|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | فــرج الـبـلاز | مشاركات | 28 | المشاهدات | 38054 | | | | انشر الموضوع |
|
أدوات الموضوع | انواع عرض الموضوع |
28-02-2010, 01:32 AM | #11 | |
|
ياراكبا ً من فاخرات البنوزي =وصل سلامي للاهل والعجوزي
سلم على كل المناعير ربعي =عياش من بين البدايد بروزي عياش ربعي وجد عيني عليهم =وجد الاسير اللي بسجن محجوزي لمعان واللعاق مع سربة غرير =بلاز وظبيان ربعي وعوزي متروك ومعقل الكرامات والطيب=مقدارهم وسط الضماير ينوزي محد ٍ يلام بحب ربعه وناسه=خصا ً ليا من صارو رجال ٍفوزي فازو وحازو كل علم ٍ يشرف=يوم ان بعض الناس ماهي تحوزي يوم انها بالسيف والرمح والخيل=من هو على العياش يقدر يهوزي مامن ورى العياش كبسبٍ وعيشه =قد قالها اللي بالملاقا يجوزي ترمس على الموت الحمر بالملاقا=حمر النواظر ذاقو الهم جوزي شراف شاهد له ويشهد له اسلام=وقايعن محد ٍ عليها يشوزي يومنها طالت ودارت رحاها =سيوف ربعي بالحناجر ركوزي عياش تقطع لك نما كل عايل=اللي توفى واللي عاد بعكوزي هذه تراها نبذتن من نباهم=عقدين لولو من جبال الكنوزي غازي وضاري بالقيادة وغانم=شاعر هل البل كل ذولا رموزي مع باقي العياش مهدين الارواح=من عرض دهماش العريبه عنوزي |
|
|
28-02-2010, 01:33 AM | #12 |
|
يامزنة تجمعت تالي الليل=هلت مطرها وسط صدري هماليل
أصبحت وافكاري نتايج مطرها= ربيع قلبي يوم اجر المواويل جبت القوافي هذه بجنب ذيه=مايلحق القيفان شكا ولا ميل شاعر على بدع الطواريق ضاري =اصبها من دلتي للفناجيل ماني من اللي لا حمسها حرقها=وأنا(اللميعي) راعيا للمعاميل ماقيل لي فنجالك اليوم صايد= الحمد لله والثناء له وتجليل اورد على العد الروي ما تنحا=ما ردني كثر اللحا والازاويل من لابة وقت اللقا صيرميه= من لابة الويلان ركابة الخيل منا الدريعي واخو نوضا وساجر= وبرجس غدير الموت ذيب الرجاجيل وجديع خيال المهار الاصيلة =وعقاب اخو نمشة زبون المداخيل سعران منا وابن زبدان والبيك=وابا الشيوخ اللي يحد المصاقيل وابا الخساير وابن جندل ومحدى=وبرجس سنام المجد خزامة الفيل راس القحم فرساننا وبن ريمان=وسلمان نقّال الهموم المعاضيل وجعدان وابا الريش مع بارد العيش=ورُكاب عشوى ناقلين المطافيل وغنيم وبن سمير ودهام وعبيد=ومشعان اخو جحلة كعام المقابيل وذياب منا واخو جفلة وابا الروس=وضيف الله بن مزيد ستر المضاليل وراع العشير من زحازيح شلخان=وابوعنزة مشفي كبود ٍ مغاليل والشيخ غازي بالملاقا بليه=مثله مثل لزام لا ناطح السيل ومريبد العدوان والشيخ ضاري=شيخ النعارة في نهار التهاويل وفهيد والنوري من اصلاب شعلان=نعمين في نعمين في لابة رويل ولا بن ملحم ذايع المجد والصيت= وعيال لابن مهيد ذبّاحة الحيل والمرتعد والعذر للي نسيته =من كثرة الفرسان ماعاد بي حيل المجد للويلان من وين مارحت=شرق وجنوب وغرب وان رحت تشميل وكل القبايل نعم فيهم بلاشك=لاشك فيها حقها من رجاجيل وكلن على ماقيل يظهره كفه=لو كان جدة من رجال ٍ حلاحيل يفعل فعول الطيب من كان طيب=ويقصر عن الجزالات رجال ٍ بخيل يابنت ياللي ترقبيني بعينك=يامشعله في داخل الصدر قنديل ان ما سترتك ماني اللي تبينه=تحرم عليه شربتي للفناجيل انا زبون الكايدة يابنيه =في ضفتي ماتعرفين البهاذيل هذه تراها شيختي ياجماعة =الشيخة اللي منتهاها على (ايل) |
|
28-02-2010, 01:34 AM | #13 |
|
الشعر بحر ومـا لهاالبحـر ساحـل=محدن يقول انه وصل غايته بس !!!
