عرض مشاركة واحدة
#1  
قديم 26-12-2010, 09:52 PM
عبدالله رجاء العنزي غير متواجد حالياً
اوسمتي
وسام الشاعر المميز 
لوني المفضل Cadetblue
 رقم العضوية : 48
 تاريخ التسجيل : Oct 2009
 فترة الأقامة : 5256 يوم
 أخر زيارة : 04-01-2022 (02:38 AM)
 المشاركات : 663 [ + ]
 التقييم : 10
بيانات اضافيه [ + ]

اوسمتي

افتراضي ديوان الشاعر/عبدالله رجاء العنزي



مساكم ورد

ساحاول قدر المستطاع ان اضع لو جزء بسيط من احساس ماكتبته هنا واتمنى ان تحوز على رضاكم



الشعر له عندي مراحل ويزداد=وطيب المعاني بين(ن) مبتداها
ابحشمه عن كل شامت ونقاد=نبراس حكمه ينتفع من قراها
لوكان وقتي ماشفع لي بالاعداد=المرجله عشقي ولالي سواها
تجارب الماضي على دور الاجداد=مسيرت(ن) تعرف ونمشي وراها
تفرح قلوب الناس لاهلت اعياد=ضحكات من صبح الحياه ومساها
ونجاوب الضحكات في صوت وانشاد=وبعالي الاصوات نرسل صداها
مرحوم يالي شاد في شعره اسياد=عالج بيوت الشعر وانتج دواها
له حكمت(ن) صارت مع اولاد واحفاد=باطيب عطور الورد واعذب شذاها
الناس ماتدري عن الداي من غاد=ومحست الجمره على من وطاها
يقولها جدي مع الناس تنعاد=مثايل(ن) مثل النجوم بسماها
من صابته بلوى وفي نارها زاد=يصبر على دنياه حتى فناها
دنياك لوتقهر من الناس حساد=مصيرها تفنى ويفنى عطاها
لوتملك الاموال وقصور وشعاد=تبقى هموم الحزن تطحن رحاها
يابوي لوشفنا ترا الوضع منقاد=اجيالنا واجيال سارت معاها
دنيا الفنا بكنوزها شي مافاد=يالله سترك وانت حامي حماها
ناس(ن) على الدنيا مواعيظ وارشاد=مكسب رضى الرحمان غاية مناها
وناس(ن) عليها ذنوب وذنوبها اعداد=من كثر ماتخطي تعيش بخطاها
حتى المجالس صايره كذب واحقاد=غيبه نميمه يقطع الله نماها
لاجاك يلي تسمع العلم نشاد=ينشد عن اوضاع البيوت وبلااها
قله ترا واقع نعيشه ومعتاد=كتبتها والعلم في منتهاها



القصيــــــــــــده التاليه
.........................
.........................

سبحان من هو كـون الكـون سبحـان=رب الــمــلا مــرســـي جـبـال(ن)هـوايــل
مــن بـعــد ذكـــره نـبــدع الـقــاف قـيـفـان=ونـــصـــور ابـــيـــات الـمـعــانــي جـــزايـــل
كــــل الـقـبـايـل فـيـهــم الـطــيــب نـيــشــان=حــــق وجــــواب الــحـــق فـيــنــي تـهــايــل
بــس الـغـضـب لاثـــار بـركــان بـركــان=وقـامــت عـلــى راســـي تـــوارد مـسـايــل
لي لابت(ن) فيها من المجـد عنـوان=اهـــل الـكــرم والـجــود واهــــل الـفـعـايـل
لاصنـفـت بـيـن القـبـايـل عـلــى الـشــان=قـــيـــل عـــنـــزه بــالــحــق روس الـقـبــايــل
اقـسـم بـمـن ســوا مـــن الـطـيـن انـســان=ان الـــجــــزا مـــرصــــود لــــلــــي تــمـــايـــل
مـجـنــون اذا مـاقـلــت وازيـــــد بـاجــنــان=ان عــنــزه مــــن فــــوق كـــــل الـحـمـايــل
حـكــام مــــن حــكــام وشــيــوخ واعــيــان=والـــحـــق واضـــــــح والـــدلايــــل دلايـــــــل
مـــــن دون لانـفــعــل مــزايـــن ومـــيـــدان=ادبــاشـــنـــا تــتـــبـــع بـــــــــروق الــمــخــايـــل
حـنــا كسبـنـاهـا عـلــى ذيــــك الازمــــان=يـومـ انـهـا فــــي وقــــت صــايـــل وجــايـــل
ويـوم انهـا تضـرب بالامثـال شجعـان=صغنا الفخر من فوق ذيك الفعايل
ماهي سوالف حكي وهياط ونقصان=ولاهـــي عــلــى مـاقـيــل حــفــل وفـتـايــل
من يجهـل التاريـخ ومـن يجهـل ابـان=عــــــزالله انــــــه فــــــي ضــمــيــره تــحــايــل
مــن ينـكـرك ياشـمـس لـوكـان عـمـيـان=ومــن يجهـلـك ياسـيـل لاجـيــت سـايــل
يـاعـيــال وايــــل يــــاذرا كــــل عـطــشــان=يـاعـيـال مـنـهـم كـاسـبـي(ن) الجـمـايـل
تـرا الفخـر مرسـوم فـي كـل الاوطــان=وتــــاج الـفــخــر والــعـــز لـعــيــال وايـــــل
وخـتـامـهـا مــــن كـلـمــة الــحــق بــرهــان=مــنــي ســــلام الــــود بـاغـلــى الـرسـايــل


