|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | أكفلهم … ونحن نرعاهم
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | ابراهيم حرير العنزي | مشاركات | 252 | المشاهدات | 88157 | | | | انشر الموضوع |
|
أدوات الموضوع | انواع عرض الموضوع |
|
#1
|
||||||||||
|
||||||||||
ذكرى وأشتياق \ديوان ابراهيم حرير العنزي
السلام عليكم ورحمه الله وبركاته أخواني وأخواتي شعراء واعضاءمضايف عنزه يشرفني أن أضع بين أيديكم ديواني (ذكرى وأشتياق) هنا في هذا الصرح الرائع والذي سيضم مُعظَم قصائدي وكتاباتي الأدبية ..
مشتاق للربع العزيزين وأحباب = هاضت أ شجون القلب زاد أشتياقي
طعم السعادة عقبكم دوم ماطاب = والهم من فوق المعاليق راقي من عقب ماكنا محبين وأصحاب = واليوم يصعب شوفكم والتلاقي دايم أصبر عبرتي لاجل الاسباب = ماشي على عهدي وعند أتفاقي ماكنت أظن البعد يفتح لي الباب = يدخل سموم منه لاجل أحتراقي نار شديد حرقها ترهب أرهاب = ومنها قوي الصبر ماعاد ياقي بس أتذكر بالطفولة والالعاب = وأرض منها منشائي وأنطلاقي بالبادية عشنا بها بين الاعراب = أهل الكرم والجود حين التلاقي في وسط ربعك مابهم غرب وأجناب = ياصيتهم بالمجد والعز فاقي لاشالو ا العربان وطقوا بالاطناب = وحطوا بقش البيت عقب الرواقي تشرع الديوان من فوق الاهضاب = تسمع دنين النجر له أصطفاقي والما من عقب المطر ينحدرصاب = ينزل مع الوديان للروض ساقي تشابكت به الزهر هي والاعشاب = يازين صوت البهم له تثاقي وبيض القطا يوجد على شكل مسراب = دافي توة للطبيعة طلاقي تعيش بالصحراء مرتاح الاعصاب = لاشفت أنا فيها الغنم والنياقي زاد الحنين من الزمن صابري شاب = الله يجمع شملنا والتلاقي وصلاة ربي عد ماأخضرت اعشاب = على رسول ليل وشفاقي
|
04-05-2010, 04:16 PM | #2 |
|
الزمن
الزمن هذا احـــواله عـجــيـــب = ليه اتفـــــرقنا حبايب يا زمــن
جفت اعروق قلبي يالحبــــــيب = والمشاعر صوبـــــكم تحطمـن يازمان تجعل الرضع تشـــيــب = وانا اعـــــروق قلبـي شيـــــبن ياحبيب الروح عني لاتـغـــيــب = كثرة الافـــــكارتجعلني اجـــن الامل فيكم مااظـــنه يخـــــــيب = وانا عند اعهودي ماتزحــزحن بس اشوفك كل اجروحي تطيب= كل احاسـيــس حبـــــي روحـن السهل يصعب وياسهل الصعيب= وكل شي بشي وللغــــربى ثمـن |
|
04-05-2010, 04:20 PM | #3 |
|
مساء الخير
مســـــــاء الخير يالغــــــالي وانا مشتا ق =مشتاق اشوفك وروحي فيك امنيها
اتمنى لقاكم بعد طول فـــــــــــــــــــراق= من اجلك فرحتي تكمل معانيــــــها معاني المــــــــــــــــــوده والوفاء سـباق= يسابق يمكم والوصل يـرجـــــيها تواصل حبيب هايم مـــغـــــــــرم عشاق =ابصفاتك حــبـيـبي معجـــب فيــــها اشوفك في عيـوني جمال فــــــــــــــــاق= مثيل لمهره في عـــــين راعيــها اصيله ضامر رافعة الاعنـــــــــــــــــاق =ا يتـخيلـــــها الحـبــيـبــه