محدن يقول انه عن الشعـر راحـل=ابا اعتزل ماعاد لي خاطر و حـس مابـه إصابـه بالمفاصـل وكاحـل=يوم اتّعـذّر واتّسـتـر وتـنـدس مير انت صدرك يااحمض الطعم قاحل=واليا ورد شرواك يـارد علـى رس الذيب ماهـو يطـرد لصيـد ناحـل=لاشـك عينـه للسمينـات ويجـس لاتحسب انك مـن كبـار الفطاحـل=هاك القلم والمسطرة احسب وقـس اتقـول انـا عديتكـم وبمـراحـل=جبها على (آحل) وجبها على (أس) لايشغلك عن جوهر القصـد (آحـل)=حدّر عميلي اركب الخيل ثـم عـس ابـا انتظركـم ليـن تلقـا لهاحـل=وان مالقيت الحل با اوكلـك خـس |
|
28-02-2010, 01:36 AM | #14 |
|
صلاح الدين وينك به تعال وشاهد الامطار =سحايب تمطر بغزّة منابتها لحم ودمي !! جنايز ناس مشتبّه كفنها من لهيب النار =تشيّع لين هالحزّّه وحنا جمّنا يضمي ندوّر بالخلا حبّه لجل ننبت بها اشجار=واذا نلقاه بــ (نكزّه) بعد ما يفقدون المي شجر صهيون وعنبّه دنا مير اليدين قصار =كذا !! وعـــشريننا(23) رزّه ندوّر بارضنا سلمي بنوكل حبّه وحبّه ولا يبقى بنا ديّار=اذا ماننهض بفزّه بها نغضب مع الحلمي صلاح الدين والسبّه تجي من داخل الاسوار=ثرى هالارض مبتزّه ولا فيها احد يحمي صلاح الدين والجبّه غدت مابين دار ودار = فرايص قوم مهتزّه وقوم ٍ ماهي بترمي رجانا ربي وربّه اله ٍ قادر ٍ جبّار =يغيث الدين ويعزّه يحقق حلمه وحلمي لاتنسو الدعاء لاخواننا في غزّه |
|
28-02-2010, 01:38 AM | #15 |
|
ياتايهين الراي محدن يشادي =منكم لمنهو مثلي اليوم او نصف
مانيب ابالغ لو تقولون (عادي)=انا الاصيل بأصل وبفصل وبوصف ربعي( محددة الجمل ) بالقيادي =(دهامشة ) نقصف رجوم العدى قصف حنا (الدويلة) راينا به عنادي =كم شيخ قوم ٍ نرصفه بالوطا رصف وان كانها بالشعر والله هادي =انا (اللميع) اللي على رايتي عصف نقرض اصول الشعر من دور بادي =لاجيت بانضم شعر هالجو لي يصف لاشاش فكري جبتها وبمرادي = العب على آدي وايده مع الـــ(اصف) ماشي يعسرني ولافيه كادي =للي سواتي رايه اليوم به حصف |
|
28-02-2010, 01:39 AM | #16 |
|
قصيدة كتبتها اهداء الى
الشاعر /مانع حسن الشمري
شمـر طنايـا بالملاقـا عنيديـن=اهل الكرم والجود واهل الزعامـه
شمر سنام المجد كانو سلاطيـن=من بعدهم ويلان وصـل الامامـه حكام مـن حكـام اول وهالحيـن=ننعم بفضل الله بامـن وسلامـه في ضفة الله ثـم حكـام عدليـن=في ظل ابومتعب رفيعـن مقامـه اصله عريب وجامع ٍ مجد ثنتيـن=المجـد خلفـه والكرامـه امامـه شمر خوالـه والطنايـا عريبيـن=وعيال وايـل زود هـذا عمامـه عبدالله اللي لاغدى العلم علميـن=صلفا يجرد بالمواقـف حسامـه