|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | مساعدمزعل اليمني | مشاركات | 245 | المشاهدات | 89167 | | | | انشر الموضوع |
|
أدوات الموضوع | انواع عرض الموضوع |
12-06-2018, 11:22 PM | #191 | |
|
ان جيت لك والا بعد رحت ماجيت
خلك شمالي كل صدرك رحابه ماجيت عاني يم دارك وصديت ودخلت في دارك وصكيت بابه وقفت اخيل البرق بالعين وقفيت يسرني برقه بعرض السحابه ادري لو اني جيت ياراعي البيت الفي على عزه وقدر ومهابه وش عاد لو بينت بعضه وخفيت ساق القلم هجوسنا للكتابه اخترت من بعض المعاني وخليت وحرفا مميز سهم الافكار صابه ماتدري ان الحي يبكي على الميت ويشفق على دارا حواه ومشابه ياخوي انا تالي زماني تنحيت ومثلي اليا يروح يطول غيابه انا سبقتك بالاشاره ورديت وترى الحروف اخوان لو ماتشابه مشيت في طول البسيطه ولفيت حافي قدم عطشان يطرد سرابه مريت ماوقفت لحظه وعديت اشوف بعيوني سحاب وضبابه ماتمت الهقوه على ماتمنيت ظرفا حداني ماحسبنا حسابه في حرف شعري ماكتبت وتعاليت عبدا فقيرا مايوفر زهابه احسنت ظني بالولي يوم ظنت الواحد اللي ماقطعنا الرجابه مساعدالمزعل |
|
|
18-06-2018, 04:33 AM | #192 |
|
ياصاحبي كان ماجاك الكلام الاكيد
والا كلام اكثر العربان طش اكثره كلمت سمعنا تكرر شي مابه جديد والا فضل انك كثير السمع ماتذكره لو كل ماتسمع الهرجه تزيد وتعيد اتعبت حالك مابين القيد والمحبره كثر التغاريد ماغير بلون الجريد لو وقع الطير والا طار ماعبره خلك عن اهل النوايا السود تبعد بعيد ردية الساس عيب الناس ماتستره مساعد المزعل |
|
30-07-2018, 04:19 AM | #193 |
|
عزلت ...من عيطاء وسمحه وجاره
وطلقت... من كفي.. وشفي. معفي وخذت .. مع دور... الزمان استداره دون ...التخفي .. طيب الله شفي يوم... اختلط.. نور المغيب بحماره اشرت ...في كفي .. وعيني الكفي ماني ... بصقارن . وعرف الصقاره والعلم ... واضح . مايبي له تخفي تاخذ يمين... الدرب .. والا يساره* جاك ...السحاب.. اللي بروقه ترفي اللي حمس... بنه ... على جال ناره من ريحة.. الحمسه.. يقوم المغفي والهرج ..سهل.. ولا يبي له شطاره مير البلى ...من ..صملتن. ماتوفي ياكيف ...نفصل ..بين... ليل ونهاره حتى .. على.. بعض.. اللاوزم نوفي وانشهد... ان بعض.. الكتابه خساره حتى ..القلم .. مل.. الكتابه وجفي وقلبي.. سكن به ..حب ناسه وداره ماشق في صفه .. ولا شق صفي واناابدوي ماني من اهل الحضاره سقف السماء الحافي ونوري مطفي واخر كلامي.. في ..صريح العباره يالله ...عسى ..ضلن... لنا مايكفي مساعد المزعل |
|
30-07-2018, 09:08 PM | #194 |
|
الشمس غابت في نحر باشة الغيد
ودع شفقها في نحرها وغابت لين النجوم اللي على صافي الجيد غاصت على زين المفاتن وذابت بيض الثنايا للعطاشا مواريد وكن الكرز في مبسم الزين نابت ويوم اقبلت لي دانيات العناقيد والردف هز ونظرة العين صابت لعيونك النجلا تزيد التغاريد زينك مامثله زين كامل وثابت طاغي جمالك ماعلى الوصف تحديد والبيض ماحملت بوصفك وجابت ليش اتعب الافكار وعيد وازيد بستان فاخر للفواكه منابت وماتدري ان مقابلك عندنا عيد ولاغبت يكبتني من الهم كابت ودعتك الله عن عيون المقاريد الحاسدين اللي على الحسد شابت مساعدالمزعل |
|
11-08-2018, 09:15 PM | #195 |
|
يقولون العرب لو يزعل الغالي على الغالين
وقول ان الغلا له حق في هاذي وفي ذيه ولو بعض الزعل ياصاحبي مجحف ولاهو زين مثل رجوى العشم بعيون عبريه وطرقيه ولا يحظ من يسلا على كيفه مع السالين مزاج السالي المرتاح بالاجواء الخياليه ولايقبل مع المقبل ولايقفي مع المقفين ولا رد الخبر لرعية(ن) ماهي اب مرعيه لوالمجنون ينعالج مشا صاحي مع الصاحين لو ان اهل العقول تعدهم واحد من الميه لو ان البارق اللي لاح براقه يشد العين ماشفت ان العطاشا يم صوب مالها نيه على بعض الكلام اللي طواه من السنين اسنين ولاني حاظرا دعواه والدعوى ضبابيه تراك بعامك الثامن عشر متعدي الالفين وانا وانته ضيوف ولاتحسب انا محليه لو ان مسيلمه صادق وجدنا له كتاب ودين ماكان اكتابه منزل مع الكتب السماويه وانا ماقول لاتجلس ولاتمشي مع الماشين ولاكن سكة اهل الخير محموده وممشيه مساعدالمزعل |
