قم يا قلم واكتـب كلام(ن)بتأديـب =
=خط(ن)ظريف(ن) للاطرق ولد العم
للوااايلي ازكـى تحيـه وترحيـب =
=شيخً على كسـب الحمايـد معلـم
حلال عسرات الامور المصاعيـب =
=الاجودي مثله على الطيـب يقـدم
يضوي ويسري بالمجالس تقل ذيب =
=والكل يشكر فـي جنابـه ويجـزم
ابن بدر مذري جميـع المعاطيـب =
=وجه الندى بيـن الشفايـف تكلـم
الحر حرً لا دعيتـه لـك يجيـب =
=وإلا البواشق شوفهن يـرث الهـم
والجم جمً ما تضيمه هـل النيـب =
=وش عاد لو مليون ناقـه تداحـم
ما هو بعيبً لا مدحنا هل الطيـب =
=اللي لفعل الطيـب يقـدم ويهتـم
هذي ابياتي اكتبـه دون تشطيـب =
=مكنون صدري والقلم بـه توشـم
عبر المجالس ارسله بكل توجيـب =
=شكري وعرفاني وتقديـري الجـم