( من يلومك يالمهلهل بالغزل مادمت زير )




صـاحبي ضيعت شعري غـافي ٍ بأبداع فـنـّك
كـنـك أول من يهلهل بيت فصحى وانـت زيـر



وانت الاخطل وانت الاجزل وانت الاجمل يالمحنك
عـكس ظـنـك يالـفرزدق يوم عـداها جـرير



صاحبي وان كان حقدك فـسِّر الابيات عنـّك
الرمد مهما تكَتـّل وش على عيون الضرير



صاحبي ادخل على الله مرتبك ذليت منــك
لاتسل سيوف غدرك واقلب السيف الشطير



طاح ضرس العود مغرم شايب ٍمثلوم سنـّك
طاح ضرس العقل يالله صك بالضرس الكبير



بالغـزل تسعين عـام ولاهقيت البيض جنـّك
عايش الجيلين تـوّه راهـق الطـفل الصغير




كـم كسرن بالحنايا منجبـر في عكس ظـنّك
صعب أجـبّر بالحنايـا ضلع صـدرك يالكـسير



مـن يلـوم البيض والله غارقات ٍوسط فنــّك
من يلومك ياالمهلــهل بالغـزل مادمت زير

.