صفحات المضايف على تويتر
عدد مرات النقر : 185,075
عدد  مرات الظهور : 159,122,503
عدد مرات النقر : 180,612
عدد  مرات الظهور : 103,068,258مركز المضايف لتحميل الصور والملفات
عدد مرات النقر : 152,551
عدد  مرات الظهور : 87,204,417مضيف الخيمة الرمضانية
عدد مرات النقر : 151,109
عدد  مرات الظهور : 86,861,844صفحات المضايف على الفيس بوك
عدد مرات النقر : 186,479
عدد  مرات الظهور : 159,122,511
ملتقى الويلان الثقافي والإجتماعي
عدد مرات النقر : 155,638
عدد  مرات الظهور : 140,491,086
عدد مرات النقر : 151,488
عدد  مرات الظهور : 86,861,815فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 187,729
عدد  مرات الظهور : 153,320,6975موقع المضايف على أنستغرام
عدد مرات النقر : 181,168
عدد  مرات الظهور : 145,099,601ليل التعاليل
عدد مرات النقر : 178,302
عدد  مرات الظهور : 101,593,445
التميز خلال 24 ساعة
العضو المميز الموضوع المميز المشرف المميز المشرفة المميزه
قريبا 27 مارس يوم # مبادرة السعودية الخضراء
بقلم : جمر الغضا
قريبا قريبا

الإهداءات

« آخـــر الـــمـــشـــاركــــات »
         :: الزكاة ( فريضة وأحكام ) (آخر رد :خيّال نجد)       :: أكفلهم … ونحن نرعاهم (آخر رد :جمر الغضا)       :: اللي يسمع خالد يرفع 🇸🇦 واللي ما يسمع خالد يرفع 🇸🇦 (آخر رد :جمر الغضا)       :: وزارة التعليم رسمياً : (آخر رد :جمر الغضا)       :: 27 مارس يوم # مبادرة السعودية الخضراء (آخر رد :جمر الغضا)       :: ومن سيصدقني يا خديجة ؟ (آخر رد :كساب الطيب)       :: وزارة الدفاع قريباً : (آخر رد :كساب الطيب)       :: وزارة التعليم (آخر رد :كساب الطيب)       :: أمطار ورمضان 1445 هـ (آخر رد :كساب الطيب)       :: الشؤون الإسلامية قريباً : (آخر رد :كساب الطيب)       :: طبتم أينما كنتم (آخر رد :كساب الطيب)       :: شكراً ل | " (آخر رد :جمر الغضا)       :: أخصائي تغذية يحذر من تناول الجبن السائل ويكشف الأسباب (آخر رد :معزي العنزي)      


العودة   شبكة المضايف الأدبية والثقافية > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع ناعم العنزي مشاركات 67 المشاهدات 39787  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 06-03-2010, 08:03 PM
ناعم العنزي غير متواجد حالياً
لوني المفضل Cadetblue
 رقم العضوية : 353
 تاريخ التسجيل : Dec 2009
 فترة الأقامة : 5214 يوم
 أخر زيارة : 19-03-2022 (12:05 AM)
 المشاركات : 502 [ + ]
 التقييم : 10
بيانات اضافيه [ + ]
افتراضي ديوان الشاعر/ناعم العنزي









بسم الله الرحمن الرحيم

هذا ديواني الشخصي اتمنى ان تحوز قصائدي على
اعجابكم ومتابعتكم ويشرفني افتتاحه بينكم اخواني
بقيادة الاستاذ الشيخ الاطرق الهذال
الي والله اعزه رغم عدم معرفتي الشخصيه به وقبل التسجيل في هذا المنتدى
الراقي بوجود اعضائه هنا قصائد لم يسبق لي ان وضعتها في ه،ذا الصرح وهنا
قصائد لم يسبق لي وضعها فالشبكه العنكبوتيه وهنا قصائد لم تكتمل ولم ترى النور
وهنا قصائد اسعدني انتشار بعض ابياتها فالمنتديات وهنا ماتم نشره هنا

