|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | أكفلهم … ونحن نرعاهم
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | مساعدمزعل اليمني | مشاركات | 245 | المشاهدات | 89326 | | | | انشر الموضوع |
|
أدوات الموضوع | انواع عرض الموضوع |
08-08-2015, 12:57 AM | #101 | |
|
سلام الله سلامن يبلغ الحاضر مع الغياب
سلامن من ضميرن ينبي المكتوب عن غيبه نسوقه للرجال اهل الوفا بالموقف الغصاب رجالن بادلتنا بالمشاعر بالف ترحيبه وهنيكم وبارك بالفخر يامعشر الالباب وترا زود الفخر بالعلم في كمه واساليبه وهني صاحبي لافي،كريم الجاه والانساب عريب الساس،نال العلم واصبح من مناديبه تحيزم بالعقيده والعزيمه جسرها الاسباب وخذ من حلية العالم حفظ شي موصيبه يدور الوقت بفلاكه وتبقى ريشة الكتاب وتفتح له مكاتيبن تشرف في مكاتيبه ومن يمشي مع اهل العلم يعرف قيمة الاصحاب تميز بين خلق الله وخذ من علم اصاحيبه وترا اهل العلم علم الدين عند الله من الاحباب وعباد الله كريمين الخصايل مابهم ريبه وعلى قصرالمقال ابا اعتذر يامعشر الاصحاب لو ابا اذكر خصايلكم وكلن في مواجيبه يطول الوقت مانحصي فعولن مالها حساب ويطول القاف في فنه وترتيبه وتركيبه نقول ونعم فيكم كلكم من هاجسن ماغاب عدد در البحور ومايكنه في غياهيبه مساعد المزعل |
|
|
09-08-2015, 08:56 PM | #102 |
|
دنياك ..... ماعادت ....مثل ...ماانت خابر
تغيرت ...... دنياك .....في ...بضعت ايام جيلي ..... وجيلك ....نصفهم .....بالمقابر ايامهم .....مرت ....مثل ...طيف الاحلام خذ لك من ابيوت ....الشعر ..بيت عابر يمكن يجي مضرب مثل ياابن الاكرام مساعدالمزعل |
|
17-08-2015, 05:05 AM | #103 |
|
يالله اني طالبك يالخالق الرزاقي
ياجزيل المد نفسي عالمن مطلبها والله اني طالب اللي لاطلب ماضاقي ماطلبت اللي اليامنه عطى يحسبها اللذي لازال ملك الغير ملكه باقي خالق الدنيا ومافيها ولا سيبها كل نفسا رزقها عنده لها ينساقي والبشر لاتمنع الرزقه ولاتكسبها شف عطايا الله تخايل لمعة البراقي تدري انه خير ماكلها وفي مشربها قلت سبحان العظيم الواحد الخلاقي فطرة الخالق ماهو بالناس من دربها مايضيق الصدر لو بالناس ماينطاقي خلها جمله بليا عراب لاتعربها ترسم البسمه فرح للشمس بالمشراقي وشوف كيف الحزن يرسمها على مغربها عيش يومك بختلاف الناس والاذواقي وشوف واختر من يطابق مذهبك مذهبها لاتجي في مهنة الدكتور والا الراقي تنتسب بالمشكله والا بعد تنسبها وتر حياة الخلق دمعه في فرح وافراقي صاحب الاجواد والانذال لاتقربها مساعد مزعل اليمني |
|
21-08-2015, 06:11 AM | #104 |
|
سلام تسليمة وفا من هاجس اللي قالها
تشبه مزونن مدلهمه يوم هل اخيالها يبرق بها البراق خير ويتبع البارق رعد فوق البسيطه سالت الوديان من همالها تسليمة تكمل عدد وتزيد ماتنقص عدد كثر النجوم وبرها وبحورها واجبالها على هل الحفله مطانيخ الرجال اهل الكرم واللي من الجيران للحفله تعنا وجالها وربعي كرمين الوجاه اهل الجناب المعتبر مثل الجبال الشامخات اللي،يضل اضلالها اللابه اللي مجدها واضح وله عين اوخبر اشهد شهادة حق،فيها حقها برجالها من دون قاصر بالقبايل كلها مانختصر والخير عند الناس واهل الخير في منزالها اخوان كل المسلمين وفرحة المسلم تعم ويالله عسى الافراح للمسلم يهل اهلالها وطالبك جعل المسلمين افراحها ماتنطفي في شرقهامع غربها وجنوبها واشمالها طالبك ياجاعل من الضيقات للمسلم فرج يافاتح ابواب الفرج لاغلقت بقفالها تلطف بنا في رحمتك يالواحد الفرد الصمد ساعة نفوس،الخلق منزلها بقدر اعمالها اجعل لنا في جنة الفردوس عندك مستقر ياواحد فيك الرجاوي مايقص احبالها دنيا بها كل الهقاوي تنقطع باللي هقا ياقرب منزلها ويامسرع بعد مرحالها ياكم من داج البسيطه جيل ماخلد رحل بقيت مساكنهم عبر للناس فوق اطلالها هذي هي الدنيا كذا ياهل ترا من معتبر ياكم من جيلن تمنى ايطولها ماطالها رحل وخلى ماجمع ماشال ياغير العمل يمكن بكوه الاهل والدنيا مشت في حالها واختامها صلو على المبعوث رحمه للبشر على النبي ياحض من صلى عليه وقالها مساعدمزعل اليمني الجعفري |
