شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف دواوين شعراء المضايف (https://mdyf.net/vb/forumdisplay.php?f=11)
-   -   (( ديوان الشاعر / سلطان العاصي )) (https://mdyf.net/vb/showthread.php?t=7395)

سلطان العاصي 07-03-2010 11:59 PM

(( ديوان الشاعر / سلطان العاصي ))
 



رخصت وباعني رخص التراب ومن رخص ينباع=ومن سوى سواتي وش على من قال له ذقها
أنا اللي طاع نفسه لين تالي ضيّعته وضاع=سواة اللي كذب كذبه على حاله وصدقها
آمنت ونمت والديره ذيابه لا كلاب جياع= إلى ماغمضت لي عين ماقمت ابحلقها
يقولون الرجال الرجل من لايقبل المهزاع= ومن دنق رقبته للوطى يبطي مدنقها
ومدام الطيب خيبه والمدى زيف وردى وخداع= وش أبرك من غثى بعض الدروب إلا مفارقها
اليا صرت الكبير بعين نفسك خل شبرك باع=ولو ضاقت بك عيون الصغير وهو يبحلقها
تواضع والسباع اليا انثنيت الها تجيك أسباع=وفرخ البوم بوم ولو حرار اللي يصادقها
ومدام أن التطبع عمره ما يكبر عن الأطباع=ترى الجهال ماتنطق لله بغير منطقها
نصيحه لاتساوم بالكرامه ثم تشم القاع=الى من هنت نفسك لا تلوم إلا طرايقها
ولا تنثر حيا وجهك ولا تلبس حياك قناع=ولا تشكي مجاهيم الهموم لغير خالقها
ولا تامن طرف حوا ولاتشري رضا من باع=ولا تتبع بعض زيف المشاعر أو تصدقها
ترى ماعاد به قلبٍ يحس بلوعة الملتاع=ولا باقي معاميل العلوم إلا مسوقها
تعبنا نتصّف بالحلم وانهكنا الجروح أوجاع=وملتّنا الحراوي والوعود اللي نسابقها
لقينا وش لقينا كذبةٍ صفرا وحلمٍ ضاع= وسالفةٍ تعدت ممطرت لو لاح بارقها

سلطان العاصي 08-03-2010 12:02 AM


الشعر لامن جاك في مدح رجال = دام استحق المدح مامن خطيّه
والله مَمدح صاحب المال للمال = ولابي من امواله عطيات ليّه
واليوم جبت القاف مع زين الاقوال=ابيات شعرٍ بالجزاله قويّه
تاصل لمتعب .. تنحني حب واجلال=مع وافر التقدير واجمل تحيّه
اي والله امدح وابدع بزين الافعال=رجلٍ سكن بقلوب كل البريّه
متعب بياض القلب في كل الاحوال=شفت الوفا والطيب كلهن سويّه
مرات ربك يرزقك صحبة ارجال=في نظرتك يسوون ميه ابميّه
مرّت علي الوان وانواع واشكال=مثله قليل .. ان كان مافيه زيّه
جتني هواجيسٍ بلاايات مدخال =افكر بعالم تعشق الرديّه
بعض العرب ياخوك للحقد ميّال=مايهتني الا في مغثة خويّه
وبعض الاوادم ما يساويله اريال=نقّال علم الناس .. للناس سيّه
ياما صدفت بهالزمن ناس جهّال=اصبر على الجاهل وشر البليّه
يموت غيض ويحترق غل وإذلال=واليا احترق يعرف متاهات غيّه
ماني ضعيفٍ وارفض اكون عيّال= ولا ما اقبل العيلات والنار حيّه
حكمة خلف مشعان في ماضيٍ قال:= (صدر الشمالي ان ضاق تصبح قضيّه)