|
24-08-2018, 10:28 PM | #196 |
|
هبت هبوب الشمال وثم هبت جنوب
تصافق الريح بين وبين وين الذرى تقلبات المزاج لمسرجات الدروب هتان غيمه يصب ولايبل الثرى مافيه حاجه على الدنيا وشي محسوب حتى القمر لاطلع شد الرحيل وسرى خضر البساتين تهدي وردها للهبوب من بعد ماجف ماها من بعد ماجرى ياطلت الصبح ياشمس الظهر يالغروب وياعتمة الليل لاعتم وثم اسفرى لو تسألين الحنايا عن حياة القلوب كم انجرح قلب فيها كم جرحا برى لو الروابع تسوق القلب مع كل صوب من اللذي غاب لايذكر من اللي طرى وين المطر فيك ياوجه السحاب الكذوب اسرجت خيل الاماني والهقاوي ورى فوق التجاعيد في وجه الليالي شحوب تضارب السوم بين البيع والمشترى مساعدالمزعل |
|
31-08-2018, 01:16 AM | #197 |
|
القمر بالوجه والبحر بعيونه
والعسل والتوت من ريقه الحالي ياحلا توته ويازين ليمونه لاطرى لي مبسمه جاني اهبالي شفت زينه والعرب مايشوفونه من جماله طير البيض من بالي وش حلاة العطر لافاح بردونه ريح عطره بالبلد ماله امثالي لامشى خطوه قصيره وموزونه كنها اللي نازله من درج عالي ياحلو دله ومشيه على هونه لامشى كنه على المشي يحتالي كل ماناظرت طرقى ومزيونه ينقصن عنها على كل الاحوالي ومن جمال اعطاه ربه تحسدون جعلكم يالحاسده مالكم والي روحي ألروحه هديه ومرهونه جعل روحي كلها فدوة الغالي مساعد المزعل |
|
01-09-2018, 12:33 AM | #198 |
|
جابتك ريح الشمال بعاد
مع بارقن ساق عصريه ماني عن اللي رحل نشاد يكفيني اللي رجع ليه ماني محسب على الميعاد وجه العشم عادة(ن) بيه ولاني بشامت ولا نقاد ولاني مخاوي حسوديه ولاني لنار الفتن وقاد ولاتتبع حسنتي سيه يرتاح بالي مع الاجواد مع طيبهم طيبة النيه مساعدالمزعل |
|
25-09-2018, 12:16 PM | #199 |
|
اللي على الهامش تعيش المهابيل
ا،،،،،،،،،،، ،،،،،،،،،، ،،،،،،،،،،،،،،، اخترت لي موال بين المواويل عليه سيرت القلم للكتابه اشره على بعض الحكي والتماثيل مابينها وبين والحقيقه تشابه اللي تغير واقع الجيل للجيل كن الاوادم عايشه وسط غابه من عادة الدنياء بها العدل والميل وبالاخره كلا يواجه حسابه وين الغريب ان جاك واد الفتن سيل ومن يعترض واديه طاح وغدابه واللي على بعض الحكا تسرج الخيل مثل اللذي عشم ضماه بسرابه ياقومنا جوزوا عن القال والقيل هرج القفاء عار(ن)على من حكابه هرج الرجل محسوب بين الرجاجيل يرفع جنابه ماينزل جنابه وبعض السوالف للمغفل محابيل قطرة عسل ترمى لوجه الذبابه اللي على الهامش تعيش المهابيل عنهم تغسل مثل غسل الجنابه وروس الرجال اللي كرمها هماليل ربي رفعهم مثل غيم السحابه اللي مجالسهم مثل ريحة الهيل يرخص له العمسان غالي زهابه اهل الشيم واهل القيم والمعاميل لامرها الطرقي ينوخ ركابه مع طيبة الخطر وعذب التعاليل جازت له علوم الرجال وسلابه واللابه اللي ماتعرف الحلاحيل هذي زلابه ماتسمى بلابه ولو صارت الانذال مثل القناديل معروفها حيله وغدر ونهابه والعمر يفنى والليالي مقابيل حكم الله الواحد وسنة كتابه ويالله عسانا يوم حصد المحاصيل نحصد مثل حصد النبي والصحابه مساعدالمزعل |
|
01-10-2018, 09:23 PM | #200 |
|
كل ماهبة مهبه ومعها ريح طيب
دلة الماجوب تقلط قبل فنجالها ياسحاب الوسم لو كان من شأن الحبيب تنثر الامطار فوق السهل وجبالها البروق اللي تكاشف تصيب ولاتخيب تطرب اللي شافها لو بعد ماجالها والليالي تختلف مابها شكه وريب وياعسى الايام فال السعد من فالها والنجوم اللي تهاوة على وجه المغيب دورة الافلاك تمشي بحسب احوالها حالة الدنيا كذا طبعها ماهو غريب خلقة الدنيا وتفنى على موالها لاتحرى وش تجازي وترجي وش تجيب النفوس مسجله بجلها وعمالها والهقاوي حزة الطيب لو تخطي تصيب ماتنبأ حزة الطيب عن رجالها ساعة الضيقه تبين فعايل كل ذيب والذيابه تمدح الناس طيب افعالها والنوايا الطيبه طاهر من كل عيب لو تغير وقتها ماتغير حالها والظروف تبين الشيب من قبل المشيب ياكثر من مات له حاجتن ماطالها والصحيب اللي نسميه بالشدة صحيب تنزل الاصحاب بالقدر في منزالها مساعد المزعل |
|
الذين يشاهدون محتوى الموضوع الآن : 18 ( الأعضاء 0 والزوار 18) | |
أدوات الموضوع | |
انواع عرض الموضوع | |
|
|