القصيــــــــــــده التاليه
.........................
.........................


ياهاجسي وين البيوت اللي لها يروى ضماي=عن ماجرى ياهاجسي وسط الهموم الوافره
لليل موحش والبلى في ديرت(ن) تعلن غثاي=لشلهبت سود الجبال المرعبه والنافره
متقلد(ن) فكر الحياه اللي بها لقمة عشاي=مثل الحصان اللي حفى ذيك المراتع حافره
اتيه في ذاك الجفى واعيش من كفه عناي=وانا الذي مازعزعه بعض العقول الشافره
سلام ياديرة هلي والشوق من وصلك رجاي=عيال وايل عزوتي وقت الظروف الكافره
ايه اعترف بالوايلي مادام هاللابه ذراي=ومدامني من ساسهم لسولفو جعافره
وفاي ياصيتاً سمى لصيت لويذكر وفاي=شف الجماعه تجتمع على العلوم الظافره
تبقى الفعايل ذكرنا لونايد العالم وراي=والقصد واضح ينفهم لشعشعت دوافره
واللي بلاني يعترف عن وقعت(ن) فيها خطاي=لكنها مشت علي في زحمت(ن) متعافره
توشحتني بالغلط والسر من سلة خفاي=والزافره من وقعها تبقى علينا زافره
ايه اعترف ان الخطى منساه لودارت رحاي=وش فايدة عذر الخطى لصفرت هالصافره
تسمو سوالف صيتنا على الثريا من سماي=وذكر القصايد فعلنا عند الوجيه السافره
والخاتمه هاض القصيد اللي مزجته في نداي=حنا لها عز وفخر وسط الجموع الوافره


القصيــــــــــــده التاليه
.........................
.........................


مافيه شخصً للرديه غصبني=هذا كلام الحق واصدق رساله
ياناس كان الطيب ساسه غلبني=انا فعلت الطيب مابي جماله
كل المظاهر زيفها ماسلبني=طهر المبادي والوفا والشكاله
واللي قريته بالنواظر رهبني=بين الحقيقه واحتظار العداله
لا يحّسبنه بالملامح نهبني=ولا يحسبني أنثني من دلاله
مافيهم اللي بالمواقف عجبني=دون الوفا تمشي طريق النذاله
عرق الرديه ساسها ماجذبني=من صلب وايل مامشى بالفساله
شفي بخوة شامخً ماعقبني=حرن عمامه تنتخي في خواله
وانا عزايه كل معنى كتبني=ولاني معاتب في زماني حثاله



القصيــــــــــــده التاليه
.........................
.........................


يــاعــزوتـــي مـــــــن ضـــــــاع بـالـمـهـمـهـيــه=الله يـعـيــنــه ضـــــــاع مــابــيـــن الاقـــــــواس
يـــصـــبـــر ولاتــــطـــــري عـــلـــيـــه الــخــفــيـــه=مــــن تــــاه عـــــن دربـــــه يـدلــونــه الــنـــاس
حــلــوالــهـــواء ذعـــــــــذع جــــوابـــــه عـــلـــيـــه=يسال سوات النفس عن ذيك الانجاس
حــزنــي عــلـــى مـاشــفــت غــطـــا الـبــريــه=حــزنــن تـلاجـابــي مــــن الــهــم وســــواس
ومــــــــن لايـعــزالــنــفــس بــنــفــســـن قــــويـــــه=راحــت عـلــئ مـاقـيـل درســـن لـلافــلاس
لايـــاهــــمــــوم الـــــيــــــل هـــــــــــدي شــــــويــــــه=مالي مشاريهن علـئ الحـس باحسـاس
اســــولـــــف لــنــفــســـي ونـــفـــســـي شـــقـــيــــه=وشنـفـعـهـا نـفـســي فــــي كــتـــم الانــفـــاس
((صــبـــري نــفـــذ وعـــــدود هــمـــي مـلــيــه=مــاكــنــي الا صـــــــرت للهم نـــبــــراس ))
رايـــــــد عـــــــلام الــــوقــــت نــفـــســـه رديــــــــه=وقــتــن عــلــى ظـلـمــه تــواريــخ واجــنــاس
الـــوقـــت هــــــم اقـــشـــر ومــســكــون فـــيــــه=خــوفـــي يــطـــول الــوقـــت والـــهـــم رواس
(( جـــيـــتـــك ونـــــخـــــوة عـــــزنـــــا وايـــلـــيــــه=جيـتـك صــواب الـجـرح نـخـوه ونـومــاس



القصيــــــــــــده التاليه
.........................
.........................






