|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف الشعر المنقول ملكيّة خاصة لذائقتكم من الشعر المنقول |
كاتب الموضوع | الاطرق بن بدر الهذال | مشاركات | 16 | المشاهدات | 2651 | | | | انشر الموضوع |
|
أدوات الموضوع | انواع عرض الموضوع |
#1
|
|||||||||||
|
|||||||||||
مساجله بين محيميد رشيد الرشدان وخلف عبدالله الغريب
بسم الله الرحمن الرحيم
هذه الأبيات قالها محيميد بن رشيد الرشدان يسند بها على اخيه خلف بن عبدالله الغريب.. سبحان من زين سما الليل بنجوم. الخالق العلام في كل نامي فكرت بالايام وابديت مكتوم. وسميت بالرحمن وادرى كلامي هوليه يوم اقعد بالافكار واقوم. مثل الرضيع اللي طواه الفطامي يمضي زمان الآدمي كنه حلوم. وشو حصيله من كثير الحلامي فزيت تالي الليل من غرقت النوم. شفت الامور الهايله في منامي وين الرجال اللي لهم مجد وسلوم. تاريخهم بأمجادهم كل عامي يوم النقى في ضرب الارماح وسهوم. وسلاحهم ضربه يقص العظامي بعين العدو ذرنوح والملح وهزوم. وصبر وعزيمه ماتهاب الزحامي تقلب الدنيا على الناس بهجوم. واخبارها بأحوال حامي وسامي شفت المنازل والعلامات ورسوم. ولافيه حي طول الايام دامي منهج سلفنا منهج العز مرسوم. درب المعالي في بعيد المرامي مزبان من جاهم من الوقت مضيوم. اموالهم بكفوفهم للعدامي صف صفت قلوبهم مابها ثلوم. متعاونين باللوازم همامي اسند على قرم به العرف معلوم. ذاك الفتى العزيز وبن الكرامي خلف عزيز الجار والجار محشوم. زايد وقاره ياملأ باحترامي ابن عبدالله من هل الجود وعزوم. من منهل يروي كثير الظوامي سوق الكرامه مايتغالابه السوم. وان ساعفت يقودها بالزمامي المنهج اللي بين الاجواد مقسوم. مثل الربيع وكل شي تمامي ياللي طلعت المرتفع راس مزموم. فرع المراجل في جبال زوامي في منهج الافكار ماقلت مزحوم. طلعك بعيد ماقعه بالسنامي ارسلت يمك يافتى الجود مختوم. وبينت بالمعنى هواي وغرامي مضى عليه العام اذا كان مفهوم. والعذر يقبل يارفيع المقامي عن الخطأ ماني بالاقوال مزعوم. ومن حلمكم نرجو السموحه شمامي انا نهيت النفس عن كل مشؤوم. ونفس زكيه ماتروم الهيامي جنب قليل الدين والفعل مذموم. واحذرك كنه مايهاب الحرامي عن المراجل منزوي ينقل الزوم. ولاهو على عز الرفاقه يحامي بعض الاوادم وقت الاشراق منجوم. قلبه سليم وداخل به وهامي اشوف ناس تستمع لأم كلثوم. درب الضلاله والهوى والاثامي والصدق مايوجد مع الناس معدوم. الا الأمين اللي يحب الصيامي وصلوا على اللي بالرسالات معصوم. صفوة بني آدم عليه السلامي . ..........( 1 / 8 / 1430 )................ رد الأخ خلف عبدالله الغريب ابو خالد على محيميد رشيد الرشدان ابو رشيد ..... خط لفا طير عن عيوني النوم خلى لجند القلب شبه احتدامي يامرحبا ماشعشعت بالسما نجوم واكثر من اعداد الجراد التهامي عز الله انه بين الاضلاع محشوم محشوم من حشمة ربوع حشامي اسقى عروق القلب من مزن مركوم هلت وبلت كبد من كان ظامي شغموم من شغموم والجد شغموم محيميد بن رشدان نسل الكرامي نسل الشيوخ اللي لها المجد ملزوم اللي عوايدها تفك الجهامي وقت القسا ياما افنوا الضان والكوم والجار يسكن في رفيع المقامي ان حل ذكره قيل والسبعة نعوم اخوان مهرة من كبار الاسامي المعذرة عما سبق ترفع اللوم والا الخطا مااظن دونه محامي يامسندي وانا على الرد ملزوم اسمع وخذ مني حمايض علامي تنشد عن علوم غدت كنها حلوم تفرقت بعد افتراق الظلامي راحت علوم وجاتنا بعدها علوم سنة من اللي منفرد بالدوامي يوم اتفطن بالسواليف واعوم بحر من علوم الرجاجيل زامي اقول وين الناس عن حالنا اليوم راحة ولكن تمتزج بالكتامي نعيش بين الاكل والشرب والنوم ننام وناكل ثم نرجع ننامي لذات مادارت على غيرنا قوم فتنة من الله لاختبار الانامي لاشك اشوف الناس والكل مهموم كلن على ليلاه شف ومرامي نطرد ورا الدنيا كما الطير ابا الحوم وننهب ثمرها مثل نهب الحرامي نفوسنا بهذل بها الكبر والزوم والرجل يمشي بالخطا مايلامي وعظم العرب من مفصل المتن مكصوم وبالسوق شفنا الطايحة والهلامي تقدم اللي كان في تالي القوم وتوخر اللي موقعه بالسنامي والحر وقع والفضا صار للبوم والله يستر لا يهد الحمامي هذا زمان رويبضة مابها علوم صدق نبي الله خير الانامي وبعد البشر عن دينهم سبب ثلوم وش عاد لو نمشي بحسب النظامي مافيه مخلوق عن الذنب معصوم لا شك شفنا موبقات الاثامي والخاسر اللي بالحشر غير مرحوم اللي بسالف دنيته مااستقامي عزي لمن عيشه حميم وزقوم ماينفعه جده ولاله محامي ودنياك يابو رشيد غرات ووهوم مثل السراب بصحصحان المظامي الشكل ورد وريحها ريحة الثوم ولا يامن الدنيا سوى قلب عامي سجن على المومن موثق ومحكوم وهي جنة الكافر قليل الرحامي وختامها ود معطر بيشموم وتحيتي مع وافر الاحترامي
|
09-06-2020, 01:36 AM | #2 | |
|
صحت ألسنة الشاعران
مبدعين قصايد جزله من رؤس جزله والنعم بهم جميعا وأدام الله دولةٌ ننعم تحت ضلها سخرت لنا الصعاب من العقبات ووفرت لنا لقمة العيش واستقرار الأمن الذي يغبطناعليه شعوب العالم " تسلم ابو سلطان على هذا الطرح وعودا حميدا والحمدالله على السلامه تقديري واحترامي لك |
|
|
27-06-2020, 04:55 PM | #10 | |
|
سلمت اناملك على الطرح الجميل كل الشكر والتقدير |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|