صفحات المضايف على تويتر
عدد مرات النقر : 185,059
عدد  مرات الظهور : 159,100,509
عدد مرات النقر : 180,596
عدد  مرات الظهور : 103,046,264مركز المضايف لتحميل الصور والملفات
عدد مرات النقر : 152,535
عدد  مرات الظهور : 87,182,423مضيف الخيمة الرمضانية
عدد مرات النقر : 151,092
عدد  مرات الظهور : 86,839,850صفحات المضايف على الفيس بوك
عدد مرات النقر : 186,463
عدد  مرات الظهور : 159,100,517
ملتقى الويلان الثقافي والإجتماعي
عدد مرات النقر : 155,622
عدد  مرات الظهور : 140,469,092
عدد مرات النقر : 151,472
عدد  مرات الظهور : 86,839,821فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 187,713
عدد  مرات الظهور : 153,298,7035موقع المضايف على أنستغرام
عدد مرات النقر : 181,152
عدد  مرات الظهور : 145,077,607ليل التعاليل
عدد مرات النقر : 178,286
عدد  مرات الظهور : 101,571,451
التميز خلال 24 ساعة
العضو المميز الموضوع المميز المشرف المميز المشرفة المميزه
قريبا 27 مارس يوم # مبادرة السعودية الخضراء
بقلم : جمر الغضا
قريبا قريبا

الإهداءات

« آخـــر الـــمـــشـــاركــــات »
         :: الزكاة ( فريضة وأحكام ) (آخر رد :خيّال نجد)       :: أكفلهم … ونحن نرعاهم (آخر رد :جمر الغضا)       :: اللي يسمع خالد يرفع 🇸🇦 واللي ما يسمع خالد يرفع 🇸🇦 (آخر رد :جمر الغضا)       :: وزارة التعليم رسمياً : (آخر رد :جمر الغضا)       :: 27 مارس يوم # مبادرة السعودية الخضراء (آخر رد :جمر الغضا)       :: ومن سيصدقني يا خديجة ؟ (آخر رد :كساب الطيب)       :: وزارة الدفاع قريباً : (آخر رد :كساب الطيب)       :: وزارة التعليم (آخر رد :كساب الطيب)       :: أمطار ورمضان 1445 هـ (آخر رد :كساب الطيب)       :: الشؤون الإسلامية قريباً : (آخر رد :كساب الطيب)       :: طبتم أينما كنتم (آخر رد :كساب الطيب)       :: شكراً ل | " (آخر رد :جمر الغضا)       :: أخصائي تغذية يحذر من تناول الجبن السائل ويكشف الأسباب (آخر رد :معزي العنزي)      


العودة   شبكة المضايف الأدبية والثقافية > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع الاطرق بن بدر الهذال مشاركات 12 المشاهدات 27595  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 02-02-2010, 03:28 PM
الاطرق بن بدر الهذال غير متواجد حالياً
Saudi Arabia    
اوسمتي
وسام الألفية الثانية والثلاثون 
لوني المفضل Crimson
 رقم العضوية : 1
 تاريخ التسجيل : Oct 2009
 فترة الأقامة : 5269 يوم
 أخر زيارة : 25-03-2024 (04:01 AM)
 الإقامة : الرياض
 المشاركات : 34,622 [ + ]
 التقييم : 10
بيانات اضافيه [ + ]

اوسمتي

افتراضي ديوان الشاعر / عناد الروّاد





!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!




الاخوه أعضاء / زوار شبكة مضايف قبيلة عنزة



!!!!!!!!!!!!!!!!!!!!!!!!!!!!!!!!!!!
مسائكم/ صباحكم/ شعر
يسعدني ان اضع بين ايديكم ديوان الشاعر القدير
عناد الروّاد الشعلان
.............................









!!!!!!!!!!!!!!!!!!!!!!!!!!!!!!!!!!!!!!!!!!










