عرض مشاركة واحدة
قديم 15-07-2010, 10:47 AM   #9


الصورة الرمزية فــرج الـبـلاز
فــرج الـبـلاز غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 13-03-2024 (05:45 AM)
 المشاركات : 7,504 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي



همسات من قعـر الفؤاد أندفعت مكونه أبيات متواضعه ردً على كلمه سمعتها
من نبع الحنان مستفسرً عن نبرة ألم وحزن دوت إلى مسمعه حينما هاتفني
فأقبلها وأقبلـــوها ببساطتها علها تغفر لي فترة غيابي ..,

لا صحت تكفى فز لي الـف خيّـال =
=مهره وأهلـي كـل ابوهـم ذيابـه
وأخص أنا اللي للحمل دوم شيّـال =
=اخوي ابو تركـي سريـع الأجابـه
عضيدي اللي ماله اشبـاه وامثـال =
=يالله عسانـي ماأحـس بغيـابـه
صدره لهمّـي لاتضايقـت مدهـال =
=وشـيٍ يفرحنـي سعابـه وجابـه
ماسدني فـي غيبتـه كثـر الازوال =
=عضيدي الغالي فـلا لـه مشابـه
ملاذ عينـي لا دنـا كـل زلـزال =
=وان ضاق صدري شفت فيه الرحابه
انت السند وانت الغلا وانت الامـال =
=وانت الحنان اللي روانـا شرابـه
طيبك بنالك داخـل القلـب منـزال =
=تنزل ومحـدٍ قبـل زولـك مشابـه
لو بيني وبينـك يحولـن الأميـال =
=عطفك ينسيني السفـر وأغترابـه
ابشـرك مرتاحـة الفكـر والبـال =
=والضيق زايـل والألـم والكأآبـه
ولياقتي بالصبر عـالٍ علـى عـال =
=والراس شامخ للصعـود انجذابـه
وأن قلت تكفـى لا تفكـر بتنقـال =
=في غيـر شخصـك ياكثيرالمهابـه


 
 توقيع :

الا يالله يا مبعد الضيق والهم
عن كل مسلم بين كل العبادي

تفرج هموم ٍداخل الصدر ترتم
والصبر منك يا عظيم الغوادي

التعديل الأخير تم بواسطة الاطرق بن بدر الهذال ; 21-07-2010 الساعة 10:25 PM سبب آخر: اعادة تنسيق

رد مع اقتباس