|
21-08-2015, 09:58 PM | #105 |
|
على امل لقياك تصبح على خير
ونمسي،بخير،ونجتمع مع بعضنا وان ما تجمعتنا ظروف،ومقادير الواقع الملموس حكمه فرضنا الناس تحكي غير وحنا على غير غيض ومرض،بقلوبها مامرضنا الورد يرسم للسحاب التباشير ويكتب على وجه الهبايب رفضنا حكم الزمن ماشي،بحكمه وتدبير الحال واحد لو مشينا وركضنا والواحه الخضرا تلم العصافير وحنا على صوت العصافير هضنا لاخانت العاشق اسلوب التعابير يكفي عن التعبير ودا حفضنا مساعد مزعل |
|
02-09-2015, 03:54 PM | #106 |
|
غياب الشمس ذكرني غيابا ماقويت انساه
يودعها خيوط من الشفق في وقت مغربها ويرسم في جبين الليل طاب الليل في ممساه على ضو النجوم الساهره واللي يراقبها وعلى دمع الحزين اللي دهاه من الزمان وجاه وكتبه الوقت جمله في زمن جهال تعربها الا ياكبر صبره بالزمان وياكبر بلواه على ضيم الليالي والليالي من يحاسبها سبح بحر الخيال اللي هواه ولاقواه وتاه على ذكرى زمان الوقت شرقها وغربها زمان ايامنا الحلوه مع الحلوين يامحلاه الا يامطيب اياما مضت بالعمر مطيبها مشاعر مالها كم ومثيل ولا لها منهاه على من عاشها في ماضي الايام يكتبها تداعبني هواجيسي على طيبة هواه وماه وعلى لعبه بسيطه مع صغار السن تلعبها تبي تمشي بنا الدنيا بلا رغبه ولامشهاه ولا من كان هو بالامس بعدها وقربها حنين اللي مضى بالخافق اللي مانسي ذكراه والا ياليت ساعات الزمن تعكس عقاربها مساعد مزعل العنزي |
|
19-09-2015, 01:19 AM | #107 |
|
اهديها لخوي الرايد بندر فياض الدهمشي
بندر عصـابة راسـي وراسـي عـزيزٍ مايميل واليانتخـيت اب بندر الفـياض شـديت العقال بندر ولد فياض مثل السيف والسيف الصقيل سيفٍ صقيل ويرهب الفريس في وقت النزال والدهمشي من ماضي الازمان له بيتٍ ضليل يلجا له اللي من هجير الشمس ماحصل اظلال دهـامـشه مـعـروفةٍ بالـفعـل باليوم المهيل هـذي محـددت الجـمل شـجاعةٍ ماهي اخبال بين القبايل تكسب المعـروف والعلم الجميل وكـل القبايـل وافـيه فـي طيـبها بليا جـدال مـانمـدح انفسـنا ونـظلـم خلقه ابلـيا دليل لـكـن راع الجـود لمـن فـاز طـال بكـل حال وبندر وقـف وقفات جـزله مالها زي ومثيل وشكرا لشخصك يالكريم الصيرمي يابن الرجال الشاعر مساعد مزعل |
|
29-09-2015, 12:43 AM | #108 |
|
عطه من اللي يطلبه شي جايز
وخلك معه كنك معه كف مخلوق اللي يسل الروح تحت البلايز معطيه ربي من حلا الخلق والذوق لو ينوصف مافيه شيا بعايز متميزا من بطن رجله اليا فوق ياطا بريش ومركبه روز رايز يفهق ضلام ويعطي الشمس بشروق مساعد المزعل |
|
29-09-2015, 12:43 AM | #109 |
|
عطه من اللي يطلبه شي جايز
وخلك معه كنك معه كف مخلوق اللي يسل الروح تحت البلايز معطيه ربي من حلا الخلق والذوق لو ينوصف مافيه شيا بعايز متميزا من بطن رجله اليا فوق ياطا بريش ومركبه روز رايز يفهق ضلام ويعطي الشمس بشروق مساعد المزعل |
|
03-10-2015, 11:19 PM | #110 |
|
لقيت من بعض الاصاحيب عدوان
يلبس من اثياب الرفاقه مطيه حبل الوصل في مثل شرواه خسران وخسرانه اجمل في حياة البريه اجمل ماب الانسان في قلب الانسان لاحاز قلبه خير مع طيب نيه وشنع ماب الانسان لاغاب الاحسان مثل صلاة الشرك ذنب وخطيه يكفيك عن بيت الشعر خير برهان قول الله الواحد وسنة نبيه ماينظر الله في صوركم ولو كان وينظر في قلوب العباد الخفيه والا المظاهر خلت النذل سلطان وياما هظمت حق القلوب النقيه مساعدمزعل العنزي |
|
الذين يشاهدون محتوى الموضوع الآن : 41 ( الأعضاء 0 والزوار 41) | |
أدوات الموضوع | |
انواع عرض الموضوع | |
|
|