شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   ديوان الشاعر/ جمال اللميع (https://mdyf.net/vb/showthread.php?t=6982)

فــرج الـبـلاز 28-02-2010 01:15 AM

ديوان الشاعر/ جمال اللميع
 






قال الذي من عرض ماهـو بقايلـه
....................................الشاعر اللي عارب ٍ مـن سلايلـه
من روس قوم ٍ كـل قـوم ٍ تهابهـا
....................................قوم ٍ على كسب النواميـس طايلـه
ترمس على الموت الحمر ساعة اللقا
...................................تقطع نما اللي بالمضاريـب عايلـه
(عياش )ربعي كان صاحو على النقا
...................................تصمل لامن الخصم قلّـت صمايلـه
يتلون شيـخ ٍ بالمياديـن صيرمـي
...................................ضاري ماظن البيض تولـد بدايلـه
شيخ ٍ ليامن جتك منـا ومـن هنـا
...................................تنوي غدر كسب( العفر)مع اصايلـه
يـدّ يهـم العلـم الموكـد بشلفتـه
....................................يفعل فعولن عقـب ماهـو بقايلـه
مع سربة ٍ وقت اللقا ترهب العـدى
....................................تضرب بيمنى سيفهم مـع شمايلـه
ياما ويامـا شـرّدو مـن يضدهـم
....................................انشد هـل التاريـخ تلقـى دلايلـه
من عرض قوم ٍ للركايـب محـدده
...................................في ساعة ٍ حتـى جملهـم تشايلـه
(دهماش) ربعي وافتخر في فعولهـم
....................................عقب العماري من ضنا بشر وايلـه
يتلون بـن مجـلاد ياحـي علمهـم
....................................سعران والا برجس الطيـب نايلـه
ولاهـو قصـور بالبدايـد رجالهـا
...................................كلن علـى ماقيـل وافـي خصايلـه
لكن نبـذه موجـزة عـن جدودنـا
...................................هرج اللميعـي يـوم غنـى مثايلـه
وصلاة ربـي عـد مـالاح بالسمـا
....................................علـى نبـي ٍ عزنـا فـي جمايلـه

فــرج الـبـلاز 28-02-2010 01:16 AM


الشعر في عرفي مواقيف الانسـان
............................. شي ٍ يدغـدغ بالضميـر وينـادي
ينخا القوافي والمعانـي و الاوزان
............................. وبنات فكرن في مهدهـن جـدادي
شجون وافراح وتعابيـر واحـزان
............................. هو فرقنا عـن باقيـات الجمـادي
هذا علـى اينـه وهـذا علـى آن
............................. وهذا على ايـده وهـذا علـى آدي
كلن هجوسه تدهر قـدر الامكـان
............................. محدن ذخر من هاجسـه مايكـادي
أحدن قصيده زهرتن وسط بستـان
............................. تفـوح كلماتـه عبيـرن وكــادي
واحدن قصيده خبزتن وسط نيـران
............................. زوّد لضاها لين صـارت رمـادي
الشعر لاهل الشعر مرمى ونيشـان
............................. ولاكل من يرمي للاهداف صـادي
ماكل من يملك له سنـون ولسـان
............................. يقال شاعر يافتـى الجـود غـادي
وانا على بدع الطواريـق بطـران
............................. نضم القوافي عندنـا شـي عـادي
اطرق بحور الشعر في كل ميـدان
............................. اهيـم بالقيفـان فـي كــل وادي
أحيان اصيب وبعض الاحيان غلطان
............................. واقبل من الاصحاب كـل انتقـادي
شاعر لميعي من سلايـل شريـان
............................. ربعي هل البل مكعميـن المعـادي
عياش ربعي يوم هـدات الاكـوان
............................. تدي علومـن كـل أبوهـا وكـادي
يتلون شيخن مـن سلايـل ضبيـان
............................. لطامـة العايـل نهـار الطـرادي
والنعم فـي كـل القبايـل ولاهـان
............................. منهـو تقبـل هرجتـي واعتقـادي

