حنّا نسبنا 00 تنضرب فيه الامثال = واللي خلقنا حطّنا فوق عالي
أصلٍ بلغ نجم الثريّا ويختال = واحسّه أكبر من تصوّر خيالي
اخوان بتلى 00 مابنا شك وجدال = يشهد لنا التاريخ باوّل وتالي
ريف الضعيف اللي شكا ضيقة البال = وسقم الغريم اللي عن الحق مالي
شيخة جدودٍ خلّدت زين الافعال = واذكارهم 00 ماتنمحي بالليالي
منهم ورثنا المجد في كل الاشكال = وصيتٍ تعدّا شامخات الجبالي
الكل منّا 00 منزله صار مدهال = مثل الحرم 00 ماهو من الناس خالي
يوم الوغى نرخص به الروح والمال = والموت يصبح عندنا 00 شي غالي
قلته 00 وانا ماهمّني كثر الاقوال = والشعر لولا واقعي ماطرالي
قافٍ كتبته واشتهر بين الاجيال = نزفٍ رفعني 00 واعتلا من خلالي
انا عريب الجد ومعرّب الخال = نسل الشيوخ اللي تروم المعالي
حرٍ ولد حرٍ ومن صلب هذّال = الساس نجدي 00 والطبايع شمالي