صفحات المضايف على تويتر
عدد مرات النقر : 185,057
عدد  مرات الظهور : 159,098,226
عدد مرات النقر : 180,594
عدد  مرات الظهور : 103,043,981مركز المضايف لتحميل الصور والملفات
عدد مرات النقر : 152,533
عدد  مرات الظهور : 87,180,140مضيف الخيمة الرمضانية
عدد مرات النقر : 151,090
عدد  مرات الظهور : 86,837,567صفحات المضايف على الفيس بوك
عدد مرات النقر : 186,461
عدد  مرات الظهور : 159,098,234
ملتقى الويلان الثقافي والإجتماعي
عدد مرات النقر : 155,620
عدد  مرات الظهور : 140,466,809
عدد مرات النقر : 151,470
عدد  مرات الظهور : 86,837,538فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 187,711
عدد  مرات الظهور : 153,296,4205موقع المضايف على أنستغرام
عدد مرات النقر : 181,150
عدد  مرات الظهور : 145,075,324ليل التعاليل
عدد مرات النقر : 178,284
عدد  مرات الظهور : 101,569,168
التميز خلال 24 ساعة
العضو المميز الموضوع المميز المشرف المميز المشرفة المميزه
قريبا 27 مارس يوم # مبادرة السعودية الخضراء
بقلم : جمر الغضا
قريبا قريبا

الإهداءات

« آخـــر الـــمـــشـــاركــــات »
         :: الزكاة ( فريضة وأحكام ) (آخر رد :خيّال نجد)       :: أكفلهم … ونحن نرعاهم (آخر رد :جمر الغضا)       :: اللي يسمع خالد يرفع 🇸🇦 واللي ما يسمع خالد يرفع 🇸🇦 (آخر رد :جمر الغضا)       :: وزارة التعليم رسمياً : (آخر رد :جمر الغضا)       :: 27 مارس يوم # مبادرة السعودية الخضراء (آخر رد :جمر الغضا)       :: ومن سيصدقني يا خديجة ؟ (آخر رد :كساب الطيب)       :: وزارة الدفاع قريباً : (آخر رد :كساب الطيب)       :: وزارة التعليم (آخر رد :كساب الطيب)       :: أمطار ورمضان 1445 هـ (آخر رد :كساب الطيب)       :: الشؤون الإسلامية قريباً : (آخر رد :كساب الطيب)       :: طبتم أينما كنتم (آخر رد :كساب الطيب)       :: شكراً ل | " (آخر رد :جمر الغضا)       :: أخصائي تغذية يحذر من تناول الجبن السائل ويكشف الأسباب (آخر رد :معزي العنزي)      


العودة   شبكة المضايف الأدبية والثقافية > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع عبدالرحمن اليمني مشاركات 6 المشاهدات 8643  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 27-04-2018, 06:16 AM
عبدالرحمن اليمني غير متواجد حالياً
Saudi Arabia    
اوسمتي
وسام المراقب المميز 
لوني المفضل Maroon
 رقم العضوية : 260
 تاريخ التسجيل : Nov 2009
 فترة الأقامة : 5236 يوم
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم : 10
بيانات اضافيه [ + ]