اليكم مع التحيه


اخوكم ناعم العنزي




رد مع اقتباس
قديم 06-03-2010, 08:17 PM   #2


الصورة الرمزية ناعم العنزي
ناعم العنزي غير متواجد حالياً

بيانات اضافيه [ + ]
 رقم العضوية : 353
 تاريخ التسجيل :  Dec 2009
 أخر زيارة : 19-03-2022 (12:05 AM)
 المشاركات : 502 [ + ]
 التقييم :  10
لوني المفضل : Cadetblue
افتراضي



ليت السحاب




ليت السحاب الي لفا حزة عصير=يغسل هموم الوقت لامر فوقي
شفني شقي قطع حياته مشاوير=وشفني ترى وسم الزمان فخفوقي
اثر الليالي والحزن عندنا غير=لاصرت في غرب وشمال وشروقي
حاولت اعدي من محابيلها مير=صكت علي ابواب هم(ن)سروقي
سرقني الضحكه على غير تبرير=وانا على الضحكه تراني شفوقي
راحت سنينن مابها غير تحقير=بالخوه الي فالزمان الطفوقي
شفني كذا معهم وانا وارد البير=وشفني كذا حضي مضيع حقوقي
لني كذا ياصاحبي من وانا صغير=حضي ردي والهم دم فعروقي
مغير اخايل فالسماء حاسد الطير=واقول روقي يامقادير روقي
تعبت في دنيا تحب المعاسير=وتعبت في دنيا علينا تبوقي
وتعبت من خوه بها من مخاسير=مالا تطيق جبال منه وتشوقي
لاكن قليبي قسمته السواطير=مابين هم ودمع فيهم نفوقي
ولا البقيه ياعذاب المقادير=للهم كلن فيه حب السبوقي
يليت هم الوقت يجلى معاذير=كان انجلى هم(ن)عليه يلوقي
ويالله عسا لامن لفينا طوابير=قدام بابك والملك لي يسوقي
تغفر ذنوبي من علو لمحادير=لو كان ذنبي واقفن فالحلوقي

وسلامتكم


 


رد مع اقتباس
قديم 06-03-2010, 08:21 PM   #3


الصورة الرمزية ناعم العنزي
ناعم العنزي غير متواجد حالياً

بيانات اضافيه [ + ]
 رقم العضوية : 353
 تاريخ التسجيل :  Dec 2009
 أخر زيارة : 19-03-2022 (12:05 AM)
 المشاركات : 502 [ + ]
 التقييم :  10
لوني المفضل : Cadetblue
افتراضي



للحزن


للحزن في وسط المعاليق شبيت=نارن حطبها من سنين الغبينه
يعني اذا سالت دموعي وصديت=يعني انا والهم نفس العجينه
مرحوم ياخالي ترى من توفيت=والهم موج وخافقي به سفينه
حاربت انا دلال المجالس وصكيت=بابي كذا عامين والنفس شينه
واليوم ماعندي سوى هالتناهيت=من كثرهن فالصدر سون مدينه
تغيب شمس اليوم تشرق على البيت=والبيت بعدك خامد(ن)في سكينه
مابه سوى الذكرى وأمره ولا جيت=لنه فصدري والزوايا حزينه
مرحوم في قبرك بعد ماتخليت=عنا جبر ماهو رضا لاحقينه
ياليت قبر(ن) ضمك بداخله ليت=ينباج لحظه والثواني ثمينه
ذبحني التفكير ياناس وازريت=ادله او انسا صورت(ن)بي سجينه
مرت ليالي والخواطر توابيت=والصدر قبر(ن)بلحزن دافنينه
والجسم سور المقبره كم به اخفيت=حزني ورى البسمات والضحك وينه
والقلب كنه فالحشا عود كبريت=لاهبت الذكرى شعل من كنينه
ياهاجس الذكرى ترى بك حواديت=ياما على صحراء الهواجس رهينه
عرفت ساعتها وش الحي والميت=والفرق ذكرى والقدر قابلينه