فــرج الـبـلاز 28-02-2010 01:18 AM

ماضاقت الدنيا على ربع بــــنقال
...................................ولو انها ضاقت نكــــب الــــــعماله
وش لي بخمّار ٍ ووش لي بدجال
...................................اصلاً يجيك اللي على الشعب عاله
لو كان فيهم خير ما جولك ازوال
....................................ماجاك منــــهم كــــود ناس ٍ حثاله
خريج سجن وللتنافيث عمــــــّال
....................................تاجر حشيش وماشين في مــــجاله
شفنا جرايمهم على كل الاــشكال
.....................................قتل ولواط وإغتصاب ونــــشاله
وش عاد باقي يعملونه على بـال
....................................يصحى الوزير المحترم من خلاله
يفرض قرارن موجبه كل الانذال
....................................تــــــرجع على بنــــــقالهم بالاحاله
واجد عماله غيرهم تدي اعمال
....................................فيــــهم مروة واحـــــــترام ومثاله
سوداني وشامي على كل الاحوال
........................................قلـــيل منهم يعــــــرفون النذاله
مصري لو انه مغرم بجمع الاموال
..........................................لـــكن كلا ً منه يامن عـــــياله
هندي وافغاني والاقــــزام نــــيبال
................................... ارجل بواجد من شــــــدي الزبـاله
والا اليماني راعي القات رجــــال
.....................................فيهم قبايل ماــــتروم الـــــــسفاله
قل للقصيبي يحسم الوضع بالحــال
............................................والا يقدم للمــــليك اسـتقاله

فــرج الـبـلاز 28-02-2010 01:19 AM


الايــا الله يامحـصـي الـوجـودي
.......................................تخلصّـنـا مــن احـفـاد الـيـهـودي
خنازيـر ٍ طغـت بـارض النـبـوة
.......................................بـعــد قــامــت تـقـيـدنـا قــيــودي
تـحـاصـرنـا وحــنــا سـاكـتـيـنـا
.......................................ولا نملـك لهـم غيـر الصـمـودي
يـهـود ٍ بينـنـا تـســرح وتـمــرح
.......................................وتـــردم كـــل يـــومٍ بالـلـحـودي
وحـنّــا يـالـعـرب قــــوة ولــكــن
.......................................قويـيـن ٍ عـلـى لـطــم الـخــدودي
خريطتنـا مـن المغـرب وتونـس
........................................الى شط الخليـج اقصـى حـدودي
غـثــاء الـسـيـل لامـنــه تــحــدّر
.......................................فلايمكـن نحـرك غصـن عـودي
تصـبّـرنـا ومـــل الـصـبـر مـنــا
.........................................وصار الجرح ماينقص يـزودي
تهـقـويـنـا ولــكــن مــــا هـقـيـنــا
.........................................علـى التوحيـد والدعـوة نـعـودي
تـخـلـيـنـا وخـلـيــنــا الــمــبــادي
........................................ورحـنـا خـلـف عـبّـاد الـنـقـودي
لـهـيـنــا والـتـهـيـنـا بـالـمـلاهــي
.......................................وقُـدنــا عـقــب مـاكـنـا نــقــودي
تشبعـنـا مـــن لـحــون الاغـانــي
........................................وذا يرقـص وذا يعـزف بعـودي
وذا يشـرب مـن الكـاس المحـرم
........................................وذا يسهر مع غضاض النهودي
وذا فـجّـر مابـيـن اهـلـه ونـاســه
........................................بزعمـه قصـد جـنـات الخـلـودي
الا يالله تـصـلــح مـــــن تـبــقــى
.........................................مـن الاجيـال مـن بعـد الجـدودي
وتجـعـل فيـهـم الـنـصـره الـهــي
.......................................وتحيـي كـل مـن كـانـو رقــودي
وتخلـف خلفهـم خـلـف ٍ مـبـارك
...........................................مـن الاشـبـال احـفـاد الاســودي
نـبــي جـيــل ٍ وفـــيّ ٍ بالـعـقـيـدة
...........................................صنـاديـ د عـــن الامـــة تـــذودي
تـقـوم اللـيـل وتـصــوم بـنـهـاره
......................................تسل السيف فـي وجـه القـرودي
وقـل( أميـن) يـاقـاري القصـيـدة
.........................................ووجّــه وجهـتـك يــم الـــودودي
نسـالـك عــد مـاصـلـى مـصـلـي
.........................................وعــد الـلـي لـفـو يـمـك وفــودي
وعـــد ذنـوبـنــا يــــوم اقـتـرفـنـا
...........................................وعـد البـرق مـع نــو ورعــودي
وعد اللي نبت وسط الصحـاري
......................................وعـد اللـي ذبـل زهــر وورودي
وعـد الـلـي طـمـن والـلـي تعـلـى
.......................................وعـــد الـلــي تـوفــو والـولــودي
نسـالـك يامـنـزّل ســورة الـجـن
......................................ومنـزل سـورة التوبـه وهــودي
قــديـــر ٍ قــــــادر ٍ يالله ربــــــي
.......................................عظيـم ٍ مــا تخـالـف بالـوعـودي
تفـك المسجـد الاقصـى وتجـعـل
........................................لنـا فـي تربتـه شكـر وسـجـودي
وتجـمـع كـلـمـة الاســـلام فـيـهـا
........................................وتـطـرد كــل نكّار ٍ جـحــودي
وتصـلـح حـالـة الامــة وتـخــذل
......................................هـل التلـمـود مخلـفـت العـهـودي
وختـم الشـعـر صـلـى الله وسـلـم
.......................................علـى محمـد عـدد ماهـب نــودي

