صفحات المضايف على تويتر
عدد مرات النقر : 185,054
عدد  مرات الظهور : 159,094,529
عدد مرات النقر : 180,591
عدد  مرات الظهور : 103,040,284مركز المضايف لتحميل الصور والملفات
عدد مرات النقر : 152,530
عدد  مرات الظهور : 87,176,443مضيف الخيمة الرمضانية
عدد مرات النقر : 151,087
عدد  مرات الظهور : 86,833,870صفحات المضايف على الفيس بوك
عدد مرات النقر : 186,458
عدد  مرات الظهور : 159,094,537
ملتقى الويلان الثقافي والإجتماعي
عدد مرات النقر : 155,617
عدد  مرات الظهور : 140,463,112
عدد مرات النقر : 151,466
عدد  مرات الظهور : 86,833,841فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 187,708
عدد  مرات الظهور : 153,292,7235موقع المضايف على أنستغرام
عدد مرات النقر : 181,147
عدد  مرات الظهور : 145,071,627ليل التعاليل
عدد مرات النقر : 178,281
عدد  مرات الظهور : 101,565,471
التميز خلال 24 ساعة
العضو المميز الموضوع المميز المشرف المميز المشرفة المميزه
قريبا 27 مارس يوم # مبادرة السعودية الخضراء
بقلم : جمر الغضا
قريبا قريبا

الإهداءات

« آخـــر الـــمـــشـــاركــــات »
         :: الزكاة ( فريضة وأحكام ) (آخر رد :خيّال نجد)       :: أكفلهم … ونحن نرعاهم (آخر رد :جمر الغضا)       :: اللي يسمع خالد يرفع 🇸🇦 واللي ما يسمع خالد يرفع 🇸🇦 (آخر رد :جمر الغضا)       :: وزارة التعليم رسمياً : (آخر رد :جمر الغضا)       :: 27 مارس يوم # مبادرة السعودية الخضراء (آخر رد :جمر الغضا)       :: ومن سيصدقني يا خديجة ؟ (آخر رد :كساب الطيب)       :: وزارة الدفاع قريباً : (آخر رد :كساب الطيب)       :: وزارة التعليم (آخر رد :كساب الطيب)       :: أمطار ورمضان 1445 هـ (آخر رد :كساب الطيب)       :: الشؤون الإسلامية قريباً : (آخر رد :كساب الطيب)       :: طبتم أينما كنتم (آخر رد :كساب الطيب)       :: شكراً ل | " (آخر رد :جمر الغضا)       :: أخصائي تغذية يحذر من تناول الجبن السائل ويكشف الأسباب (آخر رد :معزي العنزي)      


العودة   شبكة المضايف الأدبية والثقافية > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع رياض الهديرس مشاركات 50 المشاهدات 29440  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
قديم 07-10-2010, 02:28 PM   #11
" شاعر وكاتب "


الصورة الرمزية رياض الهديرس
رياض الهديرس غير متواجد حالياً

بيانات اضافيه [ + ]
 رقم العضوية : 331
 تاريخ التسجيل :  Dec 2009
 أخر زيارة : 29-08-2013 (02:26 PM)
 المشاركات : 90 [ + ]
 التقييم :  10
لوني المفضل : Cadetblue
افتراضي شـرهة الديـم



( شـرهة الديـم )


.



