صفحات المضايف على تويتر
عدد مرات النقر : 185,068
عدد  مرات الظهور : 159,113,058
عدد مرات النقر : 180,605
عدد  مرات الظهور : 103,058,813مركز المضايف لتحميل الصور والملفات
عدد مرات النقر : 152,544
عدد  مرات الظهور : 87,194,972مضيف الخيمة الرمضانية
عدد مرات النقر : 151,101
عدد  مرات الظهور : 86,852,399صفحات المضايف على الفيس بوك
عدد مرات النقر : 186,472
عدد  مرات الظهور : 159,113,066
ملتقى الويلان الثقافي والإجتماعي
عدد مرات النقر : 155,631
عدد  مرات الظهور : 140,481,641
عدد مرات النقر : 151,481
عدد  مرات الظهور : 86,852,370فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 187,722
عدد  مرات الظهور : 153,311,2525موقع المضايف على أنستغرام
عدد مرات النقر : 181,161
عدد  مرات الظهور : 145,090,156ليل التعاليل
عدد مرات النقر : 178,295
عدد  مرات الظهور : 101,584,000
التميز خلال 24 ساعة
العضو المميز الموضوع المميز المشرف المميز المشرفة المميزه
قريبا 27 مارس يوم # مبادرة السعودية الخضراء
بقلم : جمر الغضا
قريبا قريبا

الإهداءات

« آخـــر الـــمـــشـــاركــــات »
         :: الزكاة ( فريضة وأحكام ) (آخر رد :خيّال نجد)       :: أكفلهم … ونحن نرعاهم (آخر رد :جمر الغضا)       :: اللي يسمع خالد يرفع 🇸🇦 واللي ما يسمع خالد يرفع 🇸🇦 (آخر رد :جمر الغضا)       :: وزارة التعليم رسمياً : (آخر رد :جمر الغضا)       :: 27 مارس يوم # مبادرة السعودية الخضراء (آخر رد :جمر الغضا)       :: ومن سيصدقني يا خديجة ؟ (آخر رد :كساب الطيب)       :: وزارة الدفاع قريباً : (آخر رد :كساب الطيب)       :: وزارة التعليم (آخر رد :كساب الطيب)       :: أمطار ورمضان 1445 هـ (آخر رد :كساب الطيب)       :: الشؤون الإسلامية قريباً : (آخر رد :كساب الطيب)       :: طبتم أينما كنتم (آخر رد :كساب الطيب)       :: شكراً ل | " (آخر رد :جمر الغضا)       :: أخصائي تغذية يحذر من تناول الجبن السائل ويكشف الأسباب (آخر رد :معزي العنزي)      


العودة   شبكة المضايف الأدبية والثقافية > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع ஜ نــادر ألـولدعے ஜ مشاركات 2 المشاهدات 25509  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 05-01-2011, 08:03 PM
ஜ نــادر ألـولدعے ஜ غير متواجد حالياً
لوني المفضل Cadetblue
 رقم العضوية : 1410
 تاريخ التسجيل : Dec 2010
 فترة الأقامة : 4842 يوم
 أخر زيارة : 06-02-2012 (11:15 PM)
 المشاركات : 214 [ + ]
 التقييم : 10
بيانات اضافيه [ + ]
ديوان الشاعر الكبير/ متعب المطلق الركابي






أيها الاحبه الكرااااام / زوار وأعضاء مضايف عنــــزه,,,,

اتشرف بتقديم مجموعه من قصائد الشاعر :


متعب المطلق الركابي


************************************************** ***************
ذالك الشاعر الذي ابتدي من حيــث انــتهى الاخـــرون حفر لــه اسما بارزا في ذاكــــرة النــاس ومتــابعي الساحه الشعبيه......
متعب المطلق شاعر مبدع اســتطاع ان يـــلفت الأنظار الــي قصائـــده عنــدمــــا تقــرا اول قـصـيـده له يـرسـخ اسـمــه بذاكرتك.......
متعب المطلق شاعر هـذا هـو اســمه وهـذا فـعله فـي نفـس الـوقت انــه يـتـرك المحــدود والمــؤطر والثـــابت ويظـــل يركض وراء ""المطلق""..........
متعب المطلق او المــاء او الصبــاحــات تــغســـل نــوافـــذ الـبـيـوت بـالـنــدى....سـمـه مـا شـئـت واقـــــــــرا:





(( نار السؤال ))