 توقيع :


  مـواضـيـعـي

رد مع اقتباس
قديم 02-02-2010, 04:02 PM   #2


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي عيون كيوت



يامشاعر انا كلي ضفاف
جدِفي والحصيله حاصله




سواقي أمل تجري وتسقط غصون التوت=
=كأنها قوارب حب ترسم مساحاتك
بيادر شعر ولا سنابل حصدها القوت=
=تخيلت في عيونك وانا عد فرحاتك
مُدام المحابر يشربك والشعر حانوت=
=إلى حد ما يثمل جديدي بصفحاتك
نوارس على مينا قديم التقمه الحوت=
=وقوارب نجاتي طافيه بعد روحاتك
ومن باب قلت اصمد مدام العيون كيوت=
=ومن باب قلت ارحل واخاف اكتساحاتك
تناقض غريب وفلسفة حبي المنحوت=
=تلجم حروفي قبل تضبح بساحاتك
أتمتم شعر واسقط لإعلى واجيب ابيوت=
=وصندوق صدري مل كثر اقتراحاتك
هنا جرّت ام سالم لحنها وانا مبهوت=
=وهنا هزّت شعوري عناقيد واحاتك
عروقي كما سدره يبس جذعها المفتوت=
=عصافيرها ما بين حزني وصيحاتك
خريف ٍعلى غصون الشجر والهوى مسموت=
=يحّطب وانا بردان وآشب أحاتك
تناسيت برد الليل وارمي عليك الكوت=
=وفنجال سهرتنا وضحكة صباحاتك
قطفت الورود ومثل مقطف امل ويموت=
=احبك .. تحبني ... لين كملت لوحاتك
عذرت الغياب اللي يجاوب صداه الصوت=
=تقطع حبل صوتي على حر بحاتك
وعشنا على قشرة امل والغلا مثبوت=
=يطيح المسا وراحات يدي براحاتك
وتقرى فناجيلي وصدر الصدف مكبوت=
=وازاحم مشاريهك على قل دمحاتك
وتسكب رحيق الريق في كاسة الياقوت=
=وتغزل دفا صوتك على نول كحاتك
تطاير شمع تأبيننا والحزن تابوت=
=وقلبي تأبط شر من دورة ارحاتك
اهادن عيونك قبل تبرز سيوف الموت=
=اعرفك اذا عزمت تفتح فتوحاتك
تأففت انا من طول رمش ٍ سجد للنوت=
=صوامع محاجرها ومحراب لمحاتك
آمانتك امانه لا تجيك الفرص وتفوت=
=دخيلك تجاوبني وش اكبر طموحاتك
مدام الحكي فضه يكون الذهب بسكوت=
=ومدام الزهر بتلات وشلون نفحاتك


ينتهي عمرنا بآخر مطاف
والنهايه اكيد الفاصله

اجتمعنا على حب وإيلاف
وافترقنا وكنتي واصله


http://mdyf.net/vb/showthread.php?t=5871


 
  مـواضـيـعـي


رد مع اقتباس
قديم 02-02-2010, 04:07 PM   #3


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي العاب باربي



على الكرسي الهزّاز واسمع عقاربي=
=وليل الحزن يشبه عيون دلال
وهمي يساهرني وكسّر مضاربي=
=ودمعي يناديني يقول تعال
حياة ٍ تقلبّنا كألعاب باربي=
=كأنّا ليال ارخت سدول حِبال
إلى كل من حاول يغثرب مشاربي=
=ابعطيه من حلم الرجال مثال
اذا جاتني طعنه من اقرب اقاربي=
=أسامح ولا اعط الرخوم مجال
واذا زاحم الرجل المهايط مساربي=
=عليّ الحلال ان الصدور شمال
واذا مت قبل يدسّم الطيب شاربي=
=فلا خير واللي بالرجال يقال
وكل يوم ياتي اغتنم من تجاربي=
=واشوم القدم عن كل طريق خمال
تحت رحمة المعبود تجري قواربي=
=عسى الله يبلغني الدروب عدال
سكوتي يوصّلني لإكبر مئآربي=
=وهرجي يلازم كل مقام مقال

http://mdyf.net/vb/showthread.php?t=5824


 
  مـواضـيـعـي


رد مع اقتباس
قديم 02-02-2010, 11:33 PM   #4


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي بث تجريبي



آخر حضن ودّعت واشتقت المّه=
=وآخر وطن القى حنانه و اودّع
آى وآ ويلاه البعد ما فيه ذمّه=
=شوفي قفص صدري عليكـ امتصدّع
تليت يدي من يدك غصب يمّه=
=تلّ النهار ايد الغروب المودّع