ياقو باسه عنـد دولْتـه والديـن=يشوش لاصارت عليهـن قوامـه وياعطف قلبه كل ما شاف مسكين=تذرف دموعه عقب هل ابتسامـه وافي على كل الصعدو المياديـن=في ساحة الاسلام للديـن هامـه وفي ساحة العٌرب وقضية فلسطين=احرص من الحزبين واهل الفخامة الله يديمه ذخـر للنـاس اميـن=ويحفظ ولي العهد سلطـان دامـه دامه ولي العهـد للعـز ماضيـن=ان غاب حراً جاك حـرأً مقامـه وختامها صلو صـلاة المصليـن=علـى نبـي ٍ قـدّس الله كلامـه |
|
28-02-2010, 01:40 AM | #17 |
|
تشعر قبيلة الدهامشة بالفخر والاعتزاز بمناسبة ترقية العميد ركن / تركي بن حمود العياشي الدهمشي الى رتبة لواء
سائلين الله عز وجل ان يوفقه لخدمة دينه ووطنه وهذه قصيدة متواضعه تعبر عن فرحتي بهذه المناسبة :
مبروووك للي فاز بالترقية فاز=فاز بدعاوي كل ربعه وناسه اللي صنع من نجمته كل الاعجاز =ماغرّه المنصب وحب الرياسه جنّد نجومه كلها لاجل عناااز=ارهى على ربعه ومن طيب ساسه مفتوح بيته يحتري كل معتاز=مايوم دوّر للعذر و التماسه دايم لعضلات المصاعيب نجّاز =ماهو بيطمع من وراها لحاسه جوله من القبلة ومن شرق وحجاز =واقصى شمال الدار مسقاط راسه ماخيّب اللي جوه ماعنّهم جاز =كلن عطاه اللي يرطب يباسه عز الله انه نال بالطيب ممتاز=الله وامانه مايعرف الخساسه انجاز ٍانجزته مهو باية انجاز =انجاز يبعث بالطرب والوناسه دهماش تزعج تهنئة فرد واجواز = كلن من الفرحة تطاير عماسه كلن بعث (&مبــروك&) في وسط برواز =مع كلمتينن حطها في قواسه نشعر بها نشعر بها (فخر واعزاز)=نشعر بها نشعر بها وبحماسه |
|
28-02-2010, 01:41 AM | #18 |
|
سقاك السيل ياعرعر دياري = سقا الوديان هي ويا الخباري
يعم الدار واللي قد سكنها =الين تصير ريضان ٍ خضاري ديار ٍ نبتها مجد وبطوله=تشوف السيف فيها والشباري طبيعي لانّ فيها فيها عيال وايل =وهب وجلاس وعبيد وعماري عيال العم يامكثر عددهم =رجل واحد ليا صارت طواري رصيدي ربعي الويلان ذخري=فعايلهم كما وضح النهاري من اول قالو العربان قالو =طريق ٍ وايلي به لا تباري نقص ارقاب وارقاب نعتقها=بحدّ السيف قصاف العماري وهذا اليوم بامر الله نحكم =بظل اللي لهم قدر وووقاري بظل اخوان نورة راية العز =هل العوجا لياعجت غباري ذرى الاسلام والتوحيد فيها=يومن الشرك رفرف بالجواري سلام الله على عرعر واهلها=سلام الله عدد رمل الصحاري سلام احلى من السكر وطعمه=يعم كبار عرعر والصغاري احس اني ليامن قيل عرعر=اعيش الحلم من طول انتظاري يفز القلب لامني ذكرتك=احس اني ابا هل العباري سقاك السيل ياعرعر دياري =سقا الوديان هيى ويالخباري يعم الدار واللي قد سكنها =الين تصير ريضان ٍ خضاري |
