|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | زايد الدغماني | مشاركات | 42 | المشاهدات | 47952 | | | | انشر الموضوع |
|
أدوات الموضوع | انواع عرض الموضوع |
09-03-2010, 01:08 AM | #11 | ||
|
هذه القصيده إهداء لقبيلة مطير العريقه التي تستحق اكثر من ذلك
عندما دعاني الاخ الغالي غيث بن محمد الميموني للمشاركه في حفل لربعه وهي على طاروق الدحه باسم الكريم المتعالي=الواحد الفرد العالي بديت وشعري يحلالي=والنفس بعونه مرضيه ودي أعرفكم باسمي=واعطيكم نضمي وقسمي والنشمي يسمع للنشمي=واسمي يجيكم ماريه تركي عبدالله من وايل=شاعر واغني مثايل وإن جينا جبنا الجزايل=ماهي صعيبه عليه في حفل مطير ابشارك=حضرت أهني وابارك ياعله حفلن مبارك=بالعود الازرق مثنيه وابمدح حمر النواظر=ارجال وفيهم مخابر شجعان وكابر عن كابر=بالخيل وسيف وجنبيه خياله تكسب بالغاره=والغازي يحرق في ناره مدحور وعقره في داره=فرسان و وقفه ترثيه هذول مطير البواسل=امجاد وللعليا تاصل تاريخ وفخرن متواصل=اموثق ماهي عاريه وإن جيت مطيري في بيته=أرداهم متعلي صيته تشوفه طيبه لا جيته=راع الكرم ناره حيه ارجال ويانعم الطاري=واحدهم للنخوه ضـاري والشاعــر فيهم ايماري=قدر ومقــــام وجاهيه ماقلته وانا لي حاجه=ومدور مدح ولجاجه معروف ونقوة مزاجه=من فكره دره منقيه وانا ماخص المثايل=والنعم بكل القبايل جنوب وشرق وشمايل=والطيب فعله ماريه اقوله وابمدح ربعي=ملزوم وهذا من طبعي وبطرب بالدحه سمعي=طاروقي جاكم دحيه هلا هلا به ياهلا=لا يا حليفي يا ولا من صدري فايح له غلا=يقوله شوق النشميه ويلان وتاريخن راسخ=إجدود وساس وشوامخ إجبال وبالشوفه شامخ=ويلان وفخر وحميه عدينا المرقب العالي=من قاصي حد الشمالي لاجينا نحمي التالي=خياله ولا رجليه يشوش بفكري قصيدي=وحسه يمشي بوريدي مضمونه هرجن مفيدي=سلااااااااام و حقن عليه وختامه حضرت أشارك=لمطير اهني وابارك ياعله حفلن مبارك=العود الازرق مثنيه ................................. يزورني طيفك ذبحـتـنـي يـادالـه القـلــب وش فــيـــــــك=تـجـفــا خـفـوقـي وانت بالـحـيـل غــالـــي يـاكـم مـضــا لـيـلـي وعـيـني تـراعـيــــك=يـزورنــي طـيـفــك واعـيـشــك لـحـــالــي اتـخـيــل انـي جـنـبــك ومـاســـك يـديـــك=واضـــم طـيـفــــك لاتـكـــرم وجــــــــالــي اشــتــاق لـعـيـونـك وشـوفــك وطـاريـــك=والـعـيـن عـيـت تـرتــوي مـن خـيـالـــــي والـلــه احـبـك واعشـقـك حيــل واغـلـيــك=والـعـمــر من دونـك هـمـومـه ثـقــــالـــي لاتـتـركـيـن الـلـي بـقـلـبــه مـصـافــــيــــك=يـــاسـيــدة قـلـبــــــي ويـاراس مــــالــــي وان جـيـتــنــي يانـور عـيـنـي هـلا فـيـــك=افـرشـلـك عـيـويـنـي وقـلـبــي وحــالــــي الـحـب ذابـحــنــــــــــي وزاده تـغـلــيـــــك=ازود مـن الـدمـعـــه وش الـلي بـقـــالـــي ذرفـتــهـا مـن زود قـســوة مـعـالـــيــــــك=وانــا الــذي دمـعـه فــلا يـ ــوم ســـالــــي ارخــصـتــــهــا لـجـلــك وعـزيتهـا فـيــــك=هـذا جـزا الـغـالــي مـن عـيـــون غــالـــي مـاهـو بـحــق مـنـك تـجــفـــا مـحـــبــيـــك=مــاهــو بـحــق مـنـك تـقـطـع وصــالـــــي شوفي