عـدت وخلت بالمحاني مراسـيـم=بيـن الضلـوع وكـل فرحـة خذتهـا
ليلـة مواجـع ماتقـل غيمـهـا غـيـم=مـن لونهـا حتـى السنيـن انكرتهـا
الـدرب ضـيـق والليـالـي مجاهـيـم=ولاكــل مجّـهـم وسمـهـا برقبـتـهـا
عرت جسدها من القيم والمفاهيـم=روس ٍ تعلـيـهـا وروس ٍ وطـتـهـا
لــو التكـبـر مـانـزل فـيـه تـحـريـم=كـان اكثـر المخلـوق تظلـم بختهـا
قــل للمطـبـل لــو تــذل الشغامـيـم=ياشـيـن الاكـبــر مـنـهـا عاقبـتـهـا
الذيـب لـو بالغـار ويعـرّض الريـم=ذنــب الجريـمـه برقـبـة راعيـتـهـا
ماعاد يمدي لاجزعنـا مـن الضيـم=مـانـعـرف الـهـدنــه ولاطـاولـتـهـا
الـمـوت لارفــت طـيـوره محـاويـم=حـنـا منازلـهـا وخـامـس جهـتـهـا
اســوار تمـلاهـا وجـيـه المظالـيـم=نـمــوت مـانـمـدح يـديــن بـنـتـهـا
حشمـة شواربنـا نستهـا التعامـيـم=وتكرم لحانـا عـن دنـس محبرتهـا
واليا ضمينا ماشرهنـا علـى الديـم=كـــان الله امـرهــا فـحـنـا تحـتـهـا
الله سـقـى هـاجـر بغيـبـة ابراهـيـم=من كان يعلم عن مسيل صخرتهـا
يبست لهات الراسخين الصماصيم=واهـل العـلـوم علومـهـا ماسقتـهـا
للـوّرق ماتسمـع لـحـون وترانـيـم=كـن الاراضــي والنخـيـل انكرتـهـا
وانا على خبرك برجـوى المعازيـم=وبعـض الوجيـه تكـدّرك معرفتـهـا



.


 
 توقيع :
.

ما زال فينا من بقايا الجهل همْ =وما زال فـينا حي تـبـكي له امّـه
ومازال عمي قلوبنا تسمع الصم=بالحكي نجمع شعب ونشتت أمّه


.


رد مع اقتباس
قديم 07-10-2010, 03:29 PM   #12
" شاعر وكاتب "


الصورة الرمزية رياض الهديرس
رياض الهديرس غير متواجد حالياً

بيانات اضافيه [ + ]
 رقم العضوية : 331
 تاريخ التسجيل :  Dec 2009
 أخر زيارة : 29-08-2013 (02:26 PM)
 المشاركات : 90 [ + ]
 التقييم :  10
لوني المفضل : Cadetblue
افتراضي شمال تشـاد



في سبيل التعريف والدعوة للإسلام في القارة الأفريقية بدأت الرحلة العظيمة للصديق والاخ د / خالد الطويل في شمال تشاد لأرض والتي لم تمطر سمائها منذ

45 عامـا وعلى طريق وعر وتحفه المخاطر وبطول 2000 ميل ومروا بـ مهلكة ( فايا ) التي تصل الحرارة الى مستوى غير طبيعي والتي يطلقون عليها ايضـا

( رمال المـوت) والتي من النادر أن يصلها أحد ويخـرج حيـاّ ومع كل هذه الظروف القاسية واجه د / خالد الطويل حربا من نوع ٍ اخر وهي مواجهة القساوسة

وزحف التنصير وعلى اعلى مستوياته وامكانياته سيما ينشرون ديانتهم على طائرات مجهزة ومتطورة وأجهزة اتصالات حديثة بينما فريق د / خالد الطويل

يتنقل على سيارتة الشخصية والتي لم تكن ملائمة لقطع ربع المسافة ولكن إرادة الله وثم عزم الفريق على نشر الإسلام كأن أقوى من كل الظروف فأبى

الشعر الا أن يكون حاضرا شاهدا في مركز الملك فهد الثقافي عندما قدمت هذه القصيدة للدكتور / خالد الطويل كإعجاب ومبادرة ودعم له ولقبائل شمال

تشاد ذات الاصول العربية الذين ارخصوا انفسهم وابنائهم في سبيل الإسلام وطرد الاستعمار رغم الظروف القاسية.


(شمـال تشـاد )


