضافة كل جديد اليه

سنعمل له بنر بأذن الله بأقرب وقت



الشيخ والشاعر القدير/ الأطرق آل هذال

والفضل من الله سبحانه والتوفيق ...

وأشكركم على جهودكم الواضحه والملموسه في خدمه القبيله

تقديري وأحترامي ...

فــرج الـبـلاز 01-03-2010 08:36 AM

بيت القصيد اللي كتبته على ذوق
مثل الشمال أن هب ريح بهواها



له منطق ٍ يطغى على كل منطوق
أنا اشهد أنّه للسقايم دواها



دايم كلامه واصلٍ راعي الذوق
صفات طيبٍ راعي المجد جاها



يا صاح لي قلب ٍ تولّع بمخلوق
راحت وقلبي راح عِزّه وراها



ماني بمشتاقِـه أنا كلني شوق
متى يبل عروق قلب ٍ كواها؟



الجادل اللي عقبه الحال مسروق
ما يعشق الخفاق شخص ٍ سواها




له الدلع له الغلا لايق ٍ لوق
ومن وين ماراحت الاقي حلاها


الساعة الآن 12:28 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010