آبيـات آلشـاعر / سلامـة القريعـا العنزي
الشهـيد/ النقيب / محمد حـمد المطردي العنزي
ابـوگ يا سلـطـان حيـاً ولا مـات
بـقلـوبنـا يـبـقى سنيـناً طـويـلــة
يـالوايلـي راع الفعول الجزيلات
مثـلـت ربعگ يـاسفـير الـقبـيـلـة
سجلت قبل اليـوم عـدة بطـولات
مـار الـقـدر يـاحـل مافـيه حـيله
يـوم اعلـنو فعـلك بكـل الـقنـوات
طـولـت روس مـزبـنين الدخـيلـة
����������
هذي الابيات القليلة رثاء للمرحوم ،،،
،، ملحاق الخمعلي ،،
رحمه الله رحمة واسعة ،،
وهو يستحق الكثير
ويقول القريعا فيهـا ..
مدح الرجل من دون فعل خطاء وعيب
والـناس لـدروب الخـطـاء وش فـتـنهـا ،،
لا تـمـدح الا مـن يـعـد المـراقـيـب
والمـرجـلـة صعـبة وصـعبـاً ثـمـنهـا ،،
مرحـوم ياناطـح صـعاب المـواجـيب
الي حـياتـة للـمـراجـل رهـنهـا ،،
من طلعتة حتى كسى راسة الشيب
مـتـجـوداً بالـمرجـلـة من رسـنـها ،،
تفقدك ربعك والرجال الاجانيب
يلى الـمراجـل ماتـخـليـت عـنهـا ،،
وتفقدك ياملحاق حرش العراقيب
الـي تـقـدم للـنـشـامـا لـبـنـهـا ،،
ونعـماً بربعـك دون شـكً ولا ريب
خـماعلـه بالكـون تحمي ضعنها ،،
عذروبـكم ذبـح الغنم والمصاعيب
كم حايلاً قـلطتها في صـحنـها ،،
الشاعر : سلامه القريعا اليمني العنزي
����������
قصيده للشاعر / سلامه سعود القريعا اليمني العنزي
بمناسبة : ابناء المحاميد
القصيده :
قال القريعاء يوم صاغ المعاني
الله يوفقنا لحسن التدابير
ابي احضر مفرداتاً اسماني
اجيبهن بالحال من دون تأخير
وانا هجوسي بالشعر ما تعصاني
يعرف مكاني بين كل الشواعير
وادحم بجنباً لون ضلع اقحطاني
وآشيل من حمل البليهي قناطير
مكمي اجيه لحفلته يا دعاني
اجيه لو هو بالكرك ماهو بصوير
ارحامه ارحامي ولنا عواني
عن حفلته ماعاد ليه معاذير
مكمي ولد شيخً طلع بالبياني
واخوه ابو ممدوح ريف المسايير
يافي الى انه ضاع ولد الهداني
يقضي لزومك مايهاب المخاسير
وربعه هل العلياء طوال الايماني
اللي يفكون الدبش والمظاهير
نختهم الشيخه هذاك الزماني
وحودر ضعنهم كنه طويق والنير
الي خذو بيديهم الجنبخاني
مشوارهم يشبع به الذيب والطير
عيال زايد طيبين المجاني
مقدم ضنا مسلم رجالاً مناعير
وبشر سندهم بالزمن والمكاني
كسابت الامداح ستر الغنادير
لهم كيان وحي هذا الكياني
من شجرةً ماحركتها المعاصير
وحنا هل الجدعاء ذرا كل جاني
اليا وقفنا تصير وقفاتنا غير
بحقوقنا نقيف والعمر فاني
حنا هل النخوه طوال الأشابير
آمدح ولا اظلم بالشعر مودماني
كل القبائل تكرم الجار وتجير
وإعداد من زار الحرم برمضاني
صلو على اللي دعوته للبشر خير
����������
قصيده للشاعر / سلامه سعود القريعا اليمني العنزي
القصيده :
يالله يامعبود يا خير معبود
منجي سفينة نوح من غب الابحار
تفكنا من كل ظالم وحاسود
وتحمى وطنا من مدورت الاشرار
واليوم انا حضرت في محفل سعود
ابي اسطر طيب الشعر واختار
مانوب عني شخص ياصرت ماجود
انافس الشعار في بدع الاشعار
وانا افخر بربعي هل الفعل والجود
حمايت الخنفه الي صار ماصار
يوم السلاح الرمح وشلفا وبارود
كم فارسً بنحورهم طاح ما ثار
ومدحً بلا فعل على الرجل منقود
والله ما امدح غير فارس ومغوار
تشهد قرية والريش علم ما كود
يوم الملاقاء عند حصات الاوبار
وفي معركة مبهل لنا فعل مشهود
سقنا الجمل بنحور طلابت الثار
يتلون أخو جوزاء زبن كل مظهود
يمسي بهم بديار ويصبح اديار
واليوم حنا بخير في حكم آل سعود
بحكم هل العوجا طويلين الاشبار
بعهد عبدالله راع العدل والجود
اطلب من الله مايجي جسمه النار
����������
قصيده للشاعر / سلامه سعود القريعا اليمني العنزي
بمناسبة : حفل ابناء الشاعر : محمد بن صفوق العبدلي
القصيده :
بسم الولي رفاع سبع سموات
اللي رفعهن فوق من دون عمدان
يافارضً صومه وخمس الصلوات
بأمرك خلقت الكون اشكال وألوان
تحفظ وطنا من الكوارث والآفات
وتحفظ ملوكاً بالجزيره لها شان