اوسمتي

حصري ديوان شعراء وشاعرات نخبة الشموخ الادبيه 📝



قصايد الشاعر جوهر الراوي

في دروب الود عندي شروطي
وصدق التواصل هو عمود اشتراطي

أخـوّة ً في الله في كل شوطي
هذا هو اللي فيه سر انبساطي

أرسم على لوح التآخي خطوطي
خطوط طول وعرض في كل شاطي

نقْوه ونخْوه ومحزماً له ربوطي
هقْوه ولقْوه والهدف ذو ارتباطي

على قولة جلال الدين السيوطي
من صاحب التّقاة زاد اغتباطي

حيث البشر امفرّدين ورهوطي
إمّا ذهب معدود معطي وعاطي

والاّ ذهيبه ذاهبه مثل قوطي
وزنه خفيف ولا يْتسنّع اخراطي

بعيد عنّي ولا يقرّب اشطوطي
مبغوض عندي أسود الوجه واطي

وانا اتٓخيّر أندر الصحب نوطي
صحابة عز وعزهم حيل ساطي

بيض الوجيه وخير الآحباب نوطي
اذا انتخيت جوني ضبط ورباطي

واللي على الحبلين يلعب نطوطي
أنا آشهد انّه عن مجاراتي باطي

جوهر الراوي

⚫⚫⚫⚫⚫⚫⚫⚫

ان ارتفع قدرك غدى فوق راسي
واذا نزل في داخل العين تلقاه

أنت بوسط القلب ثابت وراسي
اصبح مكانك فوق ما حد يرقاه

وان صارت الدنيا عمودي وراسي
ماراح تلقى بصفوة القلب و نْقاه

بحر الموده ما حصل له مراسي
قاعـه غويط ودم ذا القلب مسقاه

بآسباب حبك عفت ربعي وناسي
كم حذورني منْه وقالوا توقاه

دام الغلا في زود وماله قياسي
بعشق غلاك اللي خذا القلب فرقاه

جوهر الراوي


⚫⚫⚫⚫⚫⚫⚫

شفت الغضي من بعد مده بهرني
وفز له قلبي وفزّت له الروح
أنا آشهد انّه في غيابه قهرني
لكن شفع له زينه اللي كما الضوح
الغالي اللي في حنانه غمرني
صاين غلاي بْصدر واسع ومشروح
يغيب لكن بالوفا ما هجرني باني
لي في خفوقه ابراج وصروح
أصيل ولا هو من خياله حظرني
ثابت حضوري في سكوته مع البوح
واذا بدر مني الخطا هو عذرني
يقول يالغالي ترى دوم مسموح
جمال خلْقه لاحترامه جبرني
يملك مفاتيح الغلا بْشوق مفتوح
لله درّه لو طلب ما أمرني
يهمس بصوت ٍخافت ٍ همس مبحوح