البال يقطف هواجيس الظلام البليد=وبنت الفكر شامة الفرقا على خدها
تبكي على حلمي اللي مات ماهو شهيد=يوم أنتحر بالظروف ولاكسب ودها
ثلاثة أعوام مر العيد من دون عيد=للعيد فرحه مع الأفراح iماعدها
هناك غلطه .. وحزن أمي .. وواقع عنيد=وهنا القلق والوجّيه وسالفة صدها
اللي بقى جرح يكتبني قديمه .. جديد=لأطلال تاقف بي الذكرى على حدها
عمري مسيره وقلبي بين نار وجليد=أربع فصول المواجع بيحّت سدها
الفرحه اللي بقت عبره .. وحسرة .. وقيد=وسوالف التيه آخر كلمه أردها
يارغبة البوح من نزف الوريد .. لوريد=أن جتك كلمه تعيد الجرح .. لاتهدها
دام الملل في حياتي غير .. شكله فريد=تنهيدة أمسه تسافر بي على غدها
لو بالقصيده يكون الحلم لحظات .. أكيد ؟=قلت لزماني على كل الزمن بدها
حتى أني أهرب من الواقع لعزلة وحيد=من نفسي اللي تلهّف والنوى هدها
جينا من أقصى التعب للراحه أربع عبيد=أنا / ونار السؤال / وجرحي / وردها
قبل أكتب الشعر وأبحر مع خيال القصيد=كنت أتمنى قصيده جزرها .. مدها
واليوم شاعر ولأني في حياتي سعيد=يانبض روحي حروفكِ عاد من قدها ؟
البال يقطف هواجيس الظلام البليد=وباقة قصيدي تعبت أجمع أبوردها


(( اللحظه الحرجه ))

انا لا نعست وجيت لنوم تالـي الليـــل=غدا النوم في عيني و ضاقت بي الفرجه
طرى ما طرالي من همومن تهد الحيل=اسولف على نفسي ونوب اغدي الهرجه
تواما الظلوع وكن بالصدر رجد الخيل=من الهاجس اللي ينعرج بي مية عرجه
ادور حلول لعقدتن مالها تحليل=طويله عريضه والبخت مايلن سرجه
دورت بالابراج فزعه وهي تمثيل =اثر برجي اقشر يوم كلن قرا برجه
عسى الله يسويها عقب منجفت بالميل=ويحل العقد في حزة اللحظه الحرجه



((الضحكه الصفرا))

راح الكثير وما بقا الا القليلين=النقص حاصل والبدايه نهايه
ياقلهم لو هم بعيني كثيرين=ياقلهم ياكثرهم من ورايه
لو الليالي علمني هك الحين=رفعت في وجه الشماته عصابه
اروي عطش واظمأ فرح بس من وين=والبخل من طبع السحاب وسمايه
اخفي الحزن تفضح معاناتي العين=الظحكه الصفرا تبيح الكمايه
جرح وصبر والحظ هو ثالث اثنين=ابطال في قصة مسلسل شقايه



((حزة الضيق))

الله يذكر حزة الضيق بالخير=اللي تبين صاحبي من عدوي
كم واحدن قبل اصطفاق المقادير=اقول ذا جوه مطابق لجوي
واليا رماني الحبل في قاعة البير=قفا وولى مع صحاصيح دوي
وكم واحدن ماظن به غير تقصير=ويبين بالشده جزيل مروي
الباز هو والبوم كل اسمهم طير=والكلب ينبح والذيابه تعوي
بان الصحيح وفات وقت المعاذير=توي عرفت الناس يا ناس توي


(((الفرقى بليا تلاقي)))

يامصعب الفرقا بليا تلاقي=لاغاب عنك اللي تعزه وتغليه
يا شينها لا من نحاه الفراقي=ثم ابعدت سود الليالي محاريه
لاميت(ن)ينسى ولاحي باقي=عندك قريب وكل يوم تراعيه
البعد مثل الموت يحرق احراقي=والميت اهون لكن الحي ترجيه




النظر فضااااااح


اسمحلي ان النظر فضاح=غصبن عليه تعلق بك
انت البحر داخله سباح=وانا غريقن توهق بك
يا عطر يا ورد يا فواح=ما ذقت نوم الملا عقبك
ماكل منهو تعب يرتاح=ارتاح لولاي واثق بك
يا صاح رد النظر يا صاح=وخل المسرات تشرق بك


فايتن فات


ماني بمتحسف على فايتن فات=ما دام بانت لي جميع الحقايق
شفت الحقايق لكن اغضيت بسكات=ولو قلت عارف ويش رد الخلايق
واظن ما ليه غروسن وشتلات=وما همني لو الخفايا تهايق
ما عاد لي رغبه ولا اطريت نوهات=حيث ان ممشا الدرب ماهو بلايق
اصد بعيون المقفين اشارات=وبالمقبلين القا اهتمامن يوايق
المقفي ابعد عن مجاله مسافات=القا عنه مجنب بعدة طرايق
وانا رفيق اللي معي كل الاوقات=وله وجه واحد ما يحب الدقايق
وانا افهم المعنى بكل العلامات=وآخذ جزيله واتلافا اللفايق
الوقت درسني ولي منه بصمات=بين لي الخافي بكل الوثايق
يا كثر ناسن تلتفت لي بنيات=وانا غنين عن وفا كل بايق
حر الصحيح ولا براد المتاهات=يا حلو بعض الصدق لو هو يضايق


الوفا .....