ياحسين تكفى قلنا ويش الاخبار=تكفى ترا حالي تزايد نكدها
مليت انا ياحسين والحال منهار=والنار في جوفي تشاعم وقدها
صبرت انا ياحسين والصبر ماصار=صبري تملل من توالي وعدها
اسري مع الهاجوس والفكر مشوار=واحلامنا ترسم معالم نكدها
حنا على دور(ن) به اضوا واقمار=دور(ن) غريب وشاب منها ولدها
دور(ن) جعل من يشري الطير صقار=واللي شراه اليوم يجهل هددها
والطيب مايذكر على الجود والكار=الطيب بالاموال وكثرة عددها
ياحسين مال الجود غايه ومقدار=ونفسي على ماقول ثابت صمدها
حتى السحاب اللي به مزون وامطار=يشكي الحسد ياحسين من ماحسدها
وحتى القصيد انباع واصبح له اسعار=والصحف والاعلام صارت سندها
واذكر زمان الصيت من دار لا دار=يوم الغنايم لشجاعه وحدها
والنوق يكسبها طويلين الاشبار=يوم انها بالسيف تجلب بيدها
واليوم اهلها يافتى الجود تجار=لوكان هندي مايهمك حشدها
همي على قلبي مثل صالي النار=وشوفي على ماشفت يفجع رغدها
ياحسين تكفى قلنا ويش الاخبار=تكفى ترا حالي تزايد نكدها


القصيــــــــــــده التاليه
.........................
.........................



يابو رجا والعلم ياصلك هاللحين=شفني عزيز النفس رافع مقامي
ماهمني من يصنع القول قولين=عزيز نفس وعزتي باحترامي
لاتستمع ياخوي هرج الضعيفين=ناسن على اعراض البشر ماتنامي
ناسن تحب الكره والضلم والشين=وتسعى على التفريق بالانقسامي
طنشتهم لاني احب الميامين=وزادو قهر من فعلتي وافتهامي
اشوفهم عندي ذنوب وشياطين=خلقاً يحب الذنب وسط الضلامي
تقديرهم للمال شياً من سنين=محبوب راع المال لوهو حرامي
لوجيتهم غمزاتهم عين من عين=معروف عند الغير ماهو اتهامي
ولوجيتهم في صدق كل القوانين=غربان في صنع الخباثه احيامي
شفتك وراهم ترسم الخط خطين=ضايع معاهم تستحق الملامي
ياخوي جنبهم ترا العمر يومين=لوكان قرب الدم فيكم لازامي
جربتهم قبلك وكانو رديين=لوكنت بالخوه حشيم ونضامي
خلك مع رجال الوفا والمضامين=ناسن على سلم العرب والسلامي
خذها نصيحه تنكتب بين قوسين=من واحداً جرب جميع الانامي
وشعرف المجنون ذولاا مجانين=شطراً غريب ويستضيفه كلامي
من يلعب الحبلين لعبه على مين=خذها نصيحه قبل مسك الختامي




القصيــــــــــــده التاليه
.........................
.........................