جوهر الراوي
١٤٣٥/٧/١١هًـ

⚫⚫⚫⚫⚫⚫⚫⚫

شمّر قبيلة راجحه بالموازين
وعاداتها بالطيب راس الغنيمه

منذ القدم ما هو بذا الوقت والحين
من عهد حاتم بالعهود القديمه

أهل الكرم والجود والملتقى الزين
واهل الشهامه والمودّه الحميمه

تاريخهم ناصع كماالشمس بادين
خذوا من اسم الشمس ثلثين شيمه

الشِين ويّا الميم شِم ّ وميامين
وللمرجله بعروقهم شآن وقيمه

هم الطنايا والسناعيس عُرفين
عُرف الشهامه والنوايا السليمه

عزّ الله والله ... انّهم بالميادين
أهل الجساره في نهار الزحيمه

وعزّ الله والله ... انّهم للنياشين
فرسان احسان وسايسين الشكيمه

وعزّ الله والله ... انّهم دوم وافين
ما فيهم اللي يغْدِرك بالعتيمه

وعزّ الله والله ... انّهم بالدواوين
شِيخةْ شيوخ موثقين الصريمه

وعزّ الله والله ... انّهم حرف واثنين
من طي طالوا كل عز ٍ و سيمه

وعزّ الله والله ... انّهم روس راسين
ما فيهم اللي به صفات ٍ ذميمه

وعزّ الله والله ... انّهم فخْر طورين
طور ٍ قديم وطور داير حويمه

وعزّ الله والله .. بالشجاعه مْعٓروفين
أهل فراسة وللحماسة زعيمه

وعزّ الله والله ... بعد حيّ المغيرين
أهل مراس وأهل همّة وعزيمه

وعزّ الله والله ... ما يهابون غازين
واللي يْغزاهم له عواقب وخيمه

وعزّ الله والله.. للنصر دوم ضارين
ما يٓعْرفون الخوف والاّ الهزيمه

وعزّ الله والله ... عزوة ٍ للمساكين
وعون الضعيف ومن شكا من غريمه

وعزّ الله والله ... للمعزّات معْلين
ذوو القلوب الصافيه والرحيمه

وعزّ الله والله.. في دروب المقاضين
مشوا مشوار العدْل بليّا ظليمه

وعزّ الله والله ... لو تدور الطواحين
تخور منها كل نفس ٍ لئيمه

وعزّ الله والله ... في وجيه الموالين
نور وسرور وبسمة ٍ مستديمه

وعزّ الله والله ... والوفا فيه نوعين
ظاهر و باطن والجفا له عديمه

وعزّ الله والله ... عندهم للمعادين
عِد وعتاد وسطوة ٍ مستهيمه

وعزّ الله والله ... لو نشوف الزمانين
شمّر تشمّر عن سواعد قويمه

وعزّ الله شمّر للمراجل عناوين
بصفحات تاريخ البشر لٓهْ قسيمه

وعزّ الله شمّر للمواجيب ساعين
تشهد لهم كل المشارف عميمه

وعزّ الله شمّر في ذرى العز لافين
والعز في ذرى السناعيس خيمه

وعز الله شمّر ذخْر مذخور مبْدين
معدن أصيل وللمواصيل ريمه

وعزّ الله شمّر تضْمر الخير وتْبِين
تبذر جمايل في بيادر نهيمه

وعزّ الله شمّر ما تذمّر و لا تشين
دايم على فعل المعاريف تيمه

وعزّ الله شمّر ما تدمّر و لا تعين
إلا على الفزعات من غير ضيمه

رجّالهم يسوى قبيلة وثنتين
بالفعل والنخوه ونفس ٍ كريمه

وحرمتهم لاجات اللوازم على الدّين
حرّه أبيّه بالمواقف فهيمه

وصبيّهم رجّال ما ينقصه شِين
يهلّي ويرحّب مثل هتّان ديمه

و جارهم معدود ضمْن المهمّين
حقّه عليهم مسفهل والحشيمه

والضيف له كرامة أهلين وسهلين
له الضيافه والقِرىٓ والوليمه

لْشمّر سلوم العز والعز تمكين
وامجادهم بالطيب ليست عقيمه

والمدح بالطنايا يقصر بتضمين
حيث انْ مآثرهم على الناس غيمه

هذا وصلاة الله على مكمّل الدين
محمّد رسول الله صلاة ٍ مقيمه

الشاعر جوهر الراوي الرويلي
⚫⚫⚫⚫⚫⚫⚫⚫
‪ الظلم ماهو ظلمها الناس للناس
الظلم والله ظلم نفسك لنفسك