قال الوفا قلت الوفا للهوا في=يضلل غصونن ورقها الحناني
وقال الرسايل قلت ما تفيدني شي=قلبي بريدك والرسايل لساني
وقال الصبر قلت الصبر زادني كي=اتصدق ان الله بحبك بلاني
قال الجفا قلت آه لا تذكره لي=لا تطري الفرقا ترى الموت جاني
ليتك بها الدنيا وحيدن وانا حي=اللي تشوفه كل وقت وزماني
وتصير لي عن ظلمة ايامي الضي=ومن وين ما تجلس مكانك مكاني


الاعذار......

كم واحدن قبلي قتلتيه بالعين =غدارتن بالحب توي خبرتك
ما صدق الاعذار لا لا تقولين=لو هو صحيح العذر مبطي عذرتك
اضن ما ينحط في قلبك اثنين=اليا هويتي واحدن ما ذكرتك
ضاع الوفا ولا بقى له قوانين=لا واااحسايف جيتي يوم زرتك
من اول افرح لا هرجتي لي بلين=واعاف كل الناس لامن نظرتك
ما اشوف غير انتي بك الحسن والزين=يا ناكره حبي وانا ما نكرتك
بعدين يكشف لك زمانك وتدرين=اني وفي وبالغلا ما غدرتك


هوا القلب....

ليا غبت يجذبني هوا القلب قدام=ياليت شوف عيونكم منكتب لي
ماهو جفا لكن مقادير واحكام=هذا زمانن كم بلا الناس قبلي
يا زين وا قلبي تصرم تصرام=يا حيلة الله ويش ربي جلب لي
متولين عيني سهرها من العام=يومن داع البعد عنكم وجب لي
مال الغياب ومرمسه عنك الاعلام=وارخيت لك في سكة الود حبلي
اليا ذكر لي نظرتك بالتسلهام=بهاك العيون اللي شركهن نصب لي
تقول يزهم لك من الروح زهام=على معاطيش الضماير قضب لي


يمال فرقا العين.....

يمال فرقا العين وينك وانا وين=ويني ووينك ونت وينك وويني
من عام الاول ونت ياقرة العين=حتى وانا نايم بنومي تجيني
وشلون ابسلا وانت غايب زمانين=يرثي لحالي عقبك الشامتيني
مابين غار ونار اقاسي عذابين=بعدك علي وقاسيات السنيني
صابر وجاحد لي مع الوقت جرحين=وارجي عسا موعد لقانا يحيني
ياشين هالايام لوانها اتزين=الزين لا بده يعود يشيني


همسه

من قال لك يقول بك عند غيرك=هذا هو المعروف بالقيل والقال
وهذا زمن ميشاف جودك وخيرك=وتسلك ليامن سرت نصاب محتال
بسكة هل المعروف محدن خشيرك=الا القليل اللي على طيبة الفال


النفس ماموره

يالجتي لجة خلوجن تجر الصوت=لها فوق خمس اشهور بالشبك مقهوره
على نواظرها بدى ليلها المكبوت=على ديارن بول الوسم ممطوره
ويا حن قلبي حن مورن طلع منحوت=قبل يطلع الطلعه خرب فيه ماسوره
ولهيب الحراره طيرت بوية الكبوت=الجو حامي وانشعر راس ماطوره
على الصاحب اللي شاتني بالموده شوت=مثل شوتة المهزوم لا شات له كوره
يبي يكسب الفرصه قبل لا يفوت الفوت=وجاب التعادل وهتفو كل جمهوره
عليه الله اكبر وسط عينه سحر هاروت=غمرني هواه وصارت النفس ماموره
خذا قلبي المزيون كني على ريموت=امسيرني بكيفه ودايم على شوره
انا اشهد شهادة حق ماطاب ليه قوت=وحالي رديه من لها أيام مضروره
والفرق واجد ياعرب بين موت وموت=موت القدر والثاني اسباب غندوره
انا انتل قلبي وانصرم عرقه المبتوت=معاليقي اللي تمسك القلب مبتوره


شقاي ودماري

هاتي علومك قولي اللي تقولين=ما عاد للفرحه بعيني مواري
يا حسرة الماضي ولوعات بعدين=الويل صبري والجروح اعتذاري
ضاع العمر وانا احترق بين نارين=بحلان تايه بين ناري وناري
بين العذاب اللي مطاولني اسنين=وما بين صد تعلنينه اجهاري
يا قاسيه متى عليه تحنين=جيبي ولو مره للافراح طاري
ليتك مثل ماذقت مثلي تذوقين=المر والفرقى وهل العباري
مثل الحلوم ليا طرا وقتي الزين=ماله رجا ماهوب حول المحاري
وقت الوناسه والسعاده هك الحين=ولا الشقى توه جديد الاثاري
الله خلقني من حساب الشقيين=زادنتي خلق الله شقاي ودماري
رحتي جفا ولاطرى لك تعودين=وجيتي وانا متمسكن في قراري
ان كان ذا طبعك تجين وتروحين-يبي يسير الياس شين اجباري