ياعـزوتـي مــن دون هـفـوه وتقـصـيـر=عـيــال وايـــل فــــي شــمــوخ الـفـعـايـل
من دور ابـن كلثـوم مـع سالـم الزيـر=وحبـك السميـنـه فــي رصـيـد الاوايــل
حبـك السميـنـه تعتـلـي هـامـة السـيـر=اصيلـت(ن)مـثـل الـنـسـب والـسـلايـل
شـفـنــي ثـقـيــل ونـيـتــي كـلــهــا خــيـــر=لوكـنـت مـبـدع فــي جمـيـع الـرسـايـل
مـكـثــره مـــــن دون لاجــيـــب تـبــريــر=مادامـنـي بالـشـعـر صـغــت المـثـايـل
شـاعـر حقيـقـي ماحنـتـه المعـاصـيـر=ولينـحـنـي لـوشــاف ضــيــق وهــوايــل
ماينـحـنـي فـــي كـثــرة الـهــرج ويـغـيـر=ولالــه مـــع الـقــالات كـــذب وحـبـايـل
الـحــر عـشــه فـــي رفــيــع الـمـواكـيـر=والذيـب صيتـه مــع جمـيـع الحمـايـل
والــبــوم مـسـكـانـه بــذيــك الـمـحـاديــر=بـيــن الـخـفـوش الـطـارفـات الـهـزايــل
شعـر(ن) بـلا منتـوج مافـيـه تصـويـر=ويـامـا سمـعـت اقــوال مـبـدع وهـايــل
مـاهـو غــرور وفلـسـفـه دون تفـسـيـر=ولـهـمـنـي حــســد الـبـشــر والـغــلايــل
مـشـيــت دربـــــن تـنـتـشـيـه الـحـوافـيــر=وحمل القصايد فـي رصيـدي جلايـل
يشـوقـنـي جـمــع الــرجــال المـنـاعـيـر=في وسط روض(ن) جملته المسايل
فـي خايـع(ن) ضـم الحيـا والتباشـيـر=اقـــرب ودون شـــوي لاجـيــت حـايــل
نمشي على ذيك الخطوط المياسيـر=الـيـامـا نـشــوف ديـــار بـيـضـا نـثـايــل
ولـديـارنــا ســويـــت جـــــزل الـتـعـابـيـر=تاريـخـنـا مـــن فـــوق قـــب الاصـايــل
قـــــد وثـــقـــوه رجــالــهــا دون تـــزويـــر=عـلــى الـفـخـر والـجــود فـيـهـا دلايـــل
تـخـلـدو ضـمــن الـفـهــود المـشـاهـيـر=عـلـى مـقـر الـجـود كـسـب الجـمـايـل
ومــع خــوة الوافـيـن عـنـدي مشـاويـر=خـــوة هـــل الـطــالات والـشــك زايـــل
يشوقـنـي ســج الفـيـاض المخـاضـيـر=فـي جـرهـد(ن) مــادق فـيـه المبـايـل
فيها الغضى مـع واهجـات النواويـر=ويزهـابـهـا الــــورد الطـبـيـعـي شـتـايــل
الـنــار شـبــت واعـتــل(ن) المـبـاهـيـر=مــع دلـــة الـرســلان والـكـيـف طـايــل
وشـفــت الـذبـايـح عـلـقـت بالشنـاكـيـر=وكل(ن) عصب راسـه بعـز وفعايـل
فــي وقتـهـا مـــن دون لـجــه وتفـكـيـر=نسـتـرسـل ابــيــات الـقـصـايـد جــزايــل
مجـلاسـنـا حـــول الــــدلال المـغـاتـيـر=دام الـزمـن فــي تـالـي الـعـمـر مـايــل
وســوالـــف(ن) مـاقـلـبــت بـالـدعـاثـيـر=فـيـهـا الـعـلــوم الـغـانـمـات الاصــايــل
هــــذي نـصـيـحــه لــرجـــال الـبـواتـيــر=وكـل(ن) حصيـلـه مــن يميـنـه نفـايـل
ومن ضيع الماضي نسى كل تدبير=راحــت حيـاتـه بـيـت قـيـل(ن) وقـايــل



القصيــــــــــــده التاليه
.........................
.........................





فضـفـضـت يـاتـركـي مــــن الـخـاطــر شــــوي=وانــــــت الــصــديــق الـــلـــي يـــقـــدر صــديــقـــه
الـــلـــي بـــلانـــي فــــــي كـــلامـــه وانـــــــا حـــــــي=قــــــــــام يــتــخـــبـــط دون صــــــــــدق وحــقـــيـــقـــه
لا يــلــحـــق الـــــــزلات ســـــــيً عــــلــــى ســــــــي=هـــــــرج(ن) بــــــــلا بــــرهــــان مــــالــــه وثــيـــقـــه
لا جـــيـــت رحـــبـــي عـــلـــى ضـحـكــتــه لــــــي=ولــقــفــيــت ولــــــــع فـــــــــي مـــكـــانـــي حـــريـــقـــه
الــــشـــــي والله لـوحــســبــنــا عـــــلـــــى الـــــشـــــي=يــمـــكـــن نــفـــكـــر كــــيـــــف نـــلـــقـــى طـــريـــقـــه
الــمــر يـبـطــي كــيــف يـصـفــى مـــــع الــمـــي=لاصـــــار بــعـــض الــنـــاس تـســمــع طـقـيـقــه
يــــامــــا دمــحـــنـــا زلــــــــة الـــخـــايـــب الــــحـــــي=ويــــامـــــا نــســيـــنـــا كــــــــــل هــــــــــرج وفـــريـــقــــه
اصبحت في وضعي مثل جاهل(ن) غي=وســـــــــــط الـــعــــلــــوم الـــهـــافـــيـــات الـــدقـــيـــقـــه
والـــيـــا سـئـلــتــه صــــــار عـــيــــاً ولـــــــد عـــــــي=وشــــلــــون ابــــقــــدر يــــابــــو حــــاتــــم اطــيـــقـــه
قــلـــبـــه خــبـــيـــث ويــنـــعـــرف قـــلـــبـــه الــــنـــــي=ويــجــذبــك فــــــي بـــعـــض الــخــوافــي بــريــقــه
يـبــســط لـــــك الـدنــيــا عــلـــى جـلــســة الــفـــي=ويــــــقــــــدم الـــمـــعـــســــول كــــــذبـــــــة رحــــيــــقـــــه
مـايـفــيــد بــــــه طــــــب الـمــصــحــات والـــكــــي=الله بــــــــــــــلااه ولـــــــيـــــــت ربـــــــــــــــي يـــفــــيــــقــــه


القصيــــــــــــده التاليه
.........................
.........................