************

مشتاق لك بالحيل والشوق يسريبي=
=وآنا على حطت ادينك على اعصابي
الحال من بعضه بدا البث تجريبي=
=واليوم غطا كل حارات اصحابي
هذاك اول من وساعي ومن طيبي؟=
=واليوم لا تشره على دمعة اهدابي
شفني مع الاحزان متمالك اقليبي=
=وآنا على الشباك بس ناطر احبابي
شف عارضي وشلون سوابه الشيبي=
=والشيب عالوجهين سلبي وأيجابي
لا عرق الا وانكوى بـ حر تأنيبي=
=لا ضلع الا من محانيه قد ذابي
مثل السجين اللي ورى شبك ابوغريبي=
=محكوم بالاعدام في تهمة ارهابي
آى وآ ويلاه القلب لو يعلم الغيبي=
=ما جيت اندب حظ قفا وقفابي
ليت الزمن هذا عطاني على طيبي=
=وليت الحبيب اللي عطا ما تردابي
غسلت يدي من غثا الشك والريبي=
=ورسمت آمالي على صفحة كتابي
اكتب شعر تشرق له الشمس وتغيبي=
=وانقش على يد المزن قصة اعجابي
قلت استعين بشخص طيب ويحريبي=
=ما شفت لي رجاااال ياقف على بابي
ما عاد تنفعني حميه من اعتيبي=
=ولا فزعة ارويلي ولا طنخة إحبابي
حتى المشاعر جالها نقل تأديبي=
=والشعر لو به خير ما صاحبي غابي
كل البشر شدوا على يد تعذيبي=
=وكرسي اعترافي مل زنزالة اعتابي
جلست افكر قلت : ذي يمكن اتصيبي=
=رميتها بس للإسف !! ناظري خابي
مدري ؟ اصيح الحين وآشقلك جيبي=
=وألا أجي وأقول لك خاطري طابي
؟

؟


http://mdyf.net/vb/showthread.php?t=5918


 
  مـواضـيـعـي


رد مع اقتباس
قديم 05-02-2010, 09:25 AM   #5


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي دالية شعري



تحت دالية شعري تدلّى حروف القاف=كأنها عناقيد ٍ من غصون ميّاله
بعد مستوى حمل العنب والقطاف اقطاف=تدليت يا قطف المحبه من الداله
واشوف الندى إكليل ورد ٍ وغصن ٍ جاف=تبسَم لزهرات البنفسج على جاله
اذا طل وجه الصبح طار الحمام وناف=وحبيبي على الشباك يسقي ويسقاله
قرنفل وفُل وياطبيعه على الاوصاف=تحشرج بي الكلمه قبل وصف اطلاله
لإآلأ ندى والوان قوس وقزح واطياف=موسيقى الشجر وانغام بُعده وترحاله
فصول السنه هذي على وجنته تنشاف=واحسّ الورود الحُمر كلْها تثنّاله
يهبّ النسيم وتنتشي رقّة الاطراف=على زيزفونة مدخل البيت والصاله
هدوء المكان وشمعة العيد والاصداف=وناي ٍ يغني بين عقده وسلساله
و بنْدول هالساعه مثل قلبي الميلاف=يحين الوَعد ويدق, وآجرّ مواله
وتبدا المشاعر رحلة الميل والآلاف=على شمعة ٍ ذابت واناقول كرماله
أجرّ الحزن والأوف من قلبي الشفّاف=عساها تلامس جرّتي دنية آماله
واحس المكان يضيق لو ينشحن بخلاف=إذا طال منديله وإذا فكّ فنجاله
تفتّق معه كل المواجع بدون انصاف=والمّ الحزن اشلاء بس ينشرح باله
رياح الزعل لا مشّطت مايل الصفصاف=تبعثر ورقه ان شفت حاله ويرثاله
تفيض الدموع الطاهره والامل مجداف=يجدف بعيد وليه ما جدّف اقباله ؟
محد إشعره بيني وبينك تبي ماخاف؟=امانتك امانه شف قلبي وغرباله
هنا بقلب الصفحه واقول الحزن قد طاف=وترجع لي الصفحه على أسوء الحاله
تفلسف عجيب و وآقعه جرحي النزّاف=اعيش العمر كله تحت رحمة اوصاله
على قد ساقك مدّها لو غطاك الحاف=قبل يختنق طفل الامل داخل احباله
ولا بين حظي والقدر يالحبيب اجحاف=ولكن يحرّك هالقدر أصبع الآله
يعرّاف لا تقرى كفوفي وانا عرّاف=قريت الصدف من قبْل لا يستره شاله
تراها محبه ,عشق, ما هيب هزّ اكتاف=ولا هيب فخّ ولا تصيّد بمحباله
إذا ما فهم قصدي وقال الهوى مهياف=يحل عن سمايا فال ربي ولا فاله


