|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | الاطرق بن بدر الهذال | مشاركات | 116 | المشاهدات | 67530 | | | | انشر الموضوع |
|
أدوات الموضوع | انواع عرض الموضوع |
02-05-2013, 04:45 AM | #101 | |
|
فضّلت أعيش بحاضري عهد ماضيك == يمكن تواسي خاطري ذكرياتك
دار الزمان .. وفرّقتنا لياليك == وحالت ضروفي بين ذاتي وذاتك أبقى على طول المدى هايمٍ فيك == ماانساك لو جاني الخبر عن وفاتك أقابلك باحلام ليلي واناجيك == في همس ماتلمس شفاتي شفاتك واقرأ الكلام اللي كتبته باياديك == صار الورق موطن يضم أمنياتك أهواك رغم اللي جرى منك وارجيك == واذكرك لاهب الهوا من جهاتك وش موقفي ؟ لاجابوا الناس طاريك == وبانت بوادر حيرتي من سواتك واصبح بدون شعور قلبي يناديك == وغيري دخل بعد الوثيقة حياتك |
|
|
02-05-2013, 04:50 AM | #102 |
|
متشابهين .. ولاظهر بيننا فرق = أيامنا سودا ولايوم زانت
حاولت أسافر وارتقي سلّم البرق = متعشّم بنفسي والاقدام خانت من لهفتي كن الجسد يحترق حرق = ذاب الثرى وقلوب الاعداء لانت وسط العذاب وغارقٍ بالشقا غرق = عفت الحياة وساعت الموت حانت صعب اللقا ياسارقٍ خافقي سرق = واحوالنا بين المحبين شانت مانلتقي والشمس تشرق من الشرق = الاّ .. إذا من وجهة الغرب بانت |
|
08-05-2015, 05:11 PM | #107 | |
|
بعض من تواقيع الشاعر دحام بدر الهذال :
من أجمل ما قرأت في ديوان . . . . . ^ ^ ^ ^ حاولت أبدد ظلمة الليل بالنور .. وأثري ظلام الليل ستر الولايف همس وعتاب وخاطر الكل مسرور .. بين الكلام وبين همس الشفايف ,,,,,,,,,, انسى هواي وخذ مع الوقت ماضيك ... والذكريات اللي بقت واهتفت لك ماعاد لي بالحـــــب عين تراعيــــــــــك ... تعــــــمى عيوني كانها تلتفت لك ,,,,,,,,,,, البراءه عادت الوجه الجميل .. والحزن محروم منك يا ملاك كم جرحت إحساس بالطرف الكحيل .. رمش عينك صار للعاشق هلاك ,,,,,,,,, تظني في غيابك أموت من القهر والشوق ... لك الله من تفارقنا أحاول أذكر أوصافك ,,,,,,,,, الحقيقه بينت بآخر مطاف .. كل حلم ضاع والقلب انجرح يوم حبيتك عرفت الاختلاف .. بين دموع الياس ودمع الفرح ,,,,,,, ياما ذكرتك واحرق فيني الشوق .. وياما بذلت التضحية من حياتي لك حق أحطك داخل الرمش والموق .. وإلا أنت أغلى من عيوني وذاتي ,,,,,,,, فكر لبكره ولا تفكر بأمس ... ما فات مات ولا تبكيك الأطلال ,,,,,,,, يسيل دمعي كل ما حل طاريك ... وأمسح دموعي في مناديل ذكراك عيني تبيك وخاطري هايم فيك .... وأليا ذكرتك فز قلبي وناداك ,,,,,,, اعرف لو صار وصلك مستحيل ... لو يطول البعد قلبي ما سلاك ,,,,,, تسابقت دمعات عيني مع خطاي .. تشفق لشوفك والأمل يعتريني عيني لقت في عينك أحلام دنياي .. ورموش عينك عانقت رمش عيني ,,,,,,,,, ماني من اللي يملكون الدنانير ... وأخاف تمضي حياتي وأنا عزوبي ,,,,,,,,, ليت الزمان اللي مضى بين الاحباب ... يعود في حاضر لياليه ســـــاعه ويشوف من حبيت عن ناظري غاب ... ماكن حط وساد راسي ذراعه ,,,,,,,,,, كانك تضايق من برودي والإهمال ... وش موقفك لا قالوا اسمك نسيته ..!؟ ,,,,,,,,,,, يوم اندهوا لك وكل الخــــــــلق جلاسي ... وضعي تغير وقلبي زاد هــــــــوجـــــاسه واهتز من طاري اسمك ثابت احساسي ... وقمت ارتجف لين طاحت مني الكاسه ,,,,,,,,,, لو وضعت الارض وجبال رواسي ... مع نجوم الكون واصحابي وناسي بكفـــــه الميزان وهمـومي بكفه ... كان يرجح هم قلـبي والمــآسي ,,,,,,,,,, خلاص ماتت دمعتي وسط عيني ... وضاعت اماني حبنا من يدينا وبيت بنينا فيه حـــلم السنيني ... هدت جداره عاصـفه وانتهينـا ,,,,,,,,,, أحلى الدقايق عشتها في مناجاك ... قلبي شجاع وسطه الحب خايف ,,,,,,,,,, فوق ثغره تحتظر كل الحروف ... مايبرر طول صمته لو سكت جعل تبكيه الليالي والظروف ... قد ماعـيني على بعده بكت ,,,,,,,,,, معقول كل اللي جرى منك معقول ... مشهد خيالي من مسلسل غرامك هاجس & وهم __________________________________________________ ______ |
|
|
13-08-2015, 08:02 AM | #109 |
|
شكراً لك أخي الغالي بسّام ..