ابرك الحزات

ترى الرفيق ليا تغير مع الوقت=ان ابرك الحزات حزت فراقه
ياصار ما ياقف بصفك ليا ضقت=عده عدو لوهو من ادنا الرفاقه
كم واحدن لا غاب عني تضايقت=وكم واحدن مليت كثر اختفاقه
يابو محمد يوم بالناس برقت=لقيت ضحك السن ماهو صداقه
ورتني الدنيا وشفت وتحققت=وقطعت مع بعض الكثير العلاقه


التعاليل

انا من اللي يرغبون التعاليل=وكيف اتونس حالتي مستضره
واحظ عينن كل ما روح الليل=تنام مرتاحه بلين ومسره
طاف الرجا وتنا الليال المقابيل=والصبر راح ولا بقا منه ذره
انا زماني شفت منه الغرابيل=عيا البخت يجود لو كان مره



((جروح ظاميه))


مديت دربيلي على ماضي اطلال=على جناح الوقت مرت وولت
حلمن حقيقي لكن ايامه اسمال=تباعدت لو عاودت ثم حلت
بقت رماد رسوم مضمونها زال=ترسبت في خاطري واظمحلت
ارجع لها بالذاكره عدة اميال=وزمت بي ابحور الخيال وتعلت
وتطاردت خيل القوافي والامثال=واجتاحت المكنون حتى استحلت
شربت من كيف الهواجيس فنجال=وسحابة شجوني نشت واستهلت
تهشمت وبروقها تشعل اشعال=وريضان صدري من مطرها تملت
هملولها لامن ضرب ناظري سال=ياليتها من قبل تمطر تجلت
نباتها ونه وترديد موال=وهموم تصرخ صابره لين كلت
وخريف نسياني رجيته ولا زال=يتلي جروحن ضاميه لين علت


العناء والتحدي ....

ممشا الطريق الطايل المستمدي=عجزت اعرف بدايته من مناهيه
وجنبت عن هاك الطريق المودي=تركت سيراته لناسن تماشيه
انا من الايام وش عاد ندي=الا اني افهم كل شي بمعانيه
هذا الزمن فيه العنا والتحدي=وكلن يشوف امن القرايب معاديه
مادام لي عينن نضرها يقدي=الله كفيل وكل شين يسويه
والضد يوجد له مع الضد ضدي=مافيه ضد الاوضده يباريه
وعسى الحسود اللي يسد ويلدي=دايم تعيس وبسط رزقه ينافيه
يانفس لوميني وانا مستعدي=لومي وانا قابل للومك وهاتيه
اعطيك عن بعض المخاليق صدي=اجنب الدرب المحايد واخليه



أيامي الفايته.......

وش بقا يا البياض اللي غشاك السواد=سـود الله وجيـه أيامـي الفايـتـه
نوخن بـي وأنـا متجـود بالشـداد=وخانـت الفايتـه بالليلـة البايـتـه
الحسانـي قديمـه والخطايـا جـداد=أسرفن بي وعذري واضحة غايتـه
ايه اسولف على نفسي وأسند الـواد=ثم أفيض مع الـوادي ليـا نهايتـه
عثرة الحظ الأولى قلت كبوة جـواد=اثري هالحظ الأقشر طايحه رايتـه
رامي رشاي يوم ن الليالـي بـراد=ويوم صيفت خـان الدلـو سنايتـه
اتفـرس و أدور بالوجيـه الوكـاد=ما لقيت الصحيح وضاعت روايتـه
باهته كل صوره معتليهـا الرمـاد=ليل و الجدي ضاعوا كـل سرايتـه
ما بقا شي يسوى يوم ثـار الزنـاد=الوفا بـار سوقـه ويـن شرايتـه؟
ومن شكا ما بكاني ما عليه اعتمـادودربي اللـي بديتـه بـأول بدايتـه


خيوط اليل....

الشمس لا ودعت يكتب عزاها الشفق=بحروف تقرأ خيوط الليل مضمونهـا
وعادة الأشجار تهدي للخريف الورق=وتبقى حزينة تصيح الريح بغصونهـا
هي المحبة كذا من قال بلوى صـدق=مرات يا صعبها ومرات يـا هونهـا
يموج قلبي ليا بـان القمـر وادرق=بالغيمة اللي فضح لون القمر لونهـا
يا خد يا مصطبح بالنور يـا مغتبـق=سولف لمفرق نحرها وجد مضنونها
يا هيه سولف لشلال الشعر لا اندفق=اليا استجن الهبوب وداعب متونهـا
الله خلق لكن الله بين خلقـه فـرق=عينتني يوم باحـت لـي بمكنونهـا
قام الخفوق يتفلت بالضلوع وخفـق=من يوم ذاب السكات وسال بعيونهـا
تنعس بليا نعاس وجفنها ما انطبـق=تهز ليل الرمـوش وتنثـر فنونهـا
وانشد الليل والسارق عن اللي سرق=والوم ليلى على تعذيـب مجنونهـا
لا طالعـت كنهـا ريميـةٍ تصطفـق=لدت وشافـت قوانيـص يشوفونهـا
أخمر حديهم وسدد بندقـه وانفهـق=وفزت من الذعر واقفت قبل يرمونها
هذا هو الريم لامن هج مـا ينلحـق=بعد الخريعة حشا ما عـاد يلقونهـا