على الله منزل التوراة والقران والانجيل=توكلنا ونصر من توكل فيه سبحانه
مكيد الكفر ومدير الهبايب هازم اهل الفيـل=حمى يوسف من الذيب ومن البير ومن اخوانه
امر زمزم وفاح الما لهاجر واسقت اسماعيل=ابواد غير ذي زرع جفاف وشحت امزانه
وبنى فيه الخليل البيت بالتكبير والتهليل=وبلغ صوته حدود الارض لبوا دعوة اذانه
وهب مريم بروح الله ومبعوث لبني اسرائيل=متوج بالنبوة في المهاد وينطق لسانه
وبعث فينا محمد واصطفاه وخاطبه جبريل=ختام الانبيا ختم النبوة حمل امتانه
نبي مثل ماقال الاله فمحكم التنزيل=بعثه الله للثقلين والقران برهانه
شــفيع الخلق يوم الكيل والله عالم بالكيل= فرق من زاد ميزانه على من خف ميـزانه
صلاة الله على وجه كريم وكنه القنديل=وعلى أصحابه على اله سلام الله ورضوانه
وغمرني بالسرور رجال دين وللحمول تشيل=عسى الله مايجنبهم رضاه وطيب غفرانه
كفو يابو الوليد ورحلتك جيل يحدث جيل=يمينك موت والموت بيسارك ولم احضانه
وصلت لمسجد كلاييت سقفه آيل للميل=وعطيته وعد باذن الله ماتنهار جدرانه
وقبايل ايجة وقلعـة فدا والمجد واهل الخيل=وسلطان الكهوف ومنطقة بيتي وضلعانه
وعلى انامينا حثيت الركاب ولبسوك اكليل=وعلى بحر الغزال امسيت ماخوفك وديانه
ثبات الشا مخين بمهلكة فايا تقيم الليل=وسجدت بكوبا اولنقا سجود النصر واثمانه
نعم فيك وكفو باللي معك ياعاشقين سهيل=حماة الدين من عابث قساوسته وعدوانه
طواريق الطويل الشيخ خالد ماتبي تاويل=خدم دينه ولولا نصرته مايسرج حصانه
موصينك مشـايخهم وجبت العلم بالتفصيل=معاناة الطفل والجوع والمسجد وبنيانه
مصاحفهم شحيحة والقلوب بنبضها ترتيل=ومدارسهم سفى من فوقها السافي وطوفانه
جفاف ودمع اراملهم يسيل ولا غشاهم سيل=بعضهن ضحت باكبر ولد لايعدي اخوانه
وغابوا عياله ولابه للمحامل حيل=فدا للدين راحوا ضد الاستعمار واعوانه
وعجوز عينها وقت الغروب تغرق المنديل=خرابة بيتها صلف الهبايب شال بيبانه
بنات مات عزوتهم معودهم على التدليل=الى جاعت حديهن يدمعن وتنام جيعانه
وحطام المدرسة يذبح طفل راهن على التحصيل=يبي الشعب السعودي يحتويه ويكسب ارهانه
نبي اهل المراجل والكرم والاالبخيل بخيل=ونبي وقفة ملكنا وقفة حمياه واحسانه
نبي سلطان ابن عبد العزيز الساطي الحلحيل=يبوخالد نبي وقفات ابوخالد بميدانه
يبوخالد ترى بعض الامم ماتحتمل تاجيل=ومنارات المساجد تحتريل تشيد اركانه
ورياح خلخلت دور اليتامى والرمال تهيل=نبيها تعود فبشراك وتذعذع بريحانه
عتيق الثوب واعدناه للثوب السمل تبديل=نموت ولايعايدنا طفـل بكتوف عريانه
ويثبتنا المهيمن منزل القران والانجيل=نهار به يدين رابحة وايدين خسرانه






.




.


 


رد مع اقتباس
قديم 07-10-2010, 03:38 PM   #13
" شاعر وكاتب "


الصورة الرمزية رياض الهديرس
رياض الهديرس غير متواجد حالياً

بيانات اضافيه [ + ]
 رقم العضوية : 331
 تاريخ التسجيل :  Dec 2009
 أخر زيارة : 29-08-2013 (02:26 PM)
 المشاركات : 90 [ + ]
 التقييم :  10
لوني المفضل : Cadetblue
افتراضي معصي



( معصـي )



.