وقبل ما تظلم ترى الظلم نكاّس
يرجع لك أقوى مما كان ويعٓفْسك

تندم ولات حين مندم على ساس
يطيح حظّك ماشي السير عكسك

دنيا تدور وكل دوره لها بآس
ونهاية الدوره في يومك وأمسك

الظلم من صفات الانذال الانجاس
فاحذر يكون الظلم حتى بهمسك

واحذر تعين كل ظالم على الناس
تصبح أسير وفي سجونه يحبسك

واللي يتوب ويرفع الظلم والياس
يلقى الأجر مضاعف ٍ دون ممسك

جوهر الراوي

⚫⚫⚫⚫⚫⚫⚫⚫

من حكم بالعدل في حكم بلدان
يعيش طول العمْر بخير وسعاده

واهل الوفاء لهم من الطيب تيجان
سـعوا وربيّ عانهم من عباده

أهل الكرم والجود في كل ميدان
اللي لهم تاريخ بنهج القياده

آل السعود أسُود وطيور حوران
تاريخهم رفع منار السياده

آل السعود سنود وجنود شجعان
سادة وطن مع كل فخْر ورياده

بيض الفعول وقولهم ود واحسان
أهل الثقه ... ولا هم بحاجة شهاده

لهم جزيل الشكر مع زود عرفان
قطْر النـّدى ديمة أمل وامتداده

إلهي تسـعدهم على طول الآزمان
وتجري لهم مُلك ٍ عظيم وزياده

وتـمد بْعمرهم على العمر عمران
ويغمرهم الرضا الجميل وعماده

واكتب لهم توفيق في كل الاحيان
واجعل سعٓدهم عندهم دوم عاده

وارزقهم من فضلك على البر برهان
غفران مع رضوان ومال وإفاده

وصحّة بدن مع نفس مع زود إيمان
يحيوا حيـاة ٍ هانيه بْلا نكاده

وثقّل لهم حساني في كف ميزان
يا واهب الإحسان ومضْفي وداده

ياربّي واحفظهم من الإنس والجان
وحقّق لهم مرادهم مع عتاده

رمز الوطن وطنهم من خير الآوطان
هم الشيوخ ووصْفهم خير قاده

جوهر الراوي

⚫⚫⚫⚫⚫⚫⚫⚫

قالوا علامك قلت والله مظلوم
ظلم ٍ عظيم شق ستر الظلامي
سبة وليف ٍ لي عليْ كثّر اللوم
لوم الحبيب اللي يكثّر ملامي
هو مرخص ٍ لي وآنا له معلي السوم
مغليه وحبّه في خفوقي وسامي
وحرفي من آجله غادي ٍ حيل محموم
أحر ما عندي له برد وسلامي
يا قاضي الغرام و يا سيّد القوم
أحكم وإفصل في قضية غرامي
سنين حبي كنّها المسك مختوم
لولا الفراق اللي يشابه عدامي
المسأله يا سيّدي دايم الدوم
أنا آتقرّب له وله دوم آحامي
له الغلا في دمّي واضح ومعلوم
وعشقه بشرياني يحقق مرامي
ياما و ياما أسهر الليل محروم
محروم من شوفَتْه والشوق حامي
وهذا الوله ما يركد بصولته يوم
ما غير ثاير وآصبح القلب دامي
ما غيره اللي يسعد الروح زيزوم
حيث إنه محور رغبتي واهتمامي
عزّاه يا عين ٍ جلا عنّها النوم
صارت سهيره بالليال الغشامي
وعزّاه يا قلب ٍ غدى اليوم مصدوم
والروح باتت من عناها تضامي
وعزّاه يا جسم ٍ من القو معدوم
عجزت تشيله حتى أقوى عظامي
وعزّاه يا حب ٍ على الهجر ملزوم
يا كيف يحيا دون وصل وهيامي
وعزّاه يا العواذل خادم ومخدوم
وش حدّكم على الشمايت دوامي
وعزّاه يا نفسي من اللف والحوم
في كوكب العشاق مثل الحرامي

جوهر الراوي



 توقيع :
لابتي ويلان أفديها .....بدمي وروحي

رد مع اقتباس
قديم 27-04-2018, 06:19 AM   #2


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

حصري قصايد الشاعره ضامية الود





شفت السماء تمطر وأحسبه مطر خير
‎أثــر السـمـاء تبـكـي عـلــى سـوحـالـي
‎وبـروقـهــا تـلـســع بـقـلـبـي مـسـامـيـر
‎ريـــح وعـواصــف مقتفـيـهـا شـمـالــي
‎مـالــي جـــدا يـاكــود كــثــر التـعـابـيـر
‎وياكثـرمـا دمع(ن)عـلـى الـخـد سـالــي
‎مــــن هم(ن)بـقـلـبـي مـاشـالــه الـغــيــ
‎اواهــنــي قـلـب(ن)مــن الــهــم خــالـــ
‎مـاهــمــه إلـــــى كــثــرتــه لـلـمـسـايـيـر
‎مـتــســلــي مــابــيـــن عــم(ن)وخــالـــي
‎ومـاهـمــه إلــــى حـسـبـتــه لـلـدنـانـيـر
‎مـــافـــكـــرو أن أخـــرتـــهـــا زوالـــــــــي
‎اضحـك مـع العـذال وفـي داخلـي غـيـر
‎قـالــو عـلامــك قــلــت مــانــي لـحـالــي
‎مع ضيفـي الهاجـوس اخـذ مشاويـر
‎انـــا أشـتـكـي مـنــه وهـــو مـاشـكـالـي
‎يالله يـــالـــلـــي عـــلـــيـــك الــتــدابــيـــر
‎انـــت الـولــي مـاغـيـرك الـيــوم والــــي
‎تـفــرج لقلـب(ن)شـايـل الــهــم تـكـويــر
‎مــن خلقـتـه مـاهـو عــن الـهــم سـالــي
‎غـيـري مـشـا وانــا نــزل بــي محـاديـر
‎دايـــــم مـرافـقــنــي وكـــنـــه ضـــلالـــي
‎بـــك الأأمـــل يـــارب يامـعـيـش الـطـيــر
‎ال يـشـحـذك لاتـرجـعــه مــنــك خــالــي
‎صـلـو عـلـى المـخـتـار سـيــد المخـاتـيـر
‎عـلـى الـنـبـي الـبـعـوث عـــد الـرمـالـي