فــرج الـبـلاز 28-02-2010 01:23 AM

السلام عليكم ورحمة الله وبركاته



شاهدت قبل ايام حفل ممثل قبيلة عنزة في مهرجان ام رقيبة الشيخ / هزاع بن عايش ابا الروس

والذي كان بحق مفخرة لكل عنزي


حيث المقر الضخم والحشد الكبير والكرم


وحيث اللحمة والاجتماع الوائلي الذي ذكرني بمقولة (كل قوم الا عنزة)

حقيقة لم اندم في هذا الحفل الا على انني لم احضره

لكن العوض بالقادم ان شاااء الله

المشهد كان راااائع



جمّلتنا يابو فهد نرفع بك الراس ونقول =هنا عنزة هنا عنزة لو طوّلت بغيابها
صحيح غبنا لكن الــــيا من حضرنا شي يهول = كل قوم ٍ الا ربعي الــويلان شفت اعرابها
اعلنت لام رقيبه انـــك ناوي ٍ فيها دخول =باسم عنزة كل عنزة على عديد انسابها
عطيت درسك بالكرم والطيب طيبك بالاصول =ارخصت مالك والنتيـــجه سيرتك يحكابها
مضيف عامر مافضا تزاحمو فيه بهطول =عناز جت لك من جميــع المملكة واصحابها
ومن الخليج اليعربي جولك ولا شي ٍ يحول =عنهم وعن اخيامك اللـي جوّدت باطنابها
اخذت الاول بالوفا والمرجلة يابن الزحول=ياراعي الحرده ترى مسيرتك فزنا بها
هزاع ابا الروس انكتب بقلوبنا قبل العقول=واللي يقول خلاف ذا نفسه يعيد حسابها
اكيد دافعه الحسد أو الحميّة به ذبول =هذاك أشر وذاك أشر والله عليم اسبابها
ارقا وغيرك شارع ٍ بابو فهد يم النزول =علاقتك عكسية ٍ مع من تغز اذنابها

فــرج الـبـلاز 28-02-2010 01:24 AM

السلام عليكم ورحمة الله وبركاته


انا لست عاطلا ولله الحمد والمنّة موظف في السلك التعليمي والحالة مستورة بستر الله

ولكنني اتحدث بلسان العاطلين عن العمل اصحاب الشهادات الثانوية بل والجامعية

الذين اختارو خدمة الدين والمليك والوطن في شتى القاطاعات العسكرية الا ان هاجس اسمه (الـــــــطــــــول) ابى الا ان يؤجل في بطالتهم الى حين

فنحن اهل الجزيرة لا نتماز بالطول والبنيه الخاااااارقة


نعم نمتاز بالاخلاص نعم نمتاز بالوفاء نعم نمتاز بالولاء ولكن لانمتااااز بهذا الطول الذي لا يتوفر الا لمن صاهر الاوربيين وبالطبع سيكون الرفض له نبض لا بسبب الطول بل بسبب الام الاوربية

ترى الشاب المعتدل الطول ليس بالطويل الهرم ولا بالقصير القزم يرفض هنا وهناك بسبب (الطول)

((تختلف المقاسات والمصير واحد))


عفواً اهل الواسطات فأنتم مستثنون من هذه القاعدة




الله خلقنا هكذا مابنا طول = والعسكريّة ودّها طول فارع
قالو تقدم مير منته بمقبول =شرط ٍ اساسي (يعتمد) بالمضارع
ان كنت منته مثل قامة ابو الهول =لا لا تقدم واكنس اليوم شارع
وان كنت مثله لو على ذمة الزول =كف كف غراضك يا ابو الهول سارع
الوضع هذا وضع ماهوب معقول =شبابنا من علقم الطول جارع
العسكريّة ماهي اثقال وحمول = ماهي تبي هاك الشناح المقارع
مانيب قايل اقبلو حجم ٍ سمول= جسم ٍ طبيعي مايبي له مصارع
العسكرية قلب واخلاص وعقول =ماهيب طول اكتاف والا مذارع
خدمة عقيدة مابها شك ٍ او قول =خدمة ولاة الامر والشعب زارع
يزرع وفا واخلاص والحل مأمول =في ظل من هو بالقيادات بارع
عبدالله بن سعود للكايد حلول=اللي على كل الصعيبات دارع