http://mdyf.net/vb/showthread.php?t=6037


 
  مـواضـيـعـي


رد مع اقتباس
قديم 13-02-2010, 08:38 AM   #6


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي شوارد على اعتاب كانون



شوارد على اعتاب كانون


صحى جرحي على صمت المرايا ينثر البلور=وانا جرحي تأبط شر ولا يدري بمصلحته
ذبل ثوب الخريف وطرزه سلسالك المحفور=على (عوج) الضلوع الناحله وأكفها البحته
أصبر هالصبر واقووول ياعل البخت ممطور=وكانوني بعد واقف على الابواب نحنحته
على فقاعة احلامك وشتلات الندى المنثور=ترنحني عناقيد الوله والآآآآآه رنحته


لأ مو غريبه شايفك وين بس وين=ايوه تذكرتك بفندق ريجنسي
سبحان ربي خالق الانس من طين=حط الحلا في كل عرق ٍ وجنسي
لك وحشة ٍ يا ساكن القلب والعين=بعدك ؟ تحب العطر عود وفرنسي ؟
يا مرحبا مليون يهلا وسهلين=الجو هادي وفي وجودك رومنسي
صحيح انّه بيننا عمر وسنين=لكن معاك آطير واصير منسي
علمتني شغلات واهمّها اثنين=حب الحياه وكيف باعيش أُنسي



مّر في فستانه البيزنطي=يسمته مشي الخجل ويظله
آه منه رمشه الاطلنطي=حط سيفه بالصميم وتله
يا عذابي من فضاه الحنطي=وش بقى ؟ عالخارطه يحتله ؟
ويل حالي والهدب قسطنطي=والجديل ايصفطه ويفله
الغريب ان الهوى ما ينطي=يفقد اعصاب الرجل ويذله





في قمة اجبال الروكي مرغريتا=ترقص مع الشيطان وتغيظ جنده
الكوخ والكانون والكات شيتا=وليله تقط اثلوجها في هولنده
وانا هنا بين الاماني وصيتا=واحلام ارسمها بطرف الاجنده
تثمل عيوني كل ما شفت ريتا=واجر نهتاتي على طيف رنده
وحشة توابيتي وليل المبيتا=وشرفه ستايرها تهز البرنده
من رمش عين ٍ بالحشا مستميتا=وحتف ٍ لقيته في عيون الخونده



حلو نفس المكان اللي جمعنا والغلا محسوس=وحلو فنجال قهوتنا وقولة تسلم ايدينك
انا والله وصلت لمرحلة شيخ ٍ بدون افلوس=وأي افلوس هي اغلا من اللي بيني وبينك
بعد عامين لغيابك افز اقول شالكابوس=وانا ما صدقت عيني تناسا بهجة اسنينك
وانا ماعاد تشبعها عيوني ريشة الطاووس=ولا حاجه بهالدنيا بدون اقلام تلوينك
وتخنقني مع الشهقات شهقة من بلع هالموس=أتأتأ في حروف اسمك وانادي وينك و وينك
لك الله كل ماحان الفراق ودق هالناقوس=يصحيني منبّه ليلة ٍ نامت على زينك
وانا وش طالع بإيدي ماغير الهم والهاجوس=إلى ما شفت مدخانك وشماعة فساتينك



غنّي شعر واعزف لحون الناي=وانا اجيلك من صميم اقصاي
تكفون مقرحتي تناديني=هاتولي القهوه وصبوا الشاي
انت الحبيب اللي سكن قلبي=يا حرقتي يا لهفتي يا اعناي
كل الدلع في لكنة احروفك=وكل الاماني ترسمك ع شفاي
ابطيت ثم طولت فالغيبه=ما تدري انك غايتي ومناي
ودك ترجعني لإيامك=ولى تشمّت بالفراق اعداي
تعال يا حبل الظما كله=ما صدقت يدي تطول ارشاي
حرام تجفاني بلا زله=مو ذنبي ان جرحي يعاف ادواي
اشغال تاخذني وترميني=على السرير اللي جمع اشلاي
اما تجافيني وتهجرني=ولى تدوّر يالحبيب ارضاي