يشرّفني مرورك وإضافتك لبعض ابياتي بهذا المتصفّح .. كما يسرّني إعجابك ومتابعتك لقلمي المتواضع ، وهذا من ذوقك ياغالي .. القصيدة التي طلبتها قصيدة قديمة جدا ومن بدايات تجربتي الشعرية . أعتقد بأنني كتبتها في بداية التسعينات الميلادية .. بمشئة الله سأبحث عنها بين أوراقي وأضيفها لك هنا .. |
|
13-08-2015, 08:05 AM | #110 |
|
لا ضاق صدري .. ونفسي باح مكنونها=جيت ( عنزة نجد ) وحمولـي يشيلونهـا
لله درّ الـقــصــيــم ونجد وبـــريــــدة=وهضاب حايل من أقصاها ومن دونهـا دارٍ بـهـا كــل فـخــذٍ مـــن بـنــي وايـــل= الـلاّبـه الـلـي دروب الطـيـب يمشونـهـا أهـل المعالـي تــروم الشـامـخ العـالـي=ويـديـهـم لـطـالـب الـفـزعــه يـمـدّونـهـا تمـسّـكـوا بالـكـتـاب وســنّــة الــهــادي=وفـرايــض الـديــن بالـدنـيـا يقيمـونـهـا يستاهـلـون الثـنـا مـنّـي ومــن غـيـري=والسمـعـة الـلـي خـذوهـا يستحقـونـهـا قـرايــبٍ .. والحـمـيّـا مـنـهـم وتــرجــع=ماغيّـر الـوقـت مظهـرهـا ومضمونـهـا المرجـلـه والشـهـامـه خـصـلـةٍ فـيـهـم=والحاجـه إليـا مـشـوا فيـهـا يقضّونـهـا تاريخـهـم .. مايجـيـه الـشـك والـريـبـه=وامجـادهـم كــل خـلـق الله يشوفـونـهـا ســــلام مــنّــي لـقـاصـيـهـم ودانـيــهــم=إعــداد مــالاح بــرق وهـلّـت مـزونـهـا ياعـزوتـي .. جيتـكـم هـاقـي وجابـتـنـي=روابـــــطٍ بـيـنـنــا وانــتـــم تـعـرفـونـهـا تــرى الــذي يـدخـل البسـتـان مايـنـشـد=الاّ عـن اشجـاره اللـي تثمـر غصونهـا صديقـكـم .. يفتـخـر فــي طـيـب خوّتـكـم=ياللـي عهـود الشـرف دايـم تصونونهـا وغريمكـم .. خايـب وخاسـر بعـون الله=كـــم غـــارةٍ شـنّـهـا وانـتــم تـردّونـهــا يـوم الوغـى ترهبـون الخـيـل وعـداكـم=وسيوفكـم مــن غـزيـر الــدم تروونـهـا أنتـم هـل الفعـل بالمـاضـي وبالحـاضـر=وعـوايــد الـطـيـب لايـمـكـن تخـلّـونـهـا |
|
الذين يشاهدون محتوى الموضوع الآن : 12 ( الأعضاء 0 والزوار 12) | |
أدوات الموضوع | |
انواع عرض الموضوع | |
|
|