معصي ولا اطيعك واطيعك على ويش=ماللغدر عندي جذور وقرابه
ظنك اخون البن والملح والعيش=واغير المبدا واغير كتابه
واكبر بعينك عقب هذا وحتيش=ياعل قدري في عيونك خرابه
حقي يجي مانيب راعي بخاشيش=بيمناي يوم الله هداني صـوابه
يكفي متعبة الركايب هل الجيش=كبار البيوت البيت مفتوح بابه
مطراشهم ماهوبمثل المطاريش=ذيابه يشوفون النشاما ذيابه
اقسى من الفولاذ وانعم من الريش=واغلى من الالماس واكثر صلابه
لاجيتهم فزوا لشوفي معاطيش=اقلط بهذا يالله حيه هلابه
ولابي التقدير عند الخفافيش=روحوا مراح مقيط راح بزهابه
اما قصيدي بمهات العكاريش=لافيه عيب ولانشوف الردابه
الناعمات المترفات المرابيش=بعيونهن ليل وشموخ ومهابه
عند البنات المعركه معركة طيش=حتى كبير القوم يكشر بنابه
وساعة نشدت معذبي ترتعد ليش=قال انتظرك وهاك قلبي ومابه
يقول ظامي يالمزون المراهيش=مبطي ابي رجال مالي ثـيابه
العلم بين مايبيله وشاويش=ورهنت له بين المحاني سحابه
اقول كلي لك وهو رد وتعيش=يبشر بعزه لو ذبحني غيابه



.


 


رد مع اقتباس
قديم 07-10-2010, 03:52 PM   #14
" شاعر وكاتب "


الصورة الرمزية رياض الهديرس
رياض الهديرس غير متواجد حالياً

بيانات اضافيه [ + ]
 رقم العضوية : 331
 تاريخ التسجيل :  Dec 2009
 أخر زيارة : 29-08-2013 (02:26 PM)
 المشاركات : 90 [ + ]
 التقييم :  10
لوني المفضل : Cadetblue
افتراضي مشاهيــب



( مشاهيـب )


.

غافلتني وارهيت حمر المشاهيب=واركيتهن فوق الضلوع النحيفة
جرح من اهل صدري وغيرة اجانيب=لاغاب واحد جاك الاخر حليفة
كان التصدد عيب لابسني العيب=تكفى تجنبني الوداع ورصيفة
الهم جردني واجاد المقاضيب=ماكنت سيفة لكن ا ليوم سيفة
عودتني ارقى بحزني مراقيب=واجيك وتشيل الحزن بالنصيفة
ماكان عند الليل غير التراحيب=وبعدك لقيت اطراف لونه مخيفة
على مكانك طاح دمع المكاتيب=تجهم اكثر ماحسبني وليفة
يمكن اطيب ويمكن ارحل ولااطيب=ماعاديغرينا مقيل وسقيفة
لقيت في كف المفارق مخاليب=مات الربيع ومات عقبه خريفة
احلام والاحلام صارت عشا ذيب=وبعض المبادي في غيابك سخيفة
صارت ذعاذيع النسايم لواهيب=ومتساويات المبصرة والكفيفة
ارحل توارى ضيع روح ابـتعد غيب=لكن زهابك من قصيدي وطيفة
وان جيت لك بين الحنايا معازيب=ابخلهم اللي سال دمه لظيفة
ياسيد تلع المترفات الرعابيب=يشبه جفولك للمهار العسيفة
ارخيت رمشك وانت ماودك تصيب=وطاح الجوادبفارسه وبرديفة
لاجا من العشر التوالي مطاليب=عرض قناديلك ظلام الحتيفة
اقول في شقر الجدايل عذاريب=حفلة ذهب يالشامخات المنيفة
اما النحل يغريه حلو المشاريب=وشمس الغروب لجمرتينك وصيفة
في ضحكة اللولو نشوف الاعاجيب=في ساحل عيونك سيوف رهيفة
اشتاق لك وتضيق عوج المحاديب=ويرف لك قلب ينام برفيفة
عود علي قبل المعارك مع الشيب=ماقصدي اثقال الحمول الكليفة
نوخت حالي حال حرش العراقيب=وتتعب وراي ملاعبات السفيفة
لكن لك بوجهي ديون ومواجيب=بلبسك تاج السنين العفيفة
خذني شريكك بالجروح المعاطيب=مثل الكريم تشاركة في رغيفة
ولادمي لو كان يعلم عن الغيب=يمديه يختار النهايه بكيفة



.


