ديوان الشاعر عويد حريران اليمني العنزي رحمه الله
نقدم لكم ديوان الشاعر عويد حريران اليمني رحمه الله . واتمنى أنه يحوز على رضاكم واستحسانكم ..
.عويد حريران اليمني العنزي*
شاعر الابداع وفخامة الكلمه الراقيه ،،،
شاعر بالفطره مبدع من جيل الرواد له من القصائد الرائعه والغزليه
قصيده من المرحوم / دغيمان بن نافع رويعي الشملاني - رحمه الله واسكنه وسيع جنانه*
وقد ذكر لي ان شاعرنا عويد كتبها بعد وفاة والده - رحمه الله
عيدي مع اللي فوقهم نامت البيد = شفي بهم والعيد مالي وماله
اترككم مع القصيده ...
قالوا العيد وقلت هو جارنا عيد = قالوا مبارك قلت منهم عياله
قالوا لي لا لا عيد كل الاجاويد = وكلن نهار العيد منسر باله
وعيدي مثل عيد شرد من الصيد = اللي مع البيدا سريع اجتواله
عيدي مع اللي فوقهم نامت البيد = شفي بهم والعيد مالي وماله
نوبن يصير العيد همن وتنكيد = للي معيد وسط بيته لحاله
يجيك يومك يالوجيه المقاريد = بجسمن ويومن مايبدل بداله
أذا طوى سبع السماوات في أيد = والارض واهل الارض على شماله
تبت يد الظلام والحبل بالجيد = وعز الرسول اللي وفا بالرساله
أذكر وفا من خوة حسين لعبيد = يقطع لها ردنه ويرمي نعاله
🎆🎆🎆🎆
قصيده مؤثره
لشاعر امتاز بقصائده الجزله وتعبيره المبدع بالشعر الجزل / عويد بن حريران العنزي رحمه الله
من قصائد الشاعر*
ماخلت الايـام مثقال ذره = جارت وباحت لي سراير خفاها
الدين شين وحاجة الناس مره = أما القناعـه مايقدر حلاها
أنصحك عن مساك خيره وشره = اللي المدارك كلها ماوطاها
لايرتجى نفعه ولابــه مضره = وليا طلبته حاجته ماعطاها
عليك باالي المرجله ماتغره = اللي المراجل كل ابوها حواها
عند الرضى من شاف وجهه يسره = وعند الغضب نار توقـد سناها
ترى قليل المال لوبه مبره = يصير مثل العين لاقل ماها
ولو الحسد يرجع له ألامر مره = تلقى السحابه مانشت في سماها
🎆🎆🎆🎆
قصيده للشاعرالقدير :عويد بن حريران العنزي رحمه الله
التي يسندها للشاعرالمعروف والمؤرخ الكبير: عبدالله بن عبــــار العنزي
يقول :عويد بن حريران اليمني العنزي رحمه الله
قـل لابـن عـبـار تـكـفـى يـالـسنـافـي = يارفيقـن يبـدي العـون لـرفيـقه
يـاعـسـاك بـخـيـر عـزن وامتـعـافي = ولا بلاك الـله في همن وضيقه
ساهـرن فـي مـرقـدي مثل المطافي = كـل ماجـاهم خبـر قالـوا حـريقه
صاحـبي مـا قـيـل زلـق بـالـمـرافي = شرقي الاهرام في مصرالشقيقه
كان لو هو يقصر الخطوات حـافي = كـن تحتيه الـذهـب يلمع بـريـقـه
انـاقـلـبـي مـا يـجـامـل كـل جـافي = هايجـا" مثل البحر يقذف غريقه
يلكز انعاس الكرى مـن كـل غـافي = دق وسـط المـوق شيـن مـا يطيقه
قال عبدالله بن عبار هذه الأبيات رداً على الشاعر:عويد بن حريران اليمني*
يا أبـن حـريـران أسـمـع رد قـافـي = رد مـنـظـومـك زميلـك مـا يعـيـقـه
يالـزمـيـل الـلـه عـليم بكـل خـافـي = كان تشكي لي أبي اعطيك الحقيقه*
اشرب النقروح من مجراه صافي = والعسل منتـوج شهـده من رحيقـه*
أنجب الـلي مسكنه بـيـد الفـيـافـي = مـا تـمشى بـالـمـرافـي والـحـديـقـه
وأنت جاهك عند من تنصاه كافي = حـيـث لـك عـزوه مفاخـرهـم عتيقـه*
من نسل قنـّاص مروين الشلافي = والمعـامـق مـن نسل وايـل عـريـقـه*
مـن قبيلـة ما خلطـهـم كـل هـافي = مـا كـبـوا بالجـار صحبـتهـم وثـيقـه*
وأن تـلاقـوا بالمشوّك والشلافي = وكـل فـارس مـا يـبـل الحـلـق ريـقـه*
بالحـرايب ياخـذون الحـق وافـي = كـم عـايـل سنـعـوا مـجـرى طـريـقـه*
يوم صاح الورع قالولـه عـوافي = مـا نـبـي نـسمـع ابـكـاك ولا دقـيـقـه*
الشجاع المرتعـد ريـف المـلافي = باللـقـاء صنـديـد واسـدوده غـمـيـقـه*
🎆🎆🎆🎆
واذا وردنا من قديم الشاعر عويد حريران اليمني العنزي . سوف ننشره في ديوانه
|