ياوقت هون من صواديفك اليوم=عاونت حضاً خايب(ن) مارحمني
لاطاب لي حال(ن)ولاطاب لي نوم=والحزن ياعيال النشاما سكني
ارسم من الواقع خيالاات وحلوم=طبعي ولكن ضلم وقتي رهني
الفكر ضايع في متاهات وهموم=ضايع وحزنه بالمصايب سجني
رحال في دنيا بها عفون وقروم=واقول هذا الوقت رمحه طعني
عطيتني يادوخت الوقت لاطوم=ومن السعد ياوقت سهمك حرمني
واعدمتني بامثال من كان معدوم=حكم العدو لصدام حكمك عدمني
يامجتمع ماني مع الغير ملزوم=والغير ماعمره بطيبه غمرني
حاولت اغير بالطبايع من سلوم=حتى ولو حاولت مثلك ..ضلمني ....؟



القصيــــــــــــده التاليه
.........................
.........................





بين الوداع وبين ترديد ذكراك=بين السهر والفكر طيفك دعاني
بين العنا والضيق اخفيت ممشاك=والناس لو غنو لعنت الاغاني
هجرت برجك يوم شيدت مبناك=بين الضلوع العوج وسط المحاني
طيفك معي لاقلت منساك منساك=شف السهر والفكر خاوا زماني
تجيبني الذكرئ مع انغام طرياك=واكتب على كف المحبه نساني
مقدر اعيش العمر من دون لاماك=وان طول غيابك تزايد جناني
بالله لوتسمع منادي وناداك=لاتنصت المجنون شفني اعاني
الشمس في خدك تبين حلااياك=والليل في عينك ضلامه خذاني
خذني معك والليل كله لمسراك=خذني مادام الشوق يمك حداني
خذني مزايا كلها من مزاياك=وخذني اسامي تعتليها معاني
خذني معك والعشق مرسوم بشفاك=خذني معك والعشق يرسم حناني
خذني حبيباً تايهاً وين يلقاك=ضايع ينادي وين ابلقى مكاني
نعم وفي ان قلت مافيه شرواك=وغيابك المجهول جمره كواني
بالله جاوبني على وين فرقاك=كيف اختفيت بحلم ذيك الاماني
مدري على وين النهايه تحداك=هذا الزمن لاقلت قوه بلاني
اذ الخطا مني ترا الود يزهاك=سامح ترا ماشفت منك كفاني
عود على مغليك لاقلت يهواك=عود مدام الشوق يمك دعاني




القصيــــــــــــده التاليه
.........................
.........................




يامخذه قلب عنزي حدك ترا وضعه خطير=قلبك تزايد بالجفى وانا الوحيد وخابره
البارحه نجم السما ضوه على العالم ينير=قامت هواجيس الحياه المزعله والعابره
سجيت بافكاري على حد الندامه والمصير=نفسي على ماقد جرا نفساً حزينه صابره
كيف النجاه بسجنها وانا الضحيه من عبير=هي غايتي هي منيتي عقب السنين الغابره
اسمع ولاتردني اسمع كلامي للاخير=ياللي نهيت احلامنا وسط الغرور مكابره
لد النضر وارجع ورا يالذة التوت المثير=يامترجمه عشق الغلى بوقت الحياه الدابره
سليت لك سيف الغلى واعلنت لك مالا يصير=اجبر همومي ياغلى وانت العيون الجابره
انا عطيتك ماتبي واحساسي المرهف اسير=تامر على قلبي ولو تعددت منابره
انا رميتك بالهوا وحنا على متنه نطير=يامعذبه عرق الغلى نبض(ن) يزيد مثابره
كان الوفا من بيننا رحل ولا له من سفير=الله يجازي صدتك سبت غرور مكابره



القصيــــــــــــده التاليه
.........................
.........................