دموعي شوفي دموعي كيف تجرح خدودي=لازاد وقت الهجــر دمـعــي يـزودي حـرام مـاهـي من طـبــايـع خصالـك=مـاهـو بحق مـنــك تخلـف وعـودي مـا تـدري إنــي مـا تحـمــل غيابـك=الهجـر كافـر وانت مانت بيهودي اشتقت لـك يــا روح روحــي يكفـي=تـعــال تكفا لـيــه كـثــر الصــدودي اللـيــــل يمضــي مـا تلــذذ منـامـه=وأنت بمـنــامـك مهتنــي بالرقـودي وش جــاك مني يـوم هذي سواتـك=توعــد وتخلف موعدك يالجحـودي يـانـــور عـيـنــي يـاغـلايـه وقلبـي=أرفـق عـلـيـــه لاتعــدى الحـدودي تبـغــــا تجرب كيف هجـرك يسـوي=شفهـا دموعي كيف تجرح خدودي البرد البرد بعيون المخاليـق تعذيـب=وانا غدى بعيوني البـرد راحـه لصار مالي غير بردك مكاسيـب=ياحلو بردك ياسمـاه وبراحـه ماتشوفني اتعبت فيك المكاتيـب=وغيرك بقلبي مالقالـه مساحـه ولو زادت الدنيا علي بالمطاليب=ولو شحت اكفوفك علي بقراحه تبقا الغرير اللي حوته المحاديب=والقلب بيتك لو تـزود جراحـه غديت ضيف وكل روحي معازيب=والحب واشواقي تقـدم براحه البرد بعيون المخاليـق تعذيـب=وانا لياشفتك غدى البرد راحـه والله لو تنسى والـلـــه لـو تـنـسـى فـلانـي بنـاســيك=يرجي الخـفـوق الوصل مهما نسـيـتـه من كثر صدك صرت أنا حيل مغـلـيك=حـتـى مرار الصـــد مــنـك هـويــته مشيت عكس الناس حاضر وماضيك=درب مـشـوه الـخــلـق لا مامـشـيــته اشتاق* وارجي* وتحرى*وأراعيك=وأنتا بكـيــفــك خـافـــقـي لو جـفـيــته لاتحـسـبـني اعـتـرف لجل أراضــيك=لا والذي طـاف الـبــشر حـول بـيــته لو رحت لو تبـعـد عـلـيـنا خطـــاويك=القـلـب واسمـك بالمـحـــبـه بـلـيــته عطني مرارك دامـك أخفيت حـالــيك=يكـفـيه قـلــبي كلـمت إنــك عـطـيــته اضحك على نفسي اليا قلت بنساااااك=ياكيف ابنسا من ملكني غرامه ماغير اسلي خاطري فيك واجفااااك=وارجع وشوقي لك يسابق هيامه أكذب عليك ان قلت يازين مابغاااك=شف خاطري لاغبت مدري علامه اغليك واحبك واداريك واهواااك=والعمر من دونك تزايد حطامه ياروح روحي يابعد خاطري هااك=هاك العيون اللي تطاير منامه وش حاجتي بالعين لاصرت ما القاك=واشبع بشوفك ياغلاي ومرامه ياصاحبي وان قلت لك يوم بانساك=شف دمعتي وشلون تسبق كلامه سل السيوف سل السيوف اللي بها الصدر مطعون=يكفي غلاك اللي به الدم يجري ماني بصابر دام انا فيك مجنون=وشلون ابصبر والغلا فيك عذري ودي ابيَح بالغلا كل مكنون=واخلي اللي مادرى فيك يدري إن الغلا والحب والشوق مرهون=بين الحنايا وارتوا منه صدري نسيم الشمال ذعذع نسيم الشمال وشاقني طيبه=هيض خفوقي وبانت دمعة العيني كنه يمد اليدين وزان ترحيبه=هيف يبي من نسيم الشوق يسقيني ياوجد حالي على اللي طول الغيبه=أبو عيونن من العلات يبريني عليه قلبي عضيم الشوق يدويبه=وعروق قلبي تفجر مع شراييني أغليه واهواه واوده واهذريبه=واشتاقله وأعشقه لو كان ناسيني كم ليلة هاجسي بالشوق يسريبه=للي وصاله من الضيقات يشفيني والله ماحدن سكن قلبي ويحريبه=إلا غلاه الذي من بعد ولديني يالله تجمع خفوقي فيه وتجيبه=وافرح بشوفه بعد ماغاب عن عيني عديت بالمرقاب والشوق غنا=وقمت اتوجد بالهوى بكل طاروق على الذي حبه بصدري تثنا=ابوجديلن فوق الامتان مطروق طفل صغير ومبعدن حيل عنا=والبعد يامشكاي سبب لي حروق احلم بشوفه وارتجي واتمنا=يالله تروي بالوصل ضامي الشوق ماوحشتك ؟ سؤالك اسهل من حروف التعابير=وجوابه اصعب من مواجيع الاضلاع لو صارت بعيني حروفي مدابير=ماهي ثقل جرحك وهمي والاوجاع تبغا جوابي ؟ جاك كله تفاسير=يرثي عيونن شمعها حدرها ماع وحشتني ! رغم الجفا والمخاسير=أصد عنك وخاطري فيك ماطاع أشتقتلك ! ماهو كلامن وتعبير=لاوالله إلا شوق طايع ومنصاع من كل صبح إلين هيف بنا عصير=وانت بخيالي اشربك حب واطباع ومن حزة المغرب إلا حزة الطير=وانا اشبعك شوق وتوجد ومرباع يعني كذا ولا كذا وين ماسير=حبك تمكن يالغضي بين الاضلاع يعني احبك واعشقك ويش مايصير=وابقا على طول الدهر فيك طماع صوتي غدا ماضن يلقاه تبرير=واللي شبعك من الهوى عقبكم جاع ماني بنادم . لا . ولكن عسا خير=هذي مقاسيمي وهذا الوفا ضاع سكر نبات سكر نبات .. احلا من السكر شوي=لا والله انـه مايجي ربـــــع حـالـيـك رسمـك ولونك مبسمـك مالـهم زي=عينـك غـلاك وحشمتـك من يباريك ذوقـك ولبسـك جـادلك كـلـهـــا شي=مشيك غرورك ضحكتك ثم تبـاهيك لسلهمت عـيـنـك على رمشها ضي=يعـانـقــه حلمن سـكــن في محانيك تعـــال عطني من حلا سكرك شي=تروي الخفوق اللي يحبك ويرجيك ماهي جديده ماهي جديده عارف إن الهوى ذنب=وإن الغــلا دايم جروحه عظيمه يامير عـيـــا لايطـيـــــع السنع قلب=وطاح بغلاك وجاته أكبر ضليمه هذا نصيـبـي مـنـــك نشبتها الحرب=بيـنــي وبيـنـي والخساير وخيمه الدمع ضــاع وخافقي بالحشـا شب=نـــارٍ تـواقـد بالحـنـــايــا صريمه وجروح تنزف بالخـفـا مالـهـــا طب=والحال من بعد المفارق سقيمه يقطعـك ياقلب الـوفـــــــا مالقا درب=تقطعت كــــــل الـدروب السليمه عنيـتـنــي واللي تعـنـــــــا بــلا ذنب=طاح بغلاك وصارت أكبر جريمه النرجسيه يسعد الله ياصـبـــاح النرجسيه=ويسعد الله من سكـن بالمجمعه الغرير اللي وسـم بالقـلـب كيه =مــا رحم قلـبـــي وتـلـه وشلعه وش جـرالـه لارحم خـاله وبيه=استـبــاح الشـوق والخافق معه والكـبـــر لله وان شـافـت عليه=نفسها ولاشاف صبري وسنعه والحـكـايــه بالـغــلا نفسٍ خليه=مرهــا نسـنـــاس حـبـه واقنعه وراح قـلـبـي والغلا كله خطيه=زادنـي جرحين والحـلم اقطعه والله انـه قــاسـي بحكمـه عليه =وش يـبــي مــادام قلـبـي يتبعه والله انه لـو طلب روحي هديه=سقـتـهـا لعيون شوفه ومسمعه والله إني اعشقه صبـح ومسيه =ومـن غــلاه أذوق مـره وابلعه |
||
|
09-03-2010, 01:26 AM | #12 |
|
برق الشمال
* *
يضيق صـدري بين طيــات المشاكل والليال=واهيجن اهمومي قصـيـد من الضمير لحونها أغـني لحـالـي لحــالـي لــو عـلــي الـهـم طال=وأســج ببـحــور القصـيـد اللي يجر غصونها صدري يشيل من الهموم اللي كما ثقل الجبال=واعـانــد ضروف الزمــان اللي تشط غبونها مـا همـنــي حـمـلٍ عـلـى كتفي ثقـيـل مايشال =وأنــا مسـلــي خــاطـــري لو كـان هد متونها ما ينفع الرجــل الفهيم الحـزن وابسطها مثال=الدمـعـــه اللي حـدرت وشـفــاد عقب عيونها تـدرون يكـفــي وش بعد نبغــا نغير هالمجال=تعـــال يــا راع العـيـــــون اللي سبـاني لونها تعـال يا ورد الصبـــاح اللي على الخفاق مال=تعــال يا شــوق