⚫⚫⚫⚫⚫⚫⚫

يالله ياللي خالق الروح من روح
ياخالق الامه ومحصي عددها

يامبري جروحٍ ويا مجدد اجروح
بامرك تسيّر غيمها مع رعدها

تمشيبي الأيام من غير مصلوح
والنفس تبذل للمساعي جهدها

ايامنا تاخذ مْن العمر وتروح
والمسعد اللي للعباده رصدها

يا الله ياللي باب دعواك مفتوح
يارافعٍ سبعٍ بليا عمدها

تفرج لعينٍ تذرف الدمع وتنوح
من عبرةٍ بالصدر تخفي نكدها

واعداد ما غرد حمامٍ على الدوح
صلاتنا على النبي نعتمدها


الشاعره ضامية الود

⚫⚫⚫⚫⚫⚫⚫

قالو علامك قلت مدري علامي
اقطف من الأيام ثمرة دهرها
وقالو وش المحصول يابن الكرامي
قلت العنا والهم حالي دمرها
وقالو علامك قلت كدر منامي
عيني تبي الغفوات وقلبي عسرها
تذرف دموعن بالمحاجر مكامي
من الي بصدري كاتماتٍ عبرها
من رافق الهاجوس مابه سلامي
يادق باب القلب ليله سمرها
ولاتنشدوني ياعرب وش مرامي
ولاتبحثوني عن خوافي كدرها
وقلتو علامك قلت هذا كلامي
وعسى الولي يفرج لعيني سهرها
ونطلب ولي العرش حسن الختامي
ومن يطلبك يا لله لا تعتسرها
ياعالمٍ ايامها وشهورها والعوامي
ياحصي مابالكون عدت بشرها
والخاتمه صلو صلاة وسلامي
علي النبي راعي الرساله نشرها