أهل المكارم والعلوم الوفيات
زعيمنا العادل ونايف وسلطان
عيال عودً ماحكمها بالاصوات
الي حكمها بشذرة السيف شامان
قضى على الفتنه وحرب العصابات
ياما جمعنا بالبلد مثل الاخوان
وفي حفلة إبن صفوق راعي الجمالات
حضرت اشارك في حفل طير حوران
لفراحنا يقطع بعيد المسافات
ونجيه لو انه بصيدة بلبنان
من ساس ربعاً ينطحون المهمات
رجال عبدله مواريث زيدان
يوم الحرايب والعلوم القديمات
مشوارهم يشبع الذيب سرحان
وانا لاجيت حصيده بالقريات
يذكر عليه ابو فندي ومشعان
اسبابهم قامت قصور وعمارات
وعندي على ما اقول شاهد وبرهان
اللي لهم بالحي هذا بصمات
عسى لهم في جنة الخلد مسكان
ياجب علينا ذكر الاحياء والأموات
اهل الوفا والطيب ذربين الأيمان
وما اقول غير الزين عبر القنوات
من شان ماينقدني فلان وفلان
وصلو عداد شهورها والسنوات
على النبي المصطفى نسل عدنان
����������
قصيده للشاعر / سلامه سعود القريعا اليمني العنزي
بمناسبة : سلامه بن فجر بن شهاب
القصيده :
قال القريعا يا حضر يفتح الباب
لو كان مغلق يفتحه بكلاماته
لو كثرة الشعار يدحم ولا يهاب
وان قامت الصفين هاذي مناته
سلام ياربعاً تضدون الاجناب
لكم سلام ورحمة الله وبركاته
وشلون ما احضر حفل رجال بنا طاب
العام لبسني سلامه عباته
مالى عذر عن حفلكم يابن شهاب
وانتم زبون الطيب وانتم مراته
ابوك من ربعاً يفكون الانشاب
ليا نشب لسان الرجل في لهاته
سقم الخصيم الي حصل حزم كلاب
هذي صفه عديتها من صفاته
ناسبت من عدا على راس مرقاب
جزاع ياطيبه على ملزماته
جده طويل الرمح فكاك الارقاب
فك الدخيل بسيئته وحسناته
نعمل تحت راية عريبين الانساب
بعهد زعيماً سلم الله حياته
وحدها ابو تركي بشلفا ومشعاب
شعبه جمع شمله وليم شتاته
وهذا كلام الصدق ماني بكذاب
جميع مأذكره عندي اثباته
وعداد مابان القمر بالسماء وغاب
على نبي الخلق زيدو اصلاوته
����������
قصيدة الشاعر : سلامه سعود القريعا اليمني العنزي
بمناسبة عزيمة الردود من القراوعة . . . لخوالهم الضويله من شمر
مقدمه ..:
ياولي العرش يارب العبادي
من نوانا بسوء يعله يصيبه
تحفظ الديره وحكام البلادي
البلاد الي بها مكه وطيبه
دونها البارود والسيوف حدادي
وان ذخرنا العمر عنها وش نبيبه
القصيده:
عند الردود ابي ارحب واهلي
عداد من خط القلم بالمكاتيب
محل ربعي بالمواقف محلي
يامرحباً ياضيوف عند المعازيب
عداد من لبى وصلى المصلي
حي الله الي يكملون المواجيب
يالضويله مدري وش اذكر وخلي
بأفعالكم مافيه شكٍ ولا ريب
من الغفيله ملحقين المتلي
من روس شمر منقع العز والطيب
قصيركم من قربكم ما يملي
أهل المواقف لا عوى الذيب للذيب
ياهل اللحيه عقدكم مايحلي
تحمون بالاقوات حرش العراقيب
وربعي يضدون العدو والمغلي
جعافره هل السيوف المحاديب
من لابتن هم تاج راسي وظلي
عيال وايل مبعدين المطاليب
اقف مواقفهم بلا تغلي
من تم عقلي لين تبين بي الشيب
فكري يطاوعني حشى مايزلي
ابعد عن المنقود واخشى من العيب
����������
قصيده الشاعر : سلامه القريعا
في حفل : عبدالله رشيد هطيلان العنزي
القصيده:
قال القريعا يامساعد ويامعين
راضين حكمك والرضا سيد الاحكام
يالله ياقابل صلاة المصلين
ياعالم غيب الليالي والايام
بقدرتك تشفي زعيم الحرمين
ابو العجايز والارامل والايتام
خيره وصل للبنان وايضاً فلسطين
وبذله وصل حتى الاطفال بالشام
مكارمه وصلت ورا الهند والصين
غيثاً على شعبه وعوقاً للخصام
وعيا على البحرين بالعسر واللين
يا ما انتهى الي كان في راسه اوهام
ابن الزعيم الي حمى حوزة الدين
مؤسس الدوله زبن كل من ضام
صارع وجيه الشر وسط الميادين
وحد جموع كانت آحزاب وأقسام
قلته وانا ربعي صطام المعادين
جعافره ياصار قالات وزحام
حمايت الديره من اول وذ الحين
مشوارهم يشبه به الطير ياحام
يلي حضرتو حفلنا قولو آمين
انه يعز الي بهم عز الاسلام
����������
|