قالت : صدقت والله في الحب ماشبرك بشبري
عجيبة هي قصتي مع هذا الخيال الجميل الذي يهاتفني كل ليلة
أعيشه بكل أحاسيسي .. أشعر بوجوده في عالمي
وعندما أمد يدي لأتحسس دفء أطرافه .. يتلاشى كالسراب
وصدى صوته يصدح في أذني .. ماشبرك بشبري
سأعود يوماً ما .. إن كنت لازلت " على خبري "
فكان هذا النص ..
على خبرك .. على خبرك=وشبـري ما هــو بشبـــرك
أنــا يا بنـــت أعطيـتــــك=وخــوذي منـــي بقـــدرك
عطيتك قلبـي واحسـاسي=وأخذت من العنا هجـرك
وعطيتـــك كل أسـراري=ولا بحتـــي لي بســــرّك
تمردتــي على عنــــادي=وذاب عنادي في سحرك
غريبــه قصتــي ويـــاك=غريب وساكن بصـدرك
ملكتــــي كل ما فينـــــي=وملكتك بس يا صبــرك
بدينـــا قصــة الذكـــرى=من أول يوم في ذكــرك
رسمتــي خطــة غيابــك=لأجل يبقى معــك عذرك
تغيبــي بالسنــة سنتيـــن=وتجينــي عارفــه قدرك
سفينــة حبنــا العـــذري=غدى مرساها في بحرك
تعبت من الظـروف اللي=تسوق خطــاك ليْ قبرك
ولامنـــي نويت أرحــل=كسرني يالغــلا جبــرك
لأنـــك توأم لروحـــــي=كسـر قلبـي ولا كسـرك
تركتيـنـي على أطـلالك=أنـوح وقلبــي ينتظــرك
عسـى الله يسمّح دروبك=وإذا جيتــي على خبرك