 


رد مع اقتباس
قديم 07-10-2010, 03:58 PM   #15
" شاعر وكاتب "


الصورة الرمزية رياض الهديرس
رياض الهديرس غير متواجد حالياً

بيانات اضافيه [ + ]
 رقم العضوية : 331
 تاريخ التسجيل :  Dec 2009
 أخر زيارة : 29-08-2013 (02:26 PM)
 المشاركات : 90 [ + ]
 التقييم :  10
لوني المفضل : Cadetblue
افتراضي أنساك لحظة واذكرك باقي العام



( أنساك لحظة وأذكرك باقي العام )



.


انساك لحظة واذكرك باقي العام=حتى وانا ناسي نسيت وذكرتك
من كثرماحنيت لك شوق وهيام=اصبر عليك وياكثر ماصبرتك
عذرك معك كان السبب حبس الاقدام=غيره لو تحب السما ماعذرتك
لك عين ماتبكي من طعون الايام=او ماعرفتك زين لين انتظرتك
حلم يضيع فداك ياكل الاحلام=ويكفيك بسنين الغدر ماغدرتك
ليل التجافي ليه عريت الاقلام=خابرك ذنب وبارتكابك خبرتك
كسرت خاطر لين ماعوّدحطام=لو هو بيدي ياخاطري ماكسرتك
ابطيت يالخفاق وجروحك ايتام=ويالليل لولا وحشتك ماسهرتك
لي بالالم موطن وانا موطن الام=للبوح ياسيد غلاي استعرتك
كان الكحل في ساحل الدمع مانام=تعال والا في غيابك خسرتك
كن الشوارع من خطاويك صيام=وانا الغروب اتنهدك واختصرتك
وتقول ناسي روح روح انشد العام=انا نسيتك فيه؟ حتى ذكرتك؟



.


 


رد مع اقتباس
قديم 07-10-2010, 04:02 PM   #16
" شاعر وكاتب "


الصورة الرمزية رياض الهديرس
رياض الهديرس غير متواجد حالياً

بيانات اضافيه [ + ]
 رقم العضوية : 331
 تاريخ التسجيل :  Dec 2009
 أخر زيارة : 29-08-2013 (02:26 PM)
 المشاركات : 90 [ + ]
 التقييم :  10
لوني المفضل : Cadetblue
افتراضي وداعيـة



(وداعيـة)



.


جهمتك من مصابيح الطريق وشحـت الأنفـاس=بداياتي نهايات الكـلام وضــاع تالـيـة
اهوجس بك من البارح وصليت الفجـر بنعـاس=مواعيـدك سحابـة صيـف ساقتهـا شمالـيـة
مواعيدك من الجدب العطاش وضيـع العسـاس=عقب مازرفلت شهب الغـوارب فيـه عصريـة
وابيـك تقطـع قيـاد القصيـد بغفلةالـحـراس=بسولف لك عن طعون الغيـاب وحـال راعيـة
غيابك هـدم اسوارالسنيـن وعـودت للسـاس=غيابك مارحم صمـت الثوانـي لارحـم حيـه
لوانه جرح زبنته ضلوعي من عيـون النـاس=لوانـه دمـع يمدينـي بكيـت وسـال واديـه
لوانه جمر سجيت الخطاوي مع شـرار اليـاس=لوانه صـوت غنيتـه علـى بحـر الهجينيـة
قريب اقرب من الدمعة بعيد ابعد من الهوجـاس=غيابـك فـارس قطـع شراييـنـي بجنبـيـة
ذبحني سيف صدك وانت كيف يطيب لك مجلاس=غريبة منك ياعيـن الوحـش ماتطـري الجيـة
ياطهر الما يامطلاع الفجر يالصـادق الحسـاس=ياذعذاع البختـري بعـد عشـر أيـام ديميـة
يهج الريح باطـراف الجديـل وقـدك الميـاس=جديـل يزعـل الخفـرات لاسمعـن بطاريـة
أشوفك بين شرطان الذهب واللـول والألمـاس=وجفـول الريـم لاشـم البنـادق فـي مفاليـة
واعرض لك عتب خضر المواجع هبةالنسنـاس=أبيك تشوفنـي دور السنـه فـي العيـد عيديـة
سترتك بالمحاني ماتركتـك حـرف للقرطـاس=بحر مهما ارتفع موجه دفـن موجـه بشاطيـة
يقولون الهقاوي كـل ماتكبـر يشيـب الـراس=وانا اعرف راس لو شيب معـه تكبـر هقاويـة
يقولون العـرب ذل الحبـاري هيبـة القرنـاس=وأنا أقول المسا ضاعـت بـه فـروخ النداويـة
مثل حلم الشجر مهما تطاول من نصيب الفـاس=وياكثر اللـي يحسدونـه علـى بيتيـن مرثيـة
علىخبرك بغيت اقطف ثمرك وشحت الأنفـاس=واغنـي لـك وداعيـة. وداعـيـة. وداعـيـة



.