النسيم اللي اضـيـــــع بدونها دلـة غـــلاك مهيـلــه مـا كيفت بـرق الشمــال=تعـــال وامسـك دلـتـــي يـا هيلهـــا ومكنونها ثم سوق فنجــــالك علي من الدلال اليا الهبال=فديت جــــلاي العـمـــــاس وناسهـــا يفدونها ابوعـيـــونٍ خـاجــلات خــــادرات بالضـلال=ابوجـديــلٍ لانـتـثــر مااا شـفـت تـــال متونها انشهد إنــك لا لفـيـت وشفت طرفــك ياغزال=يطيب صـدري من الهموم اللي بلتنا شطونها ياعـل تفـداك الضروف اللي بلتـنـــا بكل حال=ويـاعـل يفـداك القصـيــــد وبرقـهـا ومزونها الشوق فـــــاح بدلتي تعـــــال يا روحي تعال=تعـــــــال وامسك دلتي يـاهيلهــا ومضمونها * * لاتحسبها شجاعه
غورقت عيني بدمعي واستضاق الصدر حيل=وانتثر هم الزمــان الـلـي سلب حلـو الطبـوع وارتكزت أنـاضـر اللي عينهـا فوق المخيـل=اذهلتهـا فرقت الـلـي مسكـنـــه بيـن الضلـوع واستمـاتت بالمشـاعـر بيـن جرح وبين ويـل=لين خانتـهـا المحـاجر واطلقت ذيــك الدمـوع وضـاقت الدنـيـا بعين الترف مفرود الجديـل=من غرابـيــل الزمـــــان اللـي تكـزك للركـوع بعدهــا حسيت عيـنـــي دمعتـي منهـا تسيـل=واستـثـــار بهاجسي مليون جرح بكــل نـوع وقمت ألف الذاكره لدروب عسرات الطويل=مرقبٍ لا ضـــامني هم الزمــان يهيـض طـوع مرقبٍ لا من نبـيـتــه كــــــل همٍ بـــك يزيـل=وكـــل ضحكـه غايبه للثغر تعلن لــه خضـوع مير أنـا باصــد عـن شــي لمحـتــــه بالدليـل=يـا عسـا ماحدن لمحني يوم خانتنـي الـدروع والله إنـي باتعـــوذ واطـلــب الـلـــه بالمقـيـل=للـعـيــون اللي ذبحهـا البعـد وامــال الرجـوع سلهمي يــا طرف ذابـل لا تخلـف لـك قتيـل=لا تحسبهـا شجـــاعه جرح قلب وكسـر كـوع عزتي للحــــال والله مــا بعـد بالحــال حيـل=مـا بقــا بي حـيـــل حتـى للمعــاتـب والدموع .......................... ياصاحبي ياصاحبي عذري لك
ياصـاحبي عذري لك اكبر من كلام ومن شهود=والخــافـق اللي طـــاح في حبك حذاري تهجره
الـوقـت مــاخـــلا عـبــــاد الـلـه تهـنــا بالرقود=يــا كــم عـيـنٍ مـرت أيـــام ولـيـــــالـي تسهره جـيـنــــا نـبــي فـزعـــة أوادم والاوادم ماتفود=يــا كـثــر جـحــاد الصـديـق اللي يصــد وينكره بعض العرب يا زين هرجه بالرخا دوم محمود=وان حـزة الضـيـقـه على فعل الردى يامجسره الـوقت فـي عيـنــي يضيق ولا بـقـا شين يعود=وان جيت مكـســور العظم حـاول حبيبي تجبره لاتصـيـر مــع وقتي علي وخـاطري همه يزود=تكـفـيــن . . قـلبـي بالضـمـايـر لا تحاول تقهره ماعــاد باقي لي أمـل بالـنـاس والماضي شهود=وان خـــاب ضني بــك عليـم الله خفوقي تدمره الـوقت كـشــر لـي بـنــــابــه والفرح كنه سنود=اجـبــر خـفــوقـي للسـنـود وخـاطري ما يقدره والضحـكـه اللي شـاقتك مشغل بها كل الحشود=مـا غـيــر أعــانــد وقتي اللي يبغا دمعي ينثره تكفين وان جيتك حزين وحالي متعبها الصمود=فـزي وضـمـيـنــي عـلى صدرك ودمعي اقهره |
|
09-03-2010, 02:07 AM | #13 |
|
أبيات بسيطه كتبتها لربما تبقا وصيه لابني عبدالله اذا كبر عسا ربي يصلحه هو واخوانه وخواته وابنائكم جميعا * * * هاك القلم * * *
هـاك القـلـم واكـتـب قـوافـي عــن ابــوك=واحـــــذر تــضــيــع بـالـمـعـانــي مــعــانــي