لكّ الورود الزهر والصفر والحمر=ولك في ربيع القلب غصن ٍ امورّق
اشتاق لك شوق البدو لشبة السمر=تحت الدلال وكيفها اللي يعرّق



الشين ما واحد اغتربه=والزين له ناس ترضابه
وانا حبيبي ومفتربه=كيفي انا له وادرابه
اغليه من جد وآطربه=وافهق جناحي لإهدابه
قولوا له اليا وطى التربه=اموت واحيا على اترابه



يا سيده يم العيون السودي=اللي تلد وتستوي ع الجودي
يلي كليتي قلعتي وحصاني=ماني بلومك لو كليتي جنودي
مدمن واحب الورد هو والوانه=إمن البنفسج للعبير النودي
تمرجحي مثل الفراش المفعم=وتناثري مثل الندى بورودي
واجمع شتاتك في كهوف ضلوعي=وابهت عشانك وجهي النمرودي
وارسم كريكتيري بنقش الحنّه=يا ساحرتني بعودك الكمبودي



هي تدري اني عنها مالي غنا=احبها واعشق فخامة شانها
يا بعد حيي يالشمال اللي دنا=وانا ادور وين هو عنوانها
حتى من قشور الامل قلبي بنا=سفينتن تجنح على شطئانها
هذا انا واعوذ من كلمة انا=انسى شقا الغربه واجي لحضانها
حتى العمر والحب تاليه الفنا=وكل مهرة ٍ تعرف صهيل احصانها
حبي شمالي والشمالي ما حنا=الا لحب اللي وسيع ابطانها



احلا واطهر حب لا جا من القلب للقلب=وكل الجروح اتروح الا جروح انكساري
ابكتبك في ليلة الثلج يا قمة الألب=واقول ما في شي احلا من الاختصاري
يعني بما معناه حبك سلب خافقي سلب=ولازال جاري البحث لقرب مخارج طواري



ابضوي شمع راس السنه والطريق اثلوج=وابي شمعة الميلاد ترقص على الالحان
ابي توت من بيروت يابو الثمان البوج=انا ضدّ فكرة حب ما تعرف الاحضان
ذبحني ابوشامه طويل النحر عمهوج=تدلّى خُصل شعره على ردفه المليان
يهدهد رموشه هدهدة راكب الهجهوج=معه هندواني تحسب احسابه الفرسان
يصاول رموشه والسماوات ذات بروج=مصاول خلف يوم انتخى قابض ٍ شامان


طاح الحطب والليل مسراه من بدري=هني من يسري ولا هوب جزاعي
على عوج وقتي انا اموسع ٍ صدري=متحمل الطعنات والقهر و اوجاعي
خايف اقول الزين في وجنتك حصري=واشوف ناس لقيمة الزين متراعي
احبال صوتك كنها جرة القمري=اللي انتشي من عزف شبابة الراعي
وعيونك الثنتين والمدمع العفري=فج ٍ مظاليل ٍ مذابيل و اوساعي



في عيونك جنة ٍ معشوّشبه=تدّهر فيها زهور الياسمين
وانت عندي سكر ٍ بآذوّبه=او نبيذ ٍ من خمور الاندرين
روّبه يا لعنبو من روّبه=عتِّقه واشرب معي في كل حين
كن ربي قد عطاك الموهبه=تجرح اللي تجرحه وآنا حزين
وين ابشكي والقلوب امصوّبه=وانت ما ترحم شعور المسلمين
من سيوف إعيونه المحدوّدبه=متّ في شامات وضّاح الجبين
يصعق السالب بشحنه موجبه=وآتكاثف من يسار ومن يمين



