عرض مشاركة واحدة
#1  
قديم 14-04-2019, 04:19 PM
عبدالرحمن اليمني غير متواجد حالياً
Saudi Arabia    
اوسمتي
وسام المراقب المميز 
لوني المفضل Maroon
 رقم العضوية : 260
 تاريخ التسجيل : Nov 2009
 فترة الأقامة : 5237 يوم
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم : 10
بيانات اضافيه [ + ]

اوسمتي

مميز1 يالله من قلبن تتله طواريه | الشاعر عايد معيض العنزي



يالله من قلبن تتله طواريه
من همه اللي كل شيً طراله
لو زاد همه هم ماباح خافيه
كنه على وجه البسيطه لحاله
توارد افكاره وتفتل سوانيه
وليل الحزن قامت توارد حباله
ماله على درب السعادة مشاريه
ولاهو على بعض المخاليق عاله
عاف الزمان اللي تقافى بلاويه
وقام يتوجد في زمانن مضاله
راح الزمان اللي تلاشت مبانيه
على المعزه والصفا والجزاله
يوم القصير يورد الما عوانيه
واقصى العرب عده من اغلى عياله
ودن النجر عقب الصلاه لبنيخيه
بالهيل فوق البن يرهي دلاله
ونارن توقّد لين فاحت تصاليه
دخانها من جانب البيت داله
وتجمعوا لجل السوالف حواليه
سوالفن عطره ومزح وجزاله
وكلن تذكر ماحصل له بماضيه
ومحاسن امواتن تقافت جياله
وعقب العصر شبة وجمعه وترفيه
تعاونوا مابينهم بالشكاله
ولاغابت الشمس ودنى قبل ثلثيه
تقدم المذّن بصوته لحاله
ومِدّ الرواق اللي على الطنب ذاريه
ولون السما مدمس وساطع هلاله
وصلوا وكلن سبح لوجه واليه!
وزاد انشراح الصدر عقب انقفاله
وفي مقدم الرّفه تراكوا مداليه
وهذا مثل هذا بوضعه وحاله
وقام الهوى تلعب نسانيس صافيه
وتعللوا واللغز جاله مجاله
وسوالف تْدَرّس للاجيال تنويه
يعدها شايب ماهو من خياله
وعقب العشا كلن وصدره مسليه
تفرقوا والنوم كلن هناله
لاكلمتن تزعل ولابه مشاريه
وكلن على الثاني يوصي عياله
راحوا تقول اخوان والغل مافيه
ولاحدن على الثاني بقلبه مساله
واللي بقى منهم عسى الرب يحييه
ويمد بالصحة وعمره وماله
ربعي لهم تقدير مني ومهديه
يوم القريحة سطرت ماطراله
تكاتفن بانت عليهم مواريه
متوارثين الطيب عز وشكاله
رغم الحضاره والزمان ومساعيه
ماغيرت فيهم شموخ الاصاله
المدح يقصر دونهم مع قوافيه
فعولهم فاقت حدود المقاله
بين القبايل صيتهم ذاع ماضيه
وحاضر فعايلهم يسوقه خياله
وتقبلوا مني سلام ً بتاليه
شاعر سرد بالفكر مّما طراله
شاعر واتوج من قصيدي معانيه
وانقى البيوت اللي تروم الجزاله
عايد معيض العنزي



 توقيع :
لابتي ويلان أفديها .....بدمي وروحي

رد مع اقتباس