يابوك أنـا صـدري عـن الهـم مصكـوك=مـــــادام أنــــــا مـــؤمـــن بــــــربٍ هـــدانـــي واتبـع طـريـق المرجـلـه مابـهـا شـكـوك=وأفــــز لا مــــن ضــــاق حــــر ونـخــانــي المـرجـلـه يــابــوك مــــا تـنـقــص الــبــوك=مـــا ينـقـصـه يــابــوك حــســن الـمـثـانـي مـــا ينـقـصـه غـيــر الـــردى لا تمـثـنـوك=بـالــذكــر وفــعـــول الـــــردي بـالـطـمـانـي جـــــدك مـربـيـنــا عــلـــى الــعـــز يـــابـــوك=وأنـــا بـــورث لـــك مـــن الــلــي عـطـانــي احـــذر تـخـيـب بـالـرجـا رجـــال وصـــوك=يـبــغــون ديـــــن الله وطــيـــب الـمـقـانــي احـــذر تـطــاوع بـالــردى كـــل صـعـلــوك=يـبـغـاك تـفـلــس مــــن عـظـيــم الـمـبـانـي واحفـض صلاتـك لا تفوتـك وانـا بــوك=خــلـــك حـــريـــص ولا تــفــوتــك ثـــوانـــي وأمـــــــك إذا بـريــتــهــا أبـــنــــاك بـــــــروك=احـــذر غضـبـهـا مـــع مـــرور الـزمـانـي وإخـوانــك خـوانــك إذا الــنــاس حــــدوك=هـم عزوتـك عــن كــل نـقـص وهـوانـي وتــــرى عـمـامــك عـصـبـتــك مـايـكـبــوك=هــــم فـزعــتــك لاجـــــاك هــمـــك وبــانـــي وتـرى البشـر لـو بالسـعـه دوم سـلـوك=عــنــد الـشــدايــد مـــــا تــلاقـــي عــوانـــي ضحـكـة دقـايـق لحـصـل شـــي خـلــوك=صـحـبــة مـصــالــح مـلــهــا أي امــانـــي غير الرجال اللي على الطيب ماشوك=الــلــي لــهــم بـالـطـيـب هــقــوه وشــانــي لاجـيــت نــاصــي بالـمـواجـيـب شــالــوك=وإن غــبـــت تـلــقــا عـلـمـهــم بـالـمـثـانــي وان جـيــت مـنـصـح لـلـمـوازيـن دلــــوك=رايـــن سـديــد وشـورهــم لــــه ضـمـانــي هـذي وصاتـي واحـفـض العـلـم يـابـوك=رجـــواي يـصـلـح ربـــي الــلــي عـطـانــي |
|
09-03-2010, 02:32 AM | #14 |
|
صوت وصدى مع أخواني الشعراء
قصيده موجهه مني للاخ الشاعر زايد الدغماني
ألا يانجوم الليل ضوي على الخطار=عيون السهر في تالي اللي مهمومه سرت بي هجوسي غصب ماني لها مختار=وانا ماني بعاصي ولاهي بمليومه توارد على فكري كما الخيل بالمضمار=تدك الضماير والهواجيس مزحومه نويت أسند القيفان للفارس المغوار=تجيه الخواطر شرد الفكر محسومه يابوفارس الدغماني ياوافي الشبار=ياراع الوفا وقت الشدايد لكم قومه خويك من مصافق زمانه بدى يحتار=يشوف الدروب اللي على العز محكومه تعجبت من وقتٍ غدى كنه الدوار=تغثرب مشاريبه وكثرت به همومه لقيت الوفي لو جاك بالطيب ياستار=عسا من جمايل طيبته يلبس هدومه ومن قدم الحسنه رميناه وسط النار=وكلمة وفا عند العرب غير مفهومه وبعض العرب باعك لجل درهم ودينار=ومكسب بنيخي بين الاوساط معدومه تقول العرب بالجار للجار لوهو جار=وانا اقول كلن ياخوي يتبع سلومه احدهم على جاره بختري على نوار=واحدهم على جاره مغاريف مسمومه وصاحبك لو جاته نميمه نسا ماصار=وباعك لجل هرجة قفا جات مزعومه وراع الخطا لاجاك لاتنشد الاعذار=ترى شرهتك ماهي على الناس مقسومه الا ليتها تشرى السلامه من السمسار=عن الفود مابه فود يامدور ارسومه كبرنا وبان الشيب ماعاد حنا صغار=سقاالله ليالي مرت وضاعت حلومه يابوفارس الدغماني وش عاد صرنا كبار=كبرنا وصدري ياخوي كبرت ثلومه ليالي تمر ونومنا من بلاها طار=سقالله ليالي تهتني عيني بنومه كسرنا الضروف بقوة العزم والاصرار=وعبدٍ تمسك بالولي قويَة عزومه لو إن المكابر بعض الاحيان مر وحار=عن الهرجه اللي تذبح الصدر مكتومه الا ياولي الخلق ياعالم الاسرار=طلبتك خفوقي يالولي تجلي همومه رد الشاعر زايد الدغماني ...... ابوفارس