فــي تباهيها تبادله المحبـــــــه وهـو ماعــــــــــــاق =يعبــــر عــــــن مشـاعر كان يخفيـها واذا شافك حبيبك مزاجــــــــــــــه را ق =ولهفت العاشق ابنـظرتك يرويـــــها تروي اعروق قلب صارلك دفــــــــــاق= وكل الحـــــواجز بينكم راحل يرميها حواجز حطها واحد مـــــــــــــــــــــاذاق =طعم المحبه ولاعـرف كيف يشريها يشريها بالمشاعر وزيــــــــن اخــــــلاق =ونفس عزيزه وماخفضها ويرمــيها بوادي الردى حايل دونها بــــــــــــــواق= بعيـــــــــد عنــــه وراق في معاليـها كلامه جواهر ومن يستمــــــــلــــــه لاق =ما هـو طـــفوق او كبير و ناسـيها نسى المحبه وقلبه لاهين ماضــــــــــاق =مســاوي الليالي بحاظـرها وماضيها تمر اسنين عمري والزمن ســــــــــراق =يسرق ايامنا الحلـــــــــــوه ويقضيها تسجل مشاعرنا العذيه لكم بــــــــاوراق=وغلاتك عندنا محد ما يضاهيها محبتكم بقلبي وهذا لكم ميـــــــــــــــــثاق =احـــافظ عليها طـول الايام واحميها |
|
04-05-2010, 04:23 PM | #4 |
|
حنين الشوق
حنين الشوق ذكرني احزانــــــــــي = والنــــــفس مهمومه تزايد بلاها
على حبيب داخل القلب بانــــــــــي=بانيه ماقبــــــلهم من بنـــــــــاها ابي اتناسى بعدكم لو ثوانــــــــــــي =وعيت اشواقي تنتثي عن هواها عجزت اصبر عبرتي بالتمانـــــي =والحزن ماحققــــــته مـن رجاها رجواي قربك نلتقي في مكانــــــي =والقلب الشواق الضمايـر نسـاها انسى احزاني والقضي مانسانــــي =وقلبي اعهود الماضي مانساهــا ترى عقبك ياحبيبي اعاني اعانــي =الذكرى و ا ر د د صداهـــا اعيش في ذكرى حبيب رمانـــــي =في جنه من فيض حبـــــه رواها حلو الليالي الماضيه والامانــــــي =ماشفــــــــــــتها يكود والله معاها معاك اعيش وباقي العمر فانــــي =وماريد لذات الحياه وهنـــــــــاها |
|
04-05-2010, 04:25 PM | #5 |
|
اكتبي لي رسالة
اكتبي لي رسالة لوهي حـــــروف =افهم المقصد واحـرف معانيها
لاتقاطع حبيبك ياحسين الوصوف =طيب الاصل مثلك مايسويــها اسعد اللحظات حين اني اشـــوف =لحظة انت جنبي والامل فيها ليت يازين تجمعنا الظــــــــروف =وتحقق سعادة كنت راجيــــها |
|
04-05-2010, 04:28 PM | #6 |
|
احس القلب
احـــــــــس انا بالقلـب دقـــــاته سريع=كنت انا بمان والحيــــــــــن بخطـر
ياالله ان طـالبك يارب سمـــــــــــــــيع = تفـــــــترالايـــــام وتقـرب السـفـــر اروح انا للمـــــــلكة بـــــــــروســـيع =واوصل البـــدوان من عقب المـطر ناكل الخاثــــــــــر مع الزبــدة تميـع = وسط خــــــبز صاخــــن توه عطـر من يــدين الزيــن بالخصرة الرفـيــع = ووجهها يـــنور مثــل ضو القــمــر حين شفت الزيــــن ماعــــاد استطيع =وقلبي اخطر وارتمى بحـــر الجمر والله لتـــــــبعها وودع للجمـــــيـــــع= من غـــــلاها دوم تامــرني امـــــر صرت انا في حبــــها عبــــــد مطيع =لااســـــجل اوف ولا اقبــــــل عـذر راضي في حكـــمها لــــونه شنـــــيع =ياناس ابلياه وش يســـــــوى العمــر |