شحوب الحروف ورقرقة حبري الداكن=تمرجح على جال الورق والحزن يرقا
عجزت اكتبك وانثر شعور القلم لاكن=تمنيت لو يمدي طرقت الحزن طرقا
وجيت انثرك وآجمّعك والهوى ساكن=آكاليل ورد ٍ هزها البعد والفرقا
ولا عاد باقي آه في جرحي الماكن=بقى حبك المدفون في قلبي الاشقى


http://mdyf.net/vb/showthread.php?t=6188


 
  مـواضـيـعـي


رد مع اقتباس
قديم 13-02-2010, 08:40 AM   #7


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي الشوشلي



لا لا تبيع الغنم والنيب=هي ورث من راعي الشيبه
الشوشلي يا زبون الطيب=ما هيب تكثر محاسيبه
يمدها ما يخاف الغيب=الغيب من جابه ايجيبه
من لا يهاب الزمن ميهيب=مكثر رجال ٍ بلا هيبه
والرجل ما هو يدوس العيب=لا طاح محد ٍ ستر عيبه
يمرتب السالفه ترتيب =على سنع لا على ريبه
الذيب ما هو يبيع الذيب=والحر يِشبع مخاليبه
خل القناعه مع الترغيب=ميضيع حق ابمطاليبه
والراس لو يشتعل بالشيب=أقدّ جيبي من الطيبه
الشوشلي يا زبون الطيب=ما هيب تكثر محاسيبه


اعوذ بالله الأحد من شرّ سيئِت الذِكر=ومن قلب ما يخشع ومن نفس الهوى واخلافها
ومن شوفتي لهل الهياط الحمد لله والشكر=مما ابتلابه ناس تبني صيتها بسرافها
بعض الكرم إسمه زرم يتجاوز حدود الفكر=ولىّ الكريم اللي يمدّ الساق قد الحافها
واللي يعيش إبهزمن شايف ولاهو مدّكر=مايتق الله بالدراهم والذمم وانصافها
يجيك خشمه فوق ومقرنس على خشم الوكر=هو كالنعامه تندغش من راسها لردافها
وانا احمد الله لابتي من وائل ٍ حتى بكر=هامة ربيعه قاهرين الفُرْس هي واهدافها
الناقصه عند العرب من قبلنا ما تنذكر=واليوم شفت اصخيّف الذرعان هزّ اكتافها
اليا سمع له علم ما صدّق متى يمكر مكر=والله خير الماكرين ورحمته ما شافها
على الشماته عاش يتصيّد مع الماء العكر=وده على الخشم الشحم والمرجله ما نافها
ماهوب قُرّح للخوي وان جاك في هيئة ذَكر=لولا الإسم ما تفرقه من خيّته واغدافها
قالوا العرب كل العلوم الغانمه ما هي حكر=عند العرب ولّى الصلب كل ٍ يطول اطرافها
سقها بوجه الله ترى وجه السعد ما ينّكر=كم زلة ٍ عوجه يطوّفها وهو ما طافها
والمجلس اللي ما يجونه هالرجال ولا ذِكر=يحرمّ عليّ ان جيت له , نفسي أنا وآعافها
يلي تحسبون المراجل ليلة ٍ فيها سُكر=لا والله ان الروس عقب الكوس حان اقطافها
واعوذ بالله الإحد من شرّ سيئِت الذِكر=ومن قلب ما يخشع ومن نفس الهوى واخلافها


http://mdyf.net/vb/showthread.php?t=6272


 
  مـواضـيـعـي


رد مع اقتباس
قديم 13-02-2010, 08:43 AM   #8


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي لو كانت البسمه






الى الذائقه بعد التحيه
لو كانت البسمه على وجهي اتليق=ماكان شفت الحزن في وجه امي
ولا كان دخنّت الزقاير على الريق=ولا هلّت الدمعه قبل لا تسمي
اطويق لو يفقد امل قمة اطويق=كان انكسر وجهي على ابواب همي
والحاله اللي كل ما مالها اتضيق=عيّت تعزّ عناد يا بنت عمي
والصاحب اللي من حساب المطاليق=ما عاد ينفعني رغم فقر دمي
ومن واقعي الواقع انا ناوي آفيق=وما عاد تفرق لو تُخصّ وتعمّي
اصبحت ضيف الهم ومعزب الضيق=وانا آترنّح بين كبدي وسمي
والآه تتعب ما تفكّ الصناديق=وان هلّ دمعي امسح بطرف كمي
الله , ولا هرج الرخوم المطافيق=ولو يشمتون بضيقتي ما يهمي
أسوقها في وجه راع التوافيق=اللي عليه اشكي واناجيه غمي
والورده اللي فالغصون المواريق=كم اجبرتني احتضنها واشمي
واليوم تذبل في دروب العشاشيق=سكّه طويله بيننا , المهمي
كل شي ممكن آتحمْله وآطيق=الا اشوف الحزن في وجه امي