مــــع الــخــط جـتـنــي ريــحـــة الـــــورد والــنـــوار=ولــو فــز بــي هـاجـوس الاشـعـار مــا الـومـه يطـيـب القصـيـد ولـيـلـه الـعــذب يـــا الـسّـمـار=ولا يـــطـــري الــمــســرى ولا تـــطـــري الــقــومـــه ابى احاكـي انجـوم السمـاء واظهـر الاخبـار=ولاهــــــي غــريــبـــه واحـــــــد ايــكــلـــم انــجــومـــه وصلـنـي كتـابـك يــا الشمـالـي مــع الافـطــار=وانــــا تِــطـــرب افــكـــاري مـكـاتـيــب مـفـهـومــه وانــــا اقــــول يـاتـركــي هـــــلا مـرحــبــا مـلــيــار=عـــدد مـاســرى التفـكـيـر مـــن حـايــل لــدومــه وعــدد ماتبشـرنـا بــروق السـمـاء بـــا امـطــار=وعـــــدد مـابــهــا الـدنــيــا مـخـالــيــق مـظـلــومــه هــلا يـاشـبـل وايـــل هـــلا يـــا فـتــى الأحـــرار=هـــــلا يــــــا رفـيـق(ن)تـعـتـبـر قــومــنــا قـــومـــه تبـى الصافـي الصافـي وكنـه حلـيـب ابـكـار=تـبــى الـعـلـم يـاتـركـي عـلــى طـــرق منـظـومـه تـرى الوقـت مـو وقتـك ولاهـو زمــان اخـيـار=الافـــــــواه مــلــجــومــه والايــــديــــن مــحـــزومـــه تــرى طـيـب الـمـبـدا شـفــه عايش(ن)بـشـهـار=بــعــد مـاعـطــى لـلــوقــت نــظـــرات مـشـئـومــه تــرى الـصــادق الـوافــي تـزاحــم بـــه الافـكــار=بعـد مـا جتـه صفعـه عـلـى الـوجـه ملطـومـه واذا الضيقـه اللـي جتـك مــن واحــدن ثـرثـار=قـــل لـعـزتـك مــــا انــتــي لـلاشـكــال مـلـزومــه يـضــيــع الــكـــلام وتـبـتـلــش مــنـــه الاشـــعـــار=عجـزنـا نـعـرف الـوقـت مـــع طـابــع اسـلـومـه أنـــا أذكـــر مـــن أول فـيــاض الـبــلاد انـهــار=بـزمــان الــوفــأ والـطـيــب مــاهــي ابـمـحـرومـه عــســـى الله يـهـديـنــا مـــــع اعــبـــاده الأبــــــرار=ويثبّت انفوس اعن الخطاء غير معصومه قصيدة الاخ والشاعر / أبو عزه الركابي وجهها لي
النايفه ياصاحبي تركي على روس الجبـال=تبقى على طول الزمن فوق الجبال النايفـه ماحركتها معمعة شيـخٍ ولا ميلـة عقـال=ولازعزعت ثباتهـا كـل الوجيـه الزايفـه والهيل لو له شرهتن يشره على صفر الدلال=حتى ولو وصايفه تبقـى علـى وصايفـه والعلم لو انه بحر لابد يظهـر مـن خـلال=بيض الورق والعين لالدت تراهـا شايفـه تشوف شيٍ واقعي ماهو من اوهام الخيـال=واجفانها تطبق خجل!خجل ولا هي خايفـه هذا الزمن ياصاحبي مثل الرشا فوق المحال=عينك تشوفه يـدرج لكـن فقـد وظايفـه لاتغرك الناقه ولو تبـرك مباريـك الجمـال=تبقى على وصف المثل وجه الشبه خفايفـه والشمس لابين سناها كفكف اطراف الظلال=واللـي يـردد ونتـه مافادتـه حسايـفـه كلمة يقولون العرب راحت ولا فيها جـدال=لكنهـا متمسكـه فيهـا هذيـك الطايـفـه النايفه تبقى يابن عمي على روس الجبـال=حتى ولو طال الزمن فوق الجبـال النايفـه ردي على الشاعر ابوعزه الركابي