سلطان العاصي 08-03-2010 12:05 AM


يــالـلـه يـامـفـرج على الـعـبد ضــيـــقـــات = فــرج هـمـومـي يـــوم صـــارت ثـــقــــيـلـه
يـالـلـه وانـا صـلـيـــت فـي كـــل الاوقـــات = ولالــي غـــنـــا عـــنـــك ولافـــيــه حــيــلـه
يـامـطــلــع بـالــقــلــب في كــل لــحـظـــات = يــامـــنـــزل الــقـــرآن ومــابــــه مـــثــيـله
بصبر وصـبرني عــلــى شـــان طـــفـــلات = عــشــانــهـــم يــــارب روحـــــي طــويــلــه
نـخـيـت اهــلــي وقــلـت ودي بـفــزعـــات = وكـلـن بـدى يـفـــــي وعــــنــــدي دلـــيـــلــه
غلطه قديمه والـغـلــط صــار غــلــــطات = وكـلـن يــشــــيـل الـحـمـل وحمـلـي اشـيـلـه
مالــوم احــد راح وقــــت الـــمـــلامـــات = الــــوم قــــلـــبـــي يــــوم هـــــــذا خــــلــيـله
مابي اعيـد الـجــرح يكـفــي جــراحـــات = ولابــي اعــيــد الـــلـــي مـضـى وارتــكـيـلـه
يمه وانا بسـألك وش مــعــنـى الاهــات = تـــوي اعــــرف الأه يــــاهــــــي ثـــقــــيــله
مابــي اجــابــــه لا عــنــــدي اجـــابــات = بـس ضــاق صــدري قــلـت شعري وســيـله
ياما بتالي اللــيــل هــزتـــنــي عـــبــرات = تــمــطــر ســمـا عــيـــنـي وخـــدي يـشــيله
تفــجرت احـــزان قـلــبــي بــحــســرات = ولالــــــي غــيــر الــلــه رب اشـــتــكــيـلــه
همي وغــمــي انــرســم داخــل الـــذات = هــــد الــفــــؤاد وهـــد جــســمـي وحـيــلـه
اضحك معك وبداخلي كــوم صــرخــات = وش فــايــدة ضـــحــكــه بـنــفــسً عــلـيـلـه
اغفي ونامي يـمـه عــنــدي حــكــايــات = كــل يــوم ابحـكي لك حــكـــايــه طــويــلــه
قـصــة الـــم والاعـــذاب ومــتــاهـــات = والا ضـــــيـــاع الـــعــمـــر فــي كــل لــيـله
قررت يمه بـبــكــي الــحــظ بــســكــات = امـــا اعــــتــــدل حــــظــــي والا بــمــيــلــه
ياشـــيــن رداة الــحــظ كـل ماحيا مات = يـــطــــيــح حــــظــــي ثــم ارجــع اشــيـلــه
قــولــي لي يمه وش معنى المسرات = هـــذا الــــســؤال الــصـــعـــب يـمـك احيله

غريبة الاوطان 08-03-2010 12:08 AM

يالله يامفرج علـى العبـد ضيقـات
فرج همومي يـوم صـارت ثقيلـه
يالله وانا صليت فـي كـل الاوقـات
ولالي غنـا عنـك ولافيـه حيلـه


قصائد جميلة ورائعة اخى سلطان

مبروك افتتاح الديوان وبالتوفيق والى الامام ان شاء الله

سلطان العاصي 08-03-2010 12:13 AM


مااصدق ان رجالٍ بقدره كان عالي ثم طاح= لين شفت ارجال طاحت والردى ماله مثيل
والطبع يقوى التطبع دون شكٍ او مزاح= لاتصنع بالمراجل وانت في ربعك هزيل
من جلسنا وانت تحكي قصتك ويا السلاح=مره جثري مره شوزن مره من نوعٍ ثقيل
ياصغيرن حنا نكبر مايصغرنا نباح= قافلتنا دوم تمشي وانت بالجانب ذليل
حنا قوماً لا زعلنا نشبع المخطي نياح=من زعلنا كل وادي داخل العالم يسيل
ياصغير تدري ربعي من زبن ربعي استراح=عهدنا من قبل يطلع اصلكم ان كنت اصيل
ماعرفت الزير سالم واربعينن بالرمُاح=عندنا مليون سالم لا واكثر يالهبيل
قد سمعت احداً غزانا وعودالأهله وراح=قد سمعت احداً شتمنا ومنتهى واصبح قتيل
حنا قوم فكل ديره لنا مسكان ومراح= من بلاد الشام والا ان وصلت ارض الخليل
ياصغير قوم دور لعبةً برضً براح=عيب تحكي بالسلاح وانت ماتملك فتيل
ياسفيهن حنا بدواً نسعى دوماًللفلاح=نرقى لعلوم المراجل ونحترم حق الدخيل
مانحب الظلم دايم نمشي بالأرض ابصلاح=ومنهو نفسه سولت له يعتدي يصبح ذليل
ومن عوايدنا نسامح وروح هالمره سماح=ولاتسولف بالقبايل الا في ذكراً جميل
البدو عز ومعزه ودلتن والبن فاح=البدو تاجاً وذهب من العيارات الثقيل
هذي ابياتي وردي وانتهى وقت المزاح=اعنزي وافخر بأصلي والأصل ماله مثيل

سلطان العاصي 08-03-2010 12:15 AM


ماكتبت الشعر الا في امل=حبي الأول والعشق الوحيد
في عيونك انوجد احلى غزل=ورمشك الساحر الى سلهم يصيد
القمر لامن سهرتي يرتحل=وكل نورٍ بالسما نورك يبيد
ما حسبت اني بحبك ( بنهبل)=كل شيٍ فيك ضيعني اكيد
ضاعت اعلومي واناديك بمهل=والا انا قبلك ذوبت الحديد
اذكر اني كنت ابعد للغزل=اذكر اني كنت في الماضي عنيد
عمري اللي راح يحسب للهمل=كل شيٍ دون قربك لي بعيد
جعل من حاول يفرقنا بزعل=ينعمي ويضيع مايلقى عضيد
والمصايب فوق راسه بالجمل=لانتهى من شي يبداله جديد
يكفي قلبي ناض من حبٍ حصل=مالكٍ قلبي وجاري بالوريد
وكل حرفٍ قيل في غيرك هزل=كيف ما اقوله وانا عشقي فريد
لك حياتي لك عيوني يا امل=هذا وعدي لك وعنه ما احيد

سلطان العاصي 08-03-2010 12:19 AM

الغاليه / اماني عمر

ينير حضورك المكان ومن اعماقي شكرا لحضورك العطر

ودي

سلطان العاصي 08-03-2010 12:21 AM


عاشرت من هالناس ألوان واشكال=وعرفت وش معنى مزايا الرجوله
رجل(ن) على ماقيل بالقول رجال=ورجل(ن) بدون القيل هذي فعوله
صارت تشابه بالزمن كل الازوال= حتى السوالف بين جوله وصوله
كان الرجوله بلبسة اشماغ وعقال=أبشرلك أبمليار ومليار حوله
وان كانها بافعال ماظني ينطال=وماظني حتى أقدر أني اقوله
وان كانها في نعم مبطي وتنقال=مادامها سهله ومامن عموله
راحت معالمنا والحيا مننا زال=نمشي بدرب(ن)ماعرفنا أصوله
صار الهدف والله تحقيق الآمال= وصرنا نساوم بالأمور الخجوله
ياسامعي الحال ماهو هو الحال=فكر معي عندي كلام(ن)بقوله
لقيت منهو ماسك(ن)خط ترحال= رايح يدور للوناسه بسهوله
جلست سكر جلست نكر جلست أهبال=ورقص(ن) بهالدسكو واغاني يلوله
والثاني صار انثى وبالأصل رجال=وقام يتميع معجبه زين طوله
ولقيت من ضيع صلاته ولاقال=أستغفر الله ناسي الله ورسوله
ولقيت من يلعب وهو صافي البال=لعبة خطر واقمار واسرج خيوله
ولقيت ناس(ن)وضعها اسوأ الحال=يشحت هنا وهناك مرهي السيوله
امنولن نفخر على زين الافعال=واليوم صار الفخر عينه خجوله
سبة حثالة مجتمع ..شلة أنذال=شف المطر ناسين لحظة هطوله
ياللي تحس انك بك النقص لازال=أزبن كلام الله وسنة رسوله
كب الخمر واشرب من الكيف فنجال=بدلال صفر(ن)ميزة ابن الحموله
وان كان ماهمك زمانك ولو طال=يجيك يوم(ن)وتنتهي كل جوله
لاغرغرت والتفت الساق وانحال=بينك وبين التوبه انك تقوله
تصبح بهاك القبر وحدك بلا مال=والاهل راحو والتراب اصفطوله
من ينفعك بالله منهو على البال=ماغير رب(ن)واحد(ن)اسجدوله
يالله طلبتك سترك بيوم الاهوال=يوم(ن) جميع الناس تخشى حلوله

سلطان العاصي 08-03-2010 12:28 AM


جــلــســـت اقــلـــب بـيــن كــــل الــمــحـطــات=مابه محطــه غـــيـــر جــــابـــت فــــضــيــحــه
هــــــذا ذبــــح هــــذا واصـــــــوات نـــجـــدات=وهـــذا أتــهــم هــذا وضــيــــع صــحـــيـــحــه
ومحــاكـــمــة صــــدام تـــحــزنـــك بــالـــذات=عــقــب الــرئــاســه والــكــراســي الـمريحه
صبح يـحـاكــم بالــســجــن والــكــلــبــشـات=ويــســكـت وهــو يــســمـع شـتـمــه قـبـيـحه
واتبـاعــه الـلــي مــن ســنــيــنً قــديـــمــات=تــكــتــب بــهــم اشــعــار فــخــر ومــديــحـه
صــــارو مــثــل صــــدام مـــابــه مــجــالات=مابه حرس وجنـود وجــلـــســه مـــريــحــه
وهــذا الـــحـريـري راح بــالانـــفـــجــارات=وبــعــده غـــرق لــبــنــان الـلــه يــبـيـــحــه
مـــن قــتــلـه قــالــــو مــــابــــه مــفـــرات =سوريا عـلــى ايـــران يــاهــي فــضــيـحـه
بــعــده غــزي لــبـنـان وطــاحــت بـنـايــات=وتـــذبــحــو اطـــفــال قــانــا الــجــريــحــه
واصــبـر وتــابــع بـه مــســلـسل حــكايات=كــل يــوم تــبــي تـسـمــع كــذبـه فـسـيـحه
امـريـكـا يـلـلي تــصــدر الــكــذب كــذبــات=وتــبــي مـن الـجـمـهــور كـلـمـة صـريحه
بــنــو لــهــم بالــشــرق عــدة مــطــارات=صارت لــهــم هـالـشـرق مـبـطـي طريحه
هم كـــونــو صـهـيـون وقــالـو عــلاقــات=مايكفي غــزه تبـكـي الــظـلـم صــيــحـــه
منــهــو ذبــح بالــسـم يـــاسـر عــرافـات=ومنهـو ذبــح اطــفــال كـنــهــم ذبــيــحــه
ومــن رمــل الـنـسـوان ويـن الاجـابـات=ومن يـتــم الاطــفـــال بــغــزه واريــحــه
وان طــعــت شــوري لاتــابـع قـنــاوات=ابعـد عـن الاخــبــار خــذهـا نـصـيــحــه
خـلـك عــلـى بســكال وزهــره عرافات=والا عــلــى نــجـــوى والا مـــديـــحـــه
وتابع فـلـم هــنــدي يـاخــذك ســاعــات=ويـــدخــلـك عـالــم ضــايـع صــحـيـحه
اقـل شــي نـعــرف الـفــلـم مــن مــات=ويقبض على القاتل بـكــرتـون ريـحـه
وانـا ادري ان الـفـلــم كـلــه دعـايـات=بـس اهون من اخبار ماهـي صحيحه

سلطان العاصي 08-03-2010 12:32 AM


غــريـــب بـعـــض البـشـر كنه ابليس= يقعد يــوســوس لك الـيــن اتحــير
وانا صدفت اشخاص اطيبهم امخيس=وارداهــم الــلي بكـل لحظه ايتغير
مره يصـير الــكنك ومره البرنسيس=ومــره يصــير الـشـيخ اللي يجير
من زود كذبه صار بالهرج تخميس= وخــذ مــن الايـمان وذمــه اتحير
زبـدة كلامي تقوم فيك الوساويس= من طفقته من ربكته من التطير
والـلـه على مجلاس كله موانيس= ارجـال معـدن طـيـب ماهي اتـغـير
دله وتمـره وزين الكـيف تحميس= واقـدع من التمرات في بـيت خير
للمرجله والطيــب ري ومغاريس= واللي ربـا ع الـطيب صعب ايتغير
ماهم من اللي هرجهم به دنافيس=ارجــال قـــول وفعل حتى الصغير
وانا اقول الرجال مثل التضاريس= فــيهم جــبل عالي وفيهم اقصير


الساعة الآن 08:30 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010