الامل بالله ثم في رجل ٍ عهدناه للمشكلة حل ولابناءة ظل اطال الله في ايامه ويسّر له من يحقق احلامه

فــرج الـبـلاز 28-02-2010 01:26 AM

رسمت الحلم بعيون الامل في محبرة احزان=وغيري يرسم البسمة على حلمة واماله
اعيش الواقع احلام وأسى مع لوعة الحرمان=شربت اللي شربته من هموم الوقت فنجاله
الا ياصمت لاتحكي وبوحك زعزع الكتمان=كتاب ٍ ينقري صدري ليا من صرت بقباله
تشوف الضيم بسطورة وتلخيص الاسى عنوان=بدى يظهر على عيني وتبرز معظم اشكاله
حياتي كلها غربة لواني معظم الاحيان =احس ان الوطن عايش يسار القلب وشماله
دوى من كان متغرب اذا ما عاد للاوطان=يطيب وينتهي كربه ويمسي رايق ٍ باله
وانا لي ديرة ولكن عقب ماكانت البستان=اكلها النار ورياح الزمان اللي تقفا له
الا يالله يالوالي تهل بهالوطن هتان=صدوق المزن ياربي يطفي لوعة اشعالة
والا يالله يالوالي تبدل هالرماد اغصان=قدير قادرا ً ربي تغيّر جملة احوالة
انا والليل واحساسي ولدنا كلنا إخوان =ولايمكن يفرقنا ياكود الصبح باإقباله
.
.
.

فــرج الـبـلاز 28-02-2010 01:27 AM

اقلط معي ياخوك عندي عزيمـة=جيفة بنادم ميـت ٍ فـي حياتـه
اقلط على كـره الاوادم وليمـة=كلن على ماقيل يلحـق شفاتـه
(الغيبة ) اللي بالمجالس جريمة=وكل الاوادم بالمجالـس جناتـه
جريمة ٍ بيـن المـلا مستديمـه=اكلت لحم انسان واهـدار ذاتـه
احدن يجمّع واللي يحذف نديمه =والساكت اللي ماتصدى حصاته
قالو صفاته في حياتـه سليمـة=واليا توفى شاينو فـي صفاتـه
قالو عزيز ومن سلالة حشيمـة=واليا توفـى قالـو العـز فاتـه
قالوعديم ومن حـرار ٍ عديمـة=واليا توفى قالـو منيـن جاتـه
اليا حيا الانسـان كلـن يريمـه=ضعوف الانفس تشذبه في مماته
ياهي قلوب ٍ في بلاهـا سقيمـة=اعراضها نمة وحقـد وشماتـه
ناس ٍ تجود بما لديهـا كريمـة=كلن يقسم مـا بقـى بحسناتـه
احفظ لسانك باللجـام الشكيمـة=وكلن يخيط خرقـة ٍ فـي عباتـه

فــرج الـبـلاز 28-02-2010 01:28 AM

قال الرسول صلى الله عليه وسلم : { إن بين الرجل وبين الشرك، والكفر، ترك الصلاة } (رواه مسلم)

وعن بريدة بن الحصيب رضي الله عنه، قال: سمعت رسول الله ، يقول: { العهد الذي بيننا وبينهم الصلاة، فمن تركها فقد كفر} [رواه أحمد وأبو داود والترمذي والنسائي وابن ماجه].


و قال تعالى : ( يوم يكشف عن ساق ويدعون إلى السجود فلا يستطيعون خاشعة أبصارهم ترهقهم ذلة وقد كانوا يدعون إلى السجود وهم سالمون ).

قال سعيد بن المسيبِ رحمه الله : (( كانوا يسمعون (حي على الصلاة حي على الفلاح )فلا يجيبون وهم أصحاء سالمون )) .

وقال كعب الأحبار : (( والله ما نزلت هذه الآية إلا في الذين تخلفوا عن الجماعة )) .

فأي وعيد اشد وأبلغ من هذا لمن ترك صلاة الجماعة مع القدرة على إتيانها .