البارق اللي بان ضوحه مع صواديف الليال=تباشرت نفسي وعيني قبل اشوفه عايفه حيالله اللي لاحضر يغنيك عن بعض الرجال=واحد ولكنك بعيني عن جموعن طايفه ابخصك يامعرب اصل مابين عمان وخوال=والنايفه ترقا لها ماهمتك كلايفه عيني تشوف من الامور اللي تغير كل حال=بيض النوايا من غرابيل الزمن متهايفه لو سقت فنجالك على يمناك ماضاق الشمال=سلم بدوي يابومهل والناس كلن عارفه تمشي على وضح النقا كامل ولله الكمال=يسرف زمانك والرجل ماهمته سرايفه لو نتبع الشرهه غدينا بين صلفات الثقال=مابه مروفه والزمن شيب بنا صلايفه احيان لو شفنا الخطا نقول جنب هالمجال=واحيان نقنع لو حصل من هالزمن نصايفه والمرجله ماهي تجاره نشتريها بالريال=من بار طيبه ياعسا يبكي جفا ولايفه ختمتها يابن مهل بالنايفه فوق الجبال=تبقى ولو جار الزمن فوق الجبال النايفه من الاخ والشاعر نايف آل نايف
حي الله اللي شوفته عندي لها قلبـي شغـوف=حي الله اللـي ماسليـت ومادلهـت الا معـه حي الله الوافي صديق الضيق مدهال الضيوف=حسبي على هاك الظروف اللي وصالك تقطعه لو الزمن يجري وتتليه الليالـي والظـروف=يحرم علي اني بهالدنيـا وصالـك ماشبعـه وشلون ابشبع من وصال الوايلي شوق الهنوف=كيف احتمل ضيقة غياب الوايلي عقب السعه وشلون ابسلى عنه ياتركي وانا عيني تشوف=وشلون تكفيـه القصايـد والمراجـل تتبعـه حتى قصيدي يعتذر ويقول لاتعـد الوصـوف=كل الصفـات الطيبـه انشهـد انـه منبعـه ياكثر صدقان الرخى اجسام واعراض الكتوف=واطلقهم اللي مايساوي ظفر من راس اصبعه يارب تكفي محزمي في غيبته شر الصـدوف=ويارب صبرني على علقـم غيابـه ووجعـه ردي على الشاعر نايف ال نايف
حي الله اللي سطر القاف وتميز بالحروف=حي الله اللي باين(ن)طيبه من اول مطلعه الوافي اللي مثلك وشراوك بالطيب معروف=ماجابته غير الحميا والمراجل ترفعه والوقت يانايف من اول بالغرابيل محفوف=مادامت الدنيا لاحد والوقت مره نبلعه اعرف زمانك يالخوي وان زان لايمكن يروف=لابد له ميلات وان ميل نحاول ندفعه والطيب يبقا للرجال اللي على العليا تطوف=ماتغيره سود الليال الممحله المخلعه والناس صادق كثرهم مافاد لو تلقا ضروف=ياكثرهم وقت الرخا والضرف فرق مجمعه مرات يذبحك القهر ومرات مافيها حسوف=ومرات من بعض العرب عينك تدارج مدمعه والصاحب اللي تمدحه والوصل ماعنه كلوف=يستاهل المدح الوفي لو غاب يبقا يتبعه شوق الهنوف معزب الضيفان للجزله شغوف=وان خايل الفزعه جبل ماعاقته لو يطلعه اقسم وربي والنعم . ووالنعم كايد ومعروف=ماكل واحد يستحق . ماكل واحد يرمعه وان جات يانايف وفا يستاهل الوافي ألوف=الفين والله والنعم ياصاحبي طيب وسعه يالله يارب العباد انت الوحيد اللي ترووف=ترحم عبيدك يالولي والشر عنا تقمعه |
|
22-03-2010, 02:55 PM | #15 |
|
|
|
30-09-2010, 10:09 PM | #16 |
|
لاتحسب اني لاتضايقت بنخاك=لا والذي لرضاه بسجد واصلي .عفناك ياراع الممنات عفناك=ياللي على كسرة رفيقه يهلي يارب تغنيني عن الناس برضاك=انشهد انه مكسب لا حصلي . .
الرجل لاهزته ريح الحميا=لايدور كسرها يبغا ذراها ياعسا رجلٍ عن الفزعات عيا=ينحرم من شيبته ولا ضناها . .