أيام نوح ....

لادعتني عيونك جيت كلـي وضـوح=ابتدي بك غرام ولا انتهـى بـك بـدا
تستفز المشاعـر لـو خيالـك يلـوح=كيف لا صرت عندي بين صوت وصدا
كن قلبي ليا من جيـت تبغـي تـروح=عشب صيف عروقه ما تطول النـدى
عندي الانتظار أطول من أيـام نـوح=كل ما ارد قلبـي مـع دروبـك غـدا
اي لك الله نبت لك داخل الـروح روح=أصلها با الخفوق وفرعها لـك مـدى
أشتريك اشتريك ولو ثمنـك الجـروح=خلّك الطيب دايم والظـروف الـردى



(شقا عمري )........

اكتب شقا عمري على كفي يمناك=وارسم على صفحـــت حياتك عذابي
حدد لي الخطوه علــى بدر ممشاك=مسمـــوح قـــيدني من اول شبابي
الـــــــوذ للحســـره اذا حـل طرياك=تجبـــــــرني الغــربه اطـول غيابي
تــلعبي الـــدمعه على كـف ذكراك=تـــجبرني الـــبسمه ولا احـد درابي



(رجم القصيد)................
بــديت رجـــم القصـــــيد وهلــت العبره****** علــــى زمــــــان تعـــدى مـــــر متقافي
نبشت ســــالف حــــديث مات في قبره****** اعيــــش طـيفـــــه وانا من فوق مشرافي
اي والله ادري عن اللي فــــات واخبره****** الخــــافي اعظم وكيف انساك يا الخافي
اللــــي تـكسر تـكسر مـــا نــفـع جبره****** العمــــر يــــمضي وانــــا للحـزن ميلافي
اخـــــذت من الفــــايته للي تـجي عبره***** لـــــــو ان اثرها سفى من فوقه السافي
حظـــوظ تنهض وبعــض الحظوظ منثبره***** وحظـي برك وسط الطريق وطال ميقافي
لا جيت لــه بــاع طاح وضـاق بي شبره***** يــــا عنك حـــظ ردي ومــاهو .. سنافي
دم الليــــــل ثـقـيل وصـــــــابه،ن كبره****** ممشـــــــاي قــــدام كني ارجع اخلافي
يـــا باري الحــال هاك اللي بقى وابره****** لاتنشــــــد الحــال لاتنشـــــد عن اتلافي
كل شي على الله وانا ما في يدي دبره****** حالـــــــي تعـــــود ما دام العود متعافي


((لاطولت .. بعها!! ))

شفتـــــــــك هنـاك اطلال للحـب ورسوم////// وشفتــــــــك هنيــا ســاكن بالمحاني
فـــــــــاتت سنــه وأخـــر لقا كنه اليوم////// يـــــاصاحبي بعـض الـــثواني ثواني!
أركــض ورى الأيــــــــام واطيح واقوم////// أقـــول يمكــــن يفتكرني زمــــــاني؟!
الحـــــزن ابوي وخالي الشـــوم واللوم/////// والصـــــــبر جدي ى القصــايد اخواني
هــم وسهــر والليــل يضحك على النوم ////// يــقول خـلـّه جــــــــــابه الله وجـــاني!!
أعمى بــدونك وامشـــي الظهر منجوم////// وابـــكم بـدونــــــك حــل عقدة لساني
ياا اجمل قدر يا اجمل شقا كان مقسوم///// آمــــــــر .. وأطيعك لو زمـاني عصاني
اكتبــــــــك غــالي واكتب الحب مظلوم///// فــــــرقاك تبكيني وذكـــــــراك اغاني
لــــولا الغــــرق وش علــــــم الوز للعوم///// ولـــــــولا السفيــــنه وش نبي بالمواني
مـــــــا دام انـــا ملزوم بــك وانت ملزوم///// لاطـــــــولت بعـــــها ترى العمر فــــاني




(مراقيب السهر)........