 


رد مع اقتباس
قديم 07-10-2010, 04:03 PM   #17


الصورة الرمزية زايد الدغماني
زايد الدغماني غير متواجد حالياً

بيانات اضافيه [ + ]
 رقم العضوية : 31
 تاريخ التسجيل :  Oct 2009
 أخر زيارة : 31-07-2019 (02:36 AM)
 المشاركات : 10,037 [ + ]
 التقييم :  10
لوني المفضل : Cadetblue

اوسمتي

افتراضي



الاخ العزيز/ الشاعر رياض الهديرس

كيف اقدم لك شكري وامتناني على هذا الاتحاف وانشاء هذا الديوان

الزاهر بدرر الكلم .

الشاعر القدير عبد المحسن المسعودي له مكانه عاليه في قلوبنا

شاعر مبدع مبدع وله لون خاص به واسلوب منفرد با الكتابه شاعر عذب

نبارك له ولنا با انشاء هذا الديوان

وننتظر به كل ماهو جديد

الف شكر رياض


 
 توقيع :


رد مع اقتباس
قديم 07-10-2010, 04:05 PM   #18
" شاعر وكاتب "


الصورة الرمزية رياض الهديرس
رياض الهديرس غير متواجد حالياً

بيانات اضافيه [ + ]
 رقم العضوية : 331
 تاريخ التسجيل :  Dec 2009
 أخر زيارة : 29-08-2013 (02:26 PM)
 المشاركات : 90 [ + ]
 التقييم :  10
لوني المفضل : Cadetblue
افتراضي الغيـاب



(الغيـاب )


.


مريت مدهـال غاليـن وتعديتـه=الله يسامح خفوقـي ويـن ودانـي
رديت قلبي وعيني طالعـت بيتـه=وتسابقوله من اللي يسبـق الثانـي
ورجعت كلي بغيت الباب واخطيته=واقرا ملامح جداره قبـل يقرانـي
وصلـت بابـه وقبلتـه وحييتـه=يقول ياعاشقـي ماشفـت سكانـي
لو ادري انه بينشد كـان ماجيتـه=جيتـه ببكيـه بطعونـي وبكانـي
انا احسب انه نساني يـوم خليتـه=طول غيابي وقلت اكيـد ينسانـي
قال انت غالي وذا قلبـي تمثنيتـه=ياذكرياتـي ويابوحـي وجدرانـي
هنا تزاعلت مع غاليك وارضيتـه=وهنا كتبتو اساميكم على اركانـي
هنا قصيدك عن اول يـوم حبيتـه=وهنا عبثكم مـع وردي وبستانـي
وهنا اعترف لك بغلطاته وظميتـه=وهنا كتب لك وقال اقرا على شاني
يالبيـت يالسـور ياحلـم تمنيتـه=لاجاك قله سأل عنـك ووصانـي
حاولت اكنه بصدري بـس ونيتـه=حاولت اغنيـه للمنفـى وغنانـي
فديت ضحكـه اليامنـي تقهويتـه=فديـت جمـر يعضـه لاتحدانـي
فديـت شـلال لاحـدر تلقيـتـه=لاحدر اقصاه جاب اقصاي والحاني
دخيـل موعـد اليامنـي تحريتـه=دخيل خده ولونـه لـون ربانـي
دخيل جيده دخيل العقـد واغنيتـه=دخيل خاتم عليه اسمـي وعنوانـي
دخيـل صوتـه اليانـادى ولبيتـه=اقصد بشالى ومنديلـي وفستانـي
اسف انا شقلت عن بيـت تعديتـه=الله يسامح خفوقـي ويـن ودانـي



.