وسلامتكم


 


رد مع اقتباس
قديم 06-03-2010, 08:25 PM   #4


الصورة الرمزية ناعم العنزي
ناعم العنزي غير متواجد حالياً

بيانات اضافيه [ + ]
 رقم العضوية : 353
 تاريخ التسجيل :  Dec 2009
 أخر زيارة : 19-03-2022 (12:05 AM)
 المشاركات : 502 [ + ]
 التقييم :  10
لوني المفضل : Cadetblue
افتراضي



انكسرت



قصيده غير واقعيه لاكن تحصل وهي من وحي الخيال




ياصحيبي لو نشدتك عن غزير الدمع قلي=كان تدري ياصحيبي إن موتي يحتريني
كان عندك حل للي ضلها صاير لضلي=زي روحن في جسد ياهل ترا وش في يديني
سافرت ياصاحبي في درب كلن له مولي=من رجال ومن صغار ومن حريم وياونيني
مابقالي غير ذكرى ضحكها والقلب ملي=ومابقالي غير ذكرى صوتها مر السنيني
مع بقايا عطرها الي ثاني الأضحى وصلي=أهدته قبل الوفاه بسبعة أيام وثنيني
كل ما جيت القبور ودمعتي فورا تهلي=لين أوقف والتراب يحد مابينه وبيني
ثمن أجلس وأنحني وأبكي على قبره وأعلي=كن صوتي لازعجته هالمقابر تحتويني
ياحنيني وياحنيني ياحنيني لصوت خلي=ياونيني ياونيني ثوب حزني يكتسيني
بنشدك يالدوده الي وسط قبره ماتملي=مالمحتي دمعتي والبكوه الي تعتريني
بنشدك بالله روحي يم وجهه ثم طلي=شوفي الي ماتغير من ملامح وأسعديني
أذكر إنا يوم دفنه والتراب يهل هلي=مر طيفن بالقبور وشفتها قدام عيني
إنكسرت ودمعتي طاحت وأنا واقف محلي=والبشر تدفن وأنا عضمي بدا كنه طحيني
ماشعرت بنفسي إلا فوق ضلعن مستقلي=أتوجد والمواجع تختفي ثمن تجيني
آه ياوجدي على فقد المحبه والتغلي =آه ياقلبن على الحزن المؤبد به سجيني
بفقده في كل صبحن لو صباح العيد حلي =إنكسرت وماتوقع فيه ليه جابريني

وسلامتكم


 


رد مع اقتباس
قديم 06-03-2010, 08:38 PM   #5


الصورة الرمزية ناعم العنزي
ناعم العنزي غير متواجد حالياً

بيانات اضافيه [ + ]
 رقم العضوية : 353
 تاريخ التسجيل :  Dec 2009
 أخر زيارة : 19-03-2022 (12:05 AM)
 المشاركات : 502 [ + ]
 التقييم :  10
لوني المفضل : Cadetblue
افتراضي



لم تكتمل ولن تكتمل


عزاه

عزاه ياصوتن تردد في صدا الخافق حزين=لاجر مواله على عوج الضلوع وشلها
مدري علامي جالسن مع دفتري حزن وحنين=والهم فيني اساله ماني بلاقي حلها
مسكين لني مابشيل من الحياه الا ثنين=نصايبن توضع على قبري ومي يبلها
والمشكله في ذ الحياه الي نسا عشرت سنين=يعني تذكر مامضى لا بل نساها كلها
ياخاطري شلت المحبه والاوادم خابرين=مافيه قطعه من غلا في خافقي ما حتلها
ماكبر الزله علي الا وقلت الله يعين=ياعلها خيره اذا بصبر كذا ياعلها
وان صد عني بالشهر كن الدقيقه ساعتين=واقول منله ياصبر وان ماصبرنا من لها
كم لي وانا جالس على دربك واصفق بليدين=غسلت كفي من دموع العين يوم اهلها
كني يتيمن لاجلس يبكي فقدله والدين=حسبي عليه من العروق اليابسه مابلها


