|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | مساعدمزعل اليمني | مشاركات | 245 | المشاهدات | 89167 | | | | انشر الموضوع |
|
أدوات الموضوع | انواع عرض الموضوع |
15-10-2018, 08:05 AM | #201 | |
|
الليالي تغير والزمن دوار
وخلق ربي تحت حكمه وتدبيره اكثر الحمد يالمحتار لاتحتار وكل حاجة تعسر جعلها خيره والتمس لبن عمك بالزمان اعذار شوف خيره قبل متشوف تقصيره ماتعذر الرجال الا رجال اكبار ومن عرف قدر غيره شاف تقديره والعقول الصغيره للجميل اصغار ماترد الثناء وتجيب له سيره غير جزل المبادي من رجال اخيار لو تسلم بعينه صارت اكبيره مساعدالمزعل |
|
|
28-12-2018, 10:44 PM | #202 |
|
كفخ قلب المولع ليلة البارح بدون اسبوق
على شانك سرى ياصاحبي ماهو على شاني بشر مخلوق يحمل بالمحبه داخله مخلوق على يمة غيابك شد يمك مابعد جاني تبيع وتشريني ياحبيبي فوق سعر السوق ترى سعر المحبه مالها بالسوق ميزاني ترى سوق الغلا غالي وسعره ياحبيبي فوق ولا يمديك من بعد الغلا والحب تنساني ترى الحرمان جمرة تقترب من حر نار الشوق وقلب انسان فيه انسان مايقبل بشر ثاني مساعدالمزعل |
|
05-01-2019, 10:10 PM | #205 |
|
يارب تكفي لساني شر بعض الكلام
اللي يجرح عباد الله بذكر العيوب الهرج يجرح وجرحه مثل جرح الحسام والعبد ماهو على بعض الكلام مغصوب من جنب الناس هرج الشين عاش بسلام ويصيرمن بين كل الناس شخص امحبوب اعمارنا تنطوي طي السجل كل عام وسهم المنايا يحوف العمر من كل صوب الوقت ما يحسب حسابه جميع الانام والوقت كله من عمار العباد امحسوب والنفس تسرج هقويها حلوم وهيام والحلم فوق البحر يبني مسار ودروب واخر نهايات حلم النفس فك اللثام وتبعثر اوراقها قدام وجه الهبوب العمر يشرق شروق الشمس لين التمام حتى يودع وداع الشمس وقت الغروب ويالله طلبناك قبل الموت حسن الختام ومن قبل شدالرحايل لجل وجهك نتوب مساعد المزعل |
|
23-02-2019, 08:13 PM | #206 |
|
فكرت بالجيل وذكر مامضي من سالف الجيل
وحبيت ادون من الماضى على الحاظر علامه لحظات الايام تمضي بين سهم العدل والميل ومن كبر الحلم مات الحلم بول يوم عامه ويالله عساها على المقفي على المقبل تساهيل وينفك هوش الزحام اللي تضايق من زحامه البدوا تفرح وفرحتهم ليالي طلعت اسهيل يجذبهم البارق اللي لابرق يشعل غمامه قبل الصباح ايتنفس جهزوا للحط والشيل مع وقت حزة يقوم الطير من لذة منامه وبنات الافكار قافيها عواصيف وهماليل لو خيم الفكر مايثبت ولاتبقى خيامه العام اشوف النجوم تشع لي مع ظلمة الليل ويحيط لون السماء بيه مثل طوق الحمامه كني من اللي شرب من صافي المنبع من النيل ولم القمر في يدينه والمساء شتت ظلامه ولاعودت للمشاعر مالها غير المواويل وش ذنب الافكار كان الوقت غير من نظامه لو اشحذ الحيل مادامت وانايسعفني الحيل فج الخلا للمهوجس من هواجيسه سلامه مع شبة النار والجلسه ورى هدف المعاميل وش طيب فنجالها مع شق ضحكه وبتسامه والوقت لاجار ضيقها على اكبار الحلاحيل يحدهم حد لو كانوا من اصحاب الزعامه مساعدالمزعل |
|
25-04-2019, 08:10 AM | #207 |
|
العمر لو زانت لياليه ماطال........
لاعـاد تنشد عـن سبب ضيـقة البال ولاتكشـف استار النفـوس .العليله تبـين لك .. دمـعه من .عيـون رجال دمـعه لها ..غـايه .. .تبـرر وسيله العكس في تال الزمن مضرب امثال ومتـغيرات الـوقـت ..مـاهـي قليله في شوف عيني في خيالي ولازال عـهـدٍ .. تجـرد مـن ..نهـاره وليله عـين الحـقيقه جـردت كل الاشكال وراحـت مـقامـات ..الجبال الثقيله ان كان عـهد المال فالحال بالمال لاصـار ... طيّـب ..مـايمـد القـليله والمـال مـايرفـع . .ردييّن الافعال عـمـر الـردي مـامد .مـده جزيله مقاسها الافعال ماهي بالاقوال والا خـفايا ..القـلـب ..ربك وكيله ازوال . .بالدنيا .تماشي لها ازوال والفـرق فيها . . بالفعـول.. الجليله فكره جـزيله يوم مرة ...على الفال مضمـونها مضمـون ..برق المخيله من هاجسٍ هايض ..ترانيمه اجزال قافه جـزيل .. ولايجيب ...الهـزيله العـز بالسجـده .والايام . ..تـرحال والـزود ..زود الـدين ..مـاله بديله والعمـر ...لـو زانت .لياليه ماطال لو داومت يومين. . ماهي طويله مساعد المزعل |
|
31-08-2019, 09:55 PM | #210 |
|
الله يسترها على الناس ياخي
والرب ستره فوق الاجواد ضافي برق المزون اللي سرى بالدجا حي يبرق ويرعد من ورانا وطافي من خيله يمسي ويصبح ويمسي يمشي قدم رجله على البيد حافي بعض المواقف بالزمن طعمها ني لاقدمت خطوه ولامن اخلافي العام يوم ان البروق اشعلة ضي طاح المطر واللي قفى االغيث سافي والبحر طاش ولابقى بالبحر مي حزن المواني والبواخر مقافي ماكنها عند الخواطر ولاشي تكتب على وجه الليالي عوافي ولاعادة السيه على الخاطر السي رد الزمن في غيب الايام كافي صغير يولد ماله ام(ن) ولابي ينوب عنهم حضن الايام دافي وجه العشم من وجه الايام مقفي يخفي ولاكن ماعلى الله خافي وجه العصر يعطيك من نفحة الفي مده على وجه المساء مايكافي مساعد المزعل |
|
الذين يشاهدون محتوى الموضوع الآن : 16 ( الأعضاء 0 والزوار 16) | |
أدوات الموضوع | |
انواع عرض الموضوع | |
|
|