ناس(ن) تسافر من هنيا الي جنيف=وناس(ن) تعيش الضيق وسط الحفاير
يالعنبو هالدور بالقهر والزيف=حتى قليل الاصل يملك عماير
لاتسالون النفس هو ليه اوكيف ؟=من حرت(ن) ياناس باقصى الضماير
ملعون يادورًا به الكذب ياحيف=مثل المرض جريه مع الدم ساير
عايش به الدنيا واشوف التحاسيف=عايش وقهري من زماني تباير
ماكني الا اصرف الهم تصريف=والهم يجمع من شتات الحساير
بالله وين الغيبه اليوم ياطيف=من هو يجيب العلم باحلى البشاير
وقفاتها تذكر مثل بارق السيف=بنت الشيوخ اللي به العز ناير
دايم عليه ترسل الشعر وتضيف=تضيف دمعاً شوق حبه عباير
اجي لها غرقان مالي مجاديف=ماغير انا في بحرها شوق زاير
قلبي لها يكتب من الحب تعريف=والقلب نبضاته تهز الزراير
ياطيف هذا الحال مامن تكاليف=عقب الدلع واللبس باحلى الحراير
تبدلت ياطيف راحت تخاريف=ضاعت على ماقيل بين الدواير
جاك الجواب وباقي العلم لوشيف=ابكتمه والضيق ساكن وجاير
ناس(ن) تغادر كل عطله مع الصيف=كل(ن) على فلوسه مع الجو طاير
يعني خلاصة شي ينقال ياطيف=اقولها من قلب ضايق وفاير
خلوني بديره بعيده عن جنيف=نعيش في قريه تسما..... الحفاير؟




القصيــــــــــــده التاليه
.........................
.........................





كلمـة وعـد.. لكـن وعــد.. فــي نطقـهـا غـيـر الـوعـد=يــمــكـــن اسـم..يــمــكــن لـقــب..شــيــاً تـعــرفــنــا عــلــيـــه
مابغـى وعد..لـن الوعد..اصبـح عـلـى غـيـر العـهـد=لــنــي انــــا عايشـتـهـا..مـن مـعــرفــة بــعـــض الـوجــيــه
كـــــم واحـــــداَ.. قـــــد قــالــهــا.. يـــمـــي ولا وفــــــا بـــعـــد=يـاكـثـرهـم..مـايـعـدهــم حــــتـــــى بــعــد..عــقـــل الــنــبــيـــه
ابـــشــــر انـــــــا سمعتـهـا..حـفـضـتـهـا ..عــــــــد وعــــــــدد=وعندي قناعـه.. مـن سمـع اقوالهـم.. يصبـح سفيـه
حتى الغدر..باسماعنا ..اصبح مثل صوت الرعد=وسنونهـم تضـحـك لـنـا مــن منطـلـق شخـصـاً نزهـيـه
قــــالــــو قــريـــبـــك يــاولــد..قــلــت الـــقـــرابـــه.. يـــاولد=وقــــــت(ن) ..يـــفـــرق شـمـلـنـا..حـنـا نــقــولـــه مـانــبــيــه
ماهو غرور(ن) عندنا يصنع لنا بعض النكد=ولاهو كبر او غطرسه ولاهو مقام(ن) ندعيه
مال الوفا في سلمنا مال البشر ماتنتقد=بضهورنا تحشنا وكبارهم صفق بيديه
لاتـلـومـنــي فـــــي غـربـتـي..هـمــي ولا غـــيـــري احــــــد=هــمــي انــا..فــي صـفـحـتـي مــحــداً درابـــــه او قــريـــه
كل(ن) على حلامه بنـى فـي عيشته..عيشـة رغـد=واحـلامــنــا..مــاحــقــقــت فـــــــــــــي وقـتـنــا..مــانــرتــجــيــه
كـلـمـة وعـد..لـكـن وعـد..فــي نـطـقـهـا غــيــر الــوعــد==يــمــكـــن اسـم..يــمــكــن لـقــب..شــيــاً تـعــرفــنــا عــلــيـــه




القصيــــــــــــده التاليه
.........................
.........................



صوت الهوا ذيباً تعالى بالاجواء=لاصارت ارياح الهوا من شبابيك
صوته يخوف والمفارق له اصداء=ورد الجزا طبع الجفى مانجازيك
طعنْت حبيبك صوتها بكل الارجاء=طعنه تنادي طعنتي كلها فيك
وشحيلت المفتون والحب باغواء=تعلقت مشاعره في معاليك
الله حسيبك كان ودي لك ارضاء=بعت الذي باحساس دمه يغذيك
حتى القمر يامنوتي ماله اضواء=اثر القمر في طلته كان يطريك
يلي كتبت بداخلي كل الاسماء=ماضنتي تلقى صدوقاً يداريك
ويلي كتبت بدنيتي كل الاشياء=اصبر على قلباً يودك ويشريك
لوقالو العذال من كل الانباء=تسمع كلام الغير والغير يهفيك
انا الوفا في رحلت(ن) كلها اخطاء=وانت الجفى يامنوتي كيف نشكيك
انا احبك لعنبو حب الاغماء=حباً تجلى في سماْ روح مغليك
هذي حقيقة قصة العين والياء=وثقتها وارسلتها دون تشكيك



القصيــــــــــــده التاليه
.........................
.........................



