شدو وشديتم وحنا مقيمين
لو الله الا مابعدكم مقامه
ليالطمت الخشم تدمع له العين
ولياضربت القاع طير عسامه
يطير وتلعبه رياح الخماسين
ينزل بنهر النيل والا تهامه
ماصبرت دمعه على بعد غالين
ماب الدموع الا العنا والندامه
الا دموع الصايمين المصلين
يرجي رضا ربه بدمعة قيامه
لو دمعته تشبه دموع الملايين
تحسب لهم حسنات يوم القيامه
رفعه بها المسلم تغيض الشياطين
وزادة على ابليس المحقر الجامه
هبت رياح مغيرات الموزين
على صخور الضلع سوتٍ علامه
زادة هبايبها على بحر قزوين
وشفت البحر قزوين غير نظامه
عامه ثلاثة عشر من فوق اللافين
شيب براس الطفل قبل الفطامه
عامٍ بوصفه مثل عام الذبيحين
ياضنتي يامعيض مابه سلامه
وهذي علامه حطها بين قوسين
هي للخبر غايه وللعلم هامه
شفت السنه ذيه ومن خمسة اسنين
والمزن بالمنشا تزايد ركامه
ينشي من المنشا ويمطر على وين
والا اليا خيل توزع غمامه
لو تنشدون اللي عن الدار ناحين
اهل الربيع مدلهين الجهامه
مقيضها الطيب ومرباعها الزين
وبالروضه الخضرا مشيد اخيامه
اخبارنا زينه ولابه خبر شين
والعلم واحد وصلته وانعدامه
واللي شغل بالي فراق المحبين
وقلبي على خله تزايد غرامه
ماله عزا ياغير شوف المعزين
خانه زمانه،ماحصله مرامه
وخلاصة الموضوع ياليل ياعين
دمعة صبيا مزعلينه عمامه
مساعد مزعل
|