 


رد مع اقتباس
قديم 07-10-2010, 04:14 PM   #19
" شاعر وكاتب "


الصورة الرمزية رياض الهديرس
رياض الهديرس غير متواجد حالياً

بيانات اضافيه [ + ]
 رقم العضوية : 331
 تاريخ التسجيل :  Dec 2009
 أخر زيارة : 29-08-2013 (02:26 PM)
 المشاركات : 90 [ + ]
 التقييم :  10
لوني المفضل : Cadetblue
افتراضي فياض القلب



(فيـاض القلب )


.


يافياض القـــلب كم لك ممحله=من ســنين نخايل البرق ونبيه
ماذبحني غير كثر الاســــئله=هو مـــتاه وليه ماجا وليه ليه
انكسر حلم الرجى من مفــصله=راح ثلـــــثينه وثلث مقتفيه
وان بغــيت اكون راعي الاوله=واعرض الخفاق للي يـــشتريه
قلت بنـــشد لابغــيت ابدله=ويش لي بقـلب جديد ومانت فيه
وان بغـــيت امر بيتك بعجله=عاقني دون الوصل سـود الوجيه
ســـجل الميعاد عندك سـجله=خل دون الياس شـــي نرتجيه
ومن تكلم فـــيك قلي وازهله=مايطاوع للـــسفيه الا السفيه
وانت لاشـــفت النخيل محمله=اعرف ان اللي يحاذفــها تغذيه
وباب جاب الريــح عود واقفله=لاتخليــــني حديث لمن يجيه
مثل طــفل طاح باول مرحـله=ابتـدى عمره نهـــاية والديه
والســـؤال اللي عجزت تحلله=روح شـــوف مرايتك قل حلليه
خل عينك والرموش مســـبله=قلـــها اقريه عني واكتبــيه
وخصلتين من الشعر جت مقبله=فوق خد مالقـــيناله شــبيه
والنــــحر نور تبرا من هله=رافقه لون البـــياض ويحتويه
غير شامه للســــواد مهمله=لامـست عقد على صدرك يتـيه
كن بين شـــفاك جد ومهزله=خص لامن ماقلت لي كيفي جذيه
طالـبك لامال حمـــلي عدله=مابقى بالقــلب شــي تحتريه
مطول الـــترحال يمك مطوله=وطيعني لامن طلــبتك قول ايه
سجل المــــيعاد عندك سجله=خل دون الياس شـــي نحتريه



.


 


رد مع اقتباس
قديم 07-10-2010, 07:54 PM   #20
" شاعر وكاتب "


الصورة الرمزية رياض الهديرس
رياض الهديرس غير متواجد حالياً

بيانات اضافيه [ + ]
 رقم العضوية : 331
 تاريخ التسجيل :  Dec 2009
 أخر زيارة : 29-08-2013 (02:26 PM)
 المشاركات : 90 [ + ]
 التقييم :  10
لوني المفضل : Cadetblue
افتراضي وادي الميـعاد



( وادي الميعـاد )



.


يطيب المسا ويرق غصن وتهـب رياح=لبس وادي الميعاد من سندس وشاحه
تحايت رياحين الصبـا واينـع التفـاح=نمت واسفهل الطيـش وانهـل مسباحه
ياعل السنه هذي ندية بطون الراح=بعيدة شبه مـن علقـم العام وجراحه
تقهويت صلف طعونها وارتويت رماح=تقاضت مـن المذبوح لعيون ذباحه
تمنيـت وجـه مابغيتـه يروح وراح=تـرك لي تناهيدة ومرثية افراحه
نهار الشتات اول ضحى ماذخرت نيـاح=تبعثرني رياحه وتجمعني رياحه
تحريت لاشح الرجا والسنين شحاح=سنيـن مهي سمحة محيا ومزاحه
عليه الملام اليا تركني خلي افراح=ولاشال من صدري بقايـاه وارماحه
وعليه الملام اليا نبت بالضلوع جناح=ولافزز المعلوق صوته وملواحه
عليه الملام اليا سرى الموج بالسباح=ولاابحر مجاديفه ولا شفت مصباحه
وعليه الملام اليا ركض له صويب وطاح=ولا وسده كفه وغطاه بوشاحه



.



.


 


رد مع اقتباس
إضافة رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:13 PM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education