الله يامبن(ن) به الزين يسكنك=ضبي(ن) تفرد في وسامة جماله
اهب يابليس الخطيات ملعنك=فتنت قلبي في محاسن دلاله
لبى عيونه حسنها شي يفتنك=ذاك الغنج والزين كله لحاله
لويلتفت للخلف ردفه يجننك=خلفيت اللكزس بوسط الوكاله
لبيه يالبيه لاقلت يرهنك=مثل السجين اللي يدور كفاله
ودي على بوس الشفايف لو احضنك=اشفها لحدووووود عشق الثماله
وارص جوفي والمساعي تمكنك=رسالت(ن) من قلب يحمل رساله
لين العرق ينسال يالفاتنه منك=مثل العسل لاسال محلى مساله
حاولت لكن خنجر الوقت يطعنك=اخاف تسلك بي طريق الجهاله
حنا زماله والزماله بها ضنك=وسط العمل مافيه غير الزماله



القصيــــــــــــده التاليه
.........................
.........................



ياشعري المجنون حول هماليل=اببتدي بالقاف ودق الصافره
ابنتثر شعرن واورد كما السيل=واحيي قلوبن من مرضها قافره
من ينكر الاهرام ومن يجحد النيل=ومن ينكرافعال الرجال السافره
من ينكر النجمات ومن يجهل سهيل=العالم الله ماحضوضه وافره
يالنومسي ياسلالة ابوعايد شعيل=يادرع جنبي باليالي الكافره
يامعرب الجدين من بيضا نثيل=عز وفخر ياعز نسل الجعافره
ياشوق منهي تدعج العين بالميل=شيهانتن تحمل مزايا ضافره
موالفه كفك ولاتنوي رحيل=ولاجيت هايم ماتقول مسافره
ابمدحك والمدح في شخصك ثقيل=حتى الحروف في مدحكم متعافره
يفداك منهو في قضا اللازم بخيل=اللي يغرز بالمراجل حافره
يالوايلي يالجعفري ياعز الدخيل=ياساس قومن باللقاء متضافره
لاتاخذك هرجت ابوهرجن هزيل=اما حسد والا قلوبن نافره
انت الاصيل ابن النبيل ابن النبيل=من فوق هامات النفوس الزافره


القصيــــــــــــده التاليه
.........................
.........................






هــــاض الـقـصـيـد وهـيـضـتـة الـتـهـانــي=والــمـــدح يــنـــدر فـــــي مــجـــره زمــانـــي
الـمـدح لــه نـاسـه وعـرفــه مـــن سـنـيـن=ويستأهلة من كان فعلة من ضماني
يسـتـأهـلـه نــســل الـرجـاجـيـل الابــطــال=الــلـــي مــقـــر الـطــيــب فـيــهــم عــيــانــي
الــلــي لــهــم فــــي قــمــة الــجــود هــامـــه=ذبــاحـــة الــجـــزلات وســـــط الـصـيــانــي
وقـفـاتـهــم رمــــــز الــرجــولــة والأفـــعـــال=لا جــاهـــم الـمـلـهــود قــاصـــي ودانـــــي
ايــــه خـمـشــة مـــــن صـيـتـهــا والــدلالـــه=جـــــزل الـعــلــوم الـغـانـمــات الـسـمــانــي
ايـــه خـمـشـة والـفـعـل شـامــخ وشـامــخ=ايـــــه خـمــشــة والـطــيــب كــلـــة بــيــانــي
عــيـــال وايـــــل تـــــاج فــخـــري ورأســـــي=تـــــاج الــرجــولــة والــفــخــر والـمـجــانــي
عــيــال وايــــل عــــز مــــن هــــو لـفــاهــم=لا جيتـهـم مــا قـلـت مــن هــو نـسـانـي
اجـيـلــكــم حــشــمــة وشــيــمـــة ومـــقــــدار=أجـيـلـكــم لــــــو كـــنـــت بـالـبــعــد عـــانـــي
اجـيـلـكــم يــــــا درع الامـــجـــاد بـــالـــذات=يــــــا ربـــعـــي الــوافــيــن هـــــــذا مــكــانـــي
رؤس عـنــزة عـنــد القـبـايـل والاشــهــاد=ومـقـركــم مــــا هـــــو هــزيـــل وطـمــانــي
مــقـــركـــم يــــذكــــر بـــــــــرؤس الــمــثــايـــل=بـــرق الـحـيـا مـــن سـامـيــات الـمـعـانـي
مـــقـــركــــم عــــــــــز(ن) لــفــيـــنـــا لـــــجــــــوه=مـــقـــركـــم يــــذكـــــر ولا بــــــــــه هـــــوانـــــي
يـفــداكــم الــشــعــر الــجــزيــل الـحـقـيـقــي=مـن قلـب صـادق لا نطـق بـه لسانـي
ويـفـداكــم أحـسـاســي وشــعــري وكــلــي=أعــيـــال عــمـــي لـــــو زمــانـــي رمــانـــي
أفـخـر بـكـم وســط القـبـايـل والاوطـــان=ومـــن يـنـكـر الـوافـيـن مـبـغـض أنـانــي


القصيــــــــــــده التاليه
.........................
.........................





