اعضاء شبكة مضايف قبيلة عنزه الكرام
اسعد الله مساكم بكل خير
اقدم لكم هذه الابيات متمنيآ بان تحوز على رضاكم ورضاء متصفحي المضايف الاعزاء
سئلتني من قبل ماكنت ابى أسألك=عن العصورالاوله والقديمه
اقول لك كل التجارب تعلمك=ومن لاعتبر منها حياته وخيمه
ذولاك لاشانت لياليك محزمك=اهل الوفا واهل القلوب الرحيمه
إليا نصيته باحسن الهرج قابلك=في مجلسه عز وغناه وغنيمه
في منزلك بين الرياجيل نزلك=حشيم وضيوفه ارجالٍ حشيمه
خلك على كسب النواميس ديدنك=لاتنهزم وتذو طعم الهزيمه
سو الجميل وخل عنك الردى عنك=خله لراعين الحكي والنميمه
لو ان رزق العبد بايداه يحرمك=يحرمك جعله للفقر والحريمه
ماجاك بالشده ولا حزة الضنك=يجيك في وقت الرخاء والوليمه
لو صحت له واوميت بايداك زلبك=في ساعة الماقف يذب الخريمه
معدنه غير ولا يجي ربع معدنك=مايقتدي بأهل العقول الحكيمه
ماتهمني لو من علوك الى اسفلك=ويش انت ياراع الصفات الذميمه
من لايعدك لاتعده ماثمنك=لا تحط له بين الرياجيل قيمه
دور على اللي بالشدايد على ايمنك=اللي على الشده قوي العزيمه