اعـــدّي مراقيـــب السهــر في نــاظر(ن) ملهوف @
ليـــــا منه رقص قد الغـــــرام ودقت دفوفه
عليــك البـــــارح ارهيت الخيال اكثر من المألوف@
تنهض لك ورفــــرف والطواري جتك ملهوفه
اســـولف بك على نفسي ويذبحني عليك الخوف@
ويجيبـــك كل جرح وكل نومن تسكن طيوفه
تحـــــريـتـك وجـيـت ومن بعـــدها ما تهيا شوف@
تقـول انك تجيني لاكن الشوفه هي الشوفه
يــــــاحلوك يـــوم تقبــــل ناحز ولهان لين جوف@
يلاويك الهبـــــوب وتعتدل لا ارخاك هفهوفه
صــــدوق مــــاتتقي بالعذر نــاعم جميل وصوف@
تجي تعبـــان طاويك الغياب وصادق ظروفه
تـــــذري بـــااليدين من الخجــل والد لك مشغوف@
وتلد ببسمة تفهــــق عنـــا المــرواح بكلوفه
ســـواليفك دوا واحلى من الما بــــاول المصيوف@
لعطشـــــان خلاوي والمظامي حرقت جوفه
علــــى رجليـــه راح ولاهـــــداه الله وهو ملقوف@
مع خبالـــــــه عنيد ويمشي بـرجليه لحتوفه
نوى الله له حياة بدرب من يشـفق على المعروف@
عقب مـــاطاح واذهل به ظماه وخانه وقوفه
ســـــواليفك تراها حلى من التوصيف والموصوف@
تراك انت القصيد انت اوله وانت اجمل حروفه
على كبر الريـاض ومابها من شوف يغري الشوف@
مــايغري لا رقص قلب الغـــرام ودقّت دفوفه



( جمله مفيده ).........

بين الوهــــم والحقيقــه والـزمان الكــذوب
جـــــمله مفيـــده وضـاق الكـون باعرابها
ضـــاق الفضا وين مخراجي ووين الهروب
اســـأل واهل مكه ادرى الــناس بشعابها
وجيـه تلمع وتشــــــــرب من غزير الذنوب
ووجيه تـــشرب سكات وتمســك اعصابها
كــــل الصراحه تدانتت شمســــها للغروب
بـــــــا فواه خلق تلوك الحقـــد بــانيابها
رمضــاي رمضا وتطـــرقني سمايم هبوب
وعينــي تشوف البيــوت وضــاعت ابوابها
اطــرد ورى حلمي اللي ضــاع بين الدروب
متي الليالي تهيــد وتــرخــــي ارقــابها؟!
وين انت يا الصبح كم لك با الظلام محجوب
تعال واهــــزم جيـــــوشه وا كسر احرابها
اللي بقـــى لي مـن الفــرحه بقايا الحروب
امــواقــع ارض بقـــايـــــا المـــوت بترابها
امـــــواج وقتي تقـــاذفني شمال وجنوب
محتار كنــي قضيــه مـــــات طـــــــّلابها!
في دفتــــر ايام عمري كــل شي محسوب
لي قصة لا اختليــــت بنفسي اقـــــــرابها
مــؤمن وهــذي هي الدنيا نجـــاح ورسوب
القســــمه اللي مــن الله لازم ارضـــــــابها
كلّي محبــه لــو ان الحـــزن مــن كل صوب
وكلّي دمـــــوع تصب الوجــــد لا حبــابها
أحـــب واعشـــق واظن الحب مــاهو عيوب
لا شــك بعض القصايـد جــرحـي اولى بها





قصيده بعنوان ((لا غدا الليل ليلين ))
"المجاراه والأهــداء الى راشد بن جعيثين ,, "
,,

الله على اللي لا غدا الخط فـــــــرعين=يسبق ســريعات الريـــــــاح الصلايف
صنع ادمـــــي من فصيلة شيــــــاطين=مــخـــه نظيـــف ولاتــــهمه كــــلايف
عـليـه من شبـــــه الجـزيـر عنـــــاوين=دار بــــها نــــسل المــــــوحـد خلايف
سيــــاج نجد و وشـــعلة الحق والدين=وحمــــاة يـثـرب والحـــرم والمصايف
جمس جـديـد انـتــاج خــمسه وتسعين=آخـــر مـــــــــوديل وصانعينه ظرايف
ليـــا اشــتغل يـــا كن صوت القزوزين=رطن المـــــــريكي مثــل ماقال نايف
مـــا طور ضــخم وبــارك بين شاصين=بــــــركة حوار بأ يسر امـــــه مسايف
الى مشى يهوي اهواي الشيــــاهين=لا طـــــــيرن من راس غـــــــار مهايف
والا وســيـــــم طـالــعــنــه مــــزايين=الكــــل منهن بـــــــــاهره بالوصايف
قــــــامن ينــاجنه مــن القــلب والعين=واســتـــــدرجنــه بـــالعلوم اللــطايف
جـــمس جــديــد ولـو بعــض قيمته دين=لـــو زاد سعــر الجمس ماهي حسايف
وســـواقه اللي لا غـــــدا الليل ليليــن=مــــــايطري الذلــــه ولاقــــيل خايف
مايـــرتعد ضــاري على الزين والشين=قــــــلبه حجر بـــين الضلوع النحايف
من عـــــادته مـــا يــرجع بخفّي حنين=قـــــرم وفطين وبالمساري "درايف"



