عرض مشاركة واحدة
قديم 03-09-2010, 01:45 PM   #6


الصورة الرمزية منصور الجلعود
منصور الجلعود غير متواجد حالياً

بيانات اضافيه [ + ]
 رقم العضوية : 517
 تاريخ التسجيل :  Feb 2010
 أخر زيارة : 12-11-2013 (11:39 PM)
 المشاركات : 2,795 [ + ]
 التقييم :  10
لوني المفضل : Cadetblue

اوسمتي

افتراضي






يقول ابن جلعود للمجد عنوان=وعنوان تاج المجد صقر الجزيره
عبد العزيز الوايلي نسل عدنان=سطّام عيلات الليال العسيره
يوم انتخا بنوره وصوّت بليهان=ردوا عليه أهل السيوف الشطيره
قالوا له آمر قال ضاري وعطشان=كبدي على نجد المكارم مريره
قالوا له أبشر ياسلايل كحيلان=حنا معك بالطايله والقصيره
قال البسوا لعيونها بيض الأكفان=(يالله عسا ماتكره النفس خيره)
سروا معه للموت ذربين الأيمان=من فوق عيس ٍ بالفيافي خبيره
سروا معه في سكت الموت شجعان=لعيون بنت المجد شدوا المسيره
سروا معه لاما فتحوا قصر عجلان=ونادوا بأن الأمر رد لأميره
نادوا بأن الحكم سنه وقرآن=حكمٍ لأبو تركي زبون المغيره
نادوا بأن القتل والظلم طغيان=وان الصغيره بالمظالم كبيره
نادوا بأن الناس في حكمه اخوان=مسلم سعودي ولاتهون العشيره
من حد عرعر حدها لين نجران=ومن الخليج لبحر جده يديره
أدارها صقر الجزيره بميزان=لاما اعتلت فوق النجوم المنيره
والحمدلله ننعم اليوم بايمان=وأمن ٍ على الأرواح في كل ديره
ياجعل أبو تركي لروح ٍ وريحان=في جنة الفردوس ربي يجيره
وصلوا على المختار ماكوكب ٍ بان=واعداد سوقات المزون الغزيره


 
 توقيع :


رد مع اقتباس