الشاعرة ضامية الود

⚫⚫⚫⚫⚫⚫⚫

يامشر(ن) بيديك ماعندي اخبـار
=لاتنشد المهمـوم عـن ماجرالـه

يادقبه الهاجوس مايدري اش صار
=ما كن حولـه نـاس ولاحدقبالـه

وليا أنتبه من ونته يزعج الجـار
=لـوه ابلـذ النـوم كنـه دعالـه

او ونت المكسور ماحوله اجبـار
=برضن خلا خلـوه ربعـه الحالـه

ينوح نوح الورق في عالي الشجار
=ويصفق بكفه من يميـن لشمالـه

هيضت مكنون الحشاءصغار وكبار
=يبي ابوح ابهاجسي مـن هبالـه

لاتهيض المسكين ياميـت النـار
=شكواي للمعبود عز مـن شكالـه

هذا الذي عندي وش صار ماصار
=ياصارمـا يعنيـك مالـك ومالـه

يالله ياعالـم خفيـات الاســرار
=تفرج ال منهو كايد الهـم شالـه

الشاعرة ضامية الود

⚫⚫⚫⚫⚫⚫⚫

احـسـب انـجـوم اللـيـل وافـقــد عـددهــا
وارجــع واعــد انجـومـهـا عـــدت امـــرار
ولـيــا بـديــت اعــــداد فــكــري نـشـدهــا
كــم الـعــدد فـــي فـكـرتـك جـايــره جـــار
مــثـــل الــيـــدور حـاجـت(ن)مـاوجـدهــا
ومنهو يعد انجوم السماءاكباروصغار
مــن كـثـر ماشـفـت الـنـكـد مـــن مـهـدهـا
قـامــت تـــراوى ظـلـمـت الـلـيـل
بـسـفـار
ومـثـل الخـلـوج الــي مضيـعـه والـدهــا
الله يـعـيـن الــــي مـضـيــع لــــه احــــوار
وقـامــت تـهــل الـعـيـن دمــعــت نـكـدهــا
والـخـد يشـكـي الـعـيـن لادمـعـهـا ســـار
تــــــذرفادمـــوعـــنبالـمـحـاجـركـمدهـا
وستـرسـلـن مـــن مـحـجـر الـعـيـن نـثــار
مــن هــو يشـيـل الظـيـم وعـنـك سنـدهـا
بهـذا الـزمـن مـحـد درا عـنـك وش صــار
واعـزتــي لـمــن هــــي خــايــب سـعـدهــا
مـثـل الــذي يطـبـخ حـديـده عـلــي نـــار
يالله يامـنـشـي اغيـومـهـا مـــع رعــدهــا
ويــارازق الـحـيـه وهـــي داخـــل الـغــار
تــفــرج لــمــن هــــو لـيـلـتـه مــــا رقــدهــا
ويحـسـب نـجـوم اللـيـل بـأمـرار تـكــرار

الشاعرة ضامية الود


 


رد مع اقتباس
قديم 27-04-2018, 06:20 AM   #3


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

حصري هجينات الشاعر خالد المرواني ابو فارس






قلبي تعلق وفكري فيك
ياحارق الروح بالعاني
اشقيت حالي وانا مغليك
مدري على ويش يالجاني
عندي طلب دامني مخليك
من كل عقلي ووجداني
ارجوك خذها الليالي ذيك
والحلم خله على شاني


ابو فارس.

⚫⚫⚫⚫⚫⚫⚫

حن الغرام القديم وعاد
ونبش بنا جروح ماضينا

جدد علي الطعون وزاد
حزني* لذكرى* تلاقينا


ابو فارس.

⚫⚫⚫⚫⚫⚫

زيدي بكلامك مزاجي مر
زيدي .. حروفك قطع سكر

وقتي معاكي بسرعه يمر
من* دونك* الجو* متعكر


ابو فارس .

⚫⚫⚫⚫⚫⚫⚫

الشوق يذبح بعيد الدار
ويعذب القلب ويعلّه

أخفيت طيفك عن الأنظار
وأشقيت لي خاطري كلّه


ابو فارس

⚫⚫⚫⚫⚫⚫⚫

طعت الهوى والهوى ماطاع
وانا اشهد ان الهوى بلوه

ضيعت دربي وعمري ضاع
واصبحت اعاني من القسوه



ابو فارس.

⚫⚫⚫⚫⚫⚫⚫

بين الفرح والأمل والياس
ضاعت علي مجمل أيامي

تبغى الحقيقة مابين اقواس
( ذكراك هي مصدر آلامي )


ابو فارس.
⚫⚫⚫⚫⚫⚫⚫⚫

يا للأسف ماتت أحلامي
وضاع الأمل وإنتهى المشوار

للخلف ترجع بي اقدامي
واضيع في سكّتي وأحتار


ابو فارس

⚫⚫⚫⚫⚫⚫⚫
بحر الهوى يتعب السبّاح
فالبعد وفي طول قاماته

والي يحاول يبي يرتاح
يلقى العنى في نهاياته


ابو فارس

⚫⚫⚫⚫⚫⚫⚫

غريب تايه عن الاوطان
ماكن له دار يعرفها

عايش حياته الم واحزان
حتى همومه موالفها


ابو فارس.