|
28-02-2010, 01:41 AM | #19 |
|
هذه قصيدة قالها الشاعر /سلامه بن محارب اللعاق في الشيخ /ذعار بن برغش ندا الضبيان كما لا يفوتنا ان نبارك للشيخ حصولة على درجة البكاليورس في الاداب والعلوم الانسانية قسم علم الاجتماع من جامعة الملك عبد العزيز بجدة
قال الذي بالقيل ماضي تجاريب=تنظيم عسرات القوافي يجيده
رتبت من اوفى التعابير ترتيب=ابيات كالياقوت ماهي زهيده مثايل ٍ تزهى صبي المواجيب=شيخ ٍ بفعله يفخرون البديده بذعار مبديها ولالي مطاليب =ما أطلبه حاضر ولا ابغى وعيده مدحي فخر واجلال ماهو اكاذيب=لو كان ما توفيه ميّة قصيده عذروبه انه دوم مايقرب العيب=وانه حفيد اللي يشرّف حفيده من ماكر الامجاد والعز والطيب=قديم جدانه يجمّل جديده تاريخهم مافيه شك ٍ ولا ريب= شيوخ ٍ فعايلهم جزال ومجيده ضاري شهير الصيت زبن المراعيب=قاد النشاما يوم نصر العقيده وذعار للعدوان سو وعواقيب=كم ابلج ٍ لاقاه ماعاد عيده عقّب ندى فكاك حرش العراقيب= ياما توطت سابقه من وليده وذعار يشبههم وقدّ المواجيب=شهم ٍ خصاله يوم تذكر حميده حر ٍ يدمي شاطرات المخاليب=ماهو طوير الملبده والزهيده مااقول في غيره عيوب وعذاريب =الطيب لاهل الطيب سلم وعقيده ابراي لله ما تعرض هل الطيب=اخشى من اللي يرتجونه عبيده ماني هبادي ٍ كثير الطباطيب=مثل الذي يسير في غير سيده ماعنده إلا الغطرسة والمعاييب=يلهد كلامه قبل تسمع قصيده لو عيّبوه الناس ماهمه العيب=مايمدح الرجال إلا لرصيده |
|
28-02-2010, 01:43 AM | #20 |
|
هيه يالنفس هيدي/ متعبتني كثير=طعتك الفين مرّة/مالقيت انتفااااع
طعتك الفين مرة/ والفلك يستدير=استعدي وأمرك/ عقبها مايطاااع ايه يالنفس قدني/ في دروبك اسير= ساهج بكل يمّه/ مرخي ٍ لك شرااااع كم دخلت بخناااادق/من كبير وصغير =مير بان المخفّى/ والحياة ارتدااااع عاصي ٍ للاوااامر/ كانها منك غير =غير اشرّق وأمرك/ غرب ’’’حاان الودااااع ماخسرتك ولكنــّ/ـــي كسبت الوفير=زال من وجه سود الـ/ــماضيااات القنااااع كاسب ٍ اجر ربي/ هو غفورٍ قدير=يغفر الذنب كله/ اثم- جرم - ابتداااااع اتقدم بتوبه/ وآنا عبد ٍ فقير=رحمتك يا الهي/ استجب لامر دااااع يالله اني نصيتك/ يالسميع البصير =احفظن يالهي/ من دروب الضياااع خايف ابليس ياتي/ هاللعين وييغير=يالله انك تردّه/ عن صحوني مجااااع يالله انك تزيحه/ كل مارمت خير =باسمك الله ربي/ كل خاااايف شجااااع |
|
الذين يشاهدون محتوى الموضوع الآن : 15 ( الأعضاء 0 والزوار 15) | |
أدوات الموضوع | |
انواع عرض الموضوع | |
|
|