|
04-05-2010, 06:56 PM | #7 |
|
ياناوي الحرب
يانوي الحرب وينك وين بارودك =اما تحمى عن الضد والا عليهم هجم
انا الهدف والاغيري صار مقصودك =والا لحلمك تبخر ماتحقق وهم جهزت جيشك علية حاشد احشودك=وهني من هو لحربك من لقاكم سلم رجع سلاحك وجنب كامل افرودك=خل الحرايب ووقف لالامور الاهم عرفت وجهت طريقك بان مارودك=جاوب سؤالي بسراحة لا والا نعم انا أعهودي قوي وينها اعهودك =وين المحبة تفاني كل منا فهم من هو تحكم والا قيد اقيودك =والا حبيبك تزعل له عليكم عشم ان كان قصرت في واحد من احقوقك=تراني انسان جسمي من اعصاب ولحم اغفر وسامح بزلة زل معشوقك =كل يوم لازم تحسف او عليها ندم أندم ولاكن تمسك لك بماثوقك =لاجل ايتحقق مناك و بالنهاية يتم اغفر واسامح واجنبك عنك باذبوبك=واقول هذا ك واجب هو تجاهك لزم واذا انت غيرت اسلوبك مع ثوبك =كل يوم ابراي تزعل مرة تبتسم تذكر اعيوبي وتنسى كامل اعيوبك=واحساسك اليوم جف ومابقابه دسم |
|
04-05-2010, 07:01 PM | #8 |
|
أدري
ادري تحرى تلفوني يناديك= وانا بعيد بس انادي خيالك
اشتاق لو كفي بكفك واياديك=فيها المحبة وفيه لمست حنانك يسرح خيالي وانت تسالني اشفيك=واقول ليه الورد صاير مكانك هبت نسايمها العذية باراضيك=ولذبلت اعذوق الزهر بانذبالك شفت الربيع اشكال من لونه اعطيك=وشفت الجمال اللي يسابق زمانك وشفت السيوف اللي ذبحتني بعينك=برق لمع بين الهدب في اجفانك اجتاح قلبي وصار بالحيل يغليك= ومنه الوفاء والحب كله هدالك واصبحت تاجه وبغلاء الروح يشريك=وما فيه واحد نال حبه مثالك |
|
04-05-2010, 07:02 PM | #9 |
|
بنيت البيت
بنيت البيت من اجلك حبيبي =جاهز ينتظر حضرت جنابك
سهرت الليل اودي واجيبي =واحفر الصخر لاقصر حسابك اغامر انطح الشي الصعيبي=وانا وياه مرات انتشابك غيابك زود بهمي وشيبي=وقلبي دوم واقف عند بابك حرس يحميك من واحد غريبي=يشوف الموت لاجى لاقترابك لانك شمعتي وانت نصيبي =حلى كل الحلى ماشي عابك اعيش بعيد ماواحد دريبي =لاكنك سارح لاقي احبابك بسرعة ارجعي لالاتغيبي =على خل تاذى من غيابك جفى للدار والحاله غريبي=يتمنى رجوعك واقترابك |
|
04-05-2010, 07:04 PM | #10 |
|
تساليني
تساليني وين كلمات السمــــر =حبكم يازيـــــن والله مانساه
انت حبي انت قلبي والنظـــر= وكل يوم بيوم يزداد ابغــلاه عقبكم تمضي ايامي بالسهــر= لو اسولف ناس كني بالفلاه غيابكم طول تعديت الشهـــر =تمضي الساعات بالونـه واه اهدى عنكم واتجمل بالصبـر =هذا حكم الله وامنى ابقضـاه ايش حدك بالمرارالا الامــر= الدهـرحاكم وماحنا انعصـاه اخرالغربى مع الام الصبـــر= يمكن الايـام تجمعني معــاه |
|
الذين يشاهدون محتوى الموضوع الآن : 63 ( الأعضاء 0 والزوار 63) | |
أدوات الموضوع | |
انواع عرض الموضوع | |
|
|