وسلامتكم


 


رد مع اقتباس
قديم 06-03-2010, 08:50 PM   #6


الصورة الرمزية ناعم العنزي
ناعم العنزي غير متواجد حالياً

بيانات اضافيه [ + ]
 رقم العضوية : 353
 تاريخ التسجيل :  Dec 2009
 أخر زيارة : 19-03-2022 (12:05 AM)
 المشاركات : 502 [ + ]
 التقييم :  10
لوني المفضل : Cadetblue
افتراضي



عقب الغياب



عقب الغياب ان جيت ولا ماحضرت اصلك غريب=مثل الشراب الي ليامن جيت فالصحراء سراب
تطرد وراه من الضما يلفحك فالصحراء لهيب=ولا تفيق من الوهم حتى يجي موعد غياب
يبقا الوفا في ذالزمن ياصاحبي اصله عجيب=توفي ولاكن ماتحصل من وراه الا عذاب
تسهر ليالي هالوفا والليل به موحش رهيب=لاكن نهاية هالسهر مثل الذهاب بلا اياب
تعيش به ذكرى من ايام الصبا حتى المشيب=رغم انحنائات الزمن بين الخطايا والصواب
احيان احس ان الوفا حركبي الجرح العطيب=واحيان احس ان الوفا يدعي دموعي بنسكاب
واحيان احس ان الفضا ضيق رغم ماهو رحيب=واحيان احس ان الزمن كتلة حزن معه اكتئاب
والقلب رغم ان الزمن يصلاه لاكن فيه طيب=يبقى على مر الزمن صافي رغم جوه ضباب
مرحوم يالي ماعرف درب الخطا دايم مصيب=ياجعل عضمك في جنان الخلد ياسمح الجناب
بعض البشر قد غاب عنا بس ذكره مايغيب=يبقا على مر الزمن ذكره على روس الهضاب
الزير سالم ماشتهر الا عقب ذبحة كليب=لامشهره حب البني والكاس وانواع الشراب
واللي على مر الزمن خان الصداقه والصحيب=ماهو رجل بس العلامه فارقه لبس الثياب
يدعيني الليل اسهره والهاجس الي له نحيب=خلاني اسهر ليلتي بين الثريا والسحاب
قعدت افكر والمسا هوجاسه الدرب الموهيب=وجلسة ادوج فالمسا فديار واثريها خراب
يوم انفتح جرح(ن)على مر الزمن عيا يطيب=فتحت باب(ن)من هواجيس الزمن والاغتراب
جلسة افكر فالبكا لاكن طرالي فيه عيب=واشكي على ربي هموم(ن)فالزمن والراس شاب
سبحان رب(ن)وزع الارزاق في حظ ونصيب=ان كان حي(ن)يرزقه او يرزقه تحت التراب
بعض البشر يبطر على النعمه رغم مافيه شيب=وبعض البشر يحمد رغم حاله لها شاب الغراب
يالله عفوك ياولي العرش ياعالم بغيب=شي(ن)يكنه فالزمن لي القدر دونه حجاب
تعبت من جور الزمن والناس والوضع الرتيب=وتعبت من بعض البشر خلفي مثل نبح الكلاب
والله منسا كلمت(ن)قد قالها ليه غريب=بعض البشر حكيه عسل لاكن اذا قفى سم داب
ياجعلهم من هوة الوادي الى جرف وقليب=وياجعلهم حد الصقيل الي يقص قص فالرقاب
ناسن مراتعها رفيق الدرب فالوقت العصيب=من حقهم عندي انا تحقير مثل اردى دواب
واستغفر الله فالمسا والصبح واثناء المغيب=بغيت ازل بكلمت(ن)ياكبرها عند الحساب
ابا ادخل بموضوع ثاني بس مدري ويش اجيب=والليل قرب ينجلي يرمي عن الصبح النقاب
اسوق عمري فالقدم ياوقت رغم انك مريب=ولا معاي الا انا والليل واشعاري زهاب
اسوق عمري فالقدم ياوقت رغم انك كئيب=ويالله عفوك لنتهى عمري وحان الانسحاب