اه ياكـثـرك مـواجـع اه يالقـلـب العـلـيـل=اه ياليل(ن) ذبحني في معاليمـه كـلام
اه يـاصـبــراً تـفـجــر اه يـاهــمــاً ثـقــيــل=اه لاقلـت المذلـه اصبحـت عنـد الكـرام
اه ياطـول اليالـي اه يالمـسـرا الطـويـل=اه ياشباه الرجوله اصبحو قدر ومقام
اه يالفتنـه علينـا اه مـن كـثـر العمـيـل=اه يابعض الخلايق مابها حق ونضام
اه يـادار النمايـم دار حـقـد ودار ويــل=اه ياشـيـن المكـيـده اه يـازيـن الـسـلام
اه ياضل(ن) سكنته اه ماجالـي مقيـل=اه لاشفت الحثاله اه تعطـا مـن سنـام
اه يابعـض العدالـه تنحنـي تبغـا تميـل=اه تكوي يالنشاما اه من بعض الملام
اه ويـنـك يالحقيـقـه اه ويـنـك يالـدلـيـل=اه ياشين القطيعه من خوالك والعمـام



القصيــــــــــــده التاليه
.........................
.........................





له بسمتن تجلي من هموم وحزان=واليا بكى ياشين دمعن يهله
شفته يهل الدمع من فوق الاوجان=حلو العيون الي له الوصف كله
ام العيون السود والوجه فتان=ضبياً بياض الخد يبرا بحله
شعره سواد الليل ناعم وكتان=سبحان من سواه يلمع بضله
خصره نحيل العود والجسم رويان=يلفت نضر من مر في نضرتله
قصه حياته منبع الدمع حزنان=عاش الالم والحزن قصه وذله
حب الطمع والمال عند ذاك الانسان=خلى حياته رسم عيشه مزله
باع الورود اللي رياحين بستان=بارخص ثمن خلاه في رميتله
ياداعج العينين ياحلو الالوان=يامخذن روحي وروحك محله
وجدي عليها وجد من صارعطشان=عطشان عاف البر والحر صله
او وجد حرا واصبح اليوم مرضان=منوت حياته فوق يعرف محله


القصــــــــــــيده التاليه
...........................
............................



ياهواجيس القصايد ناوين اجزل قصيده=ناوين كتب القصايد يوم جالي مجال
من ضمير(ن) بالمعاني مايجيب الا الفريده=جايب(ن) جزل القوافي ماتفوه بالهزال
ياقريحه ابدعيلي بالمثايل مانريده=وصوريلي بالحقايق كل بيت(ن) له مثال
يم شخصاً في ضياعه مالقى منهو يفيده=زور التاريخ كذب بلا جواب ولا سوال
ولف الديوان كذب وبالنقاصه هو يزيده=بلا وثيقه تثبت انه بالحقيقه يوم قال
يالبلادي لوتسولف مايجيك اللي تصيده=تحسب انك تكسب اللي في لسانك مايطال
لاتناسى فعل وايل بالصواديف العنيده=فعل منهم بالشجاعه ينضربه كل مثال
لاتنبش بالمعارك لاتجيب ماضي تعيده=ماضياً يجرح مشاعر نسلكم يوم القتال
لاتناسى يوم جدك انهزم وانكف مديده=يوم شملاء نوخوها وارتعت يم الشمال
اكسبوها عيال وايل بالمصاقيل المبيده=وشردوكم في متاهه تنكتب بابلغ مقال
لاتناسى فعل منهو يجلب النصر ومجيده=ماهو كذب(ن) يالبلادي تنسجه نسج الخيال
الله اعلم الله اعلم بالزهاده والزهيده=والله اعلم الله اعلم بالنقاصه والحثال
والله اعلم انك اضغر كذبت(ن) صارت وحيده=لاتحاول ياصغير تصعد سفوح الجبال
من زبنا يالبلادي يكسب الخير ونفيده=عزنا يبقا وسام وبالمعزه مايزال
ومن لفانا في ذرانا تصبح احواله سعيده=ومن طلبنا له عطينا ماحسبنا لريال
ورعنا يطلع شجاع والشجاعه في وريده=عزوته عناز وايل والمراجل له كمال



 توقيع :

رد مع اقتباس