 


رد مع اقتباس
قديم 27-04-2018, 04:06 PM   #4


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

حصري قصايد الشاعر موسى العنزي





الرفقة اللي حركوا حزة عصير
تسابقوا بالطيب ذربين الايمان

شدوا على اللي يقطعن المشاوير
بالخط والا مع صحاصيح وديان

عليهن اللي يعشقون الغنادير
عز الرفيق ليا تعزووا بعجمان

من روس قوم يدحمون الطوابير
لا صار ضرب السيف ومزرج الزان

سعد سعدك ليا كشف برقع الطير
وهده على جول الحباري مسيان

ومبارك ضويحي زبون المناعير
وخيران ابن مجحود يسمو ولا هان

هو قائد الرحله يصدر تقارير
للرفقه اللي شانهم بالوفاء شان

خوة شرف ماهي مصالح دنانير
ما حسبوا للمال رابح وخسران

ما غير حب البر ومشاهد بعير
وحب القنص مابين كدري وغزلان

وعند المساء تقديم در المصاغير
وتقليط جزلات الهرافي من الضان

سلام مني ،، للرجال المشاهير
اللي لهم بالعز والمجد برهان

وصلاة ربي عد ما غرد الطير
على النبي الهاشمي نسل عدنان

موسى العنزي

⚫⚫⚫⚫⚫⚫⚫

حي البيوت وحي من عدّ الابيات
الوايلي لجزل الفعايل ... تملّك
يا مرسلٍ من صافي الود باقات
تحمل شعورالود والوصل مسلّك
هديتك جتني بأجمل .. عبارات
عبر الأثير ابيوت شِعرك وفتلك
يا جوهر الألماس ساس الزعامات
ربعك هل العليا على الطيب مثلّك
انا اشهد انك من رجال الشكالات
المجد حزته ما قصر عنه حبلك
ي الشهم يالوافي بكل المجالات
بالطيب والأحسان كلٍ شهد لك
فيك الأدب والذوق يا طيب الذات
مع لين جانب والتواضع سمه لك
حسن الخلاق ودايم الأبتسامات
واللي قرب من مجلسك ما يملك
دعوت لك ربي ادبار الصلوات
انه على نهج الصحابه يدلك
ي الله يا خالق بديع السموات
أحفظ لنا جوهر ومده بفضلك
واختامها مني سلام وتحيات
على الذي مبعوث بالدين لاجلك

( توضيح اي لاجل الانسن )