وسلامتكم


 


رد مع اقتباس
قديم 06-03-2010, 09:06 PM   #7


الصورة الرمزية غريبة الاوطان
غريبة الاوطان غير متواجد حالياً

بيانات اضافيه [ + ]
 رقم العضوية : 55
 تاريخ التسجيل :  Oct 2009
 أخر زيارة : 10-06-2020 (01:51 PM)
 المشاركات : 19,935 [ + ]
 التقييم :  10
 الدولهـ
Morocco
 الجنس ~
Female
 MMS ~
MMS ~
لوني المفضل : Black

اوسمتي

افتراضي



اخى ناعم اسمح لى ان ابدى اعجابي بقصائدك الرائعة والجميلة فكل واحدة تعبر

موفق باذن الله ومبروك افتتاح الديوان


 


رد مع اقتباس
قديم 06-03-2010, 09:14 PM   #8


الصورة الرمزية ناعم العنزي
ناعم العنزي غير متواجد حالياً

بيانات اضافيه [ + ]
 رقم العضوية : 353
 تاريخ التسجيل :  Dec 2009
 أخر زيارة : 19-03-2022 (12:05 AM)
 المشاركات : 502 [ + ]
 التقييم :  10
لوني المفضل : Cadetblue
افتراضي



اقتباس:
المشاركة الأصلية كتبت بواسطة اماني عمر مشاهدة المشاركة
اخى ناعم اسمح لى ان ابدى اعجابي بقصائدك الرائعة والجميلة فكل واحدة تعبر

موفق باذن الله ومبروك افتتاح الديوان
الله يبارك فيك اخت اماني

ومرورك واشادتك شرفتني واسعدتني

دمتي بالف خير


 


رد مع اقتباس
قديم 06-03-2010, 09:21 PM   #9


الصورة الرمزية ناعم العنزي
ناعم العنزي غير متواجد حالياً

بيانات اضافيه [ + ]
 رقم العضوية : 353
 تاريخ التسجيل :  Dec 2009
 أخر زيارة : 19-03-2022 (12:05 AM)
 المشاركات : 502 [ + ]
 التقييم :  10
لوني المفضل : Cadetblue
افتراضي



مجموعه من الابيات البسيط


خوة مصالح



مادامها خوة مصالح وانا اخوك=اقضب طريقك رافقتك السلامه
مايجتمع ورد الهدايا مع الشوك=ومايجتمع صقر الفضا مع حمامه
وماتستوي خوه حدا بنودها بوك=لاوالذي سوى حياه وقيامه
ماينبني قصر الصداقه بلا صكوك=ميثاقها عز وعهد مع شهامه
غرتك دنيا واكثر الناس غروك=واليوم قصرك مبتلش في ركامه
ماتنبنا والله على عطني ودوك=صداقتي لاياعديم الفهامه
من باعنا بفلوس بعناه بعلوك=ومن باعنا بعناه فوق ابتسامه

-------------------------

الضيق

الضيق طرقي والحنايا مراكيه=ضيفن ثقيل ويتعبك في تمركاه
واللهم ذوده والهواجس مفاليه=واخر طريقك ضيقاتن زواياه
نمشي من الدنيا مسافات من تيه=يالله تغفر للفقيّر خطاياه