الطيب مرقابن على راس عيطا=اللي يرومه له ضرايب دفعها ماهوب روض تاجده بالبسيطا=ولا خباتن من سمعها رمعها الطيب فعلن ماتجي به خليطا=يتعب ردي المرجله ماجمعها يالله لاتقطع بنا دروب خيطا=وأطلع مع اللي بالمراجل طلعها . . |
|
13-03-2011, 11:14 PM | #17 | |
|
الله واكبر يالقصايد لها شان=من شاعرن نبع الجزاله رصيده الله واكبر يالقصايد والأوزان=تركي لها مثل العضيد وعضيده رسمتها باحساس ريشه وفنان=وتربعت بين القصايد فريده |
|
|
31-07-2011, 01:30 AM | #19 |
|
صوت وصدى
قصيده موجه من الشاعر عبدالله رجاء العنزي
تركي يامحزم ضيقتي ويش الأخبار=يالصاحب اللي خوته ترفع الراس اشكي عليك احوال هالناس واحتار=كيف الصداقه مالها بيت مع ساس اثر الصداقه عند الأنذال تنهار=في ذالزمن مصيرها بنك الافلاس لي صاحبن اخلف مواثيق الأحرار=يومه تركني تايه الراي محتاس وانا الذي له بالوفا درع واسرار=وياما على شانه تحملت لاباس امشي معه في سيرت الطيب والكار=واثري الخوي في سلته رمح جساس يالعنبو قهر الفتى مابه انذار=لجاك من شخصن تعزه من الناس خيبت وفا ياصاحبي نارها نار=خيبه ولفتني على غير مقياس والمشكله من دون توضيح واجهار=اقفى وخلاني على ضيق الأنفاس أكبر خطى في دنيتي كله اضرار=اني حسبته يشبه النور والماس وانا اعترف لوصار ياذيب ماصار=ان الردي ماله مع الطيب مجلاس اكنه الأهات بالجوف تذكار=صدمه قويه هزت اركان الاحساس ياجمرت الواقع على سهم الاقدار=رجلي وطت يادنيتي شهب الأجباس تركي يامحزم ضيقتي ويش الأخبار=يالصاحب اللي خوته ترفع الراس ................................................. وكان ردي على الشاعر عبدالله رجاء العنزي بهذه الابيات المتواضعه
حييت ياراع الوفا شبل الاخيار=ياشامخ المبدا وياطيب الساس عندك . وجاك القاف شافي وبيطار=يروي ضما الضامي ويبري من الباس لاتشتكي ياصاحبي غدر الاشرار=اللي عوايدهم على شد الاقواس لو شفت لاتبحل ترى الوقت دوار=عمر الزمن مايستره فعل الانجاس وإلا الردى ماشيد قصور وأسوار=ولحدن لقابه يابيض الوجه نوماس وليا حصلك من عنا الوقت مشوار=أعرف ترى بين البشر نوع واجناس ناس على فعل الردى تتقن أدوار=ودرب الوفا مغديه والفعل منداس وناس لها بين المواجيب تذكار=مثل العلم رفرف على كل نبراس والمعضله فيها ترى دوم تعبار=تعرف صديقك حزة الضيق والباس وليا عرفت اللي على فعله غبار=خله يولي لاتندم وتنحاس وافرح بعرف اللي يصافيك الاشوار=والمرجله دايم لها الدوم عساس مثل النداوي مكرم الضيف والجار=ينصاه من جاله هواجيس وعماس وختامها بيتن من الشعر مختار=للي غلاه معدين كل مقياس حييت يا راع الوفا نسل الاحرار=ياشامخ المبنى ويا طيب الساس . . . |
|
02-08-2011, 04:25 PM | #20 |
|
الشرهه
تشره ياوسيع الفكر والشرهه تجيب الراي=تشره لاتخلي هرجتك بالصدر مكتومه أنا رجل على وضح النقا أمشي واعد خطاي=ودرب العوج مارومه وراع العوج مارومه وعن درب الخطا مجنب وهذا دايمن مبداي=ولاحب الخطا لو هي صغيره حيل مذمومه وكثر الهرج ماحبه وصمتي يعتلي شكواي=وناسن تعشق القاله عساها دوم معدومه وكلمه قلتها والله لحامي دونها بقصاي=ولا تلحقني الشرهه ونفسي دوم ملزومه حقوق الناس نوفيها وحقي تاخذه يمناي=ونفسن تقبل الحجه مع العربان محشومه وأحشم اللي كسب طيبه غلاه ومسكنه بقصاي=ومن لا يستره فعله مافاده سترة هدومه أراعي خوفي من الله ولو ضاقت علي دنياي=وداري سمعتي بين العرب والنفس مليومه ولا ترك للبشر عذرن تعذربه على بلواي=لون الادمي لامن تحرص كثرة خصومه وهذا عذري لنفسي وهذا دايمن مبداي=ولا تشره على رجلن يخاف الله بسلومه . . . . |
|
الذين يشاهدون محتوى الموضوع الآن : 15 ( الأعضاء 0 والزوار 15) | |
أدوات الموضوع | |
انواع عرض الموضوع | |
|
|