موسى العنزي

⚫⚫⚫⚫⚫⚫⚫

يا الله يا معبود يا مكون الكوني
يا سامع ليونس بغبات الاهوالي

ياناصرٍ موسى على قوم فرعوني
وياحافظٍ يوسف تحت شفة الجالي

تجبر قلوب جرّت الصوت بلحوني
باسباب فرقى وليفٍ بالهوى غالي

ما لوم قلب ٍطواه العشق مغبوني
ولا لوم عينٍ تهل الدمع همالي

ما كنه الا صويبٍ طاح مطعوني
طعنة عدوٌ صاب مضرب ومقتالي

جرحه عميق وداخل الصدر مدفوني
حزن وأسى مع زود همٍ وغربالي

حيث الهوى راعيه مُتعب ومفتوني
رايه عنيد ولا سمع هرج عذالي

ومما حصل لك باح به كل مكنوني
عزي لحالك يا نديبي و عزالي

موسى العنزي


⚫⚫⚫⚫⚫⚫⚫

سلام يا دار الكرام الحشيمين
ديرة هل التوحيد اهل الشهامه
مهبط كتاب الله وارض الحرمين
ومبعث نبيٍ قادنا ... للكرامه
محمد اللي بين الحق تبيين
نوره سطع بالكون وادبر ظلامه
اسس قواعد دولة العدل والدين
منهاج نتّبعه ليوم ... القيامه
وساروا على نهجه رجالٍ تقيين
لين فتحوا فارس وعادوا لشامه
من بعدهم سادوا ملوك وسلاطين
وكلٍ نهج نهجه واسس نظامه
وتغيرت بعض الشرايع قوانين
وكلٍ يقدم ما يناسب ... عمامه
والجهل عم وساد بين الفريقين
حتى وقع بالشرك اهل اليمامه
ثم انبرى بالعلم والشرع ليثين
محمد بن سعود والشيخ امامه
تبايعا بالعهد في العسر واللين
اما النصر والا تزول .. الملامه
وتحقق المقصود في عدة سنين
عم الامن والخوف قفّا عسامه
وتتابعوا حكام نجد الميامين
آل السعود اهل الكرم والزعامه
ساروا على درب الرجال الوفيين
اللي لهم بالمجد رسم وعلامه
وجاها ابو تركي زعيم السلاطين
وتوحدت له من شمال لتهامه
وعياله الوافين في الدرب ماشين
لين وصلت سلمان قاد الجهامه
قال انعمي يادار بالامن تبقين
يموت خصمك ما يحقق مرامه
واللي يروم المملكه فاله الشين
يبي الخلاص ولا تشيله عظامه
المملكه دونه رجالٍ .. صعيبين
اهل الشجاعة والوفاء والصرامه
يالله تنصرهم على كل باغين
من اهل الضلال وكل نذل وهلامه
ويا دار يا دار الرجال العزيزين
تجملي بالعز و ارخي كمامه
حبك بدمي جاريٍ بالشرايين
خوذي تحايا الود بازكى سلامه
وصلاة ربي عد ناسٍ مصلين
على النبي واعداد وبل الغمامه
موسى العنزي

⚫⚫⚫⚫⚫⚫⚫

سلمان ليث الغاب ارهب اسباعه
ولا همته كثر الضواري المجيعه
من ينكر المعروف بالحق صاعه
ما يرتضي بالمايله .. والهزيعه
وغيثٍ على البلدان وقت المجاعه
مدات اخو نوره براس الطليعه
وليا امر سلمان جينا .. بساعه
نقول : له لبيك أمرك ... نطيعه

موسى العنزي

⚫⚫⚫⚫⚫⚫⚫

يا زين لون الدر وزن ،،، ،، المعاميل
في خايعٍ يكسوه من كل منبوت

والروض طافح من قراح الهماليل
في صحصحٍ ما داج به كل سربوت

ما تسمع الا لام سالم ،،، مواويل
ترفع بصوتٍ ثم تهوي على صوت

والبيت مبني بالهضاب المظاليل
ما كنه الا قارةٍ حولها ،، اخبوت

واللي تحوفه بنت قرم الرجاجيل
ما دوجت بالسوق في كل حانوت

وعندك نشامىً كل ابوهم مشاكيل
على الوفا والطيب وافين واثبوت

وعند العشاء تقدم سمان المهاجيل
ما حط به ماجي ولا جاته زيوت

ومن بعد هذا تستطيب التعاليل
الليل قمرا ولا تبي شبة ،،، ليوت

واخير منها ليا بقي ثلث من ليل
تقوم للمعبود والاجر ،،، مثبوت

موسى العنزي


 


رد مع اقتباس
قديم 28-04-2018, 02:40 AM   #5


الصورة الرمزية خيّال نجد
خيّال نجد متواجد حالياً

بيانات اضافيه [ + ]
 رقم العضوية : 63
 تاريخ التسجيل :  Oct 2009
 أخر زيارة : اليوم (07:30 AM)
 المشاركات : 20,934 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Green

اوسمتي

افتراضي



تسلم اياديك على الطرح
عافاك الله

ودي لك


 
 توقيع :


رد مع اقتباس
قديم 28-04-2018, 03:08 AM   #6


الصورة الرمزية كساب الطيب
كساب الطيب غير متواجد حالياً

بيانات اضافيه [ + ]
 رقم العضوية : 977
 تاريخ التسجيل :  Jul 2010
 أخر زيارة : يوم أمس (05:53 AM)
 المشاركات : 17,615 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Darkred

اوسمتي

افتراضي



يعطيك العافية على الطرح القيم والجميل
وًٍدًٍيًٍ......لًًًٍٍٍكًًًٍ......


 


رد مع اقتباس
قديم 28-04-2018, 04:09 AM   #7


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي



صحت السنتهم على الإبداع الجميل

وسلمت اياديك اخوي عبدالرحمن على الديوان المميز


فائق التقدير


 
 توقيع :


  مـواضـيـعـي


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:39 PM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education