----------------------------


تعبت



تعبت اقلب اوراقي واقول ان الزمان بخير=واقول اكيد هالليله ختام ومسك للمشوار
ولاكن للاسف يطلع صباح وليل بعد عصير=وكن الشمس لاغابت بدايه لاول المضمار


---------------------

هذه القصيده كتبتها كمداعبه مع احد الاصدقاء وبعض معانيها من خيالي

ليه الزمن


ليه الزمن عوق الكريم وصاحبه منظام=ياقف مع اردى هالبشر دايم ويداعبّه
وانا وقفت فسكته زادي على الاقلام=احايل احلى هالزمن وامشي واسولفبّه
بس البلا مدري كذا تعرضلي الايام=واذكر زمان(ن)مرني حزنه معشبّه
واذكر زمان(ن)مرني طيفه كما لحلام=طيفن كما مر السحب يوم الهوى هبّه
والا السنين الي مضت ياعالم الاقزام=ماشفتها كلن على ذنبه يحاسبّه
ياعيني الي مهتنت في شوفته هالعام=جعل السنين المقبله عيني تشرفبّه
والا السنين الماضيه كني مع الايتام=ابكي واطالع صورته كني معاقبّه
وامشي وادور دارها واثر الديار حطام=واسرح واكلم خاطري جرح الزمن خبّه
ياليتني ميت قبل ماكان همي قام=ولا فقدت من الفرح قطعه ولا اشبّه
يمكن بقالي والفرح شيله معاها حزام=لاكن بقالي والحزن دفتر واكتبّه
--------------------


 


رد مع اقتباس
قديم 06-03-2010, 09:49 PM   #10


الصورة الرمزية ناعم العنزي
ناعم العنزي غير متواجد حالياً

بيانات اضافيه [ + ]
 رقم العضوية : 353
 تاريخ التسجيل :  Dec 2009
 أخر زيارة : 19-03-2022 (12:05 AM)
 المشاركات : 502 [ + ]
 التقييم :  10
لوني المفضل : Cadetblue
افتراضي



لاضاق بي وقتي

لاضاق بي وقتي حزنت وتضايقت=واخذت مشوار(ن)مع الحزن بادي
واخذت لي سجه معاها تهيضت=اعوم ببحور الحزن في فؤادي
في وقتنا الي كابت(ن)هالفرح كبت=رجعت فالذكرى معايه جوادي
اصيل لاكنه يشيب ليا شبت=واشيب عيني لو عليه إعتمادي
رجعت واسرجت الجواد وتسلقت=رجم(ن)من الذكرى بعيد(ن)وهادي
ابعد من الي تنضره عين ماشفت=واهدا من الي لامشت في تهادي
لقيت فالقمه صحاري بلا نبت=مغير شجره كنها وسط وادي
عرفت مع مر الزمان ومع الوقت=إني عن الضحكه بعيد(ن)وغادي
وعرفت مع مر الزمان ومع الوقت=إني بموت وماتحقق مرادي
لو تشرق الفرحه على خاطري غبت=ولو هبت الفرحه فقدت البرادي
ياهيه ياصغر الأمل لو تعلقت=بحباله الي ماتدلت وكادي
لاصار تصلاك اليالي ولا طبت=وش حيلتك والقلب تحته هوادي
شمعة امل في ضلمت(ن)خلفها إنسقت=حتى وصلت ونار حلمي رمادي
ياليتني في دربها ماتوجهت=ماكان همي في مقدم حصادي
ماكان هذي حالتي مابعد تبت=من هم شرع في خفوقي مزادي
يعني بحاول وصلها ماتمكنت=من دونها ارض ومحيط وبوادي
طويت دمعه داخل العين وأغمضت=يمكن تنور موقها فالسوادي
لاصار صمتك تكتمه داخلك شبت=واشيب عيني ماهنيت الرقادي


وسلامتكم


 


رد مع اقتباس
إضافة رد


الذين يشاهدون محتوى الموضوع الآن : 14 ( الأعضاء 0 والزوار 14)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:40 PM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education