ياهل الشعر

ياهل الشعر .. قافي وانا ولّفته
وكلٍ حسب مبداه .. منكم ولّف

والقاف يسترني .... اذا كلّفته
يوم إن غيري ... يكتبه متسلّف

وماشي على مبداي .. ماحرفّته
صادق ولو قالوا .. رجل متخلّف

وياهل البشوت الشيخ والله شفته
يقدح سطر فطرة .. ماهو متكلّف


ومادامني شفته .. حرام إن طفته
ياشيخ في مثلك ..... أنا متحلّف

ولو قلت أسمه ....كنني وصفّته
بيتين وأسمه .... بالختام مغلّف

شيخ الفعول .... القاف له وظفّته
قافٍ نزيه ........ ولاهو بمتزلّف

وسلام للديدب ....... معه كلّفته
للشيخ ابو فوّاز ...... راح مكلّف

عوّاد الدهمشي