http://mdyf.net/vb/showthread.php?t=6103


 
  مـواضـيـعـي


رد مع اقتباس
قديم 13-02-2010, 08:45 AM   #9


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي ما لقى عيب في التفاح



همومي تسابقني على فرّة المسباح=ألوّح خرزها والشراشيب وانتلها
أنا كل ما ضاقت واشوف الدموع ارماح=آجامل وإدق الصدر وآقول إزهلها
أذا قشة الغرقان آخر أمل يا صاح=تعلّق بها والروح للغد أملّها
على طاري اللي ما لقى عيب فالتفّاح=يقول احمر الخدين وهو جالس ابظلها
انا اللي عبرته وانت طامي على الالواح=يبيلك سنين اطوال حتى توصلّها
وانا واحد إمن الناس سافر كثير وساح=وشايف وعايف والشوارب مفتلّها
وعلى قولهم لا قلت , زيد الملاح املاح=مدامك ضربت اوجع والاوتار غازلها
وجيب البيوت اللي عليهن وسم و اوشاح=وخامر فناجيل المحابر ونآدلها
تنحنحت يا كانون ومعزبك مرتاح=تروّضْ بنات الفكر ولىّ تزرفلها
مناديل وجه الليل يا دمعي الفضّاح=تقّطر سهرها في عيوني واكحلّها
تشتت , شحوب افكار , دنيا بدون افراح=ظما فالعروق الصايمه وين ؟ ابلّلها
اقيس الاماني بعد ما قررت تجتاح=وازيد الهمم لحمول ازريت لحملها
أنا مثْل كفخ الطير يربا وهو شبّاح=الى شاف له عيطا كفخ لين يدهلها
ولكن بعد عامين قلبي كسير إجناح=تموت الاماني في عيوني ويقتلها
حبيب ٍ على وضح النقا والنقا مفتاح=قلوب الحبايب والسفينه ومحملها
حبيب ٍ على ثيابه نثر عطره الفوّاح=يضفّ العباه وضامر الخصر ينسلها
رموشه سيوف ٍ صُقّلت والهدب ذباح=تسلهم عيونه بتلة العين ويسلها
مشاعر بعد عامين هي والجراح اجراح=لتس الله يقبور المحاني وانا ادملها
يقولون لا تزْمل مدام الزمل موّاح=وسوق المطيه قبل ليضيع مزملها
حكيم العرب وصّى وهو حاضر ٍ ما راح=الى شانت العربان يعناد جاملها
وسقها بوجه الله عسى خاطرك يرتاح=الى صِفيت النيه , توكلت , فعقلها
ولا يستثيرك حزن من دمعة التمساح=تحب الذيابه كل فارس يهرفلها
تجمّل عن قلوب ٍ حسدها بسبع ارواح=ولو تنغسل في زمزم ٍ ما يغسلها
تأمل وجيه الناس واسري مع المرواح=ولا تعقد حبالك على شي و تحلها
يطيح الوجه وان طاح يا عزتاه ان طاح=تطيح أبمحلك يوم نفسك تفشلها
تعيش الفقر والجوع بس خاطرك منساح=و لا لقمة ٍ بالهون والذل تاكلها
انا وين ابهنا دام نص القلوب اشحاح=محبه اذا متعز راسي لبطلها
وجيه الدما , خلف الكواليس , والاشباح=تركت الهوى لهله ولا النفس اذللّها
مسيرة حزن ترجع على فرت المسباح=وقصة غرام ٍ فات ماني مطولها


http://mdyf.net/vb/showthread.php?t=6382


 
  مـواضـيـعـي


رد مع اقتباس
قديم 21-06-2010, 10:13 PM   #10


الصورة الرمزية عناد الروّاد
عناد الروّاد غير متواجد حالياً

بيانات اضافيه [ + ]
 رقم العضوية : 474
 تاريخ التسجيل :  Jan 2010
 أخر زيارة : 23-06-2019 (02:14 AM)
 المشاركات : 1,635 [ + ]
 التقييم :  10
لوني المفضل : Cadetblue

اوسمتي

افتراضي



شكرا لك يا عرّاب المضايف وشيخها

لا هنت يخو بتلا

جعل عمرك طويل يا راع الاوله


 


رد مع اقتباس
إضافة رد


الذين يشاهدون محتوى الموضوع الآن : 9 ( الأعضاء 0 والزوار 9)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:56 PM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education