قصيده بعنوان((أزرق النيل))
"اهدا :الى نايف كريم والاحساء"

انـا ادري ان الـبـــراد بنــاخـي ســــهـــــــيل
والاالجـــــدي بـاوسـط الرمــضــــا شـــــــواني
وانا ادري ان الســـوالف والتــفــاصـــــــــيل
مـن دون الانصــــــــــات اهـانـه يالســـــــــاني
يـامــــا تحــــملت لـوم النـاس بالحـــــــــــيل
أجـــــــامل النــــــــــاس رجــــــــــــال تــراني
علـى سـجـيـه مــا احب اخــطي ولا اعيــــل
مـــادامــــهـــــــا تـنـبلع مــــــــــــرخي بـــطاني
لـو اتـكلـم واطيع القـــــــال والقـــــــــــيل
غـص الحــــــــــــديث بثـقـيــــــــــلات المعـــــاني
اشـــــــوف تـالـي سنـيـنك يـا ازرق النيل
حلوك تغـــــــيــر وصـــــــــــــــرت بلـــون ثاني
مـــرتـنـي ايام مـــــامنها مــحـــاصـــــيل
لـولا الرجــــــــا مـــــــــا اتحــــرك من مكاني!
للحـــــزن يامـــــا ورا ضلوعي مــــداهيل
اليـــــا سـبـــقني وقف لي واحــتــــــراني
أكــتب جــــروحي واترجـمـها تمــاثــيل
لو للشـــــعـــــــــر روح للعــــــــالم قــراني
لاهيـــــــــضني حـــــــــزينات المواويل
أقـف بنص الطـريـق الــلي مــشــــــــــــاني
يانـايف الـوقت ورانـي غــــــــــــرابيل
أظن عندك خــبـــــــــر قــصــــة زمـــــاني
خــــابرك راعي وناســــــات وتعـاليل
لا ضــــقت هجـــيت من ضـــوضــــا المباني
تشب ضـــــــوك ليــــــا حل اسمر الليل
كـم لـيـلة رحــت للبـــــــــــــــران عـــــاني
عــسى الـحسـا كل بدري وسم للسيل
الـلي بـهــا للـفـــــــــرح شـط ومـــــــــــواني
لا جيتـها انـسى هـمــومي والــبهاذيل
أزبـن لهـــــــا من عـــــــــــــذابي لاغــــزاني


ياللي تقولين....

ياللي تقولين متعب فايض كيله
بعض المواضيع ما تطري على بالي
يوم إن وقتي غزاني وأرجست خيله
صمدت لين الليالي شينت فالي
أمشي وهمي يباريني وأباري له
وأهيم كني بديرة مابها والي
الليل ظلما وخانتني قناديله
ياما إنتظرت الشروق ولا تهيالي
سلاحي الصبر لامن ضاقت الحيلة
أحب أواجه واحط الواقع قبالي
ومن صد عني ليا صديت ما أجيله
من عادتي ما التفت لوجيه عذالي
يابنت ماني حديث ٍ صعب تأويله
إنسان واضح ولا حبيت ما أبالي
إن كان لك قلب لين غض قولي له
هو من متى يخطي الغالي على الغالي ؟؟
كلامك العذب يا شينه و يا حليله
تكذب عيونك وأصدقها من هبالي
يابنت صرتي مثل برجي وأقاويله
وش يضمن إني بقلبك ساكن لحالي ؟؟
الهرج مايفيد تقصيره وتطويله
يا ليتني ماعرفتك يمكن أشوالي

هاجس اللذااات,,,

البـــــارحه مـر.. زولك بالخيــال وسريت
بـالبــــال طرياك مـــــرتني ومــــرّيتــــــها
مــاهي غـريبـه عليه كل ســــاعه طريت
يالـيـتها قـــّربتك شــــوي يالـيتــــــــــها
مشتـــاق لك لا تــذكرني تــرى مانسيت
وشـلـون ابنســــاك وانت الروح سـاويتها
لاجيــت يمـــك جلست وفي بهاك التهيت
أنسى مــعك زحـمـة الفــرقـــا وتشتيتها
حبيـــت حــزني عليك وبالعـذاب احتفيت
يـوم المعــــاليق لدّت لك وشـــد يتـــــــها
أنــت الــبدايه..وأنـــا كلي معك ابتديت!
لقــيت طعم الحـيــاه وفــيـــك حسيتـــها
قـــبلك مع العــالم المغرور طفت ومشيت
بااخـــر مــحطه وقــفت ولا .. تعديتـــــها
كنت اتخيــــل واقول اني هويت وهويت
"وحــــده" تحـــسفت يوم اني تمنيتــــها!
يوم انهدم بالخيــــال وطاح .. مليون بيت
بنيت الأحــــــلام من ثـاني وســــويتـــها
هذا .. أنت مالي فراغي حب من يوم جيت
صــدفـه بتــالي عــذابي مـا تحريتــــها
أنا صناعة زمــــان وكـم تعـــبت وشقيت
كـل المراره من ايــامي تـقـهويتـــــــها
صــامت ومـحتار مـــثل الخايف المستميت
وآمــــد كـــــفى أمل مــا يوم رديتـــها
فرحت فرحه زمان .. وقصرت ما اكتـفيت
ياهاجس الذات مــدري .. وين وديتــــها؟
بي جرح لولاي اذله من بلاه انتـــــهيت!
كـم ونة ضـيـقت صـــدري وونيتـــــها!
ولي راي ماخــذ بداله ضعت والا اهتديت
دروب دروب .. اضــيـعـهـا ودّلـيـــــتها

