|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
ჲ჻ أورآق صآمتة ჻ჲ مُـتكأ لإجنِحة ِالروُح بِحُرّية صَاخِبَة { هُـدُوءْ } |
كاتب الموضوع | سندس | مشاركات | 817 | المشاهدات | 76216 | | | | انشر الموضوع |
|
أدوات الموضوع | انواع عرض الموضوع |
27-08-2020, 12:29 PM | #781 | |
|
عدنا ...
بعد ماتغدينا .. ضبوا الاولاد كل شي الله يرضى عليهم .. انا رجعت لغرفتي تمددت بسريري .. حاسه كل قطعه من جسمي عم توجعني .. ومالي حيل اعمل اي شي .. طل ابني علي .. ماما بدك شي .. انا واخي بدنا نذاكر .. نادي علينا اذا احتجتي شي ... لا ماما الله يرضى عليكم .. انا حنام .. سكر علي الباب .. سكر الباب وراح .. وانا متمددة على ظهرى عم بحلق بالسقف .. بعدها قلبت على اليمين .. وشوي على الشمال .. اغمض عيوني لعل وعسى نام شوي .. ماقدرت .. تجلست وقعدت ماني عارفه شو اعمل .. وكل هالوقت مخي ماوقف تفكير .. ولاراحت من بالي بنت عمي ليش تعمل فيني هيك .. ومن تعب التفكير باين نمت .. لاني صحيت على صوت ابني .. ماما اصحي خاله ام اصطيف اجت وقاعده بالحديقه ... انتفضت من فراشي لدرجة حسيت بدوخه لما وقفت .. سندني ابني ورجع قعدني على حافة السرير .. ماما اهدي ارتاحي شوي .. بيعرفوني بدوخ اذا قمت بسرعه .. هديت ودخلت الحمام غسلت وجعي لصحصح ... وقلت ادخل اعمل قهوة واطلع .. ماما انا بعمل القهوة .. واحلى قهوة لست الحبايب .. طلعت للحديقه .. كانت ام صطيف قاعده وبايدها شويه ياسمين عم تشمهم وتصلي على النبي .. الله يسعدلي هالمسا حبيبتي .. لاتآخذيني راحت علي نومه ضحكت مساكي اسعد عمري .. منيح يلي نمتي بترتاحي شوي .. اي والله ياام صطيف نمت نومة منيحة .. وصرنا نحكي بكل شي الا قصه زوجي .. واجى ابني جيب القهوة .. وحاطط كاسه مي وصحن فيه بيتفور .. الله يرضى عليه مرتب هالولد .. اسم الله حولك ياعين خالتك ... ضحك وحط الصينيه ودخل البيت وقبل مايدخل قالي .. اذا بدك شي ماما ناديلي .. ولاتشيلي هم شي ..ودخل .. للحظه صفنت بكلمته الاخيره .. بس ماركزت عليها كتير .. شربت رشفه من فنجاني ... الله .. وتمخمخت فيها ... كان الوقت قريب من المغرب .. قمت شغلت النور .. والمي بالشلال .. كانت هالقعده حلم من احلامي .. نسيت اوصفلكم المكان ... قدام الباب زارعين ياسمينه ... وعاملين شلال صغير .. وحاطه طاوله وكراسي .. بتغطينا الياسمينا ... وبالشتا في مظله كبيره كنا نقعد تحتها ونراقب المطر .. كنت سرحانه وانا عم اشرب القهوة ... وانتبهت ام صطيف عم تنادي علي وتضحك ... يييه شو وين رحتي الي ساعه عم ناديلك .. ابتسمت .. مابعرف باين سرحت .. اسمعيني حبيبتي .. بعرف هالامر صعب كتير عليكي .. وصراحه زوجك باعتني .. بدو يقعد معك تتفاهموا .. الرجال حس بغلطوا .. وشاريكي .. ومابعرف شو صابني .. اجتني نوبه ضحك غريبه .. المره اجتها الصدمه .. سكتت وعم تبحلق فيني .. وبعد الضحك انقلب لبكا .. كاني عم فضي هالشحنات يلي جواتي .. تركتني حتى هديت .. وقالتلي شو قلتي .. اسمعي ام صطيف ... وللحديث بقية |
|
|
28-08-2020, 07:30 AM | #782 |
|
عدنا ...