2ـ وقال تعالى : (وأقيموا الصلاة وآتوا الزكاة واركعوا مع الراكعين )

(1) الشاهد قوله ( واركعوا مع الراكعين ) ، وهو نص في وجوب صلاة الجماعة ومشاركة المصلين في صلاتهم ، ولو كان المقصود إقامتها لاكتفى بقوله في أول الآية (وأقيموا الصلاة )







بديـت بخالقـي رب البـريـه=عظيم الشـان غفـار الخطيـة
الـه الكـون عـلام الخفـايـا=سميعـا قـادرا مافيـه زيــه
اشوف النـاس مهفيـن العبـادة=يقولون البقا فـي حسـن نيـة
مادام ان الفتى ماهـو بمشـرك=امـورة طيـبـة والله ولـيـه
لو انه نـوب مايزهـم يصلـي=وتاخـذه المـعـزة والحمـيـه
معـزة ذنـب لا ماهـي بلابـة=يبـا يرحمـه جـواد العطيـه
وانا اقول الولي يغفر ويرحم =ولكـن المصيبـه والقضـيـة
عبـادن غافلـة ماهـي بتعمـل=وتقضـي يومهـا كلـه بسيـه
نست ان الصلاة اعظـم عبـادة=رسـول الله خلاهـا وصـيـة
حساب العبد فـي اول حسابـه=عمود الدين مصباحـة وضيـة
فريضة ثابتـه محـدن جحدهـا=ومن يجحـد بهـا كافـر بغيـة
ومنهو قد تهـاون فـي اداهـا=عليه الخـوف والنيـران حيـة
ومـن ادى العبـادة بالمساجـد=اصاب الخير في نفس ٍ رضيـة
ومن ادى العبـادة وسـط بيتـه=نقص من اجرتـه غيـر البنيـه
صلاة الرجل ماهي وسـط دارة=صلاة الرجل ماهـي بالخفيـة
سوى بعض السنن غير الفريضة=تـودى بالبـيـوت ولانهـيـة
ولكنـي اشـوف اليـوم ثـلّـه=فلاصلـت هـنـا والا هنـيـه
شبابن ضيعـو فرضـا وسنـه=وانا اقول الولد في عنـق بيّـه
لو انه يامره من صغـر سنـه=على المرواح في صبح وعشية
لو انه ضاربه في سن عشـرة=كذا ما صارت علومـه رديـه
وسـاق النخـل لامنـه تعـوج=يعدل وقت مـا ساقـة طريـه
واذا طال الزمن والساق مايـل=تـرى صعبـا يعـدل للسويـه
وختم الشعر صلـى الله وسلـم=على اللي خاتـم الدعـوة نبيـه

فــرج الـبـلاز 28-02-2010 01:30 AM

قالو لي ادخل للسـاحة ....قلت اهل العقول براحة
مرتاح وبالي متريّح....مع ربعي وعصابة راسي


الساحة ياعمي زحمة ....ربعه لحم ونصفه شحمة
والربع الاخر متذبذب....مابين الطيب والخـــــاسي


الربـع الاول ياحـــيّه....ياعــذبه في شــــــــــربة مــيّه
ابياته تبري لك جاشك....مغروفه من عمق احساسي


والنصف اللي بالنص علّة....ماعـــــنده مايقــــنع لله
ماغير ازوال وسكسوكة.... شماغ وخاتم الـــماسي


حلمه لو يظهر بالشاشه....باللبس واحلى دشــداشه
ماهمه قافه متميز....متــــناسي او يمـــــكن ناســـي


هذولي مثل اللي يسحب.... امن الصرافه ثم يصحب
خمسة اوسته اوسبعه ....ماغير تضيّق عالنــــاسي


زحمه واللي يسحب واحد....واجد هالنـوعيه واجد
ماغير ازوال ٍ بالمظهر ....جوهرها فقـر ٍ وأفلاسي


والطـــيّب بالاخر طيّب....يبــقى ويبــــيد المـــــتعيّب
يكشفه الوقت بغباته ....ويظل اللي راســي راســي


ياكم واحد قد له لجّه....واعــــقبها بغــــياب وهــــجّه
بالساحة مايمكن يثبت....غير اللي له جذر وسـاسي


هذا كــــــلام ٍ عــديــته....رايي للــــــعالم وابديـــــته
منظومه من ناتج فكري ....يوم انه ثار الهوجاسـي


وخــــتامه صلو معايه ....على النبــــي الهـــــــــدايه
صلى الله عــــليه وسلم ....عد الــــمتلين والقــــاسي


الساعة الآن 01:27 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010