الخاطر المنصاب,,,,
على الله متى يرتاح هالخافـق المنصـاب
00000000000تكسر علـى درب(ن) طويلـه مشاويـره
تهـزه أعاصيـره علـى قفلـة الأبـواب
000000000000هواهـا قـوي والضغـط فايـق لتقديـره
تهرول ثوانـي ساعـة الهايـم المرتـاب
000000000000دوبه مسك نفسه علـى حـد دحـد يـره
فهرس حياته ضاع فـي دبـرة الأسبـاب
00000000000من أيامه القشرا غبـط واحـد(ن) غيـره
زمانه خريف وكنه اللي بوسـط أغـراب
0000000000غريب(ن)بوسط أحباب وهمومـه تديـره
شاب الفرح في خاطره والحـزن ماشـاب
000000000000تشب الهمـوم مـن الغرابيـل والحيـره
الى طاب جرحه واستلـذ بشقـاه وطـاب
0000000000000تنفـض وزاد وثـم شـره غلـب خيـره
تحرى ومل مـن التحـري وصبـره ذاب
00000000000000حظـه تعثـر وانهـزم صابتـه ذيــره
يحاكي ليال(ن) كنها حلـم ليـل وغـاب
0000000000000تـوارت بفرحتهـا وبقـت لـه السيـره
شموع(ن) من الماضي طفت في زمن كذاب
00000000000000يواعـد ولايوفـي تـلاشـت تباشـيـره
الأ يازمان الشوم واللوم لـي وش جـاب
000000000000أبي الربـح منـه وطاولتنـي مخاسيـره




وتقبلواااااااا تحياتي !!!
,,,,




 توقيع :


رد مع اقتباس
قديم 24-01-2011, 11:36 AM   #2


الصورة الرمزية تركي عبدالله العنزي
تركي عبدالله العنزي غير متواجد حالياً

بيانات اضافيه [ + ]
 رقم العضوية : 343
 تاريخ التسجيل :  Dec 2009
 أخر زيارة : 26-06-2016 (02:58 AM)
 المشاركات : 5,569 [ + ]
 التقييم :  10
لوني المفضل : Cadetblue

اوسمتي

افتراضي



الله عليك يانادر

وبيض الله وجهك

قريت اول قصيده وتيقنت ان هذه القصائد

لاااااااتصلح للقراءه على عجل

بل تحتاج عوده قريبه جدا للقراءه والتأمل

اخي نادر الف شكر لك على هذا المجهود الذي تشكر عليه

فهكذا شعر يستحق القراءه وهكذا شاعر يستحق المتابعه

فلي عوده قريبه جداااا لهذا الابداع

ملاحظه : لازلت انتضر الرساله على الأميل



.


 
 توقيع :
الرجل لاهزته ريح الحميا=لايدور كسرها يبغا ذراها
ياعسا رجلٍ عن الفزعات عيا=ينحرم من شيبته ولا ضناها
واهني اللي له الجزله تهيا=حافض المعروف والسيه نساها

تركي عبدالله العنزي


رد مع اقتباس
قديم 24-01-2011, 07:31 PM   #3


الصورة الرمزية ஜ نــادر ألـولدعے ஜ
ஜ نــادر ألـولدعے ஜ غير متواجد حالياً

بيانات اضافيه [ + ]
 رقم العضوية : 1410
 تاريخ التسجيل :  Dec 2010
 أخر زيارة : 06-02-2012 (11:15 PM)
 المشاركات : 214 [ + ]
 التقييم :  10
لوني المفضل : Cadetblue
افتراضي



ابو عبدالله

نورت الموضوع بمروركـ الراقي لاعدمتكـ

واستلم رسالتي ع الخاص...


 


رد مع اقتباس
إضافة رد


الذين يشاهدون محتوى الموضوع الآن : 8 ( الأعضاء 0 والزوار 8)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:31 PM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education