أخدت نفس عميق ... وتنهدت بحرقه ... حاسس بغلطته بكير ... وشاريني ماكان باعني أساسا دخلك شو قصرت معاه ... كنت الزوجه والحبيبه والاخت والا قلك باين كنت الجاريه مو اكتر ولا اقل ... لك اه بس شو بدي احكي خليها بالقلب تجرح ولاتطلع بين الناس وتفضح ... طولي بالك ... اقعدي معاه وتفاهموا ... على شو رح نتفاهم صعب وصعب كتير ... كنت بدي اطلب الطلاق بس فكرت بولادي وقلت بعيش معهم وهو يروح يعيش حياته ... والله لو كان غريبه ماكنت زعلت لهالدرجه بس بنت عمي ... انتي لو كنتي مكاني شو بتعملي ... انا بموتوا ... ابتسمت رغم وجعي ... شفتي .. شوفي ياستي خلي زوجك يقلوا يعتبرنا مو موجودين ... ويجي يزور ولادو بس انا بالاسم مرته ... ويتركنا ... ممكن يوم من الايام ينصلح الحال ... سكتت ام صطيف وشو بدها تحكي ... غيرنا الموضوع ودردشنا شوي ... وقامت رجعت على بيتها وانا دخلت للبيت لقيت الولاد عم يجهزو العشا ابتسمت ... ودخلت غرفتي لاتمدد على سريري والا ولادي داخلين وراي .. خير ياامي خلصتو العشا... رد احمد ... ماما نحنا عارفين ان بابا متزوج لانو شفناه كذا مره مع مراته .. وبابا حكالنا مانخبرك منشان ماتزعلي لانو قال هو رح يخبرك .. سامحينا ..وارتموا علي وحضنوني .. غصيت ودموعي نزلت غصب عني كنت مصدومة بس مابلومهم .. ومنشان ماحسسهم بالذنب تمالكت نفسي ... وطبطت عليهم .. خلونا ننسى الموضوع ونقوم نتعشى .. لقيتهم الاتنين عم يمسحو دموعهم .. يلا ماما .. وطلعوا قدامي ... طلعت على حالي بالمرايه ... مسحت باقي دموعي وطلعت من غرفتي ... وقررت عيش مع اولادي واترك للزمن يحل الامور .. ورح يجي يوم اعرف ليش عملت هيك بنت عمي ... لاتأتينا الطعنات الا من أقرب الناس لنا ... تمت ... سندوسه |
|
30-08-2020, 03:49 PM | #783 |
|
أحبتي ...
جلست كثيرا أفكر هل أبدأ حكايه جديده ... او سأشارككم بعضا مافي جعبتي من يوميات ومواقف سأعصر ذاكرتي واستخرج عصير ذكرياتي ... ويارب يكون حلو المذاق كروحكم ... فأنتظروني ..... سندوسه |
|
03-09-2020, 11:39 AM | #784 |
|
عدنا ...
تحملني الذكريات لطفولتي ... كنت احب أن أبقى عند جدتي أم أمي ... أقضي أياما عندها ويجتمع اولاد خالاتي ... يأتي المساء فتوقد جدتي الفحم في طبق نحاسي وتضع خارجا في باحة البيت ليتقد .. وتحضر كرسيا خشبيا مربعا له قاعده من الطرفين .. وبجوانبه الثلاث كانت هناك لوح بوسط الفراغ ... اما الجانب الرابع كان فارغا ... تضع الكرسي في نصف الغرفه التي نسهر بها ... وكانت صغيره وتضع الصحن النحاسي الذي به الفحم المتقد داخل الكرسي .. وفوق الكرسي تفرش لحافا كبيرا .. فنجلس جميعا حوله ونضع اللحاف على ارجلنا .. فنشعر بالدفء يتسلل الينا .. فنسترخي .. كنا اطفالا .. وجدتي تجلس بيننا مبتسمة .. وتروي لنا الحكايا .. الشاطر حسن .. والامراء الثلاثه .. وكثيرا عن الغول والحسناء .. كانت تستهويني حكاياتها وطريقه سردها .. فأقاوم النوم المتسلل من خلال الدفء المنتشر حتى تنهي حكايتها فأغفو كما غفا الاخرين .. وننام كل في مكانه من دفء حنان جدتي ودفء المكان .. ولي عوده |
|
13-09-2020, 11:27 PM | #785 |
|
عدنا ...
من حكايات جدتي وأقوال جدي وحكمته تعلمت الكثير .. وبقيت كذلك أسئلة كثيره عالقه بعقلي .. لم أفهم أو أدرك المعنى ..أو أصل للأجابه إلا بعد أن صقلتني التجارب ... بحلوها ومرها .. ومازلت أتعلم ... سندوسه |
|
07-10-2020, 06:47 AM | #788 | |
|
اقتباس:
والله يعينك على طعنة بنت عمك يعني ما حصلت رجال غير زوجك ياعيب الشوم عليها وهو ماحصل غير بنت عمك رجال ماعنده ذوق ولا احساس ربي يعوضك في اولادك خير وخليه يولي البايع لا تشرينه ابد |
|
|
27-11-2020, 09:39 PM | #789 | |
|
اقتباس:
وأشكر لك غيرتك وكلماتك الطيبه وذلك أسعدني جدا لان ماكتبته وصل لقلبك ولكن أحب أن أضيف قصص الحياة تتشابه ربما تختلف المواقف والاشخاص ولكن هنا لاتشملني القصه ولكنها من المجتمع والواقع .. قال لي أحدهم إن أردتي أن يصل ماتكتبين .. فأكتبي باسمك .. عزيزتي .. ماأكتبه أحيانا يتكلم عن نفسي .. وأحيانا عن من حولي ولكن بلساني ... القصد أن تصل لقلوبكم بمصداقيه واحساس .. فالحياة بها الكثير .. وتعلمنا الكثييير ... نورتيني بصدق حروفك ولهفة قلبك ومحبتك وأسعدتيني بعبيييير وجودك .. لك كل الحب وباقات الورد سندوسه |
|
|
27-11-2020, 09:42 PM | #790 |
|
الله يسعد مساكم
اشتقت لكم .. ولكن ظروفي الصحيه احيانا تبعدني غصبا عني ... الحمد لله على كل شيء ... أتمنى لكم كل السعاده والصحه وراحة البال مع كثييييير من المحبه والدعاء ان تكونو دائما بخير مع ودي وباقات وردي سندوسه |
|
الذين يشاهدون محتوى الموضوع الآن : 8 ( الأعضاء 0 والزوار 8) | |
أدوات الموضوع | |
انواع عرض الموضوع | |
|
|