ابقى نجم
مشكورياوقتي على الصد مشكور=اقولها مشكور بصدق العباره
ان قلت لي مسحوراقول مسحور=وش ينفع المسحورقوة نعاره
تضحك علي وتحطني شخص منصور=واللي غلبته قلدوه الصداره
من عقب ماني من طولين الاشبور=اخاف اخثع في طريقي بزقاره
باسباب مافي القلب من هم مستور=وقعت مثل اللي كسرالف غاره
خليت حزني والالم شي محصور=وضلوع صدري من يمين ويساره
أضحك وأبين للملا سن مسرور=وأنا حرقت الكبد بكاس المراره
عزاه ياقلبي مقيد وماسور=عليك من سحب المصايب غزاره
امشي مع الوديان خوف ومجبور=مكسور ودروبي على راس قاره
جبت الثمينه من محيطات وبحور=واليوم أغرق بالعدل والغضاره
لي فرحت ابيه من سنين وشهور=صابر ابي قربه يطفي الحراره
راحت وخلتني على درب مهجور=ياعل ما اشوفه ولا اشوف داره
من شانها احب نفسي ومغرور=واموت جوع ولا اتعلم طراره
أموت واسمي يندفن داخل سطو=ابقى نجم ما ضيعته الاناره
ياخوي لا جيتن وانا داخل السور=وصيتي بقبري تحط الاشاره
إشارةٍ ماهي لاماره ومشهور=لقبر العزيز اللي رفض كل عاره
عبدالله فهاد البجيدي ,