شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف المحاورات (https://mdyf.net/vb/forumdisplay.php?f=16)
-   -   يامرحبا بسم الرجال المناعير (https://mdyf.net/vb/showthread.php?t=58489)

الشامخ الطود 25-10-2015 09:32 AM

يامرحبا بسم الرجال المناعير
 
يامرحبا بسم الرجال المناعير
ترحيبتن باهل القلوب النظايف

نبغى القوافي مثل صرف الدنانير
وتشرف الي عدّها بالمضايف

الشامخ الطود 26-10-2015 02:37 PM

طال انتظاري يالرجال المشاهير
وماني لقيفان الشغاميم عايف

عرضت حرفي في جديد التعابير
قافن مايقطن غير روس النوايف

وردن حروفي وعودن لي مصادير
وين.. العدود الي تروم العطايف

راحن وجني دون ربح ومخاسير
ومالي عليهن يوم جني حسايف

اصخر صعبها بالمهمات تصخير
وسلها بالحرب مثل الرهايف

وسوقها بالدرب مثل المظاهير
الي ماترتع غير باحلا المصايف

على عداهن مثل حد المناشير
واطى بهن خطو الرخم والهدايف

ولصاحب احلا من حليب المباكير
وتودع ثقيلات المحامل خفايف

بنت الكحيلا 27-10-2015 12:03 AM

صح لسانك يا الشامخ الطود

ويعطيك العافية على الطاروق الجميل

وين شعراء المحاورة ؟؟؟ مالهم حس

بنتظار من يتقدم للملعبه

عاشق الورد 27-10-2015 12:17 AM

صح لساانك

قصيده جزله من شااعر جزل

بالتظار المزيد من ابداعك الجديد

عواافي ملاايين

أميرة الورد 27-10-2015 12:49 AM

أخي الكريم صح لسانك
يعطيك العافيه وتسلم الايادي
طرح رائع وانتقاء اروع لاهنت

ننتظر مزيداً من جديدك المميز
دمت بحفظ الله
http://mdyf.net/upload//uploads/imag...1b3a301a63.gif$أميرة الورد كانت هنا $http://mdyf.net/upload//uploads/imag...1b3a301a63.gif

الشامخ الطود 27-10-2015 02:08 PM

بنت الكحيلا

عاشق الورد

اميرة الورد


شكرا على هذا المرور والحضور الراقي.. لاهنتم جميع

الاطرق بن بدر الهذال 28-10-2015 10:44 PM

صح لسانك اخوي الشامخ الطود على الطاروق الرائع



هلا هلا باللي لهم كل تقدير
اهل الشعر وأهل العلوم الطرايف

بوجودكم يالطيبين المناعير
تفخر وتسمو بالحضور المضايف



بيتين ترحيبيه لين يحضر احد الشعراء الكرام

الشامخ الطود 29-10-2015 08:39 AM

اقتباس:

المشاركة الأصلية كتبت بواسطة الاطرق بن بدر الهذال (المشاركة 968603)
صح لسانك اخوي الشامخ الطود على الطاروق الرائع



هلا هلا باللي لهم كل تقدير
اهل الشعر وأهل العلوم الطرايف

بوجودكم يالطيبين المناعير
تفخر وتسمو بالحضور المضايف



بيتين ترحيبيه لين يحضر احد الشعراء الكرام


صح بدنك والروعه بحضورك يابو سلطان لاعدمت هالحضور

فيك البقاء يالشيخ واف الاشابير
مقدم هل الطولات لاحاف حايف

من عزوتن عند الملاقى بواتير
ويروون حد مصقالات الرهايف

ابو رهف 10-03-2018 12:16 AM


عافاك الله
وتسلم يمناك

الباتلي 11-03-2018